Yāfó 2:12 - ŊMALƐ KRƆŊKRƆŊ LƐ

¹² Amɛmiifo amɛmiitsɛ amɛnyɛmɛi akɛ, “Nɛgbɛ aboloo kɛ wain yɔɔ?” Be mli ni amɛtɔtɔɔ biti, tamɔ pilafoi yɛ maŋ lɛ blohui amli, ni amɛnyɔnyɔi yɛ amɛnyɛmɛi lɛ akpɔkɔiaŋ lɛ?

Ṅmãle̱ Kroṅkroṅ Le̱

¹² Ame̱kē̱o̱ ame̱nyemei ake̱: Nẽgbe̱ able ke̱ wein yo̱? beni ame̱to̱tō̱ biti tamo̱ pilafoi ye̱ mã le̱ṅ blohũi le̱ amli, ní ame̱fo̱seo̱ ame̱susuma ame̱ſieo̱ ame̱nyemei amīnā le̱.

Yāfó 2:12 ပူးပေါင်းရင်းမြစ်များ

Hiob 30:16

Agbɛnɛ eshɛ migbele be, ni mikã nɔnaa mli gbii abɔ nɛɛ.

Lalai 42:4

Miwerɛ hoɔ mihe, kɛji mikai enɛɛmɛi: bɔ ni mi kɛ asafo yuu nyiɛɔ, bɔ ni amɛtoɔ yuu, ni minyiɛɔ amɛhiɛ kɛyaa Nyɔŋmɔ We lɛ; bɔ ni asafo lɛ bɔɔ oshe kɛ miishɛɛ, ni amɛkɛ shidaa lalai yeɔ gbijurɔ lɛ.

Lalai 62:8

Nyɛ maŋbii, nyɛkɛ nyɛhiɛ afɔ̃a Nyɔŋmɔ nɔ be fɛɛ be; nyɛfɔsea nyɛtsuiiaŋ saji fɛɛ nyɛshwiea ehiɛ; ejaakɛ Nyɔŋmɔ ji wɔbobaahe.

Yesaia 51:20

Obii lɛ etɔ biti; amɛkamɔkamɔɔ shi yɛ blohui lɛ fɛɛ akoji tamɔ baayelɔ ni adu lɛ yɛ tsɔne mli. Amɛyimɔ obɔ̃bɔ̃ kɛ Yehowa mlila kɛ oNyɔŋmɔ lɛ kãmɔ lɛ.

Yesaia 53:12

No hewɔ lɛ, maha lɛ egbɛfaŋnɔ yɛ mɛi wuji ateŋ; ni ekɛ hewalɔi aaaja haanii, ejaakɛ eŋɔ ehe eha gbele, ni abu lɛ ashi mlanɔtɔlɔi anɔ, kɛ̃lɛ etere mɛi pii ahe eshai, ni edamɔ mli eha eshafeelɔi.”

Yeremia 5:17

ni amɛbaaye nyɛŋmɔshinii ni nyɛkpa kɛ niyenii fɛɛ, ni amɛbaagbegbee nyɛbihii kɛ nyɛbiyei lɛ amɛye; amɛbaagbegbee nyɛtoi kɛ tsinai amɛye, ni amɛbaaye nyɛwaintsei kɛ agbãmitsei ayibii fɛɛ; ni nyɛmaji ni atswa gbogbo awo amɛhe ni nyɛhiɛ kã nɔ lɛ, amɛbaafite fɛɛ.”

Yāfó 1:11

Emaŋbii lɛ bluublu dɔmɔɔ ŋtsɔi be ni amɛtao niyenii; amɛkɛ amɛjwetri tsakeɔ niyenii, bɔ ni afee ni amɛkagboi; “Ao! Nuŋtsɔ, kwɛmɔ mi ni mihe guɔ egbo.

Yāfó 4:4

Gbekɛ fufɔoo sɛŋ gbiɔ kɛ kumai; gbekɛbii baa niyenii, shi mɔ ko mɔ ko hãaa amɛ.

Ezekiel 30:24

Ni mawo Babilon Maŋtsɛ lɛ hewalɛ, ni mikɛ miklante lɛ baawo edɛŋ; shi Farao lɛ, lɛ lɛ maku enine, ni eeekɛ̃mɔ yɛ Babilon Maŋtsɛ lɛ hiɛ tamɔ mɔ ni apila lɛ gbele nɔ.