Tito 3:7 - ŊMALƐ KRƆŊKRƆŊ LƐ

⁷ koni ahã wɔtsɔ̃mɔ niyelɔi yɛ naanɔ wala lɛ gbɛfaŋ yɛ hiɛnɔkãmɔ naa, akɛni abu wɔ bem yɛ lɛ nɔŋŋ edromɔ naa lɛ.

Ṅmãle̱ Kroṅkroṅ Le̱

⁷ koni, bo̱ni abuwo̱ bem ye̱ le̱ noṅṅ edromo̱ nā le̱, ahā wo̱tšōmo̱ nāno̱ wala le̱ yelo̱i ye̱ hīeno̱kāmo̱ le̱ nā.

Tito 3:7 ပူးပေါင်းရင်းမြစ်များ

Mateo 25:34

Kɛkɛ lɛ Maŋtsɛ lɛ aaakɛɛ mɛi ni yɔɔ eninejurɔ nɔ lɛ akɛ, ‘Nyɛbaa, nyɛ mɛi ni miTsɛ ejɔɔ nyɛ, nyɛbaŋɔa maŋtsɛyeli lɛ ni asaa ato nyɛ kɛjɛ jeŋ shishijee lɛ!

Marko 10:17

Ni be ni eje kpo ni eyi gbɛ lɛ nɔ lɛ, mɔ ko hiɛ foi kɛbanina lɛ ni ebakula ehiɛ, ni ebi lɛ akɛ, “Tsɔɔlɔ kpakpa, mɛni mafee ni mana naanɔ wala?”

Romabii 11:6

Shi kɛji dromɔ lɛ naa ni lɛ, belɛ jeee nitsumɔi anaa ni dɔŋŋ; ejaakɛ no lɛ dromɔ lɛ jeee dromɔ dɔŋŋ.

Romabii 3:24

ni akɛ edromɔ lɛ buɔ amɛ bem yaka kɛtsɔ̃ɔ kpɔ̃mɔ ni yɔɔ Kristo Yesu mli lɛ nɔ.

Romabii 3:28

No hewɔ lɛ, wɔbuɔ akɛ hemɔkɛyeli nɔ atsɔ̃ɔ abuɔ gbɔmɔ bem, shi jeee Mla nitsumɔi anɔ.

Romabii 4:16

Enɛ hewɔ ejɛ hemɔkɛyeli mli lɛ, bɔ ni afee ni shiwoo lɛ afee dromɔ sane, ni ama shi shiŋŋ ahã eshwiei lɛ fɛɛ, ni jeee Mla shishibii lɛ kɛkɛ, shi moŋ mɛi ni jɛ Abraham, ni ji wɔ fɛɛ wɔtsɛ lɛ, hemɔkɛyeli lɛ mli lɛ hu;

Romabii 4:4

Mɔ ni tsuɔ nii lɛ, abuuu enyɔmɔwoo lɛ akɛ dromɔ nɔ ko, shi moŋ akɛ egbɛnaa nɔ ko.

Romabii 8:17

Ni kɛ bii ji wɔ lɛ, belɛ niyelɔi hu ji wɔ, Nyɔŋmɔ niyelɔi kɛ Kristo nanemɛi niyelɔi; kɛji wɔ kɛ lɛ na amanehulu lɛ, koni awo wɔ kɛ lɛ hiɛ nyam hu.

1 Korintobii 6:11

Ni nɛkɛ nyɛteŋ mɛi komɛi yɔɔ sa; shi agbɛnɛ aju nyɛhe, ni asaŋ atsuu nyɛhe, ni abu nyɛ bem hu yɛ Nuŋtsɔ Yesu Kristo gbɛi kɛ wɔNyɔŋmɔ lɛ Mumɔ lɛ mli.

Galatabii 2:16

shi akɛni wɔle akɛ abuuu gbɔmɔ bem kɛjɛɛɛ Mla nitsumɔi amli, akɛ ja atsɔ̃ Yesu Kristo nɔ hemɔkɛyeli lɛ nɔ kɛkɛ lɛ, wɔ hu wɔhe Kristo Yesu nɔ wɔye, koni abu wɔ bem yɛ Kristo nɔ hemɔkɛyeli mli, ni jeee Mla nitsumɔi amli, ejaakɛ abuŋ gbɔmɔ ko gbɔmɔ ko bem kɛjɛŋ Mla nitsumɔi amli.

Galatabii 3:29

Shi kɛji Kristo nii ji nyɛ lɛ, belɛ Abraham shwiei ji nyɛ, kɛ gboshiniiyelɔi hu yɛ shiwoo lɛ naa.

Galatabii 4:7

No hewɔ lɛ, ojeee nyɔŋ dɔŋŋ, shi moŋ bi ji bo, ni kɛji bi ji bo lɛ, belɛ Nyɔŋmɔ efee bo niyelɔ hu.

2 Tesalonikabii 2:16

Shi lɛ wɔNuŋtsɔ Yesu Kristo lɛ diɛŋtsɛ kɛ wɔTsɛ Nyɔŋmɔ ni sumɔ wɔ ni ekɛ naanɔ miishɛjemɔ kɛ hiɛnɔkãmɔ kpakpa hã wɔ yɛ dromɔ naa lɛ,

Tito 1:2

ni amɛna naanɔ wala lɛ hiɛnɔkãmɔ. Naanɔ wala nɛɛ Nyɔŋmɔ wo he shi dani abɔ je lɛ.

Tito 2:11

Ejaakɛ Nyɔŋmɔ dromɔ ni akɛhereɔ gbɔmɛi fɛɛ ayiwala lɛ epue.

Tito 2:13

be mli ni wɔmiikwɛ jɔɔmɔ ni wɔhiɛ kã nɔ kɛ wɔNyɔŋmɔ kpeteŋkple kɛ wɔyiwalaherelɔ Yesu Krito anunyam lɛ puemɔ lɛ gbɛ lɛ.

Hebribii 1:14

Ani amɛ fɛɛ lɛ, jeee mumɔ bɔfoi ni sɔ̃mɔɔ ji amɛ, ni atsuɔ amɛ ni amɛbasɔ̃mɔ mɛi ni nine baashɛ yiwalaheremɔ lɛ nɔ akɛ amɛgboshinii lɛ?

Hebribii 11:7

Hemɔkɛyeli Noa hu kɛbo Nyɔŋmɔ toi be ni ehã ele nii ni anako lɛ he nɔ ko lɛ, ni ekɛkpɛ adeka ehã ewe lɛ yiwalaheremɔ lɛ; no nɔ hu etsɔ̃ ebu je lɛ fɔ, ni enine shɛ jalɛ ni jɛ hemɔkɛyeli mli lɛ nɔ.

Hebribii 11:9

Hemɔkɛyeli ekɛyahi shiwoo shikpɔŋ lɛ nɔ akɛ gbɔ, ni ekɛ Isak kɛ Yakob ni ekɛ amɛ ji nakai shiwoo lɛ nɔŋŋ yelɔi lɛ hi bui amli;

Hebribii 6:17

No hewɔ hu ni be ni Nyɔŋmɔ tao akɛ etsɔ̃ɔ shiwoo lɛ yelɔi lɛ akɛ eyiŋtoo lɛ tsakeee kwraa lɛ, ekɛ kitã damɔ mli

Yakobo 2:5

Minyɛmimɛi ni misumɔɔ, nyɛboa toi! Ani jeee je nɛɛ mli ohiafoi ni ji niiatsɛmɛi yɛ hemɔkɛyeli gbɛfaŋ lɛ Nyɔŋmɔ ehala, koni maŋtsɛyeli ni ewo mɛi ni sumɔɔ lɛ lɛ shi yɛ he lɛ atsɔ̃ amɛnɔ?

1 Petro 3:7

Nakai nɔŋŋ nyɛ wumɛi, nyɛkɛ nyɛŋamɛi lɛ ahia shi yɛ nilee naa, ni nyɛkɛ woo awoa yoo akɛ mɔ ni he waaa tuutu ko, akɛni amɛ kɛ nyɛ fɛɛ ji wala dromɔ lɛ niyelɔi lɛ, koni akatsĩ nyɛsɔlemɔi lɛ agbɛ.