Yakobo 1:25 - ŊMALƐ KRƆŊKRƆŊ LƐ

²⁵ Shi mɔ ni kwɛɔ heyeli mla ni hi kɛwula shi lɛ fitsofitso ni ekãa he efeɔ ni ejeee mɔ ni nuɔ ni ehiɛ kpaa nɔ, shi moŋ etsuɔ he nii lɛ, nakai mɔ lɛ aaajɔɔ lɛ yɛ efeemɔ lɛ mli.

Ṅmãle̱ Kroṅkroṅ Le̱

²⁵ Ši moni mãa eyi ši ekwe̱o̱ *heyeli mla ni hĩ ke̱-wula ši le̱ mli, ni ekãa he, ni edšee moni nuo̱ ni ehĩe kpaā no̱, ši moṅ edši no̱yelo̱ ni tšuo̱ he nii le̱, nakai mo le̱ †aadšō̱le̱ ye̱ eno̱yeli le̱ mli, *2.12. Rom. 8,2. †Ioh. 13,17.

Yakobo 1:25 ပူးပေါင်းရင်းမြစ်များ

Lalai 106:3

Ajɔɔ mɛi ni yeɔ jalɛ sane ni amɛfeɔ nɔ ni ja be fɛɛ be lɛ.

Lalai 119:32

Manyiɛ okitãi agbɛ lɛ nɔ pɛpɛɛpɛ kɛji ogbele mijwɛŋmɔ mli.

Lalai 119:45

ni maye mihe kɛnyiɛ, ejaakɛ otsɔ̃ɔmɔi lɛ asɛɛgbɛ mitao.

Abe̱i 14:15

Mɔ ni jwɛŋmɔ mli kwɔɔɔ heɔ nɔ fɛɛ nɔ eyeɔ; shi hiɛtɛ̃lɔ leɔ enanenaa kwɛmɔ.

Yesaia 8:20

Nyɛtoa he akɛ, “Nyɛmɔa Yehowa wiemɔ lɛ kɛ ehe odaseyeli lɛ mli. Anɔkwa, nɔ ni nifeelɔi lɛ kɛɔ nyɛ lɛ, nɔ kpakpa ko ejɛŋ mli.”

Luka 11:28

Shi ehere nɔ akɛ, “Ajɔɔ mɛi ni nuɔ Nyɔŋmɔ wiemɔ lɛ ni amɛyeɔ nɔ lɛ moŋ!”

Yohane 13:17

Kɛji nyɛle nii nɛɛ, ajɔɔ nyɛ kɛji nyɛye nɔ.

Yohane 8:36

No hewɔ lɛ, kɛji Bi lɛ hã nyɛye nyɛhe lɛ, no nyɛaaye nyɛhe lɛɛlɛŋ.

Bɔfoi 13:43

Ni be ni mɛi ni yɔɔ kpeehe lɛ ekpa lɛ, Yudafoi kɛ mɛi ni sheɔ Nyɔŋmɔ gbeyei ni emɔ Yudafoi lɛ ajamɔ lɛ mli lɛ ateŋ mɛi pii nyiɛ amɛsɛɛ, ni Paulo kɛ Barnaba wie tsɔ̃ɔ amɛ, ni amɛwo amɛ ŋaa akɛ amɛhi Nyɔŋmɔ dromɔ lɛ mli.

Bɔfoi 2:42

Ni amɛhiɛ bɔfoi lɛ atsɔ̃ɔmɔ lɛ kɛ naanyobɔɔ lɛ kɛ abolookuumɔ lɛ kɛ sɔlemɔi lɛ amli.

Bɔfoi 26:22

Shi Nyɔŋmɔ yelikɛbuamɔ naa mikɛdamɔ shi kɛbashi ŋmɛnɛ gbi nɛɛ nɔ, ni miyeɔ odase mitsɔ̃ɔ mɛi bibii kɛ mɛi wuji nɛɛ, ni miwieee wiemɔ ko akɛ ja nii ni gbalɔi lɛ kɛ Mose hu ewie akɛ ebaaba lɛ,

Romabii 11:22

No hewɔ lɛ, kwɛmɔ Nyɔŋmɔ mlihilɛ kɛ bɔ ni ekɛ mɔ yeɔ waa hu, ekɛ mɛi ni egbee shi lɛ yeɔ waa, shi bo lɛ, emli hi yɛ onɔ kɛji ohi emlihilɛ lɛ mli lɛ; kɛjeee nakai lɛ, bo hu aaafo bo ashɛ afɔ̃.

Romabii 2:13

Ejaakɛ jeee Mla lɛ nulɔi ji jalɔi yɛ Nyɔŋmɔ hiɛ, shi moŋ Mla lɛ nɔyelɔi ji mɛi ni aaabu amɛ akɛ jalɔi.

Romabii 7:12

Hewɔ lɛ Mla lɛ yɛ krɔŋkrɔŋ, ni kitã lɛ yɛ krɔŋkrɔŋ ni eja ni ehi hu.

Romabii 8:15

Ejaakɛ jeee nyɔŋ mumɔ nyɛna ni aaahã nyɛshe gbeyei ekoŋŋ, shi moŋ Mumɔ ni hãa mɛi tsɔ̃mɔɔ bii ni hãa wɔboɔ wɔtsɛɔ Nyɔŋmɔ akɛ, “Aba! Ataa!” lɛ.

Romabii 8:2

Ejaakɛ mumɔ mla ni hãa wala yɛ Kristo Yesu mli lɛ ekpɔ̃ mi yɛ esha kɛ gbele mla lɛ dɛŋ.

