Yakobo 1:4 - ŊMALƐ KRƆŊKRƆŊ LƐ

⁴ Ni nyɛhãa hiɛmiamɔ lɛ agbea enitsumɔ naa kɛwulaa shi, koni nyɛhi kɛwula shi ni nyɛye emuu ni nɔ ko akashwɛ nyɛ.

Ṅmãle̱ Kroṅkroṅ Le̱

⁴ Ni nyehãa tšuišiṅmē le̱ agbea enitšumo̱ nā ke̱-wulaä ši, koni nyehī ke̱ wula ši, ni nyeye emū, ni nokonoko akafe̱nye

Yakobo 1:4 ပူးပေါင်းရင်းမြစ်များ

Hiob 17:9

Kɛ̃lɛ jalɔ lɛ fiɔ shi yɛ egbɛ lɛ nɔ, ni mɔ ni niji ahe tse hewalɛ shwereɔ kɛyaa naanɔ.

Lalai 37:7

Feemɔ dioo yɛ Yehowa hiɛ, ni oto otsui shi omɛ lɛ. Kaawo otsui he la yɛ mɔ ni egbɛ eja ehã lɛ lɛ hewɔ. Kaawo otsui he la yɛ mɔ ni toɔ ŋaai fɔ̃ji ni etsuɔ amɛhenii hu lɛ hewɔ.

Lalai 40:1

Mikɛ tsuishitoo kwɛ Yehowa gbɛ; eba etoi shi, ni enu mibolɔmɔ lɛ.

Abe̱i 4:8

Buu nilee akɛ nɔ ko ni jara wa, ni eeewo onɔ; kɛji oloo lɛ atuu lɛ, eeewo ohiɛ nyam.

Habakuk 2:3

Ninaa nɛɛ be lɛ shɛko moŋ, shi eeye ehe oyai kɛba. Kɛji eshashao shi tete po jiŋŋ, bo lɛ mɛɛ, ejaakɛ ebaaba kɛ̃ ni etsɛŋ.

Mateo 10:22

Ni mɛi fɛɛ aaanyɛ nyɛ yɛ migbɛi lɛ hewɔ; shi mɔ ni hiɛɔ mli kɛyawulaa shi lɛ, aaahere eyiwala.

Mateo 19:20

Oblanyo lɛ kɛɛ lɛ akɛ, “Enɛɛmɛi fɛɛ lɛ miye nɔ kɛjɛ migbekɛbiiashi. Mɛni shwɛɔ mi lolo?”

Mateo 5:48

No hewɔ lɛ, nyɛhia kɛwulaa shi, tamɔ bɔ ni nyɛTsɛ ni yɔɔ ŋwɛi lɛ hi kɛwula shi lɛ.”

Marko 10:21

Ni Yesu kwɛ lɛ ni etsui mɔ lɛ, ni ekɛɛ lɛ akɛ, “Eshwɛ bo nɔ kome: Yaa ni oyahɔ̃ɔ nii fɛɛ ni oyɔɔ ni okɛhã ohiafoi, ni ooona jwetri yɛ ŋwɛi; ni oba ni obanyiɛ misɛɛ.”

Luka 18:22

Ni be ni Yesu nu enɛ lɛ, ekɛɛ lɛ akɛ, “Eshwɛ bo nɔ kome lolo; yaahɔ̃ɔ nibii fɛɛ ni oyɔɔ lɛ ni okɛ shika lɛ aja ohiafoi, ni ooona jwetri yɛ ŋwɛi; ni oba obanyiɛ misɛɛ.”

Luka 21:19

Hiɛmiamɔ nyɛkɛaahere nyɛsusumai lɛ.”

Luka 8:15

Shi shikpɔŋ kpakpa nɔ bii lɛ ji mɛi ni kɛji amɛnu wiemɔ lɛ amɛkɛtoɔ tsui ni hi ni yɔɔ krɔŋŋ mli, ni amɛkɛ tsuishiŋmɛɛ woɔ yibii.”

Yohane 17:23

Miyɛ amɛmli, ni bo hu oyɛ mimli, koni amɛfee ekome kɛwula shi, ni je lɛ ale akɛ bo otsu mi, ni osumɔɔ amɛ tamɔ osumɔɔ mi lɛ.

1 Korintobii 2:6

Shi kɛ̃lɛ wɔwieɔ nilee wiemɔ yɛ mɛi ni edara yɛ mumɔŋ lɛ ateŋ, shi jeee je nɛɛ mli nilee loo je nɛɛ mli nɔyelɔi ni jeee fɛifɛi lɛ anilee.

Galatabii 6:9

Shi nyɛkahãa ekpakpafeemɔ miitɔa wɔ, ejaakɛ kɛ wɔnijiaŋ ejeee wui lɛ, wɔbaakpa hu yɛ be ni sa mli.

Kolosebii 4:12

Epafra ni jɛ nyɛteŋ ni ji Kristo tsulɔ ni daa nɛɛ ekɛ mɔdɛŋbɔɔ hiɛ sɔlemɔi amli waa kɛhã nyɛ, koni nyɛdamɔ shi akɛ mɛi ni eye emuu ni amɛyimɔ obɔ̃bɔ̃ kɛ Nyɔŋmɔ suɔmɔnaanii fɛɛ feemɔ lɛ, miibi nyɛ.

1 Tesalonikabii 5:23

Shi hejɔlɛ Nyɔŋmɔ lɛ diɛŋtsɛ atsuu nyɛhe kwraa kɛmɔ shi, ni eto nyɛmumɔ kɛ nyɛsusuma kɛ nyɛgbɔmɔtso muu lɛ fɛɛ ni shwamɔ ko akahi he yɛ wɔNuŋtsɔ Yesu Kristo baa be lɛ mli.

2 Timoteo 3:17

koni Nyɔŋmɔ gbɔmɔ lɛ aye emuu, ni asaa lɛ pɛpɛɛpɛ ahã nitsumɔ kpakpa fɛɛ nitsumɔ kpakpa.

Hebribii 13:21

lɛ esaa nyɛ ehã nitsumɔ kpakpa fɛɛ nitsumɔ kpakpa, ni nyɛfee esuɔmɔnaanii, ni etsɔ̃ Yesu Kristo nɔ efee nɔ ni sa ehiɛ yɛ nyɛmli. Lɛ aŋɔ anunyam ahã kɛyashi naanɔi anaanɔ lɛ. Amen!

Yakobo 1:5

Shi kɛ nilee he ehia nyɛteŋ mɔ ko lɛ, ekpa Nyɔŋmɔ ni hãa mɛi fɛɛ faa ni ewieee mɔ ko hiɛ lɛ fai, ni aaahã lɛ.

Yakobo 3:2

Ejaakɛ wɔ fɛɛ wɔtɔ̃ɔ babaoo. Kɛji mɔ ko tɔ̃ɔɔ yɛ wiemɔ mli lɛ, lɛ lɛ gbɔmɔ ni hi kɛwula shi ji lɛ, ni eyɛ hewalɛ akɛ ekɛaawo gbɔmɔtso muu lɛ fɛɛ manyoflɛ.

1 Petro 5:10

Shi dromɔ fɛɛ Nyɔŋmɔ ni tsɛ nyɛ kɛba enaanɔ anunyam lɛ mli yɛ Kristo Yesu mli lɛ, kɛ nyɛna amanehulu fioo nɛɛ etã lɛ, lɛ diɛŋtsɛ eeesaa nyɛ pɛ, ni eeewaje nyɛ, ni eeewo nyɛ hewalɛ ni eeehã nyɛfi shi shiŋŋ.

2 Petro 1:9

Ejaakɛ mɔ ni bɛ nɛkɛ nii nɛɛ lɛ, lɛ lɛ shwilafo ji lɛ, ni enaaa shɔŋŋ nii, ni ehiɛ ekpa ehe ni atsuu kɛjɛ eshai ni efee sa lɛ amli lɛ anɔ.