Yāfó 2:2 - ŊMALƐ KRƆŊKRƆŊ LƐ

² Nuŋtsɔ lɛ ekpãtã Yuda shihilɛhei fɛɛ ahiɛ, ni enaaa mɔbɔ. Ekumɔ Yuda biyoo lɛ mɔji eshwie shi yɛ emlifu naa. Etsi emaŋtsɛyeli lɛ kɛ emli lumɛi etswia shi, ni ewo amɛ hiɛgbele.

Ṅmãle̱ Kroṅkroṅ Le̱

² Nuṅtšo̱ le̱ eplenē Iakob šihĩle̱hei le̱ fẽ, enaa mo̱bo̱; ekũme Iuda biyō le mõdši le̱ ye̱ emlifũ le̱ṅ, etšire̱ame̱ etſie šikpoṅ; ebule maṅtše̱yeli le̱ ke̱ emli lume̱i le̱.

Yāfó 2:2 ပူးပေါင်းရင်းမြစ်များ

Hiob 2:3

Kɛkɛ ni Yehowa bi Abonsam akɛ, “Osusu mitsulɔ Hiob he akɛ mɔ ko mɔ ko bɛ shikpɔŋ lɛ nɔ ni tamɔ lɛ, ni anɔkwafo ni, ni esheɔ Nyɔŋmɔ gbeyei, ni ewiɔ ehe yɛ efɔŋ he; ni shwamɔ ko bɛ ehe, ni efeɔ nɔ ni ja? Ehiɛ enɔkwayeli lɛ mli kpɛŋŋ lolo tsɛbelɛ ohã mite shi miwo lɛ koni mikpãtã ehiɛ yakatswaa!”

Lalai 21:9

Kɛ ojie ohe kpo lɛ, oooŋala amɛ tamɔ flɔɔnɔɔ mli la. Yehowa aaakpãtã amɛhiɛ yɛ emlifu lɛ naa, ni la lɛ aaashã amɛ wɛɛ.

Lalai 74:7

Ni amɛma Ohe Krɔŋkrɔŋ lɛ naa la, ni amɛbule he ni ajaa bo yɛ lɛ kwrakwra.

Yesaia 22:5

Ejaakɛ gidigidifeemɔ kɛ nibii ni anaanaa nɔ kɛho kɛ nibii ni afee basaa yɛ Ninaa Jɔɔ lɛ mli lɛ jɛ Nuŋtsɔ Nyɔŋmɔ, Taiatsɛ lɛ, dɛŋ. Akumɔ gbogboi ashwie shi, ni blɔmɔ ni maŋbii lɛ bolɔ kɛhã yelikɛbuamɔ lɛ, ejije kɛtee gɔji lɛ anɔ.

Yesaia 23:9

Yehowa, Taiatsɛ lɛ, ni to nɛkɛ yiŋ. Eto yiŋ nɛɛ koni ekɛba amɛhe ni amɛwoɔ, yɛ hiɛnyam ni amɛna hewɔ lɛ shi, bɔ ni afee ni shikpɔŋ lɛ nɔ anunyam gbɔmɛi fɛɛ ahiɛ agboi.

Yesaia 25:12

Ebaakumɔ Moab mɔji grɔŋŋi kɛ ehe gbogboi lɛ; eeekumɔ fɛɛ eshwie shi shwɛtɛɛ, ni ekɛ shikpɔŋ mlu aaaye egbɔ.

Yesaia 26:5

Ejaakɛ eba mɛi ni tara hei grɔŋŋi lɛ ashi; ni maŋ ni kwɔ lɛ, eba lɛ shi, ni ekɛ shikpɔŋ eye egbɔ; ewo lɛ etswa mlu mli.

Yesaia 27:11

Kɛji emli tsei aniji lɛ gbi lɛ, akumɔɔ ni yei baa ni amɛbalɛɔ akɛ lai kɛyaa, ni amɛyashãa. Ejaakɛ amɛjeee maŋ ni nuɔ nii ashishi. No hewɔ lɛ, Nyɔŋmɔ, mɔ ni bɔ amɛ lɛ musuŋ etsɔŋ lɛ yɛ amɛhe, ni enaŋ amɛ mɔbɔ.

Yesaia 43:28

No hewɔ lɛ, mibule He Krɔŋkrɔŋ lɛ mli lumɛi lɛ. Mikɛ Israel hã ni akpãtã ehiɛ, Israel he guɔ gbo.”

Yesaia 47:6

Mimli wo mimaŋ lɛ la, ni mibule minɔyeli nɔ lɛ, ni miŋɔ amɛ miwo odɛ̃ŋ. Omusuŋ etsɔ̃ɔɔ bo yɛ amɛhe; hiimeji tete po okɛ amɛ ye kɛ joomɔ.

Yeremia 13:14

Ni mibamɔmɔ tsɛmɛi kɛ bii fɛɛ mikɛtswiatswia amɛhe; ni mi, Yehowa, miikɛɛ akɛ minaŋ mɔbɔ, ni mikɔ̃ŋ mifiliŋ, ni mimusuŋ etsɔ̃ŋ mi akɛ mikpãtã amɛhiɛ.’ ”

Yeremia 19:15

“Bɔ ni Yehowa Taiatsɛ, Israel Nyɔŋmɔ lɛ, kɛɛ nɛ, ‘Naa, efɔŋ fɛɛ ni mito miyiŋ akɛ mibafee maŋ nɛɛ kɛ ehe majimaji lɛ, mibafee amɛ kɛ̃, ejaakɛ amɛfee amɛhe kuɛŋtilɔi, ni amɛbooo miwiemɔ toi.’ ”

Yeremia 21:7

Yuda Maŋtsɛ Zedekia kɛ etsuji kɛ maŋbii fɛɛ ni ahe baaje gbele hela lɛ loo klante naa gbele lɛ loo hɔmɔ naa gbele lɛ mli lɛ, majɔɔ amɛnɔ mahã Babilon maŋtsɛ Nebukadnezar kɛ maŋbii ahenyɛlɔi ni taoɔ maŋbii ahiɛkpãtãmɔ lɛ, ni Nebukadnezar baagbe amɛ yɛ klante naa. Enaŋ mɔbɔ lɛ, emusuŋ eshaŋ lɛ, ni ehaŋ mɔ ko aye ehe hu.’

Yeremia 5:10

“Abote ewain tromi lɛ amli ni afolɔ waintsei lɛ ashwie, shi moŋ akafite tromi lɛ kwraa kɛmɔ shi. Akplɔ etsei aniji lɛ ashwie. Ejaakɛ amɛjeee mi, Yehowa, minii.

Yāfó 2:17

Yehowa etsu eyiŋtoo lɛ he nii; nɔ ni ekɛɛ lɛ efee tamɔ bɔ ni eto jeeŋmɔ ko lɛ. Ekpãtã nibii ahiɛ ni mɔbɔnalɛ bɛ mli; ehã henyɛlɔ lɛ eye bo yɔɔ. Ni ehã ohenyɛlɔi lɛ ena onɔ hewalɛ.

Yāfó 2:21

Gbekɛbii kɛ onukpai fɛɛ jwere mlu mli yɛ blohuiaŋ; miblayei kɛ miblahii lɛ enyɔnyɔi yɛ klante naa. Oye awui yɛ omlifu gbi lɛ nɔ; ogbe amɛ ni mɔbɔnalɛ bɛ mli.

Yāfó 2:5

Nuŋtsɔ lɛ etsɔ̃ tamɔ henyɛlɔ, ni ekpãtã Israel hiɛ. Efite emaŋtsɛ wei lɛ fɛɛ, ni ekpãtã emɔji ni wa lɛ ahiɛ; efee amɛ koikoi, ni ehã ŋkɔmɔyeli kɛ yaafo efa yɛ Yuda.

Yāfó 3:43

“Okɛ mlifu ha ohe, ni onyiɛ wɔsɛɛ, ni ogbe wɔ ni mɔbɔnalɛ bɛ mli.

Ezekiel 5:11

“Asaŋ gbii abɔ ni mihiɛ kã nɛɛ, akɛni okɛ taŋtaŋnii lɛ fɛɛ kɛ musubɔɔnii lɛ fɛɛ ebule mihekrɔŋkrɔŋ lɛ nɛɛ, hewɔ lɛ makpãtã ohiɛ; mikuŋ mihiɛ mifɔŋ nɔ ko nɔ ko nɔ; ni minaŋ bo mɔbɔ.” Nuŋtsɔ Yehowa kɛɛ.

Ezekiel 7:4

Bei abɔ ni nyɛmusubɔɔ nibii lɛ yɔɔ nyɛteŋ lɛ, mihiŋmɛi baakã nyɛhe, ni minaŋ mɔbɔ; shi magbala otoi yɛ ojeŋba hewɔ, kɛkɛ lɛ nyɛaana nyɛle akɛ mi, mi ji Yehowa.

Ezekiel 7:9

Be abɔ ni nyɛmusubɔɔ nibii lɛ yɔɔ nyɛteŋ lɛ, mihiŋmɛi baakã nyɛhe, ni minaŋ mɔbɔ; shi magbala otoi yɛ ojeŋba hewɔ, kɛkɛ lɛ nyɛaana nyɛle akɛ mi, mi ji Yehowa ni tswaa mɔ nɔ lɛ.

Ezekiel 8:18

No hewɔ lɛ, mikɛ amɛ baaye kɛ joomɔ yɛ mimlifu lɛ naa. Mihaŋ amɛŋɔ amɛhe amɛye; minaŋ amɛ mɔbɔ. Amɛaabolɔ amɛwo mitoiŋ kɛ gbee ni wa shi miboŋ amɛ toi.”

Ezekiel 9:10

No hewɔ lɛ, mihaŋ mɔ ko aŋɔ ehe aye; minaŋ mɔbɔ; shi moŋ mahã amɛmusu abua amɛyiteŋ.”

Mika 5:14

Wɔŋyoo Ashera wɔŋkoi ni yɔɔ shikpɔŋ lɛ nɔ lɛ, makwao mashwie shi, ni mafite omaji lɛ.

Maleaki 1:4

Kɛji Esau shwiei, ni ji Edombii, lɛ kɛɛ akɛ, “Akpãtã wɔhiɛ moŋ, shi wɔbaaku wɔsɛɛ kɛya ni wɔyasaa wɔtswa wɔtsui ni efee koikoi lɛ,” no lɛ Yehowa baato he akɛ, “Amɛbaanyɛ amɛsaa tsui lɛ amɛmamɔ nɛ, shi mi hu makumɔ tsui lɛ mashwie shi kɛyaashi mɛi aaatsɛ amɛ akɛ, ‘Maŋ gbonyo ni Yehowa mli efu amɛ kɛmiiya naanɔ nɛ.’ ”

Mateo 18:33

Ani kulɛ jeee bo hu ogbɛnaa ji akɛ ona onaanyo tsulɔ lɛ mɔbɔ, bɔ ni mi hu mina bo mɔbɔ lɛ?’

2 Korintobii 10:4

Ejaakɛ wɔtawuunii lɛ jeee heloo mli nii ni, shi moŋ, yɛ Nyɔŋmɔ hiɛ lɛ, hewalɛnii ni akɛkumɔɔ mɔji ni yɔɔ hewalɛ ni,

5 Mose 28:52

Amɛaasa oyi amɛwo omaji lɛ fɛɛ amli kɛyashi omaji lɛ ahe gbogboi grɔŋŋi ni awaje, ni okɛ ohiɛ efɔ̃ nɔ lɛ, amɛaakumɔ ogbogboi lɛ amɛshwie shi yɛ shikpɔŋ lɛ fɛɛ ni Yehowa, oNyɔŋmɔ lɛ, kɛhãa bo lɛ nɔ.

5 Mose 32:22

Ejaakɛ mimlifu ehã la ko ehere, ni eetso kɛmiiya gbohiiaje tɔ̃ɔ; ebaashã je lɛ kɛ enɔ nibii, ni ebaashã gɔji lɛ ashishitoi diɛŋtsɛ.