Yakobo 1:22 - ŊMALƐ KRƆŊKRƆŊ LƐ

²² Shi nyɛtsɔ̃mɔa wiemɔ lɛ nɔyelɔi, shi jeee wiemɔ lɛ nulɔi kɛkɛ, ni nyɛkɛmiishishiu nyɛ diɛŋtsɛ nyɛhe.

Ṅmãle̱ Kroṅkroṅ Le̱

²² Ši nyetšōmo̱a wiemo̱ le̱ no̱yelo̱i, ni dšee wiemo̱ le̱ nulo̱i ke̱ke̱, ni nyeke̱mīšišiu nyedientše̱ nyehe. Mat. 7,26. Rom 2,13.

Yakobo 1:22 ပူးပေါင်းရင်းမြစ်များ

Yesaia 44:20

Mɔ ni yeɔ lamlu tete po, aaanu lɛ shishi. Esusumɔ kɔɔdɔŋ lɛ eha edu gbɛ, ni enyɛŋ eyiwala ehere, ni ekpɛlɛŋ nɔ, ni eeekɛɛ akɛ, “Kwɛ, nɔ ni yɔɔ mininejurɔ mli lɛ, jeee lakamɔnii ni lo?”

Yeremia 11:6

Ni Yehowa kɛɛ mi akɛ, “Yaashiɛ wiemɔi nɛɛ fɛɛ yɛ Yuda maji kɛ Yerusalɛm blohuiaŋ ni okɛɛ akɛ, ‘Nyɛboa nɛkɛ kpãŋmɔ nɛɛ mli wiemɔi lɛ toi, ni nyɛyea nɔ.

Obadia 1:3

Ohenɔwomɔ lɛ elaka bo. Omaŋtsɛmaŋ lɛ ma shi shiŋŋ yɛ tɛsaa nɔ, ni oshihilɛhe lɛ yɛ gɔŋ grɔŋŋ nɔ; ni no hewɔ ni okɛɔ ohe akɛ, ‘Namɔ aaanyɛ mi shi aba?’

Mateo 12:50

Ejaakɛ mɔ fɛɛ mɔ ni feɔ miTsɛ ni yɔɔ ŋwɛi lɛ suɔmɔnaanii lɛ, lɛ ji minyɛmi nuu kɛ minyɛmi yoo kɛ minyɛ.”

Mateo 28:20

ni nyɛtsɔ̃ɔ amɛ ni amɛye nii fiaa ni mikɛɛ nyɛ lɛ nɔ. Ni naa, mi lɛ mikɛ nyɛ yɛ daa kɛyaashi jeŋ naagbee lɛ.”

Luka 11:28

Shi ehere nɔ akɛ, “Ajɔɔ mɛi ni nuɔ Nyɔŋmɔ wiemɔ lɛ ni amɛyeɔ nɔ lɛ moŋ!”

Yohane 13:17

Kɛji nyɛle nii nɛɛ, ajɔɔ nyɛ kɛji nyɛye nɔ.

Romabii 2:13

Ejaakɛ jeee Mla lɛ nulɔi ji jalɔi yɛ Nyɔŋmɔ hiɛ, shi moŋ Mla lɛ nɔyelɔi ji mɛi ni aaabu amɛ akɛ jalɔi.

1 Korintobii 15:33

Nyɛkahãa ashishiua nyɛ. “Naanyobɔɔ fɔŋ fiteɔ jeŋba kpakpa.”

1 Korintobii 3:18

Mɔ ko akalaka lɛ diɛŋtsɛ ehe. Kɛji mɔ ko susuɔ akɛ nilelɔ ji lɛ yɛ nyɛteŋ yɛ je nɛɛ mli lɛ, efee ehe kwashia, koni etsɔ̃ nilelɔ.

1 Korintobii 6:9

Ani nyɛleee akɛ efɔŋfeelɔi anine shɛŋ Nyɔŋmɔ maŋtsɛyeli lɛ nɔ? Nyɛkahãa alakaa nyɛ! Ajwamãŋbɔlɔi loo wɔŋjalɔi loo gbãlãŋkulɔi loo hii ni tsɔ̃mɔɔ amɛhe yei hãa hii krokomɛi loo hii ni kɛ hii feɔ yakayakanii,

Galatabii 6:3

Ejaakɛ kɛji efeɔ mɔ ko akɛ mɔ ko ji lɛ be mli ni ejeee mɔ ko lɛ eeshishiu ehe.

Galatabii 6:7

Nyɛkalakaa nyɛhe, Nyɔŋmɔ lɛ aliii lɛ. Ejaakɛ nɔ pɛ ni gbɔmɔ duɔ lɛ, no nɔŋŋ ebaakpa.

