Yāfó 1:5 - ŊMALƐ KRƆŊKRƆŊ LƐ

⁵ Ehenyɛlɔi lɛ etsɔ̃ yitso agbɛnɛ, ni amɛmiishwere, ejaakɛ Yehowa ehã eena nɔ yɛ etɔ̃mɔi babaoo lɛ ahewɔ. Ebii etee; amɛnyiɛ henyɛlɔi ahiɛ kɛtee akɛ nomii.

Ṅmãle̱ Kroṅkroṅ Le̱

⁵ Ehaolo̱i le̱ ebaye yitšo, ehenye̱lo̱i le̱ edšake̱ Iehowa ehã enii efe mo̱bo̱ ye̱ eno̱tõmo̱i babaō le̱ hewo̱. Ebii abifabii le̱ enyie haolo̱ le̱ hĩe ke̱-te nomṅō̃ mli.

Yāfó 1:5 ပူးပေါင်းရင်းမြစ်များ

2 Maŋtsɛmɛi 21:15

Ejaakɛ amɛfee efɔŋ ni mihiɔ lɛ yɛ mihiɛ, ni amɛwowoo mimli la kɛjɛ gbi nɔ ni amɛtsɛmɛi lɛ je Ijipt lɛ aahu kɛbashi ŋmɛnɛ gbi nɛɛ.”

Lalai 80:6

Ohã wɔhewɔ maji lɛ pele wɔshikpɔŋ lɛ he; ni wɔhenyɛlɔi lɛ ŋmɔ wɔ.

Lalai 89:42

Ohã ehenyɛlɔi anine etsɔ̃ enɔ; ohã ehenyɛlɔi fɛɛ miinya.

Yesaia 22:5

Ejaakɛ gidigidifeemɔ kɛ nibii ni anaanaa nɔ kɛho kɛ nibii ni afee basaa yɛ Ninaa Jɔɔ lɛ mli lɛ jɛ Nuŋtsɔ Nyɔŋmɔ, Taiatsɛ lɛ, dɛŋ. Akumɔ gbogboi ashwie shi, ni blɔmɔ ni maŋbii lɛ bolɔ kɛhã yelikɛbuamɔ lɛ, ejije kɛtee gɔji lɛ anɔ.

Yesaia 63:18

Be fioo pɛ Ohe Krɔŋkrɔŋ lɛ hi omɛi krɔŋkrɔŋi lɛ adɛŋ; shi agbɛnɛ wɔhenyɛlɔi lɛ enaanaa Ohe Krɔŋkrɔŋ lɛ nɔ.

Yeremia 10:20

Afite wɔbuui lɛ ni amɛhe taŋkpei lɛ fɛɛ etserɛ. Wɔbii lɛ fɛɛ eshi wɔ amɛtee; amɛbɛ he ko he ko. Mɔ ko mɔ ko bɛ ni aaashi wɔbuui lɛ dɔŋŋ asaŋ ni eeewo amɛhe mamai lɛ.

Yeremia 12:7

Yehowa kɛɛ akɛ, “Mikwa mimaŋ Israel, mishi migbɛfaŋnɔ lɛ sɛɛ, miŋmɛɛ mimaŋ ni misumɔɔ kɛ mitsui fɛɛ lɛ he miwo ehenyɛlɔi adɛŋ.

Yeremia 23:14

Shi nɔ ni mina yɛ Yerusalɛm gbalɔi lɛ ahe lɛ, eyɛ gbeyei. Amɛfiteɔ gbãlã, ni amɛmaleɔ; amɛwo efɔŋfeelɔi hewalɛ, no hewɔ lɛ, mɔ ko mɔ ko kpaaa efɔŋ feemɔ. Amɛ fɛɛ kwa amɛtsɔ̃ tamɔ Sodom, ni maŋbii lɛ tamɔ Gomora hã mi.

Yeremia 39:9

Naagbee mli lɛ Nebuzaradan, Babilon tabilɔiatsɛ lɛ, ŋɔ maŋbii ni ashi yɛ maŋ lɛ mli lɛ kɛ maŋbii ni kɛ amɛhe yahã Babilon maŋtsɛ lɛ kɛ maŋbii ni eshwɛ lɛ nom kɛtee Babilon.

Yeremia 5:29

“Mi, Yehowa, miibi akɛ, ‘Mikagbala amɛtoi yɛ enɛɛmɛi ahewɔ, ni mikatɔ mihe owele yɛ maŋ ni tamɔ nɛkɛ nɔ lo?

Yāfó 1:16

“Enɛɛmɛi ahewɔ mifoɔ, ni yaafonu tsereɔ yɛ mihiŋmɛii amli shwieɔ shi lɛ; ejaakɛ miishɛjelɔ ni aaawo mi ekãa ekoŋŋ lɛ, ekɛ mi teŋ ejɛkɛ. Mibii lɛ efee pasaa ejaakɛ henyɛlɔ lɛ eye amɛnɔ.

Yāfó 1:18

“Yehowa sane ja, ejaakɛ miyeee ewiemɔ nɔ. Nyɛ majimaji fɛɛ, nyɛboa mi toi, ni nyɛkwɛa nɔnaa mli ni miyɔɔ. Miblahii kɛ miblayei lɛ, aŋɔ amɛ nom kɛtee.

Yāfó 1:8

Yerusalɛm fee esha kpele ni no hewɔ lɛ, ehe wo muji. Mɛi fɛɛ ni kulɛ amɛwoɔ Yerusalɛm lɛ miibu lɛ shikpɔŋ agbɛnɛ, ejaakɛ amɛna eyayaiaŋ. Naa, lɛ diɛŋtsɛ lɛ eekɛ̃mɔ ni etsɔ̃ ehiɛ eto afã.

Yāfó 2:17

Yehowa etsu eyiŋtoo lɛ he nii; nɔ ni ekɛɛ lɛ efee tamɔ bɔ ni eto jeeŋmɔ ko lɛ. Ekpãtã nibii ahiɛ ni mɔbɔnalɛ bɛ mli; ehã henyɛlɔ lɛ eye bo yɔɔ. Ni ehã ohenyɛlɔi lɛ ena onɔ hewalɛ.

Yāfó 3:46

“Wɔhenyɛlɔi fɛɛ miibɔ wɔ ahora; ni amɛmiijɛ wɔ.

Ezekiel 9:10

No hewɔ lɛ, mihaŋ mɔ ko aŋɔ ehe aye; minaŋ mɔbɔ; shi moŋ mahã amɛmusu abua amɛyiteŋ.”

Ezekiel 9:9

Kɛkɛ ni Nyɔŋmɔ kɛɛ mi akɛ, “Israel kɛ Yuda efee esha kpele, ni shikpɔŋ lɛ nɔ eyi obɔ̃ tɔ kɛ lashishwiemɔ, ni toikɔdɔmɔ saneyeli hu eyi maŋ lɛ mli obɔ̃; ejaakɛ amɛkɛɔ akɛ, ‘Yehowa ekwa shikpɔŋ lɛ, ni Yehowa enaaa wɔ.’

5 Mose 31:29

Ejaakɛ mile faŋŋ akɛ migbele sɛɛ lɛ, nyɛbaafite kwraa, ni nyɛbaŋ nyɛjeŋ bɔ ni mitsɔ̃ɔ nyɛ lɛ. No hewɔ lɛ, wɔsɛɛ aahu lɛ, efɔŋ ji nɔ ni baaba nyɛnɔ, ejaakɛ nyɛbaafee efɔŋ yɛ Yehowa hiɛ; ni nyɛkɛ nyɛnifeemɔnii baawo emli la.”