Yāfó 4:9 - ŊMALƐ KRƆŊKRƆŊ LƐ

⁹ Mɛi ni nyɔnyɔi yɛ ta lɛ mli lɛ anɔ hi kwraa fe mɛi ni gboɔ yɛ hɔmɔ naa lɛ, fe mɛi ni ŋmɔshi nibaanii ni amɛnaaa amɛye ni no hã amɛtã loo ni amɛpiŋ lɛ.

Ṅmãle̱ Kroṅkroṅ Le̱

⁹ Mei ní nyõnyõi ye̱ klante nā le̱ anõ hi fè mei ni gboi ye̱ hòmo̱ nā le̱; edšake̱ mene̱mei le̱, ṅmõši nibānii ní ame̱náá hewo̱ le̱, ame̱hoo̱ ši tamo̱ mei ní agbulo̱ame̱.

Yāfó 4:9 ပူးပေါင်းရင်းမြစ်များ

2 Maŋtsɛmɛi 25:3

Nakai afi lɛ nɔ nyɔŋ ni ji ejwɛ lɛ nɔ gbi ni ji nɛɛhu lɛ nɔ lɛ, hɔmɔ ni naa wa ba maŋ lɛŋ; ni no hewɔ lɛ, shikpɔŋ lɛ nɔ bii lɛ naaa nii amɛye.

2 Mose 16:3

Amɛkɛɛ, “Yehowa hã wɔgboi yɛ Ijipt be ni wɔtara loo kɛ kukwɛii ahe ni wɔyeɔ nii wɔtɔrɔɔ lɛ moŋ kulɛ, ehi fe nɔ ni nyɛjie wɔ kɛba ŋa nɛɛ nɔ, ni nyɛkɛ hɔmɔ abagbe asafo muu nɛɛ fɛɛ nɛɛ.”

Yesaia 22:2

Maŋ kɛ emli kiŋkaŋŋ, maŋ ni mli efili lɛ, omli eyi kɛ hoofeemɔ. Omɛi ni nyɔnyɔɔi lɛ, jeee klante naa amɛnyɔnyɔi yɛ, ni jeee ta mli hu amɛgboi yɛ.

Yeremia 16:4

Gbele helai baagbegbee amɛ; ayeŋ amɛhe ŋkɔmɔ, ni afuŋ amɛgbohii lɛ tete; ni amɛbaajwere shikpɔŋ lɛ nɔ tamɔ wamɔ. Amɛbaanyɔnyɔi yɛ klante kɛ hɔmɔ naa, ni amɛgbohii lɛ baatsɔ̃ niyenii ahã loofɔji kɛ jwɛiiaŋ kooloi.

Ezekiel 24:23

Nyɛbaafimɔ nyɛbɔnduku lɛ, ni nyɛtokotai lɛ aahi nyɛnaji, nyɛwoŋ yara, asaŋ nyɛfoŋ, shi moŋ yɛ nyɛnishaianii ahewɔ lɛ, nyɛaatãrã loo, ni nyɛaakɛ̃mɔ nyɛtsɔ̃ɔ nyɛhe.

Ezekiel 33:10

“Agbɛnɛ, bo Gbɔmɔ Adesa, kɛɛmɔ Israel we lɛ akɛ nɔ ni nyɛkɛɛ pɛŋ ji akɛ, ‘Wɔtɔ̃mɔi lɛ kɛ wɔhe eshai lɛ miisu wɔtsui, ni ehã wɔtãra loo. Te aaafee tɛŋŋ mɔ, ni wɔyi ana wala hu?’

Ezekiel 4:16

Esaa ekɛɛ mi akɛ, “Gbɔmɔ Adesa, naa, mahã niyenii he asɛ̃ yɛ Yerusalɛm, ni amɛkɛ tsuiyeli baaŋmɛ aboloo amɛye, ni amɛkɛ hejaramɔ baasusu nu amɛnu.

Ezekiel 7:15

“Aawuu yɛ gbɛjegbɛi anɔ, gbele hela kɛ hɔmɔ yɛ shĩa mli; mɔ ni yɔɔ ŋa nɔ lɛ nyɔɔ yɛ klante naa; mɔ ni yɔɔ maŋ lɛ mli lɛ hɔmɔ kɛ gbele hela kpãtãa ehiɛ.

3 Mose 26:39

Ni nyɛteŋ mɛi ni aaashwɛ lɛ, mligbigblimɔ sɔŋŋ baagbegbee nyɛ yɛ nyɛhenyɛlɔi lɛ ashikpɔji lɛ anɔ yɛ nyɛtɔ̃mɔi lɛ ahewɔ. Nakai nɔŋŋ hu nyɛaagbigbli nyɛmli tamɔ nyɛtsɛmɛi lɛ kɛyaashi nyɛaagboi tamɔ amɛ.

5 Mose 28:51

Amɛbaaye otsinai abii kɛ oŋmɔshi nibaanii kɛyaashi aaakpãtã ohiɛ; amɛshiŋ abele loo wain loo mu loo otsinabii loo otoobii lɛ eko amɛhaŋ bo kɛyaashi amɛaakpãtã ohiɛ.