Yāfó 2:7 - ŊMALƐ KRƆŊKRƆŊ LƐ

⁷ Nuŋtsɔ lɛ nyaŋe afɔleshãa latɛ lɛ; ni ekwa Ehe Krɔŋkrɔŋ lɛ, ni eŋɔ ehe mɔji fɛɛfɛji lɛ ehã henyɛlɔ lɛ. Abolɔ yɛ Yehowa we lɛ mli tamɔ abolɔɔ yɛ gbijurɔ nɔ.

Ṅmãle̱ Kroṅkroṅ Le̱

⁷ Nuṅtšo̱ le̱ eše̱ efo̱lešãlate̱ le̱ efõ enyāṅe ehekroṅkroṅ le̱; eṅõ emõdši fe̱fe̱dši le̱ ahe gbogboi le̱ ewo henye̱lo̱ le̱ deṅ; ame̱mīblo̱ ye̱ Iehowa we le̱ tamo̱ eblo̱ō̱ ye̱ *gbĩdšũrõ ko no̱. *K. 22

Yāfó 2:7 ပူးပေါင်းရင်းမြစ်များ

2 Maŋtsɛmɛi 25:9

Ni ebashã Yehowa we lɛ kɛ maŋtsɛ we lɛ kɛ Yerusalɛm shĩai lɛ fɛɛ, ni shĩa wulu fɛɛ shĩa wulu lɛ ekɛ la shã butuu.

2 Kronika 36:19

Ema Sɔlemɔ we lɛ naa la ni eshã lɛ, ni ekumɔ Yerusalɛm he gbogbo lɛ eshwie shi. No sɛɛ lɛ, ema maŋ muu lɛ naa la ni eshã lɛ kɛ emli mɔji fɛɛfɛji lɛ kɛ jwetrii fɛɛ.

Lalai 89:39

Oku okɛ otsulɔ teŋ kpãŋmɔ lɛ mli, okɛ ekekre lɛ eshwishwia shikpɔŋ, ni obule lɛ.

Yesaia 64:9

Ao Yehowa, kaaha omli miifu wɔ fe nine, ni kaakai wɔhe eshai lɛ kɛmiiya naanɔ. Omaŋbii ji wɔ; naa wɔ mɔbɔ.

Yeremia 21:4

“Nyɛyakɛa Maŋtsɛ Zedekia akɛ bɔ ni Yehowa, Israel Nyɔŋmɔ lɛ, kɛɛ nɛ, ‘Naa, mibakpãtã tawuunii ni nyɛhiɛ yɛ nyɛdɛŋ lɛ ahiɛ, tawuunii ni nyɛhiɛ ni nyɛkɛ Babilon maŋtsɛ lɛ kɛ etabilɔi Kaldeabii ni esa nyɛyi yɛ Yerusalɛm gbogboi lɛ asɛɛ lɛ wuɔ lɛ; mibabua fɛɛ naa kɛba maŋ lɛ teŋ.

Yeremia 26:18

“Be ko lɛ Mika ni jɛ Moreshet lɛ gba yɛ Yuda Maŋtsɛ Hezekia yinɔ, ni ekɛɛ Yudabii fɛɛ akɛ, ‘Nɔ ni Yehowa, Taiatsɛ lɛ, kɛɛ ji,’ ‘Abaahu Zion tamɔ ahuɔ ŋmɔ, Yerusalɛm baatsɔ̃ koikoi, ni Sɔlemɔ we lɛ gɔŋ lɛ baatsɔ̃ koo ni etsa sulaŋŋ.’

Yeremia 26:6

hewɔ lɛ mafee Sɔlemɔ we nɛɛ tamɔ mifee Shilo lɛ, ni mahã maŋ nɛɛ atsɔ̃ loomɔ nɔ̃ ahã shikpɔŋ lɛ nɔ maji fɛɛ.’ ”

Yeremia 32:29

Babilonbii ni ebatua maŋ lɛ baana abote maŋ lɛ mli, ni amɛbaama maŋ lɛ naa la koni amɛshã. Amɛbaashã shĩai ni maŋbii lɛ shã tsofakɛŋma yɛ amɛyiteiaŋ amɛkɛhã Baal, asaŋ ni amɛfɔse wain hu amɛshwie shi akɛ afɔle yɛ jɛi amɛhã nyɔŋmɔi krokomɛi, ni amɛkɛ nakai feemɔ wo mimli la lɛ.

Yeremia 39:8

Babilonbii lɛ ma maŋtsɛ we lɛ kɛ maŋbii lɛ ashĩai lɛ anaa la, ni amɛshã; ni amɛkumɔ Yerusalɛm he gbogboi lɛ amɛshwie shi.

Yeremia 4:26

Mikwɛ, ni naa, shikpɔŋ frɔ̃frɔ̃ lɛ etsɔ̃ shiaŋa, ni enɔ maji lɛ fɛɛ etsɔ̃mɔ amaŋfɔ̃i, yɛ Yehowa mlifu ni naa wa lɛ naa.

Yeremia 4:27

Ejaakɛ bɔ ni Yehowa kɛɛ nɛ; “Shikpɔŋ muu lɛ fɛɛ baatsɔ̃ amaŋfɔ̃ moŋ; shi kɛ̃lɛ mifiteŋ lɛ butuu kɛgbeŋ naa.

Yeremia 50:28

“Naa, mɛi ni eje gbele mli lɛ ejo foi kɛjɛ Babilon shikpɔŋ lɛ nɔ kɛtee Yerusalɛm, ni amɛmiigba akɛ Yehowa, wɔNyɔŋmɔ lɛ, etɔ eSɔlemɔ we lɛ he owele.

Yeremia 52:13

ni eshã Yehowa Sɔlemɔ we lɛ kɛ maŋtsɛ we lɛ kɛ Yerusalɛm shĩai fɛɛ. Eshã shĩa wulu fɛɛ shĩa wulu,

Yāfó 1:4

Gbɛjegbɛi ni yaa Zion lɛ miiye awerɛho, ejaakɛ mɔ ko mɔ ko baaa ebayeee gbii juji ni ato lɛ. Emaŋ agboi lɛ kãmɔ efolo esɔfoi lɛ miiye ŋkɔmɔ, eblayei lalɔi lɛ efee mɔbɔmɔbɔ, ni lɛ diɛŋtsɛ lɛ, eena nɔ naakpa.

Yāfó 2:1

Kwɛ bɔ ni Yehowa eŋɔ atatu eha Zion nɔ yɛ emlifu naa. Eshɛ Israel anunyam lɛ kɛjɛ ŋwɛi efɔ̃ shikpɔŋ lɛ nɔ. Emlifu gbi lɛ nɔ lɛ, ekaiii Sɔlemɔ we lɛ ni ji enajiaŋshi maaŋoo lɛ.

Yāfó 2:5

Nuŋtsɔ lɛ etsɔ̃ tamɔ henyɛlɔ, ni ekpãtã Israel hiɛ. Efite emaŋtsɛ wei lɛ fɛɛ, ni ekpãtã emɔji ni wa lɛ ahiɛ; efee amɛ koikoi, ni ehã ŋkɔmɔyeli kɛ yaafo efa yɛ Yuda.

Ezekiel 24:21

“Yehowa kɛɛ mi akɛ, Kɛɛmɔ Israel we lɛ akɛ, bɔ ni Nuŋtsɔ Yehowa kɛɔ nɛ, Naa, mibabule mihekrɔŋkrɔŋ lɛ, ni ji nyɛhewalɛ ni nyɛkɛwoɔ nyɛhe nɔ lɛ; he krɔŋkrɔŋ ni ji nyɛhiŋmɛiŋ ajaŋmalaatɛ lɛ kɛ nyɛsusumai ashwee lɛ. Nyɛbihii kɛ nyɛbiyei ni nyɛshi yɛ Yerusalɛm lɛ, akɛ klante baagbe amɛ.

Ezekiel 7:24

mahã majimaji lɛ ateŋ mɛi fɔ̃ji fe fɛɛ abaŋɔ amɛshĩai lɛ amɛfee amɛnɔ. Mibafo amɛhewalɛ ni amɛkɛshwãa lɛ sɛɛ; ni aaabule amɛhei krɔŋkrɔŋi lɛ.

3 Mose 26:31

Mahã nyɛmaji lɛ atsɔ̃mɔ amaŋfɔ̃i, ni mafite nyɛjamɔhei lɛ hu; ni mihereŋ nyɛtsofakɛŋma lɛ ŋma dɔŋŋ.

3 Mose 26:44

Enɛ fɛɛ sɛɛ lɛ, be mli ni amɛyɔɔ amɛhenyɛlɔi lɛ ashikpɔŋ lɛ nɔ tete lɛ, mikwaŋ amɛ, ni minyaŋeŋ amɛ bɔ ni no baahã makpãtã amɛhiɛ kwraa kɛku mi kɛ amɛteŋ kpãŋmɔ lɛ mli, ejaakɛ mi ji Yehowa, amɛNyɔŋmɔ lɛ.

Amos 2:5

No hewɔ lɛ, mibama Yuda shikpɔŋ lɛ naa la, ni ebaashã Yerusalɛm mɔji lɛ fɛɛ.”

Mika 3:12

No hewɔ lɛ, yɛ nyɛhewɔ lɛ, aaatsa Zion ashwie shi tamɔ atsaa ŋa akɛfeɔ ŋmɔ. Yerusalɛm aaatsɔ̃ tsu koi ni bua shi tamɔ gɔŋ, ni Sɔlemɔ we lɛ gɔŋ lɛ nɔ aaatsa atsɔ̃ koo hayii.

Mateo 24:2

Shi Yesu kɛɛ amɛ akɛ, “Te nyɛmiina nii nɛɛ fɛɛ? Anɔkwale mikɛɔ nyɛ akɛ, ashiŋ tɛ kome yɛ eko nɔ yɛ biɛ ni akpãŋ aluŋ shi.”