Yakobo 1:12 - ŊMALƐ KRƆŊKRƆŊ LƐ

¹² Ajɔɔ gbɔmɔ ni miaa ehiɛ yɛ kaa mli lɛ, ejaakɛ kɛ aka lɛ ni esa lɛ, eeena wala akekre ni Nuŋtsɔ lɛ ewo mɛi ni sumɔɔ lɛ lɛ shi yɛ he lɛ.

Ṅmãle̱ Kroṅkroṅ Le̱

¹² Adšō̱ nū ni ṅmẽo̱ etšui ši ye̱ kã mli le̱, edšake̱, ké̱ akale̱ ni esa le̱, *eená wala akekre, ci Nuṅtšo̱ le̱ ewo ši ehã mei ni sumoo̱le̱ le̱. *2 Tim. 4,8.

Yakobo 1:12 ပူးပေါင်းရင်းမြစ်များ

1 Mose 22:1

Saji nɛɛ asɛɛ lɛ eba mli akɛ Nyɔŋmɔ ka Abraham ni ekɛɛ lɛ akɛ, “Abraham!” Ni Abraham kɛɛ, “Naa mi!”

Nehemia 1:5

ni mikɛɛ, ‘Oo Yehowa, Naa Nyɔŋmɔ ni yɔɔ ŋwɛi, ni oda ni ohe yɔɔ gbeyei! Okɛ osuɔmɔ ni tsakeee yeɔ kpãŋmɔ ni okɛ mɛi ni sumɔɔ bo, ni amɛyeɔ okitãi lɛ anɔ lɛ kpãŋɔ lɛ nɔ, ni okɛtsɔ̃ɔ akɛ anɔkwafo ji bo.

Hiob 2:10

Hiob kɛɛ eŋa lɛ akɛ, “Oowie tamɔ bɔ ni yei kwashiai lɛ wieɔ lɛ. Nɔ kpakpa lɛ wɔhe kɛjɛ Nyɔŋmɔ dɛŋ. Mɛɛba ni nɔ fɔŋ lɛ wɔkahe?” Enɛ fɛɛ mli lɛ, Hiob naa tɛɛɛ shi, ni ewieee wiemɔ gbonyo ko.

Hiob 5:17

“Naa, ajɔɔ mɔ ni Nyɔŋmɔ kãa lɛ lɛ, no hewɔ lɛ, ekafee bo dɔlɛ kɛji Ofe lɛ kã bo.

Lalai 11:5

Yehowa kaa jalɔ kɛ mɔ fɔŋ fɛɛ ekwɛɔ, shi yiwalɔ lɛ, Yehowa miihi lɛ.

Lalai 119:67

Midu gbɛ dani agbala mitoi lɛ, shi agbɛnɛ lɛ, mibo owiemɔ lɛ toi.

Lalai 119:71

Ehi akɛ agbala mitoi, koni makase okpɔi lɛ.

Lalai 119:75

Oo Yehowa, mile akɛ okojomɔi lɛ ja, ni anɔkwayeli okɛgbala mitoi!

Lalai 5:11

Shi mɛi fɛɛ ni baa bo abo lɛ, amɛmli filiɔ amɛ. Hã amɛla lalai be fɛɛ be kɛ miishɛɛ. Mɛi fɛɛ ni sumɔɔ ogbɛi lɛ, fã amɛhe ni ohã amɛnya.

Lalai 94:12

Ajɔɔ gbɔmɔ ni bo, Yehowa, otsɔ̃ɔ lɛ nii, gbɔmɔ ni ojɛɔ omla lɛ mli otsɔ̃ɔ lɛ nii lɛ,

2 Mose 20:6

“Shi mɛi akpei abɔ fɛɛ ni sumɔɔ mi, ni amɛyeɔ mikitãi anɔ lɛ, misumɔɔ amɛ kɛ suɔmɔ ni tsakeee, ni minaa amɛ mɔbɔ.

Abe̱i 17:3

Akɛ kukwɛi kaa jwiɛtɛi akwɛɔ, ni akɛ flɔnɔɔ kaa shika; shi gbɔmɔ tsui lɛ Yehowa ji mɔ ni kaa ekwɛɔ.

Yesaia 64:4

Ejaakɛ kɛjɛ teteete lɛ anuko dã, ni efoko mɔ ko mɔ ko toi naa dã, ni hiŋmɛi hu enako Nyɔŋmɔ ko yɛ bo osɛɛ ni feɔ nɔ ehaa mɛi ni hiɛ kã enɔ lɛ!

Zakaria 13:9

Nɛkɛ mlijaa etɛ̃ mli ekome ni aaashwɛ nɛɛ lɛ, mikɛ amɛ baawo la mli ni matsuu amɛhe, tamɔ akɛ la tsuɔ jwiɛtɛi he; makpa amɛ shi makwɛ tamɔ akpaa shika shi akwɛɔ lɛ. Amɛaasɔle kɛtsɛ mi, ni mahere amɛ nɔ. Makɛɛ akɛ, ‘Mimɛi ji amɛ,’ ni amɛ hu amɛaakɛɛ akɛ, ‘Yehowa ji wɔNyɔŋmɔ.’ Mi Yehowa, Taiatsɛ, mikɛɛ.”

Mateo 10:22

Ni mɛi fɛɛ aaanyɛ nyɛ yɛ migbɛi lɛ hewɔ; shi mɔ ni hiɛɔ mli kɛyawulaa shi lɛ, aaahere eyiwala.

Mateo 25:34

Kɛkɛ lɛ Maŋtsɛ lɛ aaakɛɛ mɛi ni yɔɔ eninejurɔ nɔ lɛ akɛ, ‘Nyɛbaa, nyɛ mɛi ni miTsɛ ejɔɔ nyɛ, nyɛbaŋɔa maŋtsɛyeli lɛ ni asaa ato nyɛ kɛjɛ jeŋ shishijee lɛ!

Luka 6:22

“Ajɔɔ nyɛ, kɛji mɛi nyɛ nyɛ, ni amɛkɛ nyɛ tserɛ mli, ni amɛjɛ nyɛ ni amɛgbe nyɛgbɛi akɛ gbɛi fɔ̃ŋ yɛ Gbɔmɔ Bi lɛ hewɔ lɛ.

Romabii 5:4

ni hiɛmiamɔ tsɛɔ su ni sa Nyɔŋmɔ hiɛ kɛbaa; ni su nɛɛ tsɛɔ hiɛnɔkãmɔ kɛbaa;

Romabii 8:28

Shi wɔle akɛ mɛi ni sumɔɔ Nyɔŋmɔ lɛ, nibii fiaa yeɔ buaa amɛ ni ahi ahã amɛ, amɛ mɛi ni atsɛ amɛ yɛ yiŋtoo naa lɛ.

1 Korintobii 2:9

shi moŋ tamɔ bɔ ni aŋma lɛ, “Nii ni hiŋmɛi enako ni toi hu nuko ni ebako gbɔmɔ ko tsuiŋ dã ji nii ni Nyɔŋmɔ esaa eto mɛi ni sumɔɔ lɛ lɛ.”

1 Korintobii 8:3

Shi kɛ mɔ ko miisumɔ Nyɔŋmɔ lɛ, Nyɔŋmɔ le lɛ.

1 Korintobii 9:25

Shi mɔ fɛɛ mɔ ni shiɔ akaŋ lɛ, eyeɔ ehe nɔ yɛ nibii fɛɛ mli. Agbɛnɛ amɛ lɛ amɛfeɔ nakai, koni amɛna akekre ni fiteɔ, shi wɔ lɛ, koni wɔna nɔ ni fiteee.

5 Mose 13:3

nyɛkaboa nakai gbalɔ lɛ loo lamɔ shishitsɔ̃ɔlɔ lɛ toi; ejaakɛ kaa Yehowa, nyɛNyɔŋmɔ lɛ, kɛkaa nyɛ lɛ. Eetao ena akɛ nyɛkɛ nyɛtsui fɛɛ kɛ nyɛmumɔ fɛɛ miisumɔ lɛ Yehowa lɛ lo.

5 Mose 7:9

No hewɔ lɛ, nyɛnaa nyɛlea akɛ Yehowa, nyɛNyɔŋmɔ lɛ, lɛ ji Nyɔŋmɔ koome lɛ, Nyɔŋmɔ anɔkwafo, mɔ ni yeɔ shi ni ewo nɔ, asaŋ ni esuɔmɔ tsakeee yɛ mɛi ni esumɔɔ ni amɛyeɔ ekitãi anɔ kɛyashiɔ amɛshwiei ni ji akpe lɛ ayinɔ tɔ̃ɔ lɛ.

5 Mose 8:2

Nyɛkaia gbɛ ni Yehowa, nyɛNyɔŋmɔ lɛ, kɛ nyɛ tsɔ̃ nɔ lɛ fɛɛ, yɛ shiaŋa lɛ nɔ afii nyɔŋmai ejwɛ nɛɛ mli lɛ, koni ekɛhã nyɛhumi shi, ni asaŋ koni etsɔ̃ nɔ ekɛka nyɛ ekwɛ ni ekɛle nɔ ni yɔɔ nyɛtsuiiaŋ akɛ nyɛaaye ekitãi lɛ anɔ lo, aloo nyɛyeŋ nɔ.

2 Timoteo 2:15

Bɔɔ mɔdɛŋ ni okɛ ohe adamɔ Nyɔŋmɔ hiɛ akɛ mɔ ko ni sa, nitsulɔ ni hiɛ gbooo, ni tsɔ̃ɔ anɔkwale wiemɔ lɛ pɛpɛɛpɛ.

2 Timoteo 4:8

Nɔ ni eshwɛ ni kã shi hã mi ji jalɛ akekre lɛ, ni Nuŋtsɔ ni ji jalɛ kojolɔ lɛ baahã mi yɛ nakai Gbi lɛ nɔ lɛ, ni jeee mikome ebaahã, shi moŋ mɛi bluublu hu ni sumɔɔ epuemɔ lɛ.

Hebribii 10:32

Shi nyɛkaia be ni eho lɛ, be ni la etso yɛ nyɛnɔ lɛ, bɔ ni nyɛmia nyɛhiɛ yɛ amanehulu ta babaoo mli.

Hebribii 11:17

Hemɔkɛyeli naa Abraham ŋɔ Isak eyashã afɔle be ni aka lɛ lɛ, ni ekɛ ebi kome lɛ ba ebahã, be ni enine eshɛ shiwoi lɛ anɔ momo lɛ.

Hebribii 12:5

ni nyɛhiɛ ekpa hewalɛwoo wiemɔ ni Nyɔŋmɔ kɛ nyɛ wieɔ bɔ ni akɛ bii wieɔ lɛ nɔ akɛ, “Mibi, kaabu Nuŋtsɔ lɛ tsɔsemɔ lɛ akɛ nɔ ko bibioo, ni asaŋ, kɛ ekã ohiɛ lɛ, kaahã onijiaŋ miije wui;

Hebribii 6:15

Ni akɛni Abraham to etsui shi hewɔ lɛ, enine shɛ shiwoo lɛ nɔ.

Yakobo 2:5

Minyɛmimɛi ni misumɔɔ, nyɛboa toi! Ani jeee je nɛɛ mli ohiafoi ni ji niiatsɛmɛi yɛ hemɔkɛyeli gbɛfaŋ lɛ Nyɔŋmɔ ehala, koni maŋtsɛyeli ni ewo mɛi ni sumɔɔ lɛ lɛ shi yɛ he lɛ atsɔ̃ amɛnɔ?

Yakobo 5:11

Naa, wɔbuɔ mɛi ni mĩaa amɛhiɛ lɛ akɛ mɛi ni ajɔɔ amɛ. Nyɛnu Hiob hiɛmiamɔ lɛ he, kɛ bɔ ni Nuŋtsɔ lɛ hã enaagbee fee hã; ejaakɛ Nuŋtsɔ lɛ mli tsɔ̃ɔ lɛ babaoo, ni enaa mɔbɔ.

1 Petro 3:14

Shi kɛ jalɛ hewɔ nyɛnaa amanehulu tete lɛ, ajɔɔ nyɛ. Shi nyɛkashea amɛ gbeyei, ni nyɛkahaoa hu.

1 Petro 4:13

shi moŋ bɔbɔ ni nyɛnaa Kristo amanehului lɛ eko lɛ, nakai nyɛmii ashɛa, koni enunyam kpojiemɔ lɛ mli hu nyɛmii ashɛ ni nyɛmli afili nyɛ.

1 Petro 4:14

Kɛ Kristo gbɛi hewɔ ajɛɔ nyɛ lɛ, ajɔɔ nyɛ, ejaakɛ anunyam Mumɔ kɛ Nyɔŋmɔ mumɔ lɛ yɛ nyɛnɔ.

1 Petro 5:10

Shi dromɔ fɛɛ Nyɔŋmɔ ni tsɛ nyɛ kɛba enaanɔ anunyam lɛ mli yɛ Kristo Yesu mli lɛ, kɛ nyɛna amanehulu fioo nɛɛ etã lɛ, lɛ diɛŋtsɛ eeesaa nyɛ pɛ, ni eeewaje nyɛ, ni eeewo nyɛ hewalɛ ni eeehã nyɛfi shi shiŋŋ.

1 Petro 5:4

Ni be ni Tookwɛlɔnukpa lɛ aaajie ehe kpo lɛ, nyɛnine aaashɛ anunyam akekre ni ŋalaaa lɛ nɔ.

1 Yohane 4:19

Wɔsumɔɔ Nyɔŋmɔ, ejaakɛ lɛ tsutsu esumɔ wɔ.

Kpojiemɔ 2:10

Kaashe amanehulu ni obaana lɛ ekoeko gbeyei. Naa, abonsam baaŋɔ nyɛteŋ mɛi komɛi awo tsuŋ, koni akɛka nyɛ, ni nyɛaana amanehulu gbii nyɔŋma. Feemɔ anɔkwafo kɛyashi gbele mli, ni mahã bo wala akekre lɛ.

Kpojiemɔ 3:19

Mi lɛ, mɛi abɔ ni midɔɔ amɛhe lɛ, mikãa amɛ ni mitsɔseɔ amɛ; no hewɔ lɛ, ohiɛ adɔ ni otsake otsui.

Kpojiemɔ 3:21

Kunimyelɔ lɛ mahã ekɛ mi ata mimaŋtsɛ sɛi lɛ nɔ tamɔ bɔ nɔŋŋ ni mi hu miye kunim ni mikɛ miTsɛ ta emaŋtsɛ sɛi lɛ nɔ lɛ.