Yāfó 2:16 - ŊMALƐ KRƆŊKRƆŊ LƐ

¹⁶ Ohenyɛlɔi fɛɛ ŋmɔɔ bo, ni amɛboɔ bo ‘tsiaa!’ Amɛkpeɔ amɛnyanyɔji ashishi, ni amɛbolɔɔ akɛ, “Wɔkpãtã ehiɛ pɛ! Yiɛ! Gbi lɛ ni wɔshwe aahu lɛ nɛ; eshɛ wɔdɛŋ, ni wɔna hu!”

Ṅmãle̱ Kroṅkroṅ Le̱

¹⁶ Ohenye̱lo̱i le̱ fẽ egbe̱ ame̱dāṅ ewoö, ame̱boo̱ tšia, ni *ame̱kpeo̱ ame̱nyãnyõdši ašiši, ame̱kē̱o̱ ake̱: “Wo̱plenēle̱ pe̱! Gbĩ ni †wo̱kwe̱o̱ gbe̱ le̱ ne̱; eše̱ wo̱deṅ ni wo̱na!” *Hiob 15,9. †Lal. 35,25; 137,7.

Yāfó 2:16 ပူးပေါင်းရင်းမြစ်များ

Lalai 109:2

Ejaakɛ mɛi fɔ̃ji kɛ osatofoi miitswa mi lilɛi; amɛmiimale mihe.

Lalai 112:10

Mɛi fɔ̃ji naa enɛ, ni amɛmli woɔ la, amɛkpeɔ amɛnyanyɔji ashishi, ni amɛlaajeɔ; mɛi fɔ̃ji ataomɔnii fɛɛ feɔ yaka.

Lalai 124:3

ni amɛmli wo la wo wɔ lɛ, amɛaamimii wɔ hiɛkãalɔi;

Lalai 22:13

Amɛgbɛɔ amɛdaaŋ hatohatoo amɛwoɔ mi; amɛtamɔ jata kramakrama ni miihuu.

Lalai 35:16

Amɛyeɔ mihe fɛo ni amɛfɔ̃ɔɔ; amɛkpeɔ amɛnyanyɔji ashishi amɛwoɔ mi.

Lalai 35:21

Amɛgbɛɔ amɛdaaŋ hatoo amɛwoɔ mi; amɛkɛɔ akɛ, “Yiɛ, yiɛ, wɔna kɛ wɔhiŋmɛi.”

Lalai 35:25

Kaahã amɛmiikɛɛ yɛ amɛyiŋ akɛ, “Gbeebi akle, nɔ ni wɔtaoɔ nɛ.” Kaahã amɛmiikɛɛ akɛ, “Wɔnine egbe lɛ.”

Lalai 37:12

Mɛi fɔ̃ji kpãŋɔ jalɔi ayinɔ, ni amɛkpeɔ amɛnyanyɔjiashi amɛwoɔ amɛ;

Lalai 41:8

Amɛkɛɔ akɛ, “Gbele hela ni emɔ lɛ lɛ, ni shi ni ekã nɛɛ eteŋ shi.”

Lalai 56:2

Be fɛɛ be lɛ, mihenyɛlɔi lɛ naanaa minɔ; mɛi pii kɛ mi tswaa kɛ henɔwomɔ.

Lalai 57:3

Ebaatsu kɛjɛ ŋwɛi koni abahere miyiwala; ebaawo mɛi ni haoɔ mi lɛ hiɛgbele. Nyɔŋmɔ baajie esuɔmɔ ni tsakeee lɛ kɛ enɔkwale lɛ kpo etsɔ̃ɔ mi.

Yesaia 49:19

“Eyɛ mli akɛ afite oshikpɔŋ lɛ, ni afee lɛ amaŋfɔ̃ moŋ nɛ, shi agbɛnɛ, mɛi baaba omli aahu bɔ ni onaŋ gbɛ ohã amɛ; ni mɛi ni ha afee bo amaŋfɔ̃ lɛ kɛ bo teŋ aaajekɛ shɔŋŋ.

Yeremia 26:6

hewɔ lɛ mafee Sɔlemɔ we nɛɛ tamɔ mifee Shilo lɛ, ni mahã maŋ nɛɛ atsɔ̃ loomɔ nɔ̃ ahã shikpɔŋ lɛ nɔ maji fɛɛ.’ ”

Yeremia 29:18

Mibahã ta kɛ hɔmɔ kɛ gbele hela anyiɛ amɛsɛɛ, ni jeŋ maŋtsɛyelihei fɛɛ ni yɔɔ shikpɔŋ lɛ nɔ lɛ ahe baajɔ̃ amɛhe yɛ nɔ ni baaba amɛnɔ lɛ hewɔ. Amɛbaatsɔ̃ gbeyei nɔ amɛhã shikpɔŋ lɛ nɔ maŋtsɛyelihei fɛɛ, ni abaaye amɛhe fɛo, ni abaabɔ amɛ ahora, ni amɛbaatsɔ̃ mɛi ni alomɔ amɛ yɛ hei fɛɛ ni mibagbɛ amɛ mashwã kɛya lɛ.

Yeremia 50:17

“Israel tamɔ toi ni gbɔbimɔ ni jatai gbɔbiɔ amɛ hewɔ lɛ, ehã amɛgbɛ amɛshwã. Asiria maŋtsɛ lɛ klɛŋklɛŋ ji mɔ ni ye eloo, ni sɛɛkpee be nɛɛ mli lɛ, Babilon Maŋtsɛ Nebukadnezar ji mɔ ni ekpe ewui lɛ.

Yeremia 50:7

Mɛi fɛɛ ni naa amɛ lɛ kpãtãa amɛhiɛ, ni amɛhenyɛlɔi lɛ kɛɔ akɛ, ‘Wɔyeee fɔ, ejaakɛ amɛfee esha amɛshi Yehowa, mɔ ŋɔɔ ni amɛshihilɛhe diɛŋtsɛ yɔɔ lɛ, ni ji amɛtsɛmɛi lɛ ahiɛnɔkãmɔ lɛ.’

Yeremia 51:34

Babilon Maŋtsɛ Nebukadnezar eye mi, ni ekpãtã mihiɛ; ehã mitsɔ̃ tsɛnsi folo; ni emi mi tamɔ jeŋ miɔ nii; ewo emusu obɔ̃ kɛ minibii ni ŋɔɔŋɔɔ lɛ, ni eŋa mimli nu fɛɛ tswɛm.

Yāfó 1:21

“Bo bɔ ni mikɛ̃mɔɔ toi ni mɔ ko kwraa bɛ ni shejeɔ mimii. Mihenyɛlɔi lɛ fɛɛ enu mimanehulu lɛ he, ni amɛmiinya akɛ bo odɛ̃ŋ ejɛ. Hã gbi ni owo ehe shi lɛ aba, koni amɛtsɔ̃ tamɔ mi.

Yāfó 3:46

“Wɔhenyɛlɔi fɛɛ miibɔ wɔ ahora; ni amɛmiijɛ wɔ.

Ezekiel 23:32

Bɔ ni Nuŋtsɔ Yehowa kɛɛ nɛ, “Ooonu nii kɛaajɛ onyɛmi yoo lɛ kpulu lɛ mli; emli kwɔ, ni eda. Abaaŋmɔ bo, ni abaaye ohe fɛo. Ejaakɛ emli nii lɛ fa.

Ezekiel 25:15

“Bɔ ni Nuŋtsɔ Yehowa kɛɔ nɛ, akɛni Filistibii lɛ to yiŋsha yɛ amɛtsuiŋ ni amɛkɛtɔ mɛi ni ji amɛhenyɛlɔi kɛjɛ teteete lɛ anɔ owele, ni amɛkpãtã amɛhiɛ kwraa kɛmɔ shi

Ezekiel 25:3

Kɛɛmɔ Amonbii lɛ akɛ, nyɛboa Nuŋtsɔ Yehowa wiemɔ toi, bɔ ni mi, Nuŋtsɔ Yehowa, mikɛɔ nɛ, akɛni nyɛnya, ejaakɛ abule miHe Krɔŋkrɔŋ lɛ, ni afee Israel shikpɔŋ lɛ amaŋfɔ̃, ni aŋɔ Yuda we lɛ nom lɛ

Ezekiel 25:6

“Bɔ ni Yehowa kɛɔ nɛ, akɛni otswa odɛ̃, ni otumɔ kɛ miishɛɛ, ni okɛ yiŋsha ni yɔɔ omli fɛɛ nya, ni oye Israel yɔɔ waa

Ezekiel 36:3

hewɔ lɛ, gbaa ni okɛɛ akɛ, bɔ ni Nuŋtsɔ Yehowa kɛɔ nɛ! Majimaji ni bɔle nyɛ lɛ fee nyɛ maŋ lɛ amaŋfɔ̃, ni amɛwiɛ nyɛ mɔnyɔmɔnyɔ, ni eha nyɛtsɔmɔ majimaji krokomɛi ni eshwɛ lɛ agbɛfaŋnɔ. Amɛsopa nyɛ ni amɛye nyɛhe osheku hu.

Ezekiel 5:15

“Kɛ mikɛ mlifu kɛ mlila kojo bo lɛ, magbala otoi, ni oootsɔ̃ ahorabɔɔ nɔ kɛ heguɔgbee nɔ kɛ kɔkɔbɔɔ nɔ kɛ hejɔ̃mɔ nɔ ohã jeŋmaji ni bɔle ohe kɛkpe lɛ. Mi, Yehowa, miwie enɛ.

Hosea 8:8

Majimaji lɛ emi Israel momo, ni enɛ ehã etsɔ̃ tamɔ tsɛnsi ko ni he bɛ sɛɛnamɔ.

Mika 4:11

Maji pii ekpe ewo nyɛhe, ni amɛkɛɔ akɛ, “Afite Yerusalɛm koni wɔna ni ejwere shi koikoi.”

Bɔfoi 7:54

Shi be ni amɛnu nɛkɛ wiemɔi nɛɛ lɛ, etsurɔ amɛtsuiiaŋ, ni amɛkpe amɛnyanyɔji ashishi kɛ mlifu.