Yakobo 1:19 - ŊMALƐ KRƆŊKRƆŊ LƐ

¹⁹ No hewɔ lɛ, minyɛmimɛi ni misumɔɔ, mɔ fɛɛ mɔ he afee oya kɛ ninumɔ; ehumi shi kɛ wiemɔ; ehumi shi kɛ mlifu.

Ṅmãle̱ Kroṅkroṅ Le̱

¹⁹ Nohewo̱ le̱, minyemimei ni misumoo, mofẽmo he afe oyá ke̱ ninumo̱, ehũmi ši ke̱ wiemo̱, *ehũmi ši ke̱ mlifũ. *Dsads. 7,9.

Yakobo 1:19 ပူးပေါင်းရင်းမြစ်များ

Nehemia 8:18

Gbi fɛɛ gbi, kɛjɛ klɛŋklɛŋ gbi lɛ nɔ kɛyashi naagbee gbi lɛ nɔ lɛ, akaneɔ Nyɔŋmɔ Mla Wolo lɛ. Amɛye gbijurɔ lɛ gbii kpawo, ni gbi ni ji kpaanyɔ lɛ nɔ lɛ amɛkpe naagbee kpee, tamɔ bɔ ni ato lɛ.

Nehemia 9:17

Amɛbooo bo toi, ni asaŋ amɛkaiii onaakpɛɛnii ni ofee yɛ amɛteŋ lɛ; shi moŋ amɛfee amɛhe kuɛŋtilɔi. Amɛtse atua, ni amɛto asafoiatsɛ ni ekɛ amɛ aku sɛɛ kɛya nyɔŋyeli mli ekoŋŋ yɛ Ijipt. Shi bo lɛ oji Nyɔŋmɔ ni kɛ eshai faa, durolɔ kɛ musuŋtsɔlɔ ni toɔ etsui shi ni emɔbɔnalɛ fa, hewɔ lɛ oshiii amɛ.

Nehemia 9:3

Amɛte shi amɛdamɔ shi, ni amɛkɛ ŋmɛlɛtswai etɛ̃ kane Yehowa, amɛNyɔŋmɔ lɛ, Mla Wolo lɛ. Amɛkɛ ŋmɛlɛtswai etɛ̃ hu jaje amɛhe eshai, ni amɛja Yehowa, amɛNyɔŋmɔ lɛ.

Hiob 32:16

Ni esa akɛ mimɛɔ ejaakɛ amɛwieee; amɛdamɔ shi diŋŋ ni amɛhãaa wiemɔ ko hetoo dɔŋŋ?

Abe̱i 10:19

Wiemɔ babaoo yɔɔ nɛɛ tɔ̃mɔ kpaaa yɛ mli; shi mɔ ni le enaabu mli mɔmɔ lɛ, nilelɔ ni.

Abe̱i 13:3

Mɔ ni mɔɔ enaabu mli lɛ, eebaa ewala yi; shi mɔ ni mɔɔɔ enaabu mli lɛ, eekpãtã lɛ diɛŋtsɛ ehe hiɛ.

Abe̱i 14:17

Mɔ ni mli etsɛɛɛ fumɔ lɛ, efeɔ kwashiaianii, ni yitsofɔŋtsɛ lɛ anyɛɔ lɛ.

Abe̱i 14:29

Mɔ ni mli fuuu mra lɛ, eyɛ niiashishinumɔ kpele; shi mɔ ni mli fuɔ mramra lɛ ejieɔ ebuulufeemɔ kpo.

Abe̱i 15:18

Mlilatsɛ teɔ bei shi; shi mɔ ni mli fuuu mra lɛ, ekpãtãa bei.

Abe̱i 15:2

Nilelɔi wieɔ nilee wiemɔi; shi buului awiemɔi jɛɔ kwashiai adaaŋ.

Abe̱i 16:32

Mɔ ni mli fuuu mra lɛ ehi fe kãkãlɔ; ni mɔ ni yeɔ emumɔ nɔ lɛ, ehi fe mɔ ni yeɔ maŋ nɔ kunim.

Abe̱i 17:14

Beibɔ̃imɔ lɛ etamɔ nu ni miitsere kɔikɔi; no hewɔ lɛ, be ni naataamɔ mli wako nɛɛ lɛ, ŋmɛɛmɔ he.

Abe̱i 17:27

Mɔ ni wiemɔ faaa lɛ ele nii, ni mɔ ni mumɔ he jɔ lɛ, enuɔ nii ashishi.

Abe̱i 18:13

Bo sane toi jogbaŋŋ dani ohã hetoo, kɛjee nakai lɛ, obaafee kwashia kɛ buulu.

Abe̱i 18:21

Gbele kɛ wala yɛ gbɔmɔ lilɛi dɛŋ; amɛteŋ nɔ ni gbɔmɔ sumɔɔ lɛ no eŋɔɔ.

Abe̱i 19:11

Gbɔmɔ ni yɔɔ jwɛŋmɔ mlifũuu mra; ni ehiɛ ni ekuɔ efɔ̃ɔ tɔ̃mɔ nɔ lɛ woɔ ehiɛ nyam.

Abe̱i 19:19

Mɔ ni mlifu naa wa lɛ, enaa he nyɔmɔwoo; kɛji ojie lɛ kɛje haomɔ kome mli lɛ, ebaabote ekroko hu mli.

Abe̱i 21:23

Mɔ ni mɔɔ enaabu kɛ elilɛi mli lɛ, ejieɔ ehe kɛjeɔ haomɔ mli.

Abe̱i 25:28

Mɔ ni nyɛɛɛ ehe nɔ eye lɛ, etamɔ maŋ ni akumɔ ehe gbogboi ashwie shi.

Abe̱i 29:20

Ani ona nuu ni enaa yɔɔ blɛblɛ kɛ wiemɔ lo? Hiɛnɔkãmɔ yɛ hã kwashia fe lɛ.

4 Mose 22:27

Agbɛnɛ be ni teji lɛ na Yehowa bɔfo lɛ, eho ebu shi. Balaam mli wo la ni ebɔ̃i teji lɛ yii.

Mateo 5:22

Shi mi lɛ, miikɛɛ nyɛ akɛ, mɔ fɛɛ mɔ ni mli fuɔ enyɛmi lɛ, eeeye fɔ yɛ kojomɔ lɛ mli; ni mɔ fɛɛ mɔ ni aaakɛɛ enyɛmi akɛ, ‘Yaka gbɔmɔ’ lɛ eeeye gwabɔɔ lɛ hiɛ fɔ; ni mɔ fɛɛ mɔ ni aaakɛɛ akɛ, ‘Buulu’ lɛ eeeye abonsamiiaje la lɛ mliyaa fɔ.

Marko 12:37

David diɛŋtsɛ tsɛɔ lɛ Nuŋtsɔ; belɛ te feɔ tɛŋŋ mɔ ni efeɔ ebi hu?” Ni mɛi babaoo bo lɛ toi kɛ miishɛɛ.

Marko 2:2

Mɛi babaoo babua amɛhe naa bɔ ni anaaa gbɛ yɛ agbo lɛ naa tete. Be ni eshiɛɔ etsɔ̃ɔ mɛi lɛ,

Luka 15:1

Agbɛnɛ toohelɔi kɛ eshafeelɔi lɛ fɛɛ bɔ̃i tsimɔ kɛ lɛ bɛŋkɛmɔ ni amɛbabo lɛ toi.

Luka 19:48

shi amɛnaaa bɔ ni amɛaafee, ejaakɛ maŋ muu lɛ fɛɛ kpɛtɛ lɛ ni amɛboɔ lɛ toi.

Bɔfoi 1:15

Nɛkɛ be nɛɛ mli lɛ Petro te shi edamɔ nyɛmimɛi lɛ ateŋ (mɛi fɛɛ ni ebabua amɛhe naa lɛ aaafee oha kɛ nyɔŋmai enyɔ) ni ekɛɛ,

Bɔfoi 10:33

Kɛkɛ ni amrɔ lɛ nɔŋŋ mitsu oŋɔɔ, ni ofee jogbaŋŋ akɛ oba. No hewɔ lɛ, agbɛnɛ wɔ fɛɛ wɔyɛ biɛ yɛ Nyɔŋmɔ hiɛ koni wɔbo nibii fɛɛ ni Nyɔŋmɔ efã bo akɛ okɛɛ lɛ toi.”

Bɔfoi 13:48

Shi be ni jeŋmajiaŋbii lɛ nu enɛ lɛ amɛna miishɛɛ, ni amɛwo Nyɔŋmɔ wiemɔ lɛ hiɛ nyam, ni mɛi abɔ ni ajie ato naanɔ wala lɛ he ye.

Bɔfoi 17:11

Shi mɛnɛɛmɛi asu hi fe mɛi ni yɔɔ Tesalonika lɛ, ni amɛ lɛ amɛhere wiemɔ lɛ kɛ amɛtsui fɛɛ, ni daa gbi lɛ amɛkpaa ŋmalɛi lɛ amli amɛkwɛɔ akɛ nibii nɛɛ yɛ mli nakai lo.

Bɔfoi 2:42

Ni amɛhiɛ bɔfoi lɛ atsɔ̃ɔmɔ lɛ kɛ naanyobɔɔ lɛ kɛ abolookuumɔ lɛ kɛ sɔlemɔi lɛ amli.

Efesobii 4:26

Nyɛmli afũa, shi nyɛkafea esha; hulu akanyɔ shi yɛ nyɛmlifu lɛ nɔ.

Efesobii 4:31

Nyɛhãa mlijoomɔ kɛ mlila kɛ mlifu kɛ blɔmɔ kɛ oshekuyeli kɛ efɔŋ fɛɛ sɛɛ afoa yɛ nyɛteŋ.

Kolosebii 3:15

Ni nyɛhãa Kristo hejɔlɛ lɛ ayea lumɔ yɛ nyɛtsuii amli; nɔ he ni atsɛ nyɛ kɛba yɛ gbɔmɔtso kome mli lɛ. Ni nyɛlea shidaa.

Kolosebii 3:8

Shi agbɛnɛ lɛ nyɛ hu nyɛshɛrɛa nibii nɛɛ fɛɛ nyɛshwiea: mlifu, mlila kɛ shwee ni ashweɔ mɔ efɔŋ, kɛ oshekuyeli kɛ hiɛgbejiawiemɔ ni jɛɔ nyɛdaaŋ.

1 Tesalonikabii 2:13

Enɛ hewɔ ni wɔ hu wɔdaa Nyɔŋmɔ shi ni wɔfɔ̃ɔɔ lɛ, ejaakɛ be ni nyɛnine shɛ Nyɔŋmɔ wiemɔ ni nyɛnu yɛ wɔnaa lɛ nɔ lɛ, nyɛmɔ mli akɛ Nyɔŋmɔ wiemɔ, tamɔ bɔ ni eji hu lɛɛlɛŋ lɛ, shi jeee akɛ gbɔmɛi awiemɔ ko. Wiemɔ nɛɛ tsuɔ hewalɛ nii yɛ nyɛ ni nyɛheɔ nyɛyeɔ lɛ nyɛmli.

Yakobo 1:16

Nyɛkahãa alakaa nyɛ, minyɛmimɛi ni misumɔɔ.

Yakobo 1:2

Minyɛmimɛi, kɛji aka nyɛ yɛ nibii srɔtoi pii amli lɛ, nyɛbua lɛ miishɛɛ sɔŋŋ

Yakobo 1:26

Shi kɛ efeɔ mɔ ko akɛ Nyɔŋmɔ jalɔ ji lɛ, ni ewooo elilɛi manyoflɛ, shi moŋ eshishiuɔ ehe lɛ, nɛkɛ gbɔmɔ nɛɛ jamɔ lɛ, yaka ni.

Yakobo 2:1

Minyɛmimɛi, nyɛkɛ mɛi ahiɛiaŋkwɛmɔ akahiɛa wɔNuŋtsɔ Yesu Kristo ni ji anunyam Nuŋtsɔ lɛ hemɔkɛyeli lɛ.

Yakobo 2:5

Minyɛmimɛi ni misumɔɔ, nyɛboa toi! Ani jeee je nɛɛ mli ohiafoi ni ji niiatsɛmɛi yɛ hemɔkɛyeli gbɛfaŋ lɛ Nyɔŋmɔ ehala, koni maŋtsɛyeli ni ewo mɛi ni sumɔɔ lɛ lɛ shi yɛ he lɛ atsɔ̃ amɛnɔ?

Yakobo 3:10

Daa kome lɛ nɔŋŋ mli jɔɔmɔ kɛ loomɔ jɛɔ. Minyɛmimɛi, enɛɛmɛi nɛɛ, esaaa akɛ eba lɛ nakai.

Yakobo 4:11

Nyɛkawiewiea nyɛhe, anyɛmimɛi. Mɔ ni wieɔ enyɛmi he aloo ekojoɔ enyɛmi lɛ, Mla lɛ ewieɔ eshiɔ ni Mla lɛ ekojoɔ lɛ. Shi kɛ ookojo Mla lɛ, jeee Mla lɛ nɔyelɔ ji bo, shi Mla lɛ kojolɔ moŋ ji bo.

Yakobo 5:12

Shi titri lɛ, minyɛmimɛi, nyɛkakãa kitã, nyɛkakɛa akɛ “mina ŋwɛi”, aloo “mina shikpɔŋ”, aloo nyɛkã kitã kroko; shi nyɛ—“hɛɛ” lɛ afee “hɛɛ”, ni “dabi” lɛ afee “dabi”, koni nyɛkagbee kojomɔ mli.

Yakobo 5:19

Anyɛmimɛi, kɛji nyɛteŋ mɔ ko du gbɛ kɛjɛ anɔkwale lɛ mli ni mɔ ko miikpale lɛ ekoŋŋ lɛ,

1 Yohane 2:21

Jeee akɛ nyɛleee anɔkwale lɛ hewɔ miŋma nyɛ nɛɛ, shi moŋ akɛ nyɛle, ni nyɛle akɛ amale komeflo jɛɛɛ anɔkwale lɛ mli.