Tito 3:5 - ŊMALƐ KRƆŊKRƆŊ LƐ

⁵ jeee jalɛ nitsumɔi ni wɔ diɛŋtsɛ wɔtsu naa, shi moŋ lɛ diɛŋtsɛ emɔbɔnalɛ naa etsɔ̃ eheefɔmɔ hejuu kɛ Mumɔ Krