Yāfó 2:13 - ŊMALƐ KRƆŊKRƆŊ LƐ

¹³ Ao! Yerusalɛm biyoo, mɛni makɛɛ yɛ ohe, ni mɛni he mikɛ bo baato? Ao! Zion biyoo, oblayoo foro, mɛni he mikɛ bo aaato bɔ ni afee ni manyɛ omii mashɛje? Ejaakɛ ohiɛkpãtãmɔ lɛ falɛ lɛɛ tamɔ ŋshɔ dalɛ, ni namɔ po aaanyɛ bo atsa?

Ṅmãle̱ Kroṅkroṅ Le̱

¹³ Mẽ odase maye mahão, meni he maṅõo mato, Ierusalem biyō? Meni mike̱-ato ohe, ni mike̱-še̱dše omī, Zion biyō oblayō? Edšake̱ opilamo̱ le̱ da tamo̱ ṅšo̱; namo aanyẽo atšá?

Yāfó 2:13 ပူးပေါင်းရင်းမြစ်များ

Yāfó 1:12

“Nyɛ mɛi fɛɛ ni tsɔ̃ɔ biɛ kɛhoɔ, ani jeee nyɛhe sane ko ni lo? Nyɛkwɛa akɛ nyɛaana akɛ awerɛho ko yɛ ni etamɔ miwerɛho ni kã minɔ nɛɛ, awerɛho ni Yehowa ehã eba minɔ yɛ emlifu ni naa wa gbi lɛ nɔ lɛ.

Yeremia 14:17

Yehowa fã mi akɛ mikɛɛ maŋbii lɛ akɛ, “Ahã mihiŋmɛiiaŋ akpala nu shwaneshwane kɛ nyɔɔŋnyɔɔŋ fɛɛ ni esɛɛ akafo; ejaakɛ mimaŋbii lɛ epila, aye amɛ awui ablaŋ.

Yeremia 8:22

Ani tsofa bɛ Gilead lo? Tsofatsɛmɛi bɛ jɛi lo? Mɛni hewɔ mɔ ni atsako mimaŋbii lɛ?

2 Samuel 5:20

No hewɔ lɛ, David fã ta kɛyanina Filistibii lɛ yɛ Baal-Perazim, (eshishi ji Nuŋtsɔ lɛ ji mɔ ni gbaa kɛtsɔ̃ɔ mli) ni eye amɛnɔ kunim yɛ jɛi. David kɛɛ akɛ, “Yehowa etsɔ̃ minine nɔ egba kɛtsɔ mihenyɛlɔi lɛ ateŋ tamɔ nu ni eje ŋa gbaa lɛ.” No hewɔ ni atsɛɔ jɛi akɛ Baal-Perazim lɛ.

Daniel 9:12

Ekɛ amanehulu kpeteŋkple ni eba wɔnɔ nɛɛ lɛ ema wiemɔ ni ewie eshi wɔ lɛ nɔ mi. Ogbalako maŋ ko toi nɛkɛ pɛŋ dã, yɛ je nɛɛ mli fɛɛ, tamɔ ogbala Yerusalɛm toi nɛɛ.

Yesaia 37:22

nɔ ni Yehowa kɛɔ yɛ Sankerib he nɛ, Zion biyoo oblayoo foro, Yerusalɛm ebuuu bo, Sankerib, ehãaa nɔ ko nɔ ko.

Lalai 60:2

Ohã shikpɔŋ lɛ ehoso, ni ohã emli egbala; tsaramɔ hei ni egbala lɛ, ejaakɛ ewɔtsɔ.

2 Maŋtsɛmɛi 19:21

Wiemɔ ni Yehowa wie yɛ Sankerib he nɛ: Yerusalɛm, Zion biyoo oblayoo foro lɛ, gbeɔ ohe guɔ, eliɔ bo, eŋmɔɔ bo yɛ osɛɛ.

Yeremia 9:18

Maŋbii lɛ kɛɛ akɛ, “Nyɛhãa amɛhe afea oya ni amɛla yarafeemɔ lala yɛ wɔ wɔhewɔ, koni wɔhiŋmɛii afɔse yaafonu ashwie shi, ni wɔhiŋmɛinaatsɔi atsere kɛ yaafonu.”

Yeremia 14:19

Yehowa, aso oshɛ Yuda ofɔ̃ kwrakwra? Ani onyaŋe Zionbii lo? Mɛɛba mɔ otswia wɔ nii ni opila wɔ bɔ ni ehiii tsamɔ nɛɛ? Wɔkwɛ hejɔlɛ gbɛ, shi nɔ kpakpa ko baaa; wɔhiɛ kã tsamɔ nɔ; shi gbeyei nii moŋ ba.

Ezekiel 32:31

“Kɛji Ijipt maŋtsɛ lɛ na amɛ lɛ emii aaashɛ ehe yɛ esafo yuu lɛ hewɔ, ejaakɛ Ijipt maŋtsɛ lɛ kɛ esafo yuu lɛ hu nyɔŋyɔɔ yɛ klante naa. Nuŋtsɔ Yehowa kɛɛ.