Yāfó 2:6 - ŊMALƐ KRƆŊKRƆŊ LƐ

⁶ Ekumɔ ejamɔhe lɛ eshwie shi tamɔ trom mli asese. Ekpãtã he ni ayeɔ lɛ diɛŋtsɛ egbiijuji ni eto yɛ lɛ hiɛ. Yehowa efo gbii juji kɛ hejɔɔmɔ gbii asɛɛ yɛ Zion, ni ekwa maŋtsɛ kɛ osɔfo fɛɛ yɛ mlifu ni naa wa lɛ naa.

Ṅmãle̱ Kroṅkroṅ Le̱

⁶ Efe esese le̱ butū tamo̱ ahũo̱ trom mli, efite egwabō̱he le̱. Iehowa ehã hĩe ekpa gbidšũrõ ke̱ hedšō̱mo̱gbĩ le̱ no̱ ye̱ Zion, ní emlifũ hĩedō̱ le̱ mli le̱ enyāṅe maṅtše̱ ke̱ oso̱fo fẽ.

Yāfó 2:6 ပူးပေါင်းရင်းမြစ်များ

Lalai 74:7

Ni amɛma Ohe Krɔŋkrɔŋ lɛ naa la, ni amɛbule he ni ajaa bo yɛ lɛ kwrakwra.

Lalai 76:2

Eshihilɛhe yɛ Salem, ni Zion Gɔŋ lɛ nɔ eyɔɔ.

Lalai 80:12

Mɛni hewɔ mɔ okumɔ waintso lɛ he afabaŋ lɛ, ni mɛi fɛɛ ni hoɔ tserɛɔ enɔ yibii nɛɛ?

Lalai 89:40

Okumɔ emaŋ lɛ he gbogbo lɛ oshwie shi, ni ofee emɔji lɛ koikoi.

Yesaia 1:13

Nyɛkɛ nyɛyakayaka afɔlei akabaa dɔŋŋ; amɛhe bɛ sɛɛnamɔ. Miihi tsofakɛŋma ni ashãa lɛ kɛ nyɔŋ hee gbii juji lɛ, kɛ hejɔɔmɔ gbi kɛ gwai ni nyɛbɔɔ lɛ. Eshai efite gbii juji ni nyɛyeɔ lɛ, no hewɔ lɛ, mitaooo.

Yesaia 1:8

Yerusalɛm pɛ eshwɛ, ni lɛ hu asa eyi. Etsɔ̃ tamɔ asese ko yɛ waintrom mli, loo agba ni ma kukumba ŋmɔ mli.

Yesaia 43:28

No hewɔ lɛ, mibule He Krɔŋkrɔŋ lɛ mli lumɛi lɛ. Mikɛ Israel hã ni akpãtã ehiɛ, Israel he guɔ gbo.”

Yesaia 5:5

“Agbɛnɛ mibatsɔ̃ɔ nyɛ nɔ ni mibafee miwaintrom lɛ. Mibajie ehe afabaŋ lɛ koni kooloi akpãtã ehiɛ. Mibakumɔ ehe gbogbo lɛ hu koni anaanaa enɔ kɛho.

Yesaia 5:6

Mibahã emli atsa; akpɔlɔŋ emli tsei lɛ ahe, ni ahuŋ he; kpitikpitii kɛ ŋmeii baatsa yɛ mli. Mibawo atatui lɛ kitã akɛ amɛkanɛ nu amɛshwie nɔ.”

Yesaia 63:18

Be fioo pɛ Ohe Krɔŋkrɔŋ lɛ hi omɛi krɔŋkrɔŋi lɛ adɛŋ; shi agbɛnɛ wɔhenyɛlɔi lɛ enaanaa Ohe Krɔŋkrɔŋ lɛ nɔ.

Yesaia 64:11

Wɔsɔlemɔ we ni yɔɔ krɔŋkrɔŋ kɛ fɛo lɛ, nɔ mli ni wɔtsɛmɛi lɛ jie oyi yɛ lɛ, ama naa la ashã. Akpãtã wɔhei fɛɛfɛji lɛ fɛɛ ahiɛ.

Yeremia 17:27

Shi kɛji nyɛbooo mi toi akɛ nyɛye hejɔɔmɔ gbi lɛ akɛ gbi krɔŋkrɔŋ lɛ, ni no gbi lɛ nɔ, mɔ ko tere jatsu ko kɛtsɔ̃ Yerusalɛm agboi lɛ eko mli kɛba maŋ lɛ mli yɛ hejɔɔmɔ gbi lɛ nɔ lɛ, no lɛ mibama maŋ lɛ agboi lɛ anaa la, ni la nɛɛ baashã Yerusalɛm mli mɔji lɛ, ni mɔ ko nyɛŋ agbe.’ ”

Yeremia 42:18

“Yehowa Taiatsɛ, Israel Nyɔŋmɔ lɛ, kɛɛ akɛ, ‘Bɔ ni mimli fu Yerusalɛmbii, ni mimli wo amɛ la lɛ, nakai nɔŋŋ mimli baafu nyɛ kɛji nyɛtee Ijipt. Akɛ nyɛ baakã kitã, ni akɛ nyɛ baalomɔ; nyɛhe baafee mɛi naakpɛɛ, ni abaabɔ nyɛ ahora; ni nyɛnaŋ shikpɔŋ nɛɛ nɔ dɔŋŋ.’ ”

Yeremia 45:4

Bɔ ni okɛɛ Baruk nɛ. Nɔ ni, Yehowa kɛɛ nɛ, “Naa, nii ni mima mima shi lɛ, mi nɔŋŋ miikumɔ mashwie shi, ni nii ni mi nɔŋŋ mitɛo lɛ, miifamɔ mashwie. Nakai ji bɔ ni mikɛ shikpɔŋ muu lɛ fɛɛ yeɔ nɛɛ.

Yeremia 50:28

“Naa, mɛi ni eje gbele mli lɛ ejo foi kɛjɛ Babilon shikpɔŋ lɛ nɔ kɛtee Yerusalɛm, ni amɛmiigba akɛ Yehowa, wɔNyɔŋmɔ lɛ, etɔ eSɔlemɔ we lɛ he owele.

Yāfó 1:4

Gbɛjegbɛi ni yaa Zion lɛ miiye awerɛho, ejaakɛ mɔ ko mɔ ko baaa ebayeee gbii juji ni ato lɛ. Emaŋ agboi lɛ kãmɔ efolo esɔfoi lɛ miiye ŋkɔmɔ, eblayei lalɔi lɛ efee mɔbɔmɔbɔ, ni lɛ diɛŋtsɛ lɛ, eena nɔ naakpa.

Yāfó 4:16

Yehowa diɛŋtsɛ egbɛ amɛ eshwã, ni ebuuu amɛhe akɔntaa dɔŋŋ; ebuuu osɔfoi lɛ dɔŋŋ, ni ehiɛ esɔɔɔ onukpai lɛ hu dɔŋŋ.

Yāfó 4:20

Mɔ dɛŋ ni wɔwala yɔɔ, ni ji maŋtsɛ ni Yehowa efɔ lɛ mu lɛ; amɛtsɔ̃ lɛ, ni amɛmɔ lɛ ŋaa mli. Lɛ ji mɔ ni wɔkɛɛ yɛ ehe akɛ, “Yɛ lɛ eshishi lɛ, wɔɔhi shi shweshweeshwe yɛ majimaji lɛ ateŋ” lɛ.

Yāfó 5:12

Amɛ diɛŋtsɛ amɛsɛŋɔ maŋ lumɛi lɛ, ni amɛhiɛ eshwieee onukpai ahiɛiaŋ.

Ezekiel 17:18

Akɛni ebuuu kitã ni ekã lɛ, ni eku kpãŋmɔ lɛ mli, akɛni ekpɛlɛ̃ nɔ, ni kɛ̃lɛ efee enɛɛmɛi fɛɛ hewɔ lɛ ehe ejeŋ mli.”

3 Mose 26:31

Mahã nyɛmaji lɛ atsɔ̃mɔ amaŋfɔ̃i, ni mafite nyɛjamɔhei lɛ hu; ni mihereŋ nyɛtsofakɛŋma lɛ ŋma dɔŋŋ.

Zefania 3:18

tamɔ alaa yɛ gbijurɔ nɔ lɛ.” Yehowa kɛɛ akɛ, “Mibawo amanehulu kɛje onɔ koni ohiɛ akashwie shi yɛ no hewɔ!

Maleaki 2:9

“No hewɔ lɛ, bei abɔ ni nyɛyeee mimlai lɛ anɔ, shi moŋ nyɛkwɛɔ mɛi ahiɛiaŋ yɛ nyɛnifeemɔ mli lɛ, mibahã nyɛhe guɔ agbo yɛ Israelbii fɛɛ ahiɛ.”