Yakobo 1:21 - ŊMALƐ KRƆŊKRƆŊ LƐ

²¹ No hewɔ lɛ, nyɛshɛrɛa nyaŋemɔ nitsumɔ kɛ efɔŋ ni afeɔ kɛtekeɔ nɔ fɛɛ nyɛshwiea, ni nyɛkɛ heshibaa aherea wiemɔ lɛ ni atɛo yɛ nyɛmli ni yɔɔ hewalɛ ni ekɛaahere nyɛsusumai ayiwala lɛ.

Ṅmãle̱ Kroṅkroṅ Le̱

²¹ Nohewo̱ le̱ *nyeše̱re̱a nyãṅemo̱-nitšumo̱ ke̱ efõṅ ne̱tekemo̱ fẽ nyeſiea, ni nyeke̱ mlidšo̱le̱ aherea wiemo̱ le̱ ni ate̱o ye̱ nyemli ni yo̱ hewale̱ ni eke̱-ahere nyesusumai ayiwala le̱, *Kol. 3,8. 1 Pet. 2,1.

Yakobo 1:21 ပူးပေါင်းရင်းမြစ်များ

Lalai 25:9

Ekpalaa heshibalɔi kɛnyiɛɔ jalɛ gbɛ nɔ, ni etsɔ̃ɔ mɛi ni he jɔ lɛ egbɛ lɛ.

Yesaia 2:20

Nakai gbi lɛ gbɔmɛi baasherɛ amɛshika amãgãi kɛ jwiɛtɛi amãgãi ni amɛfee amɛhã amɛhe ni amɛjaa lɛ amɛshwie amɛhã obishii kɛ aputupatai.

Yesaia 29:19

Humii baana miishɛɛ hee yɛ Yehowa hewɔ, ni ohiafoi amli aaafli amɛ yɛ Israel Mɔ Krɔŋkrɔŋ lɛ hewɔ.

Yesaia 30:22

Kɛkɛ lɛ nyɛaabule nyɛmãgãi ni ashwie he jwiɛtɛi kɛ amãgãi ni ashwie he shika lɛ hu. Nyɛaashɛrɛ amɛ nyɛshwie tamɔ nibii ni ahe tseee; nyɛaakɛɛ akɛ, “Aloo amɛ ashwie kɛje wɔhiɛ.”

Yesaia 61:1

Nuŋtsɔ Yehowa mumɔ lɛ yɛ minɔ. Efɔ mi mu, ni etsu mi koni mibashiɛ Sanekpakpa lɛ mitsɔ̃ɔ ohiafoi. Etsu mi koni mibashɛje mɛi ni efee bliboo kɛ awerɛho lɛ amii, koni mishiɛ heyeli mitsɔ̃ɔ nomii lɛ, kɛ mɛi ni awo amɛ tsuŋ lɛ.

Ezekiel 18:31

Nyɛkpaa efɔŋ fɛɛ efɔŋ ni nyɛfee nyɛshi mi lɛ feemɔ, ni nyɛtsakea nyɛtsuiiaŋ ni nyɛnaa mumɔ hee. Ao, Israelbii, shi mɛɛba ni nyɛaagboi?

Ezekiel 36:25

Mikɛ nu ni mli tse baashwã nyɛnɔ, ni nyɛhe baatse. Ni matsuu nyɛwɔji ahe muji ni yɔɔ nyɛhe lɛ hu.

Zefania 2:3

Nyɛ shikpɔŋ lɛ nɔ heshibalɔi fɛɛ ni feɔ Yehowa suɔmɔnaa nii, nyɛtaoa Yehowa sɛɛgbɛ; nyɛtaoa jalɛ sɛɛgbɛ; ni nyɛtaoa heshibaa sɛɛgbɛ, ni eko lɛ aaaŋɔ nyɛ atee yɛ Yehowa mlifu gbi lɛ nɔ.

Mateo 5:5

“Ajɔɔ mɛi ni he jɔ lɛ; shi shikpɔŋ lɛ aaatsɔ̃ amɛnɔ.”

Yohane 6:63

Mumɔ lɛ ji mɔ ni hãa wala lɛ; heloo lɛ ehe bɛ sɛɛnamɔ ko. Wiemɔi ni mikɛ nyɛ wie lɛ, mumɔ ni, ni wala ni.

Yohane 6:68

Simon Petro here lɛ nɔ akɛ, “Nuŋtsɔ, namɔ ŋɔɔ wɔɔtee? Bo oyɔɔ naanɔ wala wiemɔi lɛ;

Bɔfoi 10:33

Kɛkɛ ni amrɔ lɛ nɔŋŋ mitsu oŋɔɔ, ni ofee jogbaŋŋ akɛ oba. No hewɔ lɛ, agbɛnɛ wɔ fɛɛ wɔyɛ biɛ yɛ Nyɔŋmɔ hiɛ koni wɔbo nibii fɛɛ ni Nyɔŋmɔ efã bo akɛ okɛɛ lɛ toi.”

Bɔfoi 13:26

“Ataamɛi kɛ anyɛmimɛi, Abraham shwiei kɛ Nyɔŋmɔ gbeyeishelɔi ni yɔɔ nyɛteŋ, wɔ atsu akɛ nɛkɛ yiwalaheremɔ sane nɛɛ bahã.”

Romabii 1:16

Ejaakɛ mihiɛ gbooo Kristo Sanekpakpa lɛ he, ejaakɛ eji Nyɔŋmɔ hewalɛ ni akɛhereɔ mɔ fɛɛ mɔ ni heɔ yeɔ lɛ yiwala, Yudanyo lɛ tsutsu kɛ Helanyo hu.

Romabii 11:17

Shi kɛji akumɔ tso niji lɛ ekomɛi, ni abatɛo bo ni oji ŋaŋmutso lɛ yɛ amɛnajiaŋ, ni ona mutso lɛ shishifã lɛ kɛ emlinu lɛ eko lɛ,

Romabii 6:17

Shi shidaa ahã Nyɔŋmɔ, akɛ kulɛ sa lɛ esha tsuji ji nyɛ, shi agbɛnɛ nyɛjɛ nyɛtsui fiaa mli nyɛbo nɛkɛ tsɔ̃ɔmɔ ni akɛ nyɛ ewo mli nɛɛ toi.

1 Korintobii 15:2

no akɛhereɔ nyɛyiwala hu, kɛ nyɛmɔ mli bɔ ni mijaje mitsɔ̃ɔ nyɛ lɛ; kɛjeee nakai lɛ nyɛhe nyɛye yakatswaa.

2 Korintobii 7:1

Agbɛnɛ, nyɛ mɛi ni asumɔɔ, akɛni wɔna nɛkɛ shiwoi nɛɛ hewɔ lɛ, nyɛhãa wɔtsua wɔhe kɛjɛa heloo kɛ mumɔ muji fɛɛ mli, ni wɔhã wɔhetsemɔ aye emuu yɛ Nyɔŋmɔ gbeyeishemɔ mli.

Efesobii 1:13

Lɛ emli akɛ Mumɔ Krɔŋkrɔŋ ni awo he shi lɛ sɔo nyɛ hu nyɛnaa yɛ be ni nyɛnu anɔkwale lɛ wiemɔ lɛ ni ji yiwalaheremɔ Sanekpakpa lɛ ni nyɛhe nyɛye lɛ.

Efesobii 4:22

akɛ nyɛshɛ nɔ ni ji gbɔmɔ momo yɛ nyɛsa jeŋba lɛ naa gbɔmɔ ni efite yɛ shishiumɔ sɛɛdii lɛ anaa lɛ nyɛfɔ̃.

Efesobii 4:25

No hewɔ lɛ, nyɛshɛa amale nyɛfɔa ni nyɛteŋ mɔ fɛɛ mɔ kɛ enaanyo awie anɔkwale, ejaakɛ gbɔmɔtso kome henii ji wɔ.

Efesobii 5:4

Nakai nɔŋŋ akatsĩ hiɛgbejianitsumɔ kɛ kwashiai awiemɔ kɛ fɛoyeli ni ji nibii ni esaaa lɛ tã yɛ nyɛteŋ, shi moŋ nyɛ daa Nyɔŋmɔ shi.

1 Tesalonikabii 1:5

akɛ wɔSanekpakpa lɛ baaa nyɛŋɔɔ yɛ wiemɔ mli kɛkɛ, shi moŋ yɛ Mumɔ Krɔŋkrɔŋ lɛ hewalɛ kɛ nɔmimaa babaoo mli, tamɔ bɔ ni nyɛle lɛ, no ji bɔ ni wɔtsɔ̃ wɔba wɔjeŋ yɛ nyɛteŋ yɛ nyɛhewɔ lɛ.

1 Tesalonikabii 2:13

Enɛ hewɔ ni wɔ hu wɔdaa Nyɔŋmɔ shi ni wɔfɔ̃ɔɔ lɛ, ejaakɛ be ni nyɛnine shɛ Nyɔŋmɔ wiemɔ ni nyɛnu yɛ wɔnaa lɛ nɔ lɛ, nyɛmɔ mli akɛ Nyɔŋmɔ wiemɔ, tamɔ bɔ ni eji hu lɛɛlɛŋ lɛ, shi jeee akɛ gbɔmɛi awiemɔ ko. Wiemɔ nɛɛ tsuɔ hewalɛ nii yɛ nyɛ ni nyɛheɔ nyɛyeɔ lɛ nyɛmli.

Tito 2:11

Ejaakɛ Nyɔŋmɔ dromɔ ni akɛhereɔ gbɔmɛi fɛɛ ayiwala lɛ epue.

Hebribii 12:1

No hewɔ lɛ, agbɛnɛ wɔ hu, akɛni wɔyɔɔ odasefoi babaoo ni ebɔle wɔ tamɔ atatu nɛɛ, nyɛhãa wɔshɛa jatsu fɛɛ jatsu kɛ esha ni ebɔle wɔ kpula lɛ wɔfɔ̃a. Ni wɔkɛ hiɛmiamɔ ada foi ni kã wɔhiɛ lɛ.

Hebribii 2:3

te wɔ lɛ wɔbaafee tɛŋŋ wɔjo nyɔmɔwoo naa foi hu, kɛji wɔbuuu nɛkɛ yiwalaheremɔ kpeteŋkple nɛɛ lɛ? Nuŋtsɔ lɛ tsutsu wie he, ni mɛi ni nu lɛ hu ma nɔ mí amɛhã wɔ,

Hebribii 4:2

Ejaakɛ wɔ hu ajaje Sanekpakpa lɛ atsɔ̃ɔ wɔ tamɔ bɔ ni ajaje atsɔ̃ɔ amɛ lɛ nɔŋŋ; shi kɛ̃lɛ wiemɔ ni amɛnu lɛ he eyabaaa sɛɛnamɔ ko hãaa amɛ, ejaakɛ mɛi ni nu lɛ kɛ hemɔkɛyeli mɔɔɔ mli.

Yakobo 4:8

Nyɛtsia nyɛbɛŋkɛa Nyɔŋmɔ, ni eeetsi ebɛŋkɛ nyɛ. Nyɛtsuua nyɛniji ahe, nyɛ eshafeelɔi, ni nyɛhãa nyɛtsuii ahe atsea, nyɛ jwɛŋmɔi enyɔnyɔɔnyɔtsɛmɛi.

Yakobo 5:20

ele akɛ mɔ ni kpaleɔ eshafeelɔ kɛjɛɔ egbɛduu mli lɛ eehere gbɛdulɔ lɛ susuma yiwala kɛjɛ gbele mli, ni eeha eshai pii anɔ.

1 Petro 1:22

Ni akɛni nyɛtsuu nyɛsusumai ahe yɛ anɔkwale lɛ toiboo mli nyɛhã nyɛmimɛi asuɔmɔ ni osato bɛ mli lɛ hewɔ lɛ, nyɛkɛ tsui krɔŋŋ asumɔsumɔa nyɛhe jogbaŋŋ.

1 Petro 1:9

ejaakɛ nyɛnine miishɛ nyɛhemɔkɛyeli naagbee ni ji nyɛsusumai ayiwalaheremɔ lɛ nɔ.

1 Petro 2:1

No hewɔ lɛ, nyɛshɛrɛa efɔŋ fɛɛ kɛ kutumpɔo fɛɛ kɛ shishiumɔ kɛ osato kɛ hetsɛ̃ kɛ mɔhewiemɔ fɛɛ nyɛshwiea.

1 Petro 2:11

Misuɔmɔmɛi, miiwie miitsɔ̃ɔ nyɛ akɛ gbɔi kɛ mɛi ni yɔɔ maŋsɛɛ, akɛ nyɛtsia nyɛhe kɛjɛa heloosɛɛdiinii ni kɛ susuma wuɔ ta lɛ ahe,