Yāfó 4:16 - ŊMALƐ KRƆŊKRƆŊ LƐ

¹⁶ Yehowa diɛŋtsɛ egbɛ amɛ eshwã, ni ebuuu amɛhe akɔntaa dɔŋŋ; ebuuu osɔfoi lɛ dɔŋŋ, ni ehiɛ esɔɔɔ onukpai lɛ hu dɔŋŋ.

Ṅmãle̱ Kroṅkroṅ Le̱

¹⁶ Iehowa hĩetũmo̱ efãame̱ eſie, ekwe̱e̱ame̱ doṅṅ; abuṅ oso̱foi le̱, *onukpai le̱ ahĩe baṅ nyam doṅṅ. *5,12. 5 Mose 28,50. Ies. 47,6.

Yāfó 4:16 ပူးပေါင်းရင်းမြစ်များ

1 Mose 49:7

Alomɔ amɛmlifu, ejaakɛ enaa wa; alomɔ amɛmlila, ejaakɛ eyi wa. Magbala amɛmli mawo Israel magbɛ amɛ mashwã Israel shikpɔŋ lɛ nɔ fɛɛ.

2 Kronika 36:17

Enɛ hewɔ lɛ, Yehowa yakpala Babilon maŋtsɛ lɛ kɛba, ni ebatua Yudabii lɛ, ni egbe Yuda oblahii lɛ kɛnyiɛ Sɔlemɔ we lɛ mli tete po. Eyanaaa mɔ ko mɔ ko mɔbɔ, oblanyo jio, oblayoo jio, nuumo jio, yoomo jio, gbɔmɔ kpiŋtiŋkpliŋŋ jio, helatsɛ jio, egbe fɛɛ.

Lalai 106:27

Ni eshɛrɛ amɛshwiei lɛ eshwã majimaji lɛ amli; egbɛ amɛ eshwã shikpɔji lɛ anɔ fɛɛ.

Lalai 106:44

Shi kɛ̃lɛ, be ni enu amɛbolɔmɔ lɛ, enu amɛhaomɔ lɛ he ehã amɛ.

Yesaia 24:2

Bɔ ni abaafee maŋbii lɛ, nakai nɔŋŋ abaafee osɔfo lɛ; ni bɔ ni abaafee nyɔŋ lɛ, nakai nɔŋŋ abaafee enuŋtsɔ lɛ; bɔ ni abaafee weyoo lɛ, nakai nɔŋŋ abaafee ewula lɛ; ni bɔ ni abaafee nihelɔ lɛ, nakai nɔŋŋ aaafee nihɔɔlɔ lɛ; bɔ ni abaafee mɔ ni kɛ nii filiɔ lɛ, nakai nɔŋŋ aaafee mɔ ni filiɔ nii lɛ; ni bɔ ni abaafee mɔ ni ahiɛ lɛ nyɔmɔ lɛ, nakai nɔŋŋ aaafee mɔ ni hiɛ nyɔmɔ lɛ.

Yesaia 47:6

Mimli wo mimaŋ lɛ la, ni mibule minɔyeli nɔ lɛ, ni miŋɔ amɛ miwo odɛ̃ŋ. Omusuŋ etsɔ̃ɔɔ bo yɛ amɛhe; hiimeji tete po okɛ amɛ ye kɛ joomɔ.

Yeremia 15:4

Mahã jeŋ majimaji fɛɛ ahe ajɔ̃ amɛhe yɛ nɔ ni Hezekia bi Manase, ni ji Yuda maŋtsɛ lɛ, fee yɛ Yerusalɛm lɛ hewɔ.’ ”

Yeremia 24:9

Mibahã amɛtsɔ̃ gbeyei nɔ amɛhã shikpɔŋ lɛ nɔ maŋtsɛyelihei fɛɛ; ni abaaye amɛhe fɛo, ni abaabɔ amɛ ahora, ni amɛbaatsɔ̃mɔ mɛi ni alomɔ amɛ yɛ hei fɛɛ ni mibagbɛ amɛ mashwã kɛya lɛ.

Yeremia 52:24

Enɛ sɛɛ lɛ maŋtsɛ hebulɔi asafoiatsɛ Nebuzaradan mɔmɔ Osɔfonukpa Seraia kɛ esɛɛmɔ Osɔfo Zefania kɛ Sɔlemɔ we lɛ agbo lɛ naabulɔi etɛ̃ lɛ.

Yāfó 2:20

Ao! Yehowa, kwɛmɔ koni oyoo mɔ ni ofee lɛ nɛkɛ nɛɛ lɛ. Aso ehi akɛ yeifɔyei aye amɛmusuŋbii ni ahiɛ amɛ yɛ fufɔ naa lɛ? Aso ehi akɛ agbe osɔfo kɛ gbalɔ fɛɛ yɛ Nuŋtsɔ lɛ He Krɔŋkrɔŋ lɛ mli lo?

Yāfó 2:6

Ekumɔ ejamɔhe lɛ eshwie shi tamɔ trom mli asese. Ekpãtã he ni ayeɔ lɛ diɛŋtsɛ egbiijuji ni eto yɛ lɛ hiɛ. Yehowa efo gbii juji kɛ hejɔɔmɔ gbii asɛɛ yɛ Zion, ni ekwa maŋtsɛ kɛ osɔfo fɛɛ yɛ mlifu ni naa wa lɛ naa.

Yāfó 5:12

Amɛ diɛŋtsɛ amɛsɛŋɔ maŋ lumɛi lɛ, ni amɛhiɛ eshwieee onukpai ahiɛiaŋ.

Ezekiel 5:10

No hewɔ lɛ, tsɛmɛi baagbe amɛbii amɛye yɛ nyɛteŋ, ni bihii baagbe amɛtsɛmɛi amɛye; magbala nyɛtoi! Hiɛkãalɔi ni baashwɛ lɛ, magbɛ amɛ mashwã jeŋ koji ejwɛ lɛ fɛɛ.

5 Mose 28:25

“Yehowa aaahã henyɛlɔi aye onɔ. Ooonyiɛ gbɛ kome nɔ kɛyatua amɛ; shi gbɛi kpawo nɔ oootsɔ̃ ojo foi kɛje amɛhiɛ. Osane lɛ baahã shikpɔŋ lɛ nɔ nɔyelihei fɛɛ atsui afã.

5 Mose 32:26

Kulɛ makɛɛ akɛ, ‘Magbɛ amɛ mashwã kɛya shɔŋŋ, ni mahã hiɛ akpa amɛnɔ yɛ gbɔmɛi ateŋ.’

Hebribii 8:9

jeee tamɔ kpãŋmɔ ni mikɛ amɛtsɛmɛi lɛ kpãŋ Gbi nɔ ni mimɔ amɛnine shi ni mikɛ amɛ je Ijipt shikpɔŋ lɛ nɔ lɛ, ejaakɛ amɛyeee mikpãŋmɔ lɛ nɔ. Ni mi hu mijwɛŋŋ amɛnɔ, Nuŋtsɔ lɛ kɛɛ.