Filipibii 4:8

Naagbee lɛ, anyɛmimɛi, nii abɔ ni ji anɔkwa, nii ni sa woo, nii ni ja, nii ni he tse, nii ni yɔɔ fɛo, nii ni yɔɔ gbɛi kpakpa lɛ fɛɛ, kɛji jeŋba kpakpa ko yɛ, kɛji yijiemɔ ko hu yɛ lɛ, enɛɛmɛi ahe nyɛjwɛŋa!

Kolosebii 3:17

Ni nɔ fɛɛ nɔ ni nyɛfeɔ yɛ wiemɔ loo nitsumɔ gbɛfaŋ lɛ, nyɛfea fɛɛ yɛ Yesu Kristo gbɛi mli, ni nyɛtsɔ̃a enɔ nyɛdaa Nyɔŋmɔ ni ji Tsɛ lɛ shi.

2 Timoteo 3:13

Shi gbɔmɛi fɔ̃ji kɛ shishiulɔi aaawo wu yɛ efɔŋ mli; amɛlakaa mɛi ni amɛ hu alakaa amɛ.

Tito 3:3

Ejaakɛ sa lɛ, wɔ hu wɔfee wɔhe kwashiai, toigbolɔi, gbɛdulɔi, mɛi ni sɔmɔɔ akɔnɔi kɛ miishɛɛ nibii srɔtoi pii. Ni wɔba wɔjeŋ yɛ nifɔɔjianifeemɔ kɛ hetsɛ̃ mli, wɔhe yɛ taŋ, ni wɔnyɛnyɛɔ wɔhe.

Yakobo 1:26

Shi kɛ efeɔ mɔ ko akɛ Nyɔŋmɔ jalɔ ji lɛ, ni ewooo elilɛi manyoflɛ, shi moŋ eshishiuɔ ehe lɛ, nɛkɛ gbɔmɔ nɛɛ jamɔ lɛ, yaka ni.

Yakobo 4:11

Nyɛkawiewiea nyɛhe, anyɛmimɛi. Mɔ ni wieɔ enyɛmi he aloo ekojoɔ enyɛmi lɛ, Mla lɛ ewieɔ eshiɔ ni Mla lɛ ekojoɔ lɛ. Shi kɛ ookojo Mla lɛ, jeee Mla lɛ nɔyelɔ ji bo, shi Mla lɛ kojolɔ moŋ ji bo.

Yakobo 4:17

No hewɔ lɛ, mɔ ni le ekpakpafeemɔ ni efeee lɛ, esha ji no hã lɛ.

2 Petro 2:13

ni aaafee amɛ efɔŋ akɛ efɔŋ ni amɛfee mɛi krokomɛi lɛ he nyɔmɔwoo. Amɛbuɔ shwane fintiŋŋ ahoshwibɔɔ akɛ nii ni ŋɔɔ; mujiatsɛmɛi ni he yɔɔ taŋ ni; amɛmii shɛɔ yɛ amɛshishiumɔi lɛ ahe be ni amɛkɛ nyɛ yeɔ nii lɛ.

1 Yohane 1:8

Kɛji wɔkɛɛ akɛ esha ko bɛ wɔhe lɛ, wɔ diɛŋtsɛ wɔhe wɔshishiuɔ, ni anɔkwale lɛ bɛ wɔmli.

1 Yohane 2:3

Ni kɛ wɔyeɔ Nyɔŋmɔ kitãi lɛ anɔ lɛ, no wɔkɛnaa akɛ wɔle lɛ.

1 Yohane 3:7

Bii bibii, nyɛkahãa mɔ ko miihã nyɛdu gbɛ. Mɔ ni tsuɔ jalɛnii lɛ, jalɔ ji lɛ, tamɔ bɔ ni lɛ hu eji jalɔ lɛ.

3 Yohane 1:11

Suɔlɔ, kaakase nɔ ni ji efɔŋ, shi kasemɔ nɔ ni ji ekpakpa moŋ. Mɔ ni feɔ ekpakpa lɛ, ejɛ Nyɔŋmɔ mli; mɔ ni feɔ efɔŋ lɛ, enako Nyɔŋmɔ.

Kpojiemɔ 12:9

Ni ashɛ drako kpeteŋkple lɛ ni ji blema onufu lɛ ni atsɛɔ lɛ Abonsam loo Satan lɛ ni shishiuɔ jeŋ muu lɛ fɛɛ lɛ afɔ̃ shikpɔŋ lɛ nɔ, ni ashɛrɛ ebɔfoi lɛ hu ashwie afata ehe.

Kpojiemɔ 22:7

“Naa, miiba nɔŋŋ. Ajɔɔ mɔ ni yeɔ nɛkɛ wolo nɛɛ mli gbalɛ wiemɔi lɛ anɔ lɛ.”