Yāfó 1:1 - ŊMALƐ KRƆŊKRƆŊ LƐ

¹ Kwɛ bɔ ni maŋ ni kulɛ emli bii fa babaoo lɛ, ta shi ekometoo! Kwɛ bɔ ni etsɔ̃ tamɔ okulafo; lɛ maŋ ni kulɛ eje agbo yɛ majimaji ateŋ lɛ. Lɛ ni kulɛ lumɔ ji lɛ yɛ maji ateŋ lɛ, ŋmɛnɛ, etsɔ̃ mɔ ni atsuɔ lɛ onia.

Ṅmãle̱ Kroṅkroṅ Le̱

¹ Kwe̱ boni maṅ ni emli bii fá le̱, ekometō etá ši! Le̱ ni edši agbo ye̱ dšeṅmãdši le̱ ateṅ le̱, etšṍ tamo̱ *okũlafo! Lumoyelihei le̱ ateṅ maṅnye le̱, etšṍ moni atšũo̱le̱ onĩa! *Ier. 51,5.

Yāfó 1:1 ပူးပေါင်းရင်းမြစ်များ

1 Maŋtsɛmɛi 4:21

Solomon ye maŋtsɛyelii fɛɛ nɔ lumɔ kɛjɛ Eufrate Faa lɛ naa, kɛ Filistibii lɛ ashikpɔŋ lɛ nɔ kɛyashwie Ijipt husui lɛ anɔ. Amɛtsu onia amɛhã Solomon, ni amɛsɔmɔ lɛ ewala gbii abɔ fɛɛ.

2 Maŋtsɛmɛi 23:33

Emaŋtsɛyeli lɛ sɛɛ fo, be ni Ijipt Maŋtsɛ Neko wo lɛ gboklɛ yɛ Ribla yɛ Hamat shikpɔŋ lɛ nɔ, bɔ ni afee ni ekahi lɛ maŋtsɛ lɛ yeli yɛ Yerusalɛm dɔŋŋ lɛ. Ijipt Maŋtsɛ Neko hã Yuda wo jwiɛtɛi talentai oha, kɛ shika ŋmiiŋmi talenta kome akɛ too ehã Ijipt maŋtsɛ lɛ.

2 Maŋtsɛmɛi 23:35

Kɛkɛ ni Maŋtsɛ Yehoiakim gba too ehã shikpɔŋ lɛ nɔ bii lɛ, ni ekɛna jwiɛtɛi kɛ shika lɛ ehã Ijipt maŋtsɛ lɛ. Mɔ fɛɛ mɔ wo etoo ni agba ahã lɛ yɛ eninamɔ naa.

2 Kronika 9:26

Maŋtsɛmɛi fɛɛ yɛ Solomon shishi kɛjɛ Eufrate Faa lɛ naa kɛyashi Filistibii ashikpɔŋ lɛ kɛ Ijipt husui lɛ anɔ.

Ezra 4:20

Asaŋ maŋtsɛmɛi wuji hu ehi Yerusalɛm ni amɛye Eufrate Faa lɛ biɛgbɛ shikpɔŋ lɛ fɛɛ nɔ, ni atsuɔ onia kɛ maŋ too kɛ gbɛjee shika ahãa amɛ.

Nehemia 5:4

Asaŋ mɛi komɛi hu kɛɔ akɛ, “Maŋtsɛ onia lɛ tsumɔ hewɔ lɛ wɔyafala shika, ni wɔkɛ wɔŋmɔji kɛ wɔwain tromi lɛ eto naa.

Nehemia 9:37

Shikpɔŋ lɛ nɔ nibaanii babaoo lɛ yaa maŋtsɛmɛi ni akɛto wɔnɔ yɛ wɔhe eshai ahewɔ lɛ moŋ aŋɔɔ. Amɛyeɔ wɔ kɛ wɔkooloi anɔ bɔ ni amɛsumɔɔ: ni wɔyɛ haomɔ kpeteŋkple mli.”

Lalai 122:4

Jɛi akutsei ni ji Yehowa akutsei lɛ yaa, taakɛ bɔ ni awo amɛ mla lɛ, koni amɛyada Yehowa shi.

Yesaia 14:12

“Bo Tooloo, Jetsɛremɔ okadi, te aye tɛŋŋ ni ojɛ ŋwɛi obaagbee shi nɛɛ? Te aye tɛŋŋ ni, bo ni oba majimaji ashi lɛ, akɛ bo etswa shi nɛɛ?

Yesaia 22:2

Maŋ kɛ emli kiŋkaŋŋ, maŋ ni mli efili lɛ, omli eyi kɛ hoofeemɔ. Omɛi ni nyɔnyɔɔi lɛ, jeee klante naa amɛnyɔnyɔi yɛ, ni jeee ta mli hu amɛgboi yɛ.

Yesaia 3:26

Maŋ lɛ agboi lɛ baaye ŋkɔmɔ kɛ awerɛho, ni maŋ lɛ diɛŋtsɛ baatsɔ̃ tamɔ yoo ni afee lɛ shwɛm ni eshwata shikpɔŋ.

Yesaia 49:21

Kɛkɛ lɛ ooobi ohe akɛ ‘Namɔ fɔ bii nɛɛ ha mi? Akpakpaa mibii yɛ mihe ni mitsɔ̃ kene ni bɛ bi. Aŋɔ amɛ nom kɛtee. No hewɔ lɛ, namɔ lɛ amɛ? Naa, ashi mi koome pɛ kɛkɛ; belɛ nɛgbɛ Mɛnɛɛmɛi jɛ mɔ?’ ”

Yesaia 50:5

Nuŋtsɔ Nyɔŋmɔ lɛ eha mi niiashishinumɔ, ni mitseko ehiɛ atua, asaŋ minaaa sɛɛsɛɛ.

Yesaia 52:2

Ao Yerusalɛm ni aŋɔ bo nom, tee shi? Kpokpomɔ ohe mlu lɛ, Tee shi ota shi! Zion biyoo ni aŋɔ bo nom, fɛnemɔ kpãa ni yɔɔ okuɛ lɛ.

Yesaia 52:7

Kwɛ bɔ ni sanekpakpashiɛlɔ ni shiɛɔ hejɔlɛ, sanekpakpashiɛlɔ ni shiɛɔ yiwalaheremɔ lɛ naji yɔɔ fɛo yɛ gɔji lɛ anɔ, mɔ ni kɛɔ Zion akɛ, “Naa, oNyɔŋmɔ lɛ ni yeɔ maŋtsɛ agbɛnɛ.”

Yesaia 54:4

Kaashe gbeyei! Ejaakɛ ohiɛ eshwieŋ shi; ni ohe akajara bo, ejaakɛ agbeŋ ohiɛ dɔŋŋ. Ejaakɛ ohiɛ aaakpa oblayeiaŋ hiɛgbele lɛ nɔ, ni okulafeemɔ mli hejaramɔ lɛ okaiŋ dɔŋŋ.

Yeremia 31:7

Ejaakɛ bɔ ni Yehowa kɛɔ nɛ, “Nyɛlaa waa kɛ miishɛɛ nyɛhãa Israel nyɛbɔa oshe nyɛhãa maji fɛɛ ayitso lɛ. Nyɛshiɛa, nyɛkafoa, ni nyɛkɛa akɛ, ‘Yehowa ehere ewebii Israelbii ni shwɛ lɛ ayiwala.’

Yeremia 40:9

Gedalia, Shafan bi Ahikam bi lɛ, kã amɛ kɛ amɛwebii lɛ kitã akɛ, “Nyɛkashea gbeyei akɛ nyɛaasɔ̃mɔ Babilonbii lɛ. Nyɛhia shikpɔŋ lɛ nɔ, ni nyɛsɔ̃mɔa Babilon maŋtsɛ lɛ, ni aaahi ahã nyɛ.

Yeremia 42:2

Yeremia gbalɔ lɛ, ni amɛkɛɛ lɛ akɛ, “Ofainɛ, ni obo wɔfaikpamɔ nɛɛ toi. Kpa Yehowa, oNyɔŋmɔ lɛ, fai ohã wɔ kɛ maŋbii ni eshwɛ nɛɛ fɛɛ, ejaakɛ kulɛ wɔyi babaoo, shi wɔyi fioo nɛɛ pɛ eshwɛ bɔ ni onaa wɔ nɛɛ,

Yeremia 44:2

Yehowa Taiatsɛ, Israel Nyɔŋmɔ lɛ, kɛɛ Yeremia akɛ, “Bɛ nyɛ diɛŋtsɛ nyɛna sane fɔŋ ni mihã eye Yerusalɛm kɛ Yuda maji lɛ fɛɛ? Naa, ŋmɛnɛ amɛtsɔ̃mɔ amaŋfɔ̃i, ni mɔ ko mɔ ko ehiii amɛmli,

Yeremia 44:6

No hewɔ lɛ, mifɔse mimlila lɛ kɛ mimlifu lɛ mishwie amɛnɔ, ni ehere tamɔ la, ni eshã Yuda maji lɛ kɛ Yerusalɛm blohui lɛ tete; kɛkɛ ni amɛtsɔ̃mɔ amaŋfɔ̃i bɔ ni amɛyɔɔ kɛ ŋmɛnɛ nɛɛ.

Yeremia 50:23

Te aye tɛŋŋ ni jeŋjeŋ fɛɛ hamle lɛ ajwara lɛ ni akumɔ lɛ ashwie shi nɛɛ? Te aye tɛŋŋ ni Babilon etsɔ̃ gbeyei nɔ yɛ maji ateŋ nɛɛ?

Yeremia 9:11

Kɛkɛ ni Yehowa kɛɛ akɛ, “Mahã Yerusalɛm atsɔ̃ maŋ koikoi, ebaatsɔ̃ ŋaŋgbei ashihilɛhe. Yuda maji lɛ baatsɔ̃ amaŋfɔ̃ ni mɔ ko mɔ ko ehiŋ jɛi.”

Yāfó 1:19

“Mitsɛ misuɔlɔi lɛ shi amɛlaka mi. Misɔfoi lɛ kɛ maŋ onukpai lɛ ahiɛ kpãtã yɛ maŋ lɛ mli, be ni amɛtaoɔ niyenii amɛye koni amɛkagboi lɛ.

Yāfó 2:1

Kwɛ bɔ ni Yehowa eŋɔ atatu eha Zion nɔ yɛ emlifu naa. Eshɛ Israel anunyam lɛ kɛjɛ ŋwɛi efɔ̃ shikpɔŋ lɛ nɔ. Emlifu gbi lɛ nɔ lɛ, ekaiii Sɔlemɔ we lɛ ni ji enajiaŋshi maaŋoo lɛ.

Yāfó 2:10

Zion maŋ onukpai lɛ shwata shikpɔŋ, ni amɛfee diŋŋ. Amɛloo mlu amɛwo amɛyiteiaŋ, ni amɛbumɔ kpekpe. Yerusalɛm oblayei lɛ emamɔ amɛhiɛ shi.

Yāfó 4:1

Kwɛ bɔ ni shika edĩ tuŋŋ; bɔ ni shika ŋmiiŋmi etsake ehã! Agbɛ Sɔlemɔ we lɛ tɛi krɔŋkrɔŋi lɛ ashwã gbɛjegbɛ fɛɛ gbɛjegbɛ koŋ.

Yāfó 5:16

Wɔnunyam akekre eje wɔyitso egbee shi. Kpoo hã wɔ! Ejaakɛ wɔfee esha.

Ezekiel 26:16

Kɛkɛ lɛ ŋshɔhiɛ lumɛi fɛɛ aaajɛ amɛsɛ̃ii anɔ akpeleke shi, amɛaajie amɛtadei lɛ, amɛaakpɔlɔ amɛheboi wuji ni alo nii awo mli lɛ, amɛaabu hekpokpomɔ tamɔ abuɔ mama, amɛaashwata shikpɔŋ ni amɛhe baakpokpo blibli; be fɛɛ be lɛ amɛhe baajɔ̃ amɛhe yɛ ohewɔ.

Ezekiel 26:2

“Gbɔmɔ Adesa, akɛni Tiro kɛɛ yɛ Yerusalɛm he akɛ, ‘Yiɛ, akumɔ maŋbii agbo lɛ, enaa kã hã mi. Ni akɛni etsɔ̃ amaŋfɔ̃ nɛɛ lɛ, mibashwere!’ Bɔ ni Nuŋtsɔ Yehowa kɛɔ nɛ,

Ezekiel 5:5

Bɔ ni Nuŋtsɔ Nyɔŋmɔ kɛɛ nɛ, “Yerusalɛm nɛ; mikɛ lɛ ema majimaji ateŋ, ni shikpɔji krokomɛi ebɔle he kɛkpe.

3 Mose 26:31

Mahã nyɛmaji lɛ atsɔ̃mɔ amaŋfɔ̃i, ni mafite nyɛjamɔhei lɛ hu; ni mihereŋ nyɛtsofakɛŋma lɛ ŋma dɔŋŋ.

3 Mose 26:33

Ni nyɛ diɛŋtsɛ lɛ mahã ta abanina nyɛ, ni magbɛ nyɛ mashwã majimaji ni yɔɔ jeŋ lɛ anɔ. Gbɔmɛi baatã yɛ nyɛshikpɔŋ lɛ nɔ, ni nyɛmaji lɛ baatsɔ̃mɔ amaŋfɔ̃i.

Zefania 2:15

Naa, maŋ lɛ ni emli fili lɛ, ni esusu akɛ eyɛ shweshweeshwe, ni no hewɔ lɛ, ekɛɛ ehe akɛ, “Mi ji mi, ni mi misɛɛ lɛ mɔ ko mɔ ko bɛ lɛ, te tɛŋŋ ni etsɔ̃ amaŋfɔ̃ kɛ kooloi kakawuai ashihilɛhe nɛɛ? Mɔ fɛɛ mɔ ni aaatsɔ̃ ehe kɛho lɛ aaahoso eyitso, ni ehe aaajɔ̃ ehe.”

Kpojiemɔ 18:7

Bɔ ni ewo lɛ diɛŋtsɛ ehiɛ nyam ni ebɔ nyɛnyɛŋtswi lɛ, nakai bɔ nɔŋŋ nyɛhãa epiŋmɔ kɛ ewerɛhoo lɛ afaa; ejaakɛ ekɛɔ yɛ etsui mli akɛ, ‘Mita shi akɛ maŋnyɛ, ni mijeee okulafo, ni minaŋ awerɛhoo.’