Yakobo 1:17 - ŊMALƐ KRƆŊKRƆŊ LƐ

¹⁷ Dromɔnii kpakpai fɛɛ kɛ nikeenii ni hi kɛwula shi fɛɛ lɛ; ŋwɛi ejɛɔ ekpelekeɔ shi, kɛjɛɔ ŋwɛi lai aTsɛ lɛ ŋɔɔ, mɔ mli ni tsakemɔ loo duŋ ni tsakemɔ kɛbaa bɛ lɛ.

Ṅmãle̱ Kroṅkroṅ Le̱

¹⁷ Dromo̱nii kpakpai fẽ ke̱ nikēnii ni hĩ ke̱-wula ši fẽ le̱, ṅwei edše̱o̱ ekplekeo̱ ši, ke̱-dše̱o̱ lai atše̱ le̱ ṅõ, *mo mli ni su tšakemo̱ ke̱ tšõmo̱ susuma ko be̱ le̱. *1 Ioh 1,5.

Yakobo 1:17 ပူးပေါင်းရင်းမြစ်များ

1 Mose 41:16

Yosef here Farao nɔ akɛ, “Jeee mi mihewalɛ naa, shi moŋ Nyɔŋmɔ ni aaahã Farao hetoo ni hi.”

1 Kronika 22:12

Yehowa aduro bo nilee kɛ jwɛŋmɔ kɛkɛ, bɔ ni afee ni kɛji etu Israel ewo odɛ̃ŋ lɛ, onyɛ maŋ lɛ nɔ okwɛ yɛ Yehowa, oNyɔŋmɔ lɛ, mla naa.

1 Kronika 29:19

Dromɔ mibi Solomon koni ekɛ etsui fɛɛ aye okitãi kɛ okpɔi kɛ owiemɔi fɛɛ anɔ koni emã Sɔlemɔtsu lɛ ni misaa ehe nibii mito lɛ.”

Lalai 102:27

Shi bo lɛ oyɛ bɔ ni oyɔɔ lɛ nɔŋŋ, ni ofii lɛ bɛ naagbee.

Lalai 122:6

Nyɛbaa hejɔlɛ nyɛhãa Yerusalɛm. “Mɛi ni sumɔɔ bo lɛ ashwere.”

Lalai 136:7

Lɛ mɔ ni ebɔ hulu kɛ nyɔɔŋtsere lɛ; ejaakɛ naanɔ esuɔmɔ ni tsakeee lɛ hiɔ shi kɛyaa!

Lalai 84:11

Ejaakɛ Yehowa, Nyɔŋmɔ lɛ, hulu kɛ tsɛŋ fɛɛ ji lɛ; eduroɔ mɔ, ni ewoɔ mɔ hiɛ nyam. Mɛi ni feɔ nɔ ni ja gbɛ lɛ Yehowa kãmãaa amɛ nɔ kpakpa ko nɔ kpakpa ko.

Lalai 85:12

Hɛɛ! Yehowa aaaŋɔ nɔ kpakpa ehã, ni wɔshikpɔŋ lɛ aaaba nii babaoo.

Abe̱i 2:6

ejaakɛ Yehowa hãa aleɔ nii; edaaŋ nilee kɛ niiashishinumɔ jɛɔ.

Yesaia 28:26

Amɛduɔ, ejaakɛ amɛNyɔŋmɔ lɛ tsɔ̃ɔ amɛ nii, ni egbalaa mli etsɔ̃ɔ amɛ.

Yesaia 45:7

Mi mihãa la kɛ duŋ fɛɛ baa; mihãa anaa hejɔlɛ, ni mihãa jaramɔ baa. Mi ji Yehowa, mɔ ni feɔ enɛɛmɛi fɛɛ lɛ.”

Yesaia 46:10

Mi, mijɛ shishijee lɛ mli ni mitsɔ̃ɔ naagbee mli nibii ni baaba; Mi, mijɛ blema beebe mitsɔ̃ɔ nibii ni anako afee tete. Mi, mikɛɔ akɛ; ‘Miyiŋtoi aaaba mli, ni mibafee nibii fɛɛ ni yɔɔ miyiŋ.’

Yesaia 60:19

“Jeee hulu ni baatso la dɔŋŋ aha bo shwane, ni jeee nyɔɔŋtsere ni baakpɛ koni jeŋ atse aha bo gbɛkɛ; shi moŋ Yehowa ni aaatsɔ̃ ola kɛaatee naanɔ, ni oNyɔŋmɔ lɛ aaatsɔ̃ onunyam.

Maleaki 3:6

“Yehowa ji mi, mitsakeee; ni no hewɔ ni nyɛ, Yakob shwiei, nyɛpleneko kɛbashi benɛ nɛɛ lɛ.

4 Mose 11:17

Mibakpeleke shi mikɛ bo abawie yɛ jɛi, ni maŋɔ mumɔ ni mikɛhã bo lɛ eko mahã amɛ hu koni amɛwa bo kɛtere maŋ lɛ jatsu lɛ bɔ ni afee ni okome okatere.

4 Mose 11:25

Ni Yehowa kpeleke shi yɛ atatu mli, ni ekɛ Mose bawie, ni eŋɔ mumɔ lɛ ni ekɛhã Mose lɛ eko ekɛhã onukpai nyɔŋmai kpawo lɛ hu. Amrɔ nɔŋŋ ni mumɔ lɛ yi amɛnɔ lɛ, amɛgbagbai; shi kɛjɛ no sɛɛ lɛ amɛgbaaa dɔŋŋ.

4 Mose 23:19

Nyɔŋmɔ jeee gbɔmɔ adesa ni eeemale, aloo gbɔmɔ ni eeeshwa ehe yɛ nɔ ni efee hewɔ. Mɛni ekɛɛ dã ni efeee; aloo ewo ehe shi ni eyeee nɔ?

Mateo 7:11

Belɛ kɛji nyɛ ni nyɛ ji mɛi fɔ̃ji lɛ nyɛle bɔ ni nyɛfeɔ nyɛkɛ nikpakpai hãa nyɛbii lɛ, enyiɛ nɔŋŋ nyɛTsɛ ni yɔɔ ŋwɛi lɛ eŋɔŋ nikpakpai ehaŋ mɛi ni biɔ lɛ lɛ?

Luka 11:13

Belɛ kɛji nyɛ ni nyɛ ji mɛi fɔ̃ji lɛ nyɛle bɔ ni nyɛfeɔ ni nyɛkɛ nikeenii kpakpai keɔ nyɛbii lɛ, enyiɛ nɔŋŋ nyɛTsɛ ni yɔɔ ŋwɛi lɛ eŋɔŋ Mumɔ Krɔŋkrɔŋ ehaŋ mɛi ni biɔ lɛ lɛ?”

Yohane 1:9

Anɔkwa la lɛ ni tsoɔ hãa mɔ fɛɛ mɔ lɛ baa je lɛ mli nɛɛ.

Yohane 3:27

Yohane here nɔ ni ekɛɛ, “Gbɔmɔ nyɛŋ ana nɔ ko, akɛ ja ajɛ ŋwɛi akɛhã lɛ.

Yohane 3:3

Yesu here nɔ ni ekɛɛ lɛ akɛ, “Anɔkwale mikɛɔ bo akɛ, kɛji ajɛɛɛ ŋwɛi afɔɔɔ mɔ ko lɛ, enyɛŋ Nyɔŋmɔ maŋtsɛyeli lɛ ena.”

Yohane 8:12

Kɛkɛ ni Yesu kɛ amɛ wie ekoŋŋ ekɛɛ, “Mi ji je lɛ mli la lɛ. Mɔ ni nyiɛɔ misɛɛ lɛ, enyiɛŋ duŋ mli gbi ko gbi ko, shi moŋ eeena wala la lɛ.”

Bɔfoi 11:18

Shi be ni amɛnu wiemɔi nɛɛ lɛ, amɛmua amɛnaa, ni amɛwo Nyɔŋmɔ hiɛ nyam moŋ amɛkɛɛ, “Belɛ jeŋmaji lɛ hu Nyɔŋmɔ ehã amɛ tsuitsakemɔ ni akɛhere amɛyiwala!”

Bɔfoi 5:31

lɛ enɔ Nyɔŋmɔ wo kɛtee eninejurɔ nɔ, ni ewo lɛ lumɔ kɛ yiwalaherelɔ, koni ehã Israel ana tsuitsakemɔ kɛ eshaifaa.

Romabii 6:23

Ejaakɛ esha dɛŋ nyɔmɔwoo lɛ gbele ni; shi Nyɔŋmɔ dromɔ keenɔ lɛ naanɔ walaŋ yɛ Yesu Kristo, wɔNuŋtsɔ lɛ, mli.

1 Korintobii 4:7

Shi namɔ buɔ bo akɛ esoro bo? Ni asaŋ, mɛni oyɔɔ ni jeee hã ahã bo? Shi kɛji hã ahã bo lɛ, mɛɛba oshwãa tamɔ nɔ ni jeee hã ahã bo lɛ?

2 Korintobii 4:6

ejaakɛ Nyɔŋmɔ ni kɛɛ akɛ la ajɛ duŋ mli akpɛ lɛ, lɛ nɔŋŋ ekpɛ yɛ wɔtsuii amli hu, koni Nyɔŋmɔ anunyam he nilee la lɛ akpɛ yɛ Yesu Kristo hiɛ.

Efesobii 1:18

Nyɛmligbɛ hiŋmɛii anɔ atse, koni nyɛna nyɛle nɔ ni ji hiɛnɔkãmɔ ni yɔɔ etsɛmɔ lɛ mli, kɛ egboshinii lɛ anunyam lɛ falɛ yɛ mɛi krɔŋkrɔŋi amli,

Efesobii 2:8

Ejaakɛ dromɔ akɛhere nyɛyiwala kɛtsɔ hemɔkɛyeli nɔ, ni enɛ lɛ, jeee nyɛmli ejɛ, Nyɔŋmɔ nɔkeenɔ ni,

5 Mose 4:19

Kɛji nyɛwo nyɛhiɛ nɔ kɛtee ŋwɛi ni nyɛkwɛ hulu kɛ nyɔɔŋtsere kɛ ŋulamii lɛ ni ji ŋwɛiniiaŋ nibii lɛ, nyɛkahãa amɛgbalaa nyɛ ni nyɛjaa amɛ, ni nyɛsɔmɔa amɛ, ejaakɛ Yehowa nyɛNyɔŋmɔ lɛ, saa nomɛi eto ehã maji krokomɛi lɛ koni amɛ, amɛja nomɛi.

Filipibii 1:29

Ejaakɛ nyɛ lɛ aduro nyɛ yɛ Kristo hewɔ, jeee ni nyɛhe enɔ nyɛye kɛkɛ, shi moŋ akɛ nyɛna nɔ hu yɛ ehewɔ.

1 Timoteo 6:16

Lɛ ekome eyɔɔ naanɔ shihilɛ ni gbele bɛ mli, ni ehiɔ la ni anyɛŋ abɛŋkɛ mli; gbɔmɔ ko gbɔmɔ ko enako lɛ dã, ni enyɛŋ lɛ ena hu lɛ. Enɔ ji woo kɛ naanɔ hewalɛ lɛ. Amen!

Hebribii 13:8

Yesu Kristo lɛ, bɔ ni eyɔɔ nyɛ kɛ ŋmɛnɛ lɛ, nakai nɔŋŋ eyɔɔ kɛyaa naanɔ.

Yakobo 1:5

Shi kɛ nilee he ehia nyɛteŋ mɔ ko lɛ, ekpa Nyɔŋmɔ ni hãa mɛi fɛɛ faa ni ewieee mɔ ko hiɛ lɛ fai, ni aaahã lɛ.

Yakobo 3:15

Nɛkɛ nilee nɛɛ, jeee ŋwɛi ejɛ, shi moŋ shikpɔŋ nɔ nɔ ni, heloo naa nɔ ni, mumɔi fɔ̃ji anɔ ni.

Yakobo 3:17

Shi nilee ni jɛ ŋwɛi lɛ, klɛŋklɛŋ lɛ ehe tse, no sɛɛ lɛ ehe jɔ, ehiɛ kã shi, eboɔ toi, eyi obɔ̃ kɛ mɔbɔnalɛ kɛ yibii kpakpai, ejieee niiaŋ, efeee osato.

1 Yohane 1:5

Ni enɛ ji sane lɛ ni wɔnu kɛjɛ ebi lɛ ŋɔɔ ni wɔsaa wɔjajeɔ wɔtsɔ̃ɔ nyɛ lɛ. No ji akɛ Nyɔŋmɔ lɛ, là ji lɛ, ni duŋ ko kwraa bɛ emli,

1 Yohane 4:10

Enɛ mli suɔmɔ lɛ yɔɔ, jeee akɛ wɔ ni wɔsumɔ Nyɔŋmɔ, shi moŋ lɛ ni esumɔ wɔ, ni etsu eBi lɛ akɛ ebafee wɔhe eshai lɛ ahe kpãtãmɔnɔ.

Kpojiemɔ 21:23

Ni hulu loo nyɔɔŋtsere kpɛmɔ he ehĩaaa maŋ lɛ, ejaakɛ Nyɔŋmɔ anunyam lɛ kpɛɔ yɛ mli, ni Toobi lɛ ji ela.

Kpojiemɔ 22:5

Ni nyɔɔŋ bɛ jɛi, ni kane la loo hulu la he ehiaŋ amɛ, ejaakɛ Nuŋtsɔ Nyɔŋmɔ lɛ aaatso ahã amɛ, ni amɛaaye maŋtsɛ kɛaatee naanɔi anaanɔ.

1 Samuel 15:29

Naa, Israel Anunyamtsɛ lɛ emaleŋ ni eshwaŋ ehe hu ejaakɛ jeee gbɔmɔ adesa ji lɛ, ni eeeshwa ehe.”