Yāfó 4:1 - ŊMALƐ KRƆŊKRƆŊ LƐ

¹ Kwɛ bɔ ni shika edĩ tuŋŋ; bɔ ni shika ŋmiiŋmi etsake ehã! Agbɛ Sɔlemɔ we lɛ tɛi krɔŋkrɔŋi lɛ ashwã gbɛjegbɛ fɛɛ gbɛjegbɛ koŋ.

Ṅmãle̱ Kroṅkroṅ Le̱

¹ Kwe̱ bo̱ni šika le̱ edĩ tū̃, ní šika ṅmīṅmi le̱ etšake! Aše̱re̱ hekroṅkroṅ le̱ te̱i le̱ aſie ši ye̱ blohũ-fẽ-blohũ kóṅ! 1,6. 10.

Yāfó 4:1 ပူးပေါင်းရင်းမြစ်များ

Yesaia 1:21

Te fee tɛŋŋ ni maŋ ni kulɛ eyeɔ anɔkwa lɛ etsɔ̃ ehe ajwamãŋ nɛɛ. Sa lɛ aye jalɛ sane yɛ ehe fɛɛ he, ni jalɛ saneyelɔi pɛ ni yɔɔ jɛi; shi agbɛnɛ gbɔmɔgbelɔi sɔŋŋ yɔɔ jɛi.

Yesaia 14:12

“Bo Tooloo, Jetsɛremɔ okadi, te aye tɛŋŋ ni ojɛ ŋwɛi obaagbee shi nɛɛ? Te aye tɛŋŋ ni, bo ni oba majimaji ashi lɛ, akɛ bo etswa shi nɛɛ?

Yeremia 52:13

ni eshã Yehowa Sɔlemɔ we lɛ kɛ maŋtsɛ we lɛ kɛ Yerusalɛm shĩai fɛɛ. Eshã shĩa wulu fɛɛ shĩa wulu,

Yāfó 2:19

Tee shi koni obo yaafo nyɔɔŋ be fɛɛ be ni bulɔi jeɔ buu shishi. Fɔsemɔ otsuiŋ fɛɛ oshwie Nuŋtsɔ lɛ hiɛ, tamɔ afɔseɔ nu ashwieɔ shikpɔŋ. Holemɔ oniji anɔ otsɔ̃ɔ lɛ yɛ obii bibii ni hɔmɔ ehã amɛtɔ biti yɛ blohu fɛɛ blohu koŋ lɛ awala hewɔ.

Ezekiel 22:18

“Gbɔmɔ Adesa, Israel we lɛ etsɔ̃ tamɔ shika shishi ehã mi. Amɛ fɛɛ kwa lɛ, jwiɛtɛi kɛ akɔɔble kɛ sanyaa kɛ dade kɛ sumui ni asere yɛ flɔnɔɔ mli lɛ shishi muji ji amɛ.

Mika 1:6

No hewɔ lɛ, Yehowa kɛɛ, “Mahã Samaria akumɔ abua shi yɛ ŋa kplanaa lɛ nɔ tamɔ he ko ni atɛoɔ waintsei yɛ. Matsi egbogbo koi lɛ mawo jɔɔ lɛ mli, ni mahã tɛi ni akɛto maŋ lɛ gbogboi lɛ ashishi lɛ ahe akã.

Mateo 24:2

Shi Yesu kɛɛ amɛ akɛ, “Te nyɛmiina nii nɛɛ fɛɛ? Anɔkwale mikɛɔ nyɛ akɛ, ashiŋ tɛ kome yɛ eko nɔ yɛ biɛ ni akpãŋ aluŋ shi.”

Marko 13:2

Ni Yesu here nɔ ni ekɛɛ lɛ akɛ, “Oona nɛkɛ tsui kpeteŋkplei nɛɛ? Ashiŋ tɛ kome yɛ ekroko nɔ ni atsiŋ atswaŋ shi.”