Yāfó 4:6 - ŊMALƐ KRƆŊKRƆŊ LƐ

⁶ Ejaakɛ mimaŋbii ahe esha lɛ da fe Sodom he esha lɛ, Sodom ni abutu lɛ hiŋmɛitswaa mli ni gbɔmɔ adesa nine bɛ mli lɛ.

Ṅmãle̱ Kroṅkroṅ Le̱

⁶ Mimaṅ le̱ biyō le̱ nõša le̱ da fè Sodom he eša le̱, ní le̱ le̱ abutule̱ hĩṅme̱itſā, ni moko nine be̱ mli. 1 Mose 18.20; 19,24. 26.

Yāfó 4:6 ပူးပေါင်းရင်းမြစ်များ

1 Mose 19:24

Yehowa hã swɔɔ kɛ la nɛ kɛjɛ ŋwɛi eshwie Sodom kɛ Gomora nɔ,

1 Mose 19:25

ni ekpãtã nɛkɛ maji nɛɛ kɛ jɔɔ shikpɔŋ lɛ fɛɛ kɛ maji lɛ amli bii fɛɛ kɛ shikpɔŋ lɛ nɔ nibii ni ekwɛ̃kwɛ̃ɛ fɛɛ lɛ ahiɛ.

Yesaia 24:2

Bɔ ni abaafee maŋbii lɛ, nakai nɔŋŋ abaafee osɔfo lɛ; ni bɔ ni abaafee nyɔŋ lɛ, nakai nɔŋŋ abaafee enuŋtsɔ lɛ; bɔ ni abaafee weyoo lɛ, nakai nɔŋŋ abaafee ewula lɛ; ni bɔ ni abaafee nihelɔ lɛ, nakai nɔŋŋ aaafee nihɔɔlɔ lɛ; bɔ ni abaafee mɔ ni kɛ nii filiɔ lɛ, nakai nɔŋŋ aaafee mɔ ni filiɔ nii lɛ; ni bɔ ni abaafee mɔ ni ahiɛ lɛ nyɔmɔ lɛ, nakai nɔŋŋ aaafee mɔ ni hiɛ nyɔmɔ lɛ.

Yeremia 20:16

Nakai nuu lɛ atsɔ̃ tamɔ maji ni Yehowa kpãtã amɛhiɛ, ni amɛnii efeee lɛ mɔbɔ lɛ. Hã enu blɔmɔ he leebi kɛ tayaa oshebɔɔ he shwane,

Yeremia 23:14

Shi nɔ ni mina yɛ Yerusalɛm gbalɔi lɛ ahe lɛ, eyɛ gbeyei. Amɛfiteɔ gbãlã, ni amɛmaleɔ; amɛwo efɔŋfeelɔi hewalɛ, no hewɔ lɛ, mɔ ko mɔ ko kpaaa efɔŋ feemɔ. Amɛ fɛɛ kwa amɛtsɔ̃ tamɔ Sodom, ni maŋbii lɛ tamɔ Gomora hã mi.

Yāfó 4:9

Mɛi ni nyɔnyɔi yɛ ta lɛ mli lɛ anɔ hi kwraa fe mɛi ni gboɔ yɛ hɔmɔ naa lɛ, fe mɛi ni ŋmɔshi nibaanii ni amɛnaaa amɛye ni no hã amɛtã loo ni amɛpiŋ lɛ.

Daniel 8:25

Eŋaalee lɛ hewɔ lɛ, kɛtsɔ̃ enɔ lɛ lakamɔ baafa pii, ni ebaawo ehe nɔ. Ebaakpãtã mɛi babaoo ahiɛ, be mli ni amɛleee amɛhe be. Ebaate shi ewo jeŋ fɛɛ Lumɔi alumɔ lɛ; shi abaakpãtã ehiɛ, be mli ni adesa nine etako ehe tete.

Daniel 9:12

Ekɛ amanehulu kpeteŋkple ni eba wɔnɔ nɛɛ lɛ ema wiemɔ ni ewie eshi wɔ lɛ nɔ mi. Ogbalako maŋ ko toi nɛkɛ pɛŋ dã, yɛ je nɛɛ mli fɛɛ, tamɔ ogbala Yerusalɛm toi nɛɛ.

Mateo 24:21

Ejaakɛ nakai be lɛ mli lɛ amanehulu kpele aaaba ni anako enɔ dã kɛjɛ je lɛ shishijee mli kɛbashi ŋmɛnɛ, ni asaŋ anaŋ enɔ gbi ko gbi ko dɔŋŋ.

Luka 10:12

Miikɛɛ nyɛ akɛ, ‘Nakai gbi lɛ nɔ lɛ aaafaŋ Sodom fe nakai maŋ lɛ!’

Luka 12:47

“Shi nakai tsulɔ lɛ ni le enuŋtsɔ suɔmɔnaanii ni esaaa ehe etooo ni esaa efeee esuɔmɔnaanii lɛ aaayi lɛ kpãi pii;