Yāfó 1:18 - ŊMALƐ KRƆŊKRƆŊ LƐ

¹⁸ “Yehowa sane ja, ejaakɛ miyeee ewiemɔ nɔ. Nyɛ majimaji fɛɛ, nyɛboa mi toi, ni nyɛkwɛa nɔnaa mli ni miyɔɔ. Miblahii kɛ miblayei lɛ, aŋɔ amɛ nom kɛtee.

Ṅmãle̱ Kroṅkroṅ Le̱

¹⁸ Dšalo̱ dši Iehowa; edšake̱ *mitše ekitā le̱ hĩe atũa. Nye mãdšimãdši fẽ, nyeboa toi ni nyekwe̱a miw̌ere̱hō le̱! Miblayei le̱ ke̱ miblahĩĩ le̱ ete nomṅō̃ mli. *3,42; 5,16.

Yāfó 1:18 ပူးပေါင်းရင်းမြစ်များ

1 Maŋtsɛmɛi 13:21

ni egba ekɛɛ Nyɔŋmɔ gbɔmɔ ni jɛ Yuda eba lɛ akɛ, “Bɔ ni Yehowa kɛɛ nɛ, ‘Akɛni obooo Yehowa wiemɔ toi, ni oyeee kitã ni Yehowa oNyɔŋmɔ lɛ wo bo lɛ nɔ,’

Ezra 9:13

Nii ni ba wɔnɔ akɛ toigbalamɔ yɛ wɔnishaianii kɛ wɔfɔ kpeteŋkple ni wɔye lɛ hewɔ lɛ fɛɛ sɛɛ lɛ, bo wɔNyɔŋmɔ lɛ, owoko wɔ nyɔmɔ bɔ ni sa wɔnifɔ̃jianii lɛ, ni ohã wɔhiɛ kã.

Nehemia 9:26

“Shi enɛ moŋ sɛɛ lɛ amɛtoi gbo, ni amɛtse ohiɛ atua; amɛkɛ mla lɛ efeee nɔ ko nɔ ko; amɛgbe gbalɔi lɛ ni bɔ amɛ kɔkɔ lɛ, koni amɛkɛkpale amɛ kɛba oŋɔɔ; ni amɛfee musubɔɔ nibii wuji amɛshi bo.

Nehemia 9:33

Shi bo lɛ, saji ni eba wɔnɔ nɛɛ fɛɛ mli lɛ, onɔ ja, ejaakɛ bo lɛ oye anɔkwa, shi wɔ lɛ wɔfee efɔŋ.

Lalai 107:11

Ejaakɛ amɛte shi amɛshi Nyɔŋmɔ wiemɔ lɛ, ni amɛnyaŋe Ŋwɛi Flooflonyo lɛ ŋaawoo lɛ.

Lalai 119:137

Oo Yehowa, jalɔ ji bo, ni okojomɔi lɛ hu ja kɛmɔ shi.

Lalai 119:75

Oo Yehowa, mile akɛ okojomɔi lɛ ja, ni anɔkwayeli okɛgbala mitoi!

Lalai 145:17

Yehowa ja yɛ egbɛi fiaa mli, ni emli hi yɛ enifeemɔi fiaa mli.

2 Mose 9:27

Kɛkɛ ni Farao tsu ayatsɛ Mose kɛ Aaron kɛba, ni ekɛɛ amɛ akɛ, “Enɛ lɛ mifee esha. Yehowa lɛ jalɔ ji lɛ, shi mi kɛ mimaŋ lɛ mɛi fɔ̃ji ji wɔ.

Yeremia 12:1

Yehowa, kɛji mi kɛ bo taa naa tete lɛ onɔ jaa; kɛ̃lɛ mikɛ mi sane nɛɛ miifɔ̃ ohiɛ. Mɛni hewɔ mɛi fɔ̃ji agbɛ jaa hãa amɛ, ni kutumpɔfoi shwereɔ lɛ?

Yeremia 32:23

Amɛba ni amɛbaŋɔ ni amɛkɛfee amɛnɔ. Shi amɛyeee ogbee nɔ, ni amɛbaaa amɛjeŋ yɛ omla lɛ naa. Nibii fɛɛ ni owo amɛ kitã yɛ he akɛ amɛfee lɛ, amɛfeee ekome folo nɛkɛ. No hewɔ ni ohã nɛkɛ sane fɔŋ nɛɛ ba amɛnɔ nɛɛ.

Yeremia 4:17

Amɛbaabɔle Yerusalɛm he kɛkpe tamɔ ŋmɔ he bulɔi, ejaakɛ Yerusalɛm tse mihiɛ atua.

Yeremia 49:12

Ejaakɛ bɔ ni Yehowa kɛɛ nɛ, “Kɛji mɛi ni kulɛ esaaa akɛ agbalaa amɛtoi lɛ abaagbala amɛtoi lɛ, ani bo lɛ obaaye ohe? Oŋɔŋ ohe oyeŋ tswaa; esa akɛ agbala otoi kɛ̃.

Yāfó 1:12

“Nyɛ mɛi fɛɛ ni tsɔ̃ɔ biɛ kɛhoɔ, ani jeee nyɛhe sane ko ni lo? Nyɛkwɛa akɛ nyɛaana akɛ awerɛho ko yɛ ni etamɔ miwerɛho ni kã minɔ nɛɛ, awerɛho ni Yehowa ehã eba minɔ yɛ emlifu ni naa wa gbi lɛ nɔ lɛ.

Yāfó 3:42

“Wɔtɔ̃, ni wɔtse atua, ni, Nyɔŋmɔ, okɛfako wɔ.

Yāfó 5:16

Wɔnunyam akekre eje wɔyitso egbee shi. Kpoo hã wɔ! Ejaakɛ wɔfee esha.

Daniel 9:5

“Wɔfee esha, ni wɔtɔ̃; wɔfee yitsoŋwalɛ nibii, ni wɔtse ohiɛ atua, ni wɔyeee okitãi kɛ omlai lɛ anɔ.

Daniel 9:7

Ao! Nuŋtsɔ, bo lɛ onɔ ji jalɛ; shi wɔ lɛ wɔnɔ ji hiɛgbele tamɔ eyɔɔ wɔnɔ ŋmɛnɛ nɛɛ lɛ, wɔ mɛi ni ji Yudabii kɛ Yerusalɛmbii lɛ kɛ Israelbii fɛɛ, mɛi ni bɛŋkɛ kɛ mɛi hu ni eyaje shɔŋŋ yɛ shikpɔji anɔ ni ogbɛ amɛ oshwã, yɛ anɔkwa ni amɛyayeee bo hewɔ lɛ.

Amos 8:13

Nakai gbi lɛ nɔ lɛ, oblayei hefɛotsɛmɛi kɛ oblahii fɛɛ baatɔtɔɔ biti kɛ kumai,

Zefania 3:5

Yehowa mɔ ni yɔɔ amɛteŋ yɛ maŋ lɛ mli lɛ, nɔ ni ja pɛ efeɔ; efeee nɔ ko ni ejaaa. Daa leebi lɛ efeɔ nɔ ni ja yɛ maŋ lɛ hiɛ, leebi ko kwraa bɛ ni efɔ̃ɔ jalɛ nii feemɔ. Shi nɔshafeelɔi lɛ ahiɛgble tɔ ejwa.

Zakaria 1:6

Shi miwiemɔi kɛ mikpɔi lɛ ni mikɛhã nyɛtsɛmɛi lɛ kɛtsɔ̃ mitsuji gbalɔi lɛ anɔ lɛ shɛ amɛdɛŋ, shi amɛyabuuu, ni amɛna he toigbalamɔ hu. No hewɔ lɛ, amɛshwa amɛhe ni amɛkɛɛ akɛ, Mi Yehowa, Taiatsɛ, bɔ ni mito akɛ mikɛ amɛ baaye yɛ amɛjeŋba kɛ nifeemɔnii hewɔ lɛ, nakai pɛpɛɛpɛ mikɛ amɛ eye nɛɛ.’ ”

Romabii 2:5

Shi okɛ otsuiwalɛ kɛ ohe ni oshwaaa lɛ miitĩa mlifu naa ohã ohe oto Nyɔŋmɔ mlifu gbi lɛ, nɔ nɔ ni ebaatsɔ̃ ejie ejalɛ kojomɔ lɛ kpo lɛ;

Romabii 3:19

Shi agbɛnɛ wɔle akɛ nibii fɛɛ ni Mla lɛ kɛɔ lɛ, mɛi ni yɔɔ Mla lɛ shishi lɛ ekɛwieɔ, koni mɔ ko mɔ ko akana naabu, ni jeŋ muu lɛ fɛɛ aye fɔ yɛ Nyɔŋmɔ hiɛ.

5 Mose 32:4

“Tɛsaa ji lɛ, enitsumɔ hi pɛpɛɛpɛ, ejaakɛ nibii fɛɛ ni efeɔ lɛ ja. Nyɔŋmɔ anɔkwafo ji lɛ; nɔ sha ko bɛ ehe; jalɔ kɛ anɔkwafo ji lɛ.

Kojolɔi 1:7

Adonibezek kɛɛ: “Maŋtsɛmɛi nyɔŋmai kpawo ni afolɔ amɛnine gɔntii lɛ kɛ amɛnane gɔntii lɛ kɔlɔ niyenii fufuji yɛ mikpɔlɔ̃ lɛ shishi. Bɔ ni mifee lɛ, nakai pɛ Nyɔŋmɔ efee mi eto najiaŋ nɛɛ.” Amɛkɛ Adonibezek ba Yerusalɛm, ni ebagbo yɛ jɛi.

1 Samuel 15:23

Ejaakɛ atuatsemɔ lɛ esha ni tamɔ klamɔ nɔŋŋ, ni kuɛŋtimɔ lɛ esha ni tamɔ amãgãjamɔ nɔŋŋ. Akɛni okwa Yehowa naa wiemɔ lɛ, lɛ hu ekwa bo maŋtsɛ lɛ yeli.”