Yāfó 2:3 - ŊMALƐ KRƆŊKRƆŊ LƐ

³ Efite Israel hewalɛ fɛɛ yɛ mlifu ni naa wa lɛ naa. Wamɔ ni ekɛbawa Israel lɛ ehã eŋmɛɛ Israel, yɛ Israel henyɛlɔi ahiɛ. Ekpãtã nibii fɛɛ ahiɛ yɛ Israel tamɔ la ni miitso grigri.

Ṅmãle̱ Kroṅkroṅ Le̱

³ Eflo̱ Israel aklontoi fẽ ye̱ mlifũ ní nā wa mli; esu eninedšũrò ewoṅ ye̱ benye̱lo̱ le̱ hĩe, ni ešā Iakob tamo̱ la ni tšoo̱ plamplam ní šãa nii ke̱-kpeo̱.

Yāfó 2:3 ပူးပေါင်းရင်းမြစ်များ

2 Kronika 34:25

Akɛni amɛkwa mi’, ni amɛyashã tsofakɛŋma amɛkɛhã jemawɔji; ni amɛkɛ amɛnifeemɔnii ewo mimli la hewɔ lɛ, mimli efu maŋ nɛɛ naakpa diɛŋtsɛ bɔ ni enaa la gboŋ.

Hiob 16:15

Mikpɛ kpekpe miha miheloo he. Naa mi, mita mlu mli tamɔ mɔ ni aye enɔ kunim.

Lalai 132:17

Mahã Maŋtsɛ wulu ko ajɛ David shwiei lɛ amli, ni mahã mɔ ni mifɔ lɛ mu lɛ lumɔyeli lɛ ama shi.

Lalai 74:11

Mɛɛba osu onine? Mɛɛba osu ohewalɛ ninejurɔ lɛ owo omlishi?

Lalai 75:10

Ebaaba yiwalɔi ahewalɛi fɛɛ shi; shi jalɔi ahewalɛ lɛ ebaawo nɔ.

Lalai 75:5

“Nyɛkafea ntɛŋ; nyɛkafea ntɛŋ kwraa, nyɛkawiea kɛ kuɛŋtilɛ.”

Lalai 79:5

Oo Yehowa, mɛɛ beyinɔ omli aaafu kɛyaashi? Ani omli aaafu kɛya naanɔ lo? Ani owuŋayeli atso tamɔ la lo?

Lalai 89:24

Maye lɛ anɔkwa, ni masumɔ lɛ kɛ misuɔmɔ ni tsakeee lɛ; ni migbɛi lɛ hewɔ lɛ, ehewalɛ lɛ nɔ aaakwɔ.

Lalai 89:46

Oo Yehowa, kɛyaashi mɛɛbe? Oooŋɔ ohe otee kɛyashi naanɔ lo? Mɛɛbe omlifu lɛ aaatso tamɔ la kɛyashi?

Yesaia 1:31

Hewalɔ hewalɛ baatsɔ̃ tamɔ anaanu kpãa; enifeemɔnii baatsɔ̃ lasrɛmi, ni lasrɛmi nɛɛ nɔŋŋ baasɔo anaanu kpãa lɛ naa la, ni mɔ ko bɛ ni aaanyɛ agbe.

Yesaia 42:25

No hewɔ lɛ, efɔse emlifu ni naa wa lɛ eshwie wɔnɔ, ni ehã wɔna ta joomɔ. Eshɛre la ewo wɔhe kpula, shi wɔnuuu shishi, eshã wɔ, shi no gbaaa wɔnaa.

Yeremia 21:14

Yehowa kɛɛ, “Shi naa, mibagbala nyɛtoi yɛ yibii ni nyɛjeŋba ewo lɛ naa. Mibama nyɛkoo lɛ naa la, ni la nɛɛ baashã nɔ fɛɛ nɔ ni bɔle lɛ. Mi Yehowa, mikɛɛ.”

Yeremia 4:4

Nyɛjiea nyɛtsuii amli muji lɛ nyɛshwiea tamɔ afoɔ ketia kɛjieɔ foo koni nyɛkɛ nyɛhe ahã Yehowa. Nyɛ Yudahii kɛ nyɛ Yerusalɛmbii, kɛjeee nakai lɛ mimlila lɛ baanina nyɛ tamɔ la yɛ nyɛnifɔɔjianii lɛ ahewɔ, ni ebaashã nii, mɔ ko bɛ ni aaanyɛ agbe.”

Yeremia 48:25

Moab akloŋto ni ji ehewalɛ lɛ, akpɔ, ni akpãtã ehewalɛ lɛ hiɛ. Mi, Yehowa, mikɛɛ.”

Yeremia 7:20

No hewɔ lɛ, mi, Yehowa, bɔ ni mikɛɔ nɛ, ‘Naa, mimli baafu, ni mimli baawo Sɔlemɔ we nɛɛ, gbɔmɛi kɛ kooloi kɛ ŋa nɔ tsei kɛ ŋmɔshi niyenii fɛɛ la. Mimlila lɛ naa baawa tamɔ la ni miitso, ni anyɛŋ agbe.’ ”

Yāfó 1:13

“Ehã la jɛ ŋwɛi ebote miwui amli; ekɛ yaa lɛɛ shi etsɔ̃ mi tsɔne; ehã mikpale; eshi mi, ni mifee butuu, ni gbi muu fɛɛ lɛ mifee vii.

Yāfó 4:11

Yehowa gri kɛ mlila ni naa wa ni efã emlifu lɛ kɛ eshishi fɛɛ eshwie Zion nɔ; ni eshã maŋ lɛ kɛmɔ eshishitoo lɛ diɛŋtsɛ.

Ezekiel 13:13

“No hewɔ lɛ, bɔ ni Nuŋtsɔ Yehowa kɛɔ nɛ, mikɛ mlifu aaahã ahum atswa, ni mikɛ mlila aaahã nu anɛ waa, ni mahã nyɔŋmɔŋtɛi wuji aaanɛ kɛkpãtã nii ahiɛ.

Ezekiel 7:14

Akpã tɛtɛrɛmantɛrɛ, afee kralo hu atã; shi mɔ ko mɔ ko eyaaa ta lɛ, ejaakɛ mimli efu asafo muu lɛ fɛɛ.”

Nahum 1:6

Namɔ aaanyɛ emlila naa adamɔ? Namɔ aaanyɛ emlifu ni naa wa lɛ naa ekpee? Emlifu tsɛ̃ɔ kɛbaa tamɔ la, ni efɛlɛɔ tɛsai amli.

Maleaki 4:1

Yehowa kɛɛ akɛ, “Naa, gbi ko miiba; ni emli edɔ la tamɔ flɔnɔɔ. Eshishɛɛ lɛ gbɔmɛi fɔ̃ji fɛɛ baatsɔ̃mɔ tamɔ abele gbetselii; ebaashã amɛ bɔ ni eshwɛŋ eko eko shishifã loo tso nine.

Luka 1:69

Ni etee walaheremɔ aklonto shi ehã wɔ yɛ etsulɔ David we lɛ.

Luka 3:17

Ehiɛ eshaatsene yɛ edɛŋ, ni eeebɛɛ eshikpɔŋ lɛ fitsofitso, ni eeebua ŋmaa lɛ naa ewo eboŋo lɛ mli; shi tutuu lɛ ekɛ la ni gbooo aaasha.”

5 Mose 32:22

Ejaakɛ mimlifu ehã la ko ehere, ni eetso kɛmiiya gbohiiaje tɔ̃ɔ; ebaashã je lɛ kɛ enɔ nibii, ni ebaashã gɔji lɛ ashishitoi diɛŋtsɛ.