Yakobo 1:3 - ŊMALƐ KRƆŊKRƆŊ LƐ

³ ejaakɛ nyɛle akɛ nyɛhemɔkɛyeli kaa lɛ kɛ hiɛmiamɔ baa.

Ṅmãle̱ Kroṅkroṅ Le̱

³ edšake̱ nyele ake̱ nyehemo̱-ke̱-yeli kā le̱ tšé̱o̱ tšuišiṅmẽ ke̱-baä.

Yakobo 1:3 ပူးပေါင်းရင်းမြစ်များ

Luka 21:19

Hiɛmiamɔ nyɛkɛaahere nyɛsusumai lɛ.”

Romabii 15:4

Ejaakɛ nibii abɔ ni aŋma ato momo lɛ, aŋma ni etsɔ̃ɔ wɔ nii, koni wɔkɛ hiɛmiamɔ kɛ ŋmalɛi lɛ amli miishɛjemɔ lɛ ana hiɛnɔkãmɔ.

Romabii 2:7

mɛi ni kɛ tsuishiŋmɛɛ hiɛɔ ekpakpafeemɔ mli ni amɛtaoɔ anunyam kɛ woo kɛ shihilɛ ni fiteŋ lɛ, eeehã amɛ naanɔ wala;

Romabii 8:25

Shi kɛ nɔ ni wɔnaaa lɛ nɔ wɔhiɛ kã lɛ, belɛ wɔkɛ tsuishiŋmɛɛ kwɛɔ lɛ gbɛ.

Romabii 8:28

Shi wɔle akɛ mɛi ni sumɔɔ Nyɔŋmɔ lɛ, nibii fiaa yeɔ buaa amɛ ni ahi ahã amɛ, amɛ mɛi ni atsɛ amɛ yɛ yiŋtoo naa lɛ.

2 Korintobii 4:17

Ejaakɛ wɔmanehulu ni jaraaa ni asaŋ esɛɛ etsɛɛɛ nɛɛ, baahã wɔna naanɔ anunyam kpele ni jara wa aahu;

Kolosebii 1:11

ni awaje nyɛ kɛ hewalɛ fɛɛ yɛ enunyam nyɛmɔ lɛ naa. No ahã nyɛnyɛ nyɛmia nyɛhiɛ ni nyɛto nyɛtsui shi kɛ miishɛɛ yɛ nɔ fɛɛ nɔ mli.

2 Tesalonikabii 1:4

No hewɔ lɛ, wɔdiɛŋtsɛ tete wɔshwãa wɔfɔ̃ɔ nyɛnɔ yɛ Nyɔŋmɔ asafoi lɛ amli, yɛ nyɛhiɛmiamɔ kɛ nyɛhemɔkɛyeli ni nyɛhiɛ yɛ nyɛyiwalɛi kɛ nyɛmanehului ni nyɛnaa lɛ amli lɛ hewɔ.

2 Tesalonikabii 3:5

Nuŋtsɔ lɛ akudɔ nyɛtsuii kɛya Nyɔŋmɔ suɔmɔ kɛ Kristo tsuishiŋmɛɛ lɛ mli.

Hebribii 10:36

Ejaakɛ tsuishitoo he ehĩa nyɛ, koni, be ni nyɛfee Nyɔŋmɔ suɔmɔnaanii lɛ, nyɛnine ashɛ shiwoo lɛ nɔ.

Hebribii 12:1

No hewɔ lɛ, agbɛnɛ wɔ hu, akɛni wɔyɔɔ odasefoi babaoo ni ebɔle wɔ tamɔ atatu nɛɛ, nyɛhãa wɔshɛa jatsu fɛɛ jatsu kɛ esha ni ebɔle wɔ kpula lɛ wɔfɔ̃a. Ni wɔkɛ hiɛmiamɔ ada foi ni kã wɔhiɛ lɛ.

Hebribii 6:12

koni nyɛkafee kpɔkee, shi moŋ nyɛkɔ mɛi ni tsɔ̃ɔ hemɔkɛyeli kɛ tsuishitoo nɔ naa shiwoi lɛ anane.

1 Petro 1:7

No aaahã ana nyɛ hemɔkɛyeli salɛ lɛ akɛ ejara wa aahu fe shika ni fiteɔ ni aka yɛ la mli tete, kɛhã yijiemɔ kɛ woo kɛ anunyam yɛ Yesu Kristo kpojiemɔ lɛ mli.

2 Petro 1:6

nyɛkɛ henɔyeli afataa nilee lɛ he; nyɛkɛ hiɛmiamɔ afataa henɔyeli lɛ he; nyɛkɛ Nyɔŋmɔ gbeyeishemɔ afataa hiɛmiamɔ lɛ he;