Yakobo 1:14 - ŊMALƐ KRƆŊKRƆŊ LƐ

¹⁴ Shi mɔ fɛɛ mɔ lɛ, lɛ diɛŋtsɛ ekɔnɔ ni gbalaa lɛ ni lakaa lɛ lɛ kaa lɛ.

Ṅmãle̱ Kroṅkroṅ Le̱

¹⁴ Ši mofẽmo le̱, le̱dientše̱ eko̱no̱ ni gblaäle̱ ni lakaäle̱ le̱ kaäle̱, Rom. 7,7. 8.

Yakobo 1:14 ပူးပေါင်းရင်းမြစ်များ

1 Mose 3:6

No hewɔ lɛ be ni yoo lɛ na akɛ tso lɛ hi hã yeli ni efeɔ hiŋmɛi akɔnɔ ni tso lɛ baa mɔ tsine ni ehãa mɔ leɔ nii lɛ, etse enɔ yibii lɛ eko ni eye ni ehã ewu lɛ ni kɛ lɛ yɔɔ lɛ hu eko ni eye.

1 Mose 6:5

Be ni Yehowa na akɛ gbɔmɛi anɔfɔŋfeemɔ lɛ efa tsɔ yɛ shikpɔŋ lɛ nɔ, ni nibii ni amɛsusuɔ yɛ amɛyiŋ daa nɛɛ lɛ efɔŋ sɔŋŋ ni lɛ,

1 Mose 8:21

Be ni Yehowa here afɔle lɛ ŋma jurɔ lɛ, ekɛɛ ehe akɛ, “Milomɔŋ shikpɔŋ lɛ yɛ gbɔmɔ hewɔ dɔŋŋ, ejaakɛ nii ni gbɔmɔ jwɛŋɔ yɛ eyiŋ lɛ efɔŋ ni kɛjɛ egbekɛbiiashi; ni asaŋ mikpãtãŋ nɔ fɛɛ nɔ ni hiɛ kã hiɛ dɔŋŋ, tamɔ bɔ ni mifee nɛɛ.

2 Samuel 11:4

David tsu bɔfoi ni ayaŋɔ Batsheba abahã lɛ. Akɛ yoo lɛ ba David ŋɔɔ ni ekɛ lɛ wɔ. (Nakai be lɛ mli lɛ Batsheba etee tsuiasɛɛ ni etsuu ehe egbe naa.) Kɛkɛ ni Batsheba ku esɛɛ etee ewe lɛ.

Hiob 31:27

Kɛji nɔ ko elaka mitsui ni miwo amɛ yɛ teemɔŋ ni mishwɔ minine naa kɛ hiɛsɔlɛ mihã amɛ lɛ,

Hiob 31:9

Kɛji minaanyo ŋa he efee mi akɔnɔ pɛŋ, ni miyawo ka yɛ minaanyo shinaa shi pɛŋ lɛ,

Abe̱i 4:23

Ohiɛ akã otsui he fe nii fɛɛ; ejaakɛ no mli wala jɛɔ.

Yesaia 44:20

Mɔ ni yeɔ lamlu tete po, aaanu lɛ shishi. Esusumɔ kɔɔdɔŋ lɛ eha edu gbɛ, ni enyɛŋ eyiwala ehere, ni ekpɛlɛŋ nɔ, ni eeekɛɛ akɛ, “Kwɛ, nɔ ni yɔɔ mininejurɔ mli lɛ, jeee lakamɔnii ni lo?”

Hosea 13:9

“Kwɛ, Israel! Mibakpãtã ohiɛ; ni namɔ aaanyɛ oyiwala ahere?

Mateo 15:18

Shi nii ni jɛɔ daaŋ jeɔ kpo lɛ, tsui mli ejɛɔ, ni nomɛi buleɔ mɔ lɛ.

Mateo 15:20

Enɛɛmɛi ji nii ni buleɔ gbɔmɔ; shi dɛ̃ ni afɔɔɔ dani ayeɔ nii lɛ, no buleee mɔ.”

Mateo 4:1

Kɛkɛ ni Mumɔ lɛ ŋɔ Yesu kɛtee ŋa nɔ, koni abonsam ayaka lɛ.

Mateo 5:28

Shi mi lɛ, miikɛɛ nyɛ akɛ, mɔ fɛɛ mɔ ni kwɛɔ yoo ni ehe feɔ lɛ akɔnɔ lɛ, ekɛ lɛ efite gbãlã momo yɛ etsui mli.

Romabii 7:11

Ejaakɛ esha lɛ na hegbɛ kɛtsɔ̃ Mla lɛ nɔ eshishiu mi, ni ekɛ no nɔŋŋ gbe mi.

Romabii 7:13

Aso belɛ nɔ kpakpa lɛ etsɔ̃ gbele ehã mi lo? Dabida! Shi moŋ, bɔ ni afee ni esha lɛ aje shi akɛ esha; ni ekɛ nɔ kpakpa lɛ nɔŋŋ tsɛ gbele ehã mi, koni esha lɛ atsɔ̃ kitã lɛ nɔ atsɔ̃ esha kɛteke nɔ.

Efesobii 4:22

akɛ nyɛshɛ nɔ ni ji gbɔmɔ momo yɛ nyɛsa jeŋba lɛ naa gbɔmɔ ni efite yɛ shishiumɔ sɛɛdii lɛ anaa lɛ nyɛfɔ̃.

Hebribii 3:13

Shi moŋ nyɛwiea nyɛtsɔ̃tsɔ̃ɔa nyɛhe gbi fɛɛ gbi ni atsɛɔ lɛ “ŋmɛnɛ” lɛ, koni esha lakamɔ akahã nyɛteŋ mɔ ko tsui kpliŋ.

Yakobo 1:13

Kɛji aaka mɔ ko lɛ, ekakɛɛ akɛ, “Nyɔŋmɔ miika mi,” ejaakɛ Nyɔŋmɔ lɛ akaaa lɛ ni efeee efɔŋ hu, ni lɛ diɛŋtsɛ hu ekaaa mɔ ko.

Yakobo 1:15

No sɛɛ lɛ, akɔnɔ lɛ, kɛ eŋɔ hɔ lɛ, efɔɔ esha, ni esha lɛ hu, kɛ eda egbe naa lɛ, efɔɔ gbele.