1 Korintobii 15:58

No hewɔ lɛ, minyɛmimɛi ni misumɔɔ, nyɛfĩa shi ni nyɛkagbugbãa ni nyɛtekea nɔ yɛ Nuŋtsɔ lɛ nitsumɔ lɛ mli daa nɛɛ, ejaakɛ nyɛle akɛ nyɛdeŋmegbomɔ lɛ efeŋ yaka yɛ Nuŋtsɔ lɛ mli.

2 Korintobii 13:5

Nyɛkaa nyɛ diɛŋtsɛ nyɛhe nyɛkwɛa akɛ nyɛyɛ hemɔkɛyeli lɛ mli lo? Nyɛtaoa nyɛ diɛŋtsɛ nyɛmli nyɛkwɛa. Aloo nyɛleee yɛ nyɛ diɛŋtsɛ nyɛhe akɛ Yesu Kristo yɛ nyɛmli? Kɛ nyɛleee nakai lɛ, mɛi ni esaaa kwraa ji nyɛ.

Galatabii 2:4

Mɛi ni wo ketiafoo sane nɔ ji amale nyɛmimɛi komɛi ni ju shi kɛbafutu wɔ, ni amɛba nigii koni amɛbasara wɔhe ni wɔye yɛ Kristo Yesu mli lɛ, koni amɛye wɔ nyɔŋ;

Galatabii 5:1

Kristo ehã wɔye wɔhe, no hewɔ lɛ, nyɛdamɔa shi shiŋŋ, ni nyɛkahãa abɔa nyɛ nyɔŋyeli apã lɛ dɔŋŋ.

Galatabii 6:2

Nyɛjatsui lɛ nyɛkpeekpea nyɛhe kɛterea, ni nɛkɛ gbɛ nɔ nyɛaatsɔ nyɛye Kristo mla lɛ nɔ.

Kolosebii 1:23

Shi esa ni nyɛhiɛ hemɔkɛyeli lɛ mli ni nyɛdamɔ shi shiŋŋ yɛ shishitoo lɛ nɔ, ni nyɛkatsi nyɛhe kɛjɛ Sanekpakpa lɛ hiɛnɔkãmɔ lɛ he, Sanekpakpa lɛ ni nyɛnu ni ashiɛɔ atsɔ̃ɔ bɔɔnii fɛɛ ni yɔɔ ŋwɛi shishi, ni mi Paulo misɔ̃mɔɔ yɛ he lɛ.

1 Timoteo 2:15

Shi aaahere eyiwala kɛaatsɔ̃ bifɔmɔ nɔ, kɛji ehi shi kɛ hemɔkɛyeli kɛ suɔmɔ kɛ hetsemɔ kɛ heshibaa jwɛŋmɔ.

1 Timoteo 4:16

Ohiɛ ahi ohe nɔ, ohiɛ ahi tsɔ̃ɔmɔ lɛ nɔ, hii shi yɛ nii nɛɛ amli; ejaakɛ kɛji ofee enɛ lɛ, ooohere bo diɛŋtsɛ kɛ mɛi ni boɔ bo toi lɛ fɛɛ ayiwala.

Hebribii 12:15

Ni nyɛkwɛa ni ahia, koni mɔ ko akaŋmɛɛ Nyɔŋmɔ dromɔ lɛ he; koni shishifã kɛ joomɔ ko akakwɛ̃ ni ehao nyɛ ni akɛbule mɛi pii.

Yakobo 2:12

Nyɛwiea ni nyɛfea nyɛnii akɛ mɛi ni heyeli mla akɛbaakojo amɛ.

1 Petro 2:16

akɛ mɛi ni eye amɛhe, shi jeee mɛi ni nyɛkɛ nyɛheyeli lɛ aaafee efɔŋ nɔhaanɔ, shi moŋ akɛ Nyɔŋmɔ tsuji.

1 Yohane 2:24

No hewɔ lɛ, nyɛ lɛ, nɔ ni nyɛnu kɛjɛ shishijee lɛ, nyɛhãa no ahia nyɛmli. Kɛji nɔ ni nyɛnu kɛjɛ shishijee lɛ hi nyɛmli lɛ, no lɛ nyɛ hu nyɛaahi Bi lɛ kɛ Tsɛ lɛ mli.

Kpojiemɔ 14:13

Ni minu gbee jɛ ŋwɛi miikɛɛ mi akɛ, “Ŋmaa: Ajɔɔ gbohii lɛ ni gboiɔ yɛ Nuŋtsɔ lɛ mli lɛ kɛjɛ ŋmɛnɛ nɔ kɛyaa nɛɛ. Hɛɛ, Mumɔ lɛ kɛɛ, koni amɛjɔɔ amɛhe kɛjɛ amɛdeŋmegbomɔi lɛ amli ejaakɛ amɛnitsumɔi lɛ nyiɛɔ amɛsɛɛ.”

Kpojiemɔ 22:14

Ajɔɔ mɛi ni fɔɔ amɛtadei lɛ ahe, koni amɛna hegbɛ yɛ walatso lɛ he ní amɛtsɔ̃ agboi lɛ amli kɛbote maŋ lɛ mli lɛ.

1 Samuel 12:14

Kɛji nyɛaashe Yehowa gbeyei, ni nyɛaasɔmɔ lɛ, ni nyɛaaye egbee nɔ, ni nyɛtseŋ ekitã lɛ hiɛ atua, ni asaŋ nyɛ kɛ maŋtsɛ lɛ ni yeɔ nyɛnɔ lɛ fɛɛ aaanyiɛ Yehowa, nyɛNyɔŋmɔ, lɛ sɛɛ lɛ, nyɛjeŋ baaja ahã nyɛ.