Yāfó 2:14 - ŊMALƐ KRƆŊKRƆŊ LƐ

¹⁴ Ninai ni ogbalɔi lɛ egba bo lɛ, apasa kɛ shishiumɔ sɔŋŋ ni; amɛkpako onifɔɔjianii lɛ ahe mama koni no ahã oje nomŋɔɔ mli; shi moŋ amale kɛ lakamɔ ninai sɔŋŋ amɛna.

Ṅmãle̱ Kroṅkroṅ Le̱

¹⁴ Ogbalo̱i le̱ gbaã apasa ke̱ yakanināi ame̱hãao; ši ame̱dšiee onišaianii le̱ aši ni ame̱ke̱ kpale onomṅõ le̱ ke̱-ba, ši moṅ ame̱gbaä apasa gbale̱ wiemo̱i ke̱ nanešitũtſā sãdši ame̱hãao. Ier. 14,14-16; 25,14-22.

Yāfó 2:14 ပူးပေါင်းရင်းမြစ်များ

Ezekiel 22:28

Emli gbalɔ lɛ maleɔ ekɛhaa eshai nɛɛ anɔ tamɔ akɛ kaaloo shaa gbogbo he lɛ. Amɛnaa amale ninaa, ni amɛgbaa amale gbalɛi akɛ, ‘Bɔ ni Nuŋtsɔ Yehowa kɛɛ nɛ.’ Be mli ni mi, Yehowa miwieko tete.

Yeremia 5:31

Gbalɔi lɛ gbaa amale gbalɛi, ni nɔ ni amɛkɛɔ osɔfoi lɛ no osɔfoi lɛ feɔ, ni nɔ ni afeɔ lɛ ŋɔɔ mimaŋbii lɛ hu anaa. Shi kɛji naagbee be lɛ shɛ lɛ, te nyɛbaafee tɛŋŋ?’ ”

Yesaia 58:1

Yehowa kɛɛ akɛ, “Bolɔmɔ waa! Kaaha onaa miiba shi. Wo ogbee nɔ tamɔ tɛtɛrɛmantɛrɛ. Jajemɔ mimaŋbii lɛ ahe eshai lɛ otsɔɔ amɛ; tsɔɔmɔ Israel we lɛ amɛhe eshai lɛ.

Ezekiel 22:25

Emli lumɛi lɛ tamɔ jatai ni huuɔ ni amɛmiitserɛ amɛmilɛ loo mli; amɛkpãtã gbɔmɛi awala ahiɛ; amɛshɔ̃ mɛi ajwetri kɛ nii ni jara wa yɛ amɛdɛŋ; amɛhã yei pii etsɔmɔ okulafoi yɛ Yerusalɛm.

Yeremia 2:8

Osɔfoi lɛ po biii akɛ, ‘Nɛgbɛ Yehowa yɔɔ?’ Mɛi ni tsɔ̃ɔ mɛi mla lɛ tete leee mi; maŋnɔyelɔi lɛ tɔ̃ minɔ, ni gbalɔi lɛ gba yɛ Baal hewalɛ naa; ni amɛyadi nibii ni ahe bɛ sɛɛnamɔ lɛ asɛɛ.”

Zefania 3:4

Emli gbalɔi lɛ yiŋflɛflɛtsɛmɛi kɛ kutumpɔfoi sɔŋŋ ni; ni emli osɔfoi lɛ ebule nii ni yɔɔ krɔŋkrɔŋ, ni amɛtsɔ Nyɔŋmɔ mla lɛ hiɛ amɛbu shi.

Mika 2:11

“Gbalɔ ni maŋ nɛɛ sumɔɔ ji gbalɔ ni nyiɛɔ ni ewieɔ fuu ni emaleɔ ni ekɛɔ akɛ, ‘Wain kɛ dãa ni wa baabu ahã nyɛ.’

Ezekiel 13:22

“Nyɛkɛ amale hãa jalɔ nijiaŋ jeɔ wui, tsɛbelɛ, mi lɛ mihako enijiaŋ aje wui; ni nyɛwoɔ mɔ fɔŋ moŋ ekãa, no hewɔ lɛ, enyɛɛɛ ekpale kɛje egbɛ fɔŋ lɛ nɔ ni ahere eyiwala.

Yeremia 37:19

Nɛgbɛ nyɛgbalɔi lɛ ni gba tsɔ̃ɔ nyɛ akɛ Babilon maŋtsɛ baŋ ebatuaŋ maŋ nɛɛ kɛ shikpɔŋ nɛɛ lɛ yɔɔ?

Yeremia 28:15

Kɛkɛ ni mikɛɛ Gbalɔ Hanania akɛ, “Hanania, bo toi! Yehowa tsuko bo; ni ohã maŋbii nɛɛ kɛ amɛhiɛ efɔ̃ amale nɔ.

Yeremia 23:36

Wiemɔ ni ji ‘Yehowa jatsu’ lɛ, ekaje mɔ ko naa kwraa dɔŋŋ, ejaakɛ no etsɔ̃ mɛi fɛɛ adaaŋ kotsa, ejaakɛ nyɛtsɔ̃ Nyɔŋmɔ hiɛkãalɔ, ni ji Yehowa, Taiatsɛ, wɔNyɔŋmɔ, lɛ wiemɔi lɛ ahiɛ nyɛbu shi.

Yeremia 23:22

Eji mikɛ amɛ eto ajina lɛɛlɛŋ kulɛ, amɛaahã maŋbii lɛ anu minaa wiemɔi lɛ, ni kulɛ amɛaahã maŋbii lɛ akpa amɛjeŋba fɔŋ kɛ amɛnifeemɔnii gbohii lɛ.

Yeremia 20:6

Ni bo Pashur tuuŋtu lɛ, abaaŋɔ bo kɛ oshĩa mli bii fɛɛ nom kɛaatee Babilon. Jɛi oooyagbo yɛ, ni jɛi nɔŋŋ aaafu bo kɛ onanemɛi fɛɛ ni ogba amale gbalɛ otsɔ̃ɔ amɛ lɛ yɛ.

Yeremia 29:21

“Bɔ ni Yehowa Taiatsɛ, Israel Nyɔŋmɔ lɛ kɛɔ yɛ Kolaia bi Ahab kɛ Maaseia bi Zedekia ni gbaa amale gbalɛi yɛ migbɛi mli amɛtsɔ̃ɔ nyɛ lɛ ahe nɛ, ‘Mibahã Babilon Maŋtsɛ Nebukadnezar amɔmɔ amɛ, ni ebaagbe amɛ yɛ nyɛhiɛ,’

Yāfó 4:13

Shi eba mli, ejaakɛ Yerusalɛm gbalɔi lɛ fee esha, ni esɔfoi lɛ fee nɔ fɔŋ; amɛshwie jalɔi ala shi yɛ maŋ lɛ mli.

Ezekiel 23:36

Yehowa bi mi akɛ, “Gbɔmɔ Adesa ani obaakojo Ohola kɛ Oholiba? Belɛ jajemɔ musubɔɔnii ni amɛfee lɛ otsɔ̃ɔ amɛ.

Hosea 9:7

Toigbalamɔ gbii lɛ eshɛ, be ni abaawo mɔ fɛɛ mɔ nyɔmɔ bɔ pɛ ni sa lɛ lɛ eshɛ. Israel baana ele akɛ gbalɔ lɛ buulu ni, ni mumɔŋ gbɔmɔ lɛ sɛkɛyelɔ ni yɛ enishaianii hewɔ.

Mika 3:8

Shi mi lɛ, Yehowa kɛ emumɔ kɛ ehewalɛ lɛ woɔ mimli obɔ̃, ni ehãa mileɔ nɔ ni ji jalɛ, ni ehãa mi ekãa ni akɛkɛɔ Israelbii lɛ nɔ ni hi kɛ nɔ ni ji eshai ni amɛfeɔ lɛ.