Yāfó 1:9 - ŊMALƐ KRƆŊKRƆŊ LƐ

⁹ Ehe muji kpa etadei amli; shi ejwɛŋŋ bɔ ni enaagbee baatamɔ. Eshigbeemɔ lɛ yɛ gbeyei, mɔ ko mɔ ko bɛ ni shɛjeɔ emii! “Ao! Yehowa, kwɛ bɔ ni minaa amanehulu, ejaakɛ henyɛlɔi eye kunim.”

Ṅmãle̱ Kroṅkroṅ Le̱

⁹ Ehe mũdši le̱ eka etade nāmũi le̱ amli; edſẽṅṅ enāgbē, nohewo̱ le̱ eba ši ni ye̱ nākpe̱; ebe̱ mīše̱dšelo̱ ko. Iehowa, kwe̱mo̱ mimanehũlũ le̱; edšake̱ henye̱lo̱ le̱ ete ehe agbo!

Yāfó 1:9 ပူးပေါင်းရင်းမြစ်များ

2 Samuel 16:12

Eko lɛ Yehowa aaana mi mɔbɔ yɛ mimanehulu nɛɛ hewɔ, ni ekɛ nɔ kpakpa moŋ aaato mi loomɔ ni elomɔɔ mi ŋmɛnɛ nɛɛ najiaŋ.”

2 Maŋtsɛmɛi 14:26

Ejaakɛ Yehowa na akɛ Israel amanehulu ni enaa lɛ naa wa naakpa, ni mɔ ko mɔ ko kwraa bɛ ni ji nyɔŋ aloo mɔ ni hiɛ ehe, ni aaaye abua Israel.

Nehemia 9:32

“WɔNyɔŋmɔ, oje agbo! Ohe wa, ohe yɛ gbeyei, ni onaa mɔbɔ; kɛji okɛ mɔ ko kpãŋ ni owo shi lɛ, oyeɔ nɔ. Kɛjɛ Asiria maŋtsɛmɛi lɛ ayinɔ kɛbashi ŋmɛnɛ lɛ, kaahã amanehulu ni ba wɔ kɛ wɔmaŋtsɛmɛi kɛ wɔnukpai kɛ wɔsɔfoi kɛ wɔgbalɔi kɛ wɔtsɛmɛi lɛ kɛ omaŋ lɛ fɛɛ nɔ lɛ, miifee sane bibioo yɛ ohiɛ.

Lalai 119:153

Kwɛmɔ mimanehulu, ni ohere mi; ejaakɛ mihiɛ kpaaa omla lɛ nɔ.

Lalai 140:8

Oo Yehowa, kaahã mɔ fɔŋ nine shɛ nɔ ni eshweɔ lɛ nɔ; ni kaahã eyiŋtoo fɔŋ lɛ miiba mli miihã lɛ.

Lalai 25:18

Kwɛmɔ minɔnaai lɛ, kɛ mihaomɔi lɛ; ni okɛ mihe eshai lɛ fɛɛ afa mi.

Lalai 69:21

Amɛhãa mi ebɔɔ akɛ niyenii, ni be ni kumai ye mi lɛ amɛhã mi ashiŋ akɛ minu.

2 Mose 3:17

ni miiwo shi akɛ majie nyɛ kɛje Ijipt amanehulu lɛ mli kɛya Kanaanbii kɛ Hitbii kɛ Amorbii kɛ Perizbii kɛ Hivbii kɛ Yebusbii lɛ ashikpɔŋ kpakpa ni yɔɔ frɔ̃frɔ̃ lɛ nɔ.

2 Mose 3:7

Yehowa kɛɛ akɛ, “Naa, mina amanehulu mli ni miwebii lɛ yɔɔ yɛ Ijipt lɛ, ni minu ŋkɔmɔ blɔmɔ ni amɛbolɔɔ koni abahere amɛ yɛ amɛkpalalɔi lɛ adɛŋ lɛ hu. Amɛnidɔɔ nii lɛ kã mitsui nɔ pam.

2 Mose 4:31

Maŋ lɛ he lɛ ye. Ni be ni amɛnu akɛ Yehowa ekwɛ ni ena Israelbii lɛ amanehulu lɛ, amɛmamɔ amɛyitsei ashi ni amɛja.

Jajelɔ 4:1

Asaŋ mikwɛ yiwalɛ nibii ni afeɔ yɛ je lɛ mli lɛ. Naa yaafonui jwere mɛi ni awaa amɛ yi lɛ ahiɛ, shi amɛbɛ mɔ ko ni shɛjeɔ amɛmii. Mɛi ni waa amɛ yi lɛ yɛ hewalɛ ko yɛ amɛsɛɛ, ni mɔ ko bɛ ni shɛjeɔ amɛmii.

Yesaia 3:8

Ejaakɛ Yerusalɛm ejwa, ni Yuda hu egbee shi, ejaakɛ amɛdaaŋ wiemɔ kɛ amɛnifeemɔnii fɛɛ tsɔ̃ɔ akɛ amɛte shi amɛwo Yehowa, ni amɛhiɛ eshwieee ehiɛiaŋ tete.

Yesaia 37:17

Ao Yehowa, ba otoi shi ni obo toi. Ao Yehowa, gbɛɛ ohiŋmɛiŋ ni okwɛ nɔ ni yaa nɔ lɛ. Bo wiemɔi fɛɛ ni Sankerib kɛtsu kɛba koni akɛbabɔ bo, Nyɔŋmɔ hiɛkãalɔ lɛ, ahora lɛ toi.

Yesaia 37:23

Namɔ ahora obɔ, ni asaŋ ojɛ lɛ lɛ? Namɔ obolɔ owo, ni ogbɛ ohiŋmɛiŋ owo lɛ lɛ? Mi, Israel Mɔ Krɔŋkrɔŋ lɛ ni.

Yesaia 37:29

Akɛni ogri owo mi, ni minu shwãa ni oshwã lɛ hewɔ lɛ, mikɛ kpoŋ baatsɛ̃rɛ ogugɔ mli, ni mikɛ mimanyoflɛ baawo odaaŋ, ni mibakpale bo kɛku osɛɛ kɛya; mikɛ bo baatsɔ̃ gbɛ ni otsɔ̃ nɔ kɛba lɛ nɔŋŋ nɔ.”

Yesaia 37:4

Ekolɛ Yehowa, oNyɔŋmɔ lɛ, enu tsulɔnukpa lɛ, mɔ ni enuŋtsɔ Asiria maŋtsɛ lɛ tsu lɛ koni ebaye Nyɔŋmɔ hiɛkãalɔ lɛ he fɛo lɛ, wiemɔi lɛ. Aba mli akɛ Yehowa, oNyɔŋmɔ lɛ, enu ahorabɔɔ wiemɔi lɛ, ni ebaagbala mɔ ni wie lɛ toi. No hewɔ lɛ, sɔlemɔ okpa Nyɔŋmɔ fai yɛ wɔmaŋbii ni eshwɛ lɛ ahewɔ.”

Yesaia 40:2

“Nyɛkɛ Yerusalɛmbii awiea tsuijurɔ naa; ni nyɛkɛa Yerusalɛmbii akɛ amɛtawuu be lɛ sɛɛ efo, ni akɛ amɛnishaianii lɛ efa. Eshai ni amɛfee lɛ amɛna he nyɔmɔwoo toi enyɔ kɛjɛ Yehowa dɛŋ.”

Yesaia 47:7

Osusu akɛ obaaye maŋnyɛ kɛya naanɔ. No hewɔ lɛ, okɛ sane nɛɛ wooo otsuiŋ, ni oyajwɛŋŋ bɔ ni naagbee lɛ aaatamɔ ahã.

Yesaia 51:19

Saji enyɔ nɛɛ eba onɔ: ta ekpãtã oshikpɔŋ lɛ hiɛ, ni hɔmɔ hu eye omaŋbii. Namɔ aaashɛje omii?

Yesaia 54:11

“Ao Yerusalɛm ni apiŋ bo, maŋ ni ahum tswa bo, shi ashɛjeee omii, naa, mikɛ ojarawatɛi baatswa bo mama shi, ni mikɛ safiro tɛ baatswa oshishitoo lɛ.

Yeremia 13:27

Mina nii ni mihiɔ ni ofeɔ lɛ, kɛ misɛɛ ni ojeɔ ni oyajaa nyɔŋmɔi krokomɛi lɛ, kɛ onyɛnyɛŋtswi ni obɔɔ lɛ, kɛ ajwamãŋ ni obɔɔ nyaŋemɔnyaŋemɔ yɛ ŋa nɔ gɔ̃ŋkpɔi lɛ anɔ lɛ. Kpoo hã bo, bo Yerusalɛm! Mɛɛbe abaakã he atsuu ohe kɛyashi?”

Yeremia 16:7

Mɔ ko mɔ ko eyaŋ ekɛ ŋkɔmɔyelɔ ko ayaye nii koni ekɛshɛje emii yɛ mɔ ko ni egbo hewɔ. Nakai nɔŋŋ mɔ ko mɔ ko haŋ mɔ ko ni etsɛ loo enyɛ egbo nɔ ko ni enu ekɛsheje mɔ lɛ mii.

Yeremia 2:34

Ohiafoi ni efeko nɔ ko lɛ alá yɛ otade namui lɛ amli, jeee nififiaŋ mina enɛ yɛ shi moŋ, he fɛɛ he; ni

Yeremia 48:26

Yehowa kɛɛ akɛ, “Nyɛhãa Moab atɔa dãa, ejaakɛ ewo ehe nɔ yɛ Yehowa nɔ. Moab baakoklo shi yɛ lɛ nɔŋŋ eshwee ni eshwe mli, ni abaaŋmɔ lɛ.

Yeremia 5:31

Gbalɔi lɛ gbaa amale gbalɛi, ni nɔ ni amɛkɛɔ osɔfoi lɛ no osɔfoi lɛ feɔ, ni nɔ ni afeɔ lɛ ŋɔɔ mimaŋbii lɛ hu anaa. Shi kɛji naagbee be lɛ shɛ lɛ, te nyɛbaafee tɛŋŋ?’ ”

Yeremia 50:29

“Nyɛtsɛa gãitsɛ̃lɔi lɛ nyɛwoa Babilon he, mɔ fɛɛ mɔ ni le gãitsɛ̃mɔ aya eko. Nyɛsaa maŋ lɛ yi kɛkpea; ni nyɛkahãa mɔ ko naa fɔijee hegbɛ. Bɔ ni Babilon fee mɛi komɛi lɛ nyɛkɛ lɛ ayea nakai nɔŋŋ, ejaakɛ ekɛ Yehowa, Israel Mɔ Krɔŋkrɔŋ lɛ, fũ daa.

Yāfó 1:17

“Migbɛ mifijiaŋ; shi mɔ ko kwraa bɛ ni shɛjeɔ mimii. Yehowa efã akɛ Yakob nanemɛi maji ni bɔle lɛ lɛ atsɔ̃mɔ ehenyɛlɔi. Yerusalɛm etsɔ̃ muji nii yɛ maji nɛɛ ateŋ.

Yāfó 1:21

“Bo bɔ ni mikɛ̃mɔɔ toi ni mɔ ko kwraa bɛ ni shejeɔ mimii. Mihenyɛlɔi lɛ fɛɛ enu mimanehulu lɛ he, ni amɛmiinya akɛ bo odɛ̃ŋ ejɛ. Hã gbi ni owo ehe shi lɛ aba, koni amɛtsɔ̃ tamɔ mi.

Yāfó 2:13

Ao! Yerusalɛm biyoo, mɛni makɛɛ yɛ ohe, ni mɛni he mikɛ bo baato? Ao! Zion biyoo, oblayoo foro, mɛni he mikɛ bo aaato bɔ ni afee ni manyɛ omii mashɛje? Ejaakɛ ohiɛkpãtãmɔ lɛ falɛ lɛɛ tamɔ ŋshɔ dalɛ, ni namɔ po aaanyɛ bo atsa?

Yāfó 4:1

Kwɛ bɔ ni shika edĩ tuŋŋ; bɔ ni shika ŋmiiŋmi etsake ehã! Agbɛ Sɔlemɔ we lɛ tɛi krɔŋkrɔŋi lɛ ashwã gbɛjegbɛ fɛɛ gbɛjegbɛ koŋ.

Yāfó 5:1

Ao! Yehowa, kaimɔ nɔ ni eba wɔnɔ lɛ; kwɛmɔ bɔ ni wɔhiɛ eshwie shi!

Hosea 2:14

“No hewɔ lɛ, mibagbe eyitso ni mi kɛ lɛ aaatee ŋa lɛ nɔ ekoŋŋ; mi kɛ lɛ aaayawie naajɔlɛ wiemɔ yɛ jɛi koni eyiŋ atsɔ̃ kɛba shĩa.

Zefania 2:10

Enɛ akɛaagbala Moabbii lɛ kɛ Amonbii lɛ atoi yɛ amɛhenɔ ni amɛwo lɛ hewɔ; ejaakɛ amɛbɔ Yehowa, Taiatsɛ lɛ, webii lɛ ahora.

Yohane 11:19

Ni Yudafoi lɛ ateŋ mɛi pii eba Marta kɛ Mariamɛi aŋɔɔ, koni amɛbaye amɛ ŋkɔmɔ yɛ amɛnyɛmi nuu lɛ hewɔ.

5 Mose 26:7

Kɛkɛ ni wɔbolɔ wɔtsɛ Yehowa, wɔtsɛmɛi lɛ aNyɔŋmɔ lɛ, ni ebo wɔ toi, ni ena bɔ ni ahaoɔ wɔ lɛ kɛ deŋme ni wɔgboɔ lɛ kɛ nyɔŋ ni ayeɔ wɔ lɛ.

5 Mose 32:27

Shi mishe gbeyei akɛ amɛhenyɛlɔi aaashwã ni amɛaaŋɔ nɔ ni eba lɛ ekroko ni amɛaakɛɛ akɛ, ‘Wɔ ni wɔye amɛnɔ kunim lɛ, jeee Yehowa ni fee amɛ enɛ.’

5 Mose 32:29

Eji amɛle nii kulɛ amɛaanu nɔ ni ba lɛ shishi, ni amɛaayoo bɔ ni amɛnaagbee mli aaabatamɔ.

1 Petro 4:17

Ejaakɛ be ni abaaje kojomɔ shishi kɛjɛ Nyɔŋmɔ We lɛ eshɛ etã; shi kɛ wɔnɔ tsutsu ejɛ lɛ, belɛ mɛi ni booo Nyɔŋmɔ Sanekpakpa lɛ toi lɛ, te amɛnaagbee aaafee tɛŋŋ?

1 Samuel 1:11

Hana wo shi ekɛɛ, “Yehowa Taiatsɛ, kɛji oookwɛ mi, oweyoo, mimanehulu nɛɛ, ni oookai mi, ni ohiɛ kpaŋ mi, oweyoo, nɔ shi moŋ ooohã mi, oweyoo, binuu lɛ, no lɛ majɔɔ enɔ mahã bo, Yehowa, ewala gbii abɔ fɛɛ; ni asooyi naa esaŋ eyiteŋ.”