Yāfó 1:6 - ŊMALƐ KRƆŊKRƆŊ LƐ

⁶ Yerusalɛm anunyam fɛɛ etã. Elumɛi lɛ etsɔ̃mɔ tamɔ ofrotei ni naaa niyelihe ko; amɛjo foi yɛ henyɛlɔi ni nyiɛ amɛsɛɛ lɛ ahiɛ wrɔmiiwrɔmii kɛtee.

Ṅmãle̱ Kroṅkroṅ Le̱

⁶ Zion biyō le̱ hefe̱o le̱ fẽ edše ehe ete. Elumei le̱ tamo̱ ofrotei ní náá lẽ̱̀he ko, ame̱nyie tiulo̱i le̱ ahĩe ni ame̱be̱ hewale̱.

Yāfó 1:6 ပူးပေါင်းရင်းမြစ်များ

2 Maŋtsɛmɛi 19:21

Wiemɔ ni Yehowa wie yɛ Sankerib he nɛ: Yerusalɛm, Zion biyoo oblayoo foro lɛ, gbeɔ ohe guɔ, eliɔ bo, eŋmɔɔ bo yɛ osɛɛ.

2 Maŋtsɛmɛi 25:4

Kɛkɛ ni agbu gbɛ kɛtsɔ̃ maŋ lɛ gbogbo lɛ mli, ni maŋtsɛ lɛ kɛ etabilɔi lɛ fɛɛ jo foi nyɔɔŋ kɛtsɔ̃ agbo lɛ ni naa kã gbogboi enyɔ ni yɔɔ maŋtsɛ trom lɛ masɛi lɛ ateŋ lɛ gbɛ lɛ nɔ, ni amɛjo foi kɛtsɔ̃ Yordan Jɔɔ lɛ mli gbɛ lɛ nɔ; tsɛbelɛ Babilonbii lɛ egba kɛbɔle maŋ lɛ kɛkpe.

2 Maŋtsɛmɛi 25:5

Shi Babilonbii lɛ ata lɛ tiu maŋtsɛ Zedekia, ni amɛyanina lɛ yɛ Yeriko ŋa kplanaa lɛ nɔ; ni etabilɔi lɛ fɛɛ je ehe amɛgbɛ amɛshwã amɛshi lɛ.

Lalai 50:2

Nyɔŋmɔ miikpɛ kɛmiijɛ Zion ni yɔɔ fɛo kɛwula shi lɛ mli.

Lalai 96:9

Je lɛ fɛɛ, nyɛkotoa kɛjaa Yehowa kɛji epue yɛ egbojeiaŋ! Nyɛ shikpɔŋ lɛ nɔ bii fɛɛ, nyɛhe akpokpoa yɛ ehiɛ!

Yesaia 1:21

Te fee tɛŋŋ ni maŋ ni kulɛ eyeɔ anɔkwa lɛ etsɔ̃ ehe ajwamãŋ nɛɛ. Sa lɛ aye jalɛ sane yɛ ehe fɛɛ he, ni jalɛ saneyelɔi pɛ ni yɔɔ jɛi; shi agbɛnɛ gbɔmɔgbelɔi sɔŋŋ yɔɔ jɛi.

Yesaia 12:6

Ao, nyɛ Zion maŋbii, nyɛbolɔa, ni nyɛnyaa, ejaakɛ Israel Mɔ Krɔŋkrɔŋ Koome ni da lɛ yɛ nyɛteŋ.”

Yesaia 4:5

Enɛ sɛɛ lɛ Yehowa baahã atatu aha Zion Gɔŋ lɛ kɛ asafoi ni yɔɔ jɛi anɔ shwane, ni gbɛkɛ lɛ ebaahã amɛ lasu ni kpɛɔ tamɔ la, ejaakɛ enunyam lɛ baaha amɛnɔ tamɔ agba.

Yeremia 13:18

Kɛkɛ ni Yehowa kɛɛ mi akɛ, “Kɛɛmɔ maŋtsɛ lɛ kɛ maŋnyɛ lɛ hu akɛ, ‘Nyɛbaa nyɛhe shi, ejaakɛ akpa nyɛ lumɔyeli. Nyɛtaraa humi sɛ̃i nɔ, ejaakɛ nyɛnunyam akekre lɛ eje nyɛyitso egbee shi.

Yeremia 29:4

“Nɔ ni Yehowa, Taiatsɛ, Israel Nyɔŋmɔ lɛ, kɛɔ nomi fɛɛ ni ehã aŋɔ amɛ nom kɛjɛ Yerusalɛm kɛtee Babilon nɛ,

Yeremia 47:3

Okpɔŋɔi ananeshi gbɛɛmɔ kɛ ta shwiilii agbɛɛmɔ kɛ shwiilii ananeshi jijemɔ hewɔ lɛ tsɛmɛi tete efoŋ amɛhe amɛkwɛŋ he ni amɛbii yɔɔ. Ejaakɛ amɛnijiaŋ eje wui

Yeremia 48:41

ni ebaaŋɔ Moab maji ni ebaashɔ̃ emɔji lɛ. Ni nakai be lɛ Moab hii kãkãlɔi lɛ atsui aaatsɔ̃ tamɔ yoo ni miikɔmɔ tsui.

Yeremia 52:11

Enɛ sɛɛ lɛ Nebukadnezar hã afamɔ Maŋtsɛ Zedekia hiŋmɛii, ni ewo lɛ gboklɛ, ni ekpala lɛ kɛtee Babilon, ni eyawo lɛ tsuŋ yɛ jɛi kɛyashi Zedekia gbo.

Yeremia 52:13

ni eshã Yehowa Sɔlemɔ we lɛ kɛ maŋtsɛ we lɛ kɛ Yerusalɛm shĩai fɛɛ. Eshã shĩa wulu fɛɛ shĩa wulu,

Ezekiel 24:21

“Yehowa kɛɛ mi akɛ, Kɛɛmɔ Israel we lɛ akɛ, bɔ ni Nuŋtsɔ Yehowa kɛɔ nɛ, Naa, mibabule mihekrɔŋkrɔŋ lɛ, ni ji nyɛhewalɛ ni nyɛkɛwoɔ nyɛhe nɔ lɛ; he krɔŋkrɔŋ ni ji nyɛhiŋmɛiŋ ajaŋmalaatɛ lɛ kɛ nyɛsusumai ashwee lɛ. Nyɛbihii kɛ nyɛbiyei ni nyɛshi yɛ Yerusalɛm lɛ, akɛ klante baagbe amɛ.

Ezekiel 24:25

“Agbɛnɛ lɛ, bo Gbɔmɔ Adesa, gbi nɔ ni mafite amɛSɔlemɔ we lɛ, ni ji amɛmiishɛɛ kɛ amɛhiɛnyam, amɛhiŋmɛiŋ ajaŋmalaatɛ kɛ amɛtsuiŋ nitaomɔnii lɛ, ni makpãtã amɛbihii kɛ amɛbiyei lɛ hu ahiɛ lɛ

5 Mose 28:25

“Yehowa aaahã henyɛlɔi aye onɔ. Ooonyiɛ gbɛ kome nɔ kɛyatua amɛ; shi gbɛi kpawo nɔ oootsɔ̃ ojo foi kɛje amɛhiɛ. Osane lɛ baahã shikpɔŋ lɛ nɔ nɔyelihei fɛɛ atsui afã.

5 Mose 32:30

Te feɔ tɛŋŋ ni gbɔmɔ kome kɛkɛ woɔ mɛi akpe foiŋ, ni gbɔmɛi enyɔ kɛkɛ hu woɔ mɛi akpei nyɔŋma foiŋ? Nɔ ni kɛba ji amɛTɛsaa lɛ ekwa amɛ, ni Yehowa eŋmɛɛ amɛhe ehã.