Yakobo 1:1 - ŊMALƐ KRƆŊKRƆŊ LƐ

¹ Yakobo, ni ji Nyɔŋmɔ kɛ Nuŋtsɔ Yesu Kristo tsulɔ lɛ ŋma yahã akutsei nyɔŋma kɛ enyɔ ni egbɛ eshwã lɛ. Miiŋa nyɛ!

Ṅmãle̱ Kroṅkroṅ Le̱

¹ Iakobo, ni dši Nyoṅmo̱ ke̱ Nuṅtšo̱ Iesu Kristo tšulo̱ le̱, ṅmã yahã akutšei nyoṅma ke̱ enyo̱ ni *egbe̱ eſã le̱: Mīše̱ ahãnye! *1 Pet, 1,11.

Yakobo 1:1 ပူးပေါင်းရင်းမြစ်များ

1 Maŋtsɛmɛi 18:31

Elia kɔlɔ tɛi nyɔŋma kɛ enyɔ, yɛ Yakob, mɔ ni Yehowa kɛɛ lɛ akɛ, “Abaatsɛ bo Israel” lɛ bii lɛ akutsei lɛ ayikulɛ naa,

Ezra 6:17

Ni Nyɔŋmɔ We lɛ naagbelemɔ lɛ mli lɛ amɛkɛ tsinai oha, ojwɛnii ohai enyɔ, toobii ohai ejwɛ shã afɔle; ni amɛkɛ too kpakpoi nyɔŋma kɛ enyɔ shã shãa afɔle amɛhã Israel muu lɛ fɛɛ yɛ Israel akutsei lɛ ayibɔ lɛ naa.

Ester 3:8

Kɛkɛ ni Haman kɛɛ maŋtsɛ Ahashwerosh akɛ, “Nii, Gbɔmɛi komɛi egbɛ eshwã omaŋtsɛyeli shikpɔji kɛ kpokpai fɛɛ anɔ, ni amɛ lɛ esoro amɛkusum kwraa yɛ maŋbii krokomɛi lɛ anɔ he, ni amɛyeee maŋtsɛ mlai lɛ anɔ hu. Enɛ lɛ esaaa akɛ Nii aŋmɛ amɛ gbɛ nakai.

2 Mose 24:4

Mose ŋmala Yehowa wiemɔi lɛ fɛɛ eshwie shi. Kɛkɛ ni ete shi leebi maŋkpa, ni ema afɔleshãa latɛ yɛ gɔŋ lɛ shishi, ni ehole tɛi nyɔŋma kɛ enyɔ edamɔ shi yɛ Israel akutsei nyɔŋma kɛ enyɔ lɛ anaa.

2 Mose 28:21

Tɛi lɛ ayibɔ baafee nyɔŋma kɛ enyɔ, ni amɛkɛ Yakob bihii lɛ agbɛii nyɔŋma kɛ enyɔ lɛ anyiɛ yɛ amɛfɔmɔ naa, koni tɛi lɛ adamɔ shi ahã Israel akutsei nyɔŋma kɛ enyɔ lɛ. Akpɛ gbɛii lɛ tamɔ ayeɔ sama awoɔ wolonaasɔomɔ nii nɔ lɛ, tɛ fɛɛ tɛ kɛ egbɛi yɛ Israel akutsei lɛ anaa.

2 Mose 39:14

Tɛi lɛ ayibɔ fee nyɔŋma kɛ enyɔ, ni tɛi nɛɛ agbɛii kɛ Yakob bihii lɛ agbɛii nyɔŋma kɛ enyɔ lɛ nyiɛ yɛ Israel akutsei nyɔŋma kɛ enyɔ lɛ naa. Akpɛ gbɛii lɛ tamɔ ayeɔ sama awoɔ wolonaasɔomɔ nɔ nɔ lɛ, tɛ fɛɛ tɛ kɛ egbɛi.

Ezekiel 12:15

“Kɛji migbɛ amɛ mishwã majimaji kɛ shikpɔji lɛ anɔ lɛ no amɛkɛaale akɛ, mi mi ji Yehowa.

3 Mose 26:33

Ni nyɛ diɛŋtsɛ lɛ mahã ta abanina nyɛ, ni magbɛ nyɛ mashwã majimaji ni yɔɔ jeŋ lɛ anɔ. Gbɔmɛi baatã yɛ nyɛshikpɔŋ lɛ nɔ, ni nyɛmaji lɛ baatsɔ̃mɔ amaŋfɔ̃i.

Mateo 10:3

Filipo kɛ Bartolomeo, Toma kɛ Mateo, tóohelɔ lɛ, Yakobo, Alfeo bi lɛ, kɛ Tadeo;

Mateo 13:55

Ani jeee ŋaalɔ lɛ bi lɛ nɛ? Ani jeee enyɛ atsɛɔ lɛ Maria lɛ, kɛ enyɛmimɛi hii ni ji Yakobo kɛ Yose kɛ Simon kɛ Yuda lɛ?

Mateo 19:28

Shi Yesu kɛɛ amɛ akɛ, “Anɔkwale mikɛɔ nyɛ akɛ, nyɛ mɛi ni nyɛnyiɛ misɛɛ nɛɛ, be ni Gbɔmɔ Bi lɛ aaata enunyam sɛ̃i lɛ nɔ yɛ jeŋ hee lɛ mli lɛ, nyɛ hu nyɛaatara sɛ̃ii nyɔŋma kɛ enyɔ nɔ, ni nyɛaakojo Israel akutsei nyɔŋma kɛ enyɔ lɛ.

Marko 3:18

kɛ Andrea kɛ Filipo kɛ Bartolomeo kɛ Mateo kɛ Toma kɛ Yakobo, Alfeo bi lɛ, kɛ Tadeo kɛ Simon, maŋhedɔlɔ lɛ,

Luka 22:30

koni nyɛye nii ni nyɛnu yɛ mikpɔlɔ̃ lɛ he yɛ mimaŋtsɛyeli lɛ mli; ni nyɛaatara sɛii anɔ ni nyɛkojo Israel akutsei nyɔŋma kɛ enyɔ lɛ.”

Luka 6:15

Mateo kɛ Toma; Yakobo, Alfeo bi lɛ, kɛ Simon, mɔ ni atsɛɔ lɛ maŋhedɔlɔ lɛ;

Yohane 12:26

Kɛji mɔ ko miisɔmɔ mi lɛ, enyiɛ misɛɛ, ni he ni miyɔɔ lɛ, jɛi misɔ̃ɔlɔ lɛ hu aaahi; kɛji mɔ ko miisɔmɔ mi lɛ, miTsɛ aaawo lɛ.”

Yohane 7:35

No hewɔ lɛ, Yudafoi lɛ kɛɛkɛɛ amɛhe akɛ, “Nɛgbɛ mɔ nɛ baaya ni wɔnaŋ lɛ? Ani mɛi ni egbɛ eshwã Helabii lɛ ateŋ lɛ aŋɔɔ ebaaya, ni eyatsɔ̃ɔ Helabii lɛ anii?

Bɔfoi 1:13

Ni be ni amɛshɛ jɛi lɛ, amɛtee ŋwɛitsu ko mli, he ni Petro kɛ Yakobo kɛ Yohane kɛ Andrea kɛ Filipo kɛ Toma kɛ Bartolomeo kɛ Mateo kɛ Alfeo bi Yakobo kɛ Simon, maŋ he hiɛdɔlɔ lɛ, kɛ Yakobo bi Yuda hiɔ lɛ.

Bɔfoi 12:17

Shi efɔ̃ amɛ nine akɛ amɛfee dioo, ni egba amɛ bɔ ni Nuŋtsɔ lɛ fee ni ejie lɛ yɛ tsu lɛ mli lɛ; ni ekɛɛ, “Nyɛyaa ni nyɛyagbaa Yakobo kɛ nyɛmimɛi lɛ nɛkɛ nibii nɛɛ.” Ni eje jɛi etee he kroko.

Bɔfoi 15:13

Be ni amɛwie amɛgbe naa lɛ, Yakobo here nɔ ni ekɛɛ, “Anyɛmimɛi hii, nyɛboa mi toi.

Bɔfoi 15:21

Ejaakɛ kɛjɛ blema beebe lɛ Mose yɛ mɛi ni shiɛɔ lɛ yɛ maŋ fɛɛ maŋ nɔ, ni daa hejɔɔmɔ gbi lɛ akaneɔ ewoji lɛ yɛ kpeehei lɛ.”

Bɔfoi 15:23

Ni amɛŋma wolo amɛhã amɛ akɛ, “Bɔfoi lɛ kɛ onukpai lɛ kɛ nyɛmimɛi lɛ miibi nyɛmimɛi ni jɛ jeŋmaji lɛ ateŋ ni yɔɔ Antiokia kɛ Siria kɛ Kilikia lɛ jogbaŋŋ.

Bɔfoi 2:5

Shi Yudafoi Nyɔŋmɔ gbeyeishelɔi komɛi yɛ Yerusalɛm, ni amɛjɛ jeŋ maji fɛɛ ni yɔɔ ŋwɛi shishi lɛ anɔ.

Bɔfoi 21:18

Ni enɔ jetsɛremɔ lɛ, Paulo kɛ wɔ tee Yakobo ŋɔɔ; ni onukpai lɛ fɛɛ hu yɛ jɛi.

Bɔfoi 23:26

“Klaudio Lisia miibi amralo jurɔ Felike jogbaŋŋ!

Bɔfoi 26:7

No nɔ wɔkutsei nyɔŋma kɛ enyɔ lɛ hiɛ kã akɛ amɛnine aaashɛ hewɔ ni amɛhiɛ jamɔ mli waa nyɔɔŋ kɛ shwane lɛ. Maŋtsɛ Agripa, nɛkɛ hiɛnɔkãmɔ nɛɛ hewɔ Yudafoi lɛ folɔɔ minãa nɛɛ.

Bɔfoi 8:1

Shi gbe ni agbe Stefano lɛ ŋɔɔ Saul hu naa. Ni nakai gbi lɛ nɔ nɔŋŋ lɛ yiwaa kpele te shi wo asafo ni yɔɔ Yerusalɛm lɛ; ni amɛ fɛɛ amɛgbɛ amɛshwã Yudea kɛ Samaria shikpɔŋ lɛ nɔ; bɔfoi lɛ kɛkɛ shwɛ.

Romabii 1:1

Wolo nɛɛ jɛ mi Paulo, Yesu Kristo tsulɔ kɛ bɔfo ni atsɛ lɛ ni ajie lɛ ato ahã Nyɔŋmɔ Sanekpakpa lɛ, dɛŋ.

Galatabii 1:19

shi minaaa bɔfoi lɛ ateŋ mɔ kroko akɛ ja Yakobo, Nuŋtsɔ lɛ nyɛmi lɛ.

Galatabii 2:12

Ejaakɛ dani mɛi komɛi aaajɛ Yakobo ŋɔɔ aba lɛ, ekɛ jeŋmajiaŋbii lɛ yeɔ nii; shi be ni amɛba lɛ, egbala ehe shi ni etse ehe, ejaakɛ eeshe mɛi ni jɛ ketiafolɔi lɛ ateŋ lɛ gbeyei.

Galatabii 2:9

be ni amɛyoo dromɔ ni akɛhã mi lɛ, Yakobo kɛ Kefa kɛ Yohane ni abuɔ amɛ akɛ akulashiŋi lɛ, amɛkɛ naanyobɔɔ ninejurɔ lɛ ta mi kɛ Barnaba dɛ̃, koni wɔ lɛ wɔya jeŋmaji lɛ aŋɔɔ, shi amɛ lɛ amɛya ketiafolɔi lɛ aŋɔɔ;

5 Mose 28:64

“Ni Yehowa aaagbɛ nyɛ ashwã shikpɔŋ lɛ nɔ bii lɛ fɛɛ ateŋ, kɛjɛ je lɛ naagbeehe kome kɛyashi naagbeehe kome hu, ni nyɛbaaya nyɛyaja tso kɛ tɛ nyɔŋmɔi ni nyɛ loo nyɛtsɛmɛi lɛ leee.

5 Mose 30:3

no lɛ Yehowa, nyɛNyɔŋmɔ lɛ aaana nyɛ mɔbɔ ekoŋŋ. Emusuŋ aaatsɔ̃ lɛ, ni eeeku sɛɛ ebua nyɛnaa kɛaajɛ majimaji anɔ hei fɛɛ ni Yehowa, nyɛNyɔŋmɔ lɛ, egbɛ nyɛ eshwã lɛ kɛaaba.

5 Mose 32:26

Kulɛ makɛɛ akɛ, ‘Magbɛ amɛ mashwã kɛya shɔŋŋ, ni mahã hiɛ akpa amɛnɔ yɛ gbɔmɛi ateŋ.’

5 Mose 4:27

Yehowa aaagbɛ nyɛ ashwã maji krokomɛi anɔ, ni nyɛyi fioo kɛkɛ aaashwɛ yɛ maji ni Yehowa aaagbɛ nyɛ ashwã kɛaatee lɛ anɔ.

Filipibii 1:1

Paulo kɛ Timoteo, Yesu Kristo tsuji lɛ; ŋma yahã mɛi krɔŋkrɔŋi ni yɔɔ Yesu Kristo mli yɛ Filipi lɛ kɛ amɛnɔkwɛlɔi kɛ sɔ̃ɔlɔi lɛ fɛɛ.

2 Timoteo 4:21

Bɔɔ mɔdɛŋ ni oba dani fɛ̃i be lɛ ashɛ. Eubulo kɛ Pude kɛ Lino kɛ Klaudia kɛ nyɛmimɛi lɛ fɛɛ miibi bo

Tito 1:1

Paulo, ni ji Nyɔŋmɔ tsulɔ kɛ Yesu Kristo bɔfo lɛ, ŋma wolo nɛɛ. Nyɔŋmɔ hala mi ni etsu mi koni mayawo Nyɔŋmɔ halamɔbii lɛ ahemɔkɛyeli kɛ Nyɔŋmɔjamɔ anɔkwale lɛ he nilee lɛ mli hewalɛ,

1 Petro 1:1

Petro ni ji Yesu Kristo bɔfo lɛ ŋma yahã gbɔi ni egbɛ eshwã Ponto, Galatia, Kapadokia, Asia kɛ Bitinia lɛ. Amɛ ji mɛi ni ahala

2 Petro 1:1

Simon Petro ni ji Yesu Kristo tsulɔ kɛ bɔfo lɛ ŋma yahã mɛi ni nine eshɛ hemɔkɛyeli ni jara wa tamɔ wɔnɔ lɛ nɔŋŋ nɔ kɛtsɔ̃ wɔNyɔŋmɔ kɛ wɔyiwalaherelɔ Yesu Kristo jalɛ lɛ nɔ lɛ.

Yuda 1:1

Yuda, ni ji Yesu Kristo tsulɔ kɛ Yakobo nyɛmi lɛ; ŋma yahã mɛi ni atsɛ amɛ ni afee amɛ krɔŋkrɔŋ yɛ Tsɛ Nyɔŋmɔ lɛ mli ni akɛ amɛ eto ahã Yesu Kristo lɛ.

Kpojiemɔ 7:4

Ni minu mɛi ni akɛ naasɔomɔnɔ lɛ ekadi amɛ lɛ ayibɔ: Mɛi akpei oha kɛ nyɔŋmai ejwɛ kɛ ejwɛ ni akɛ naasɔomɔnɔ ekadi amɛ kɛjɛ Israelbii lɛ akutso fɛɛ akutso mli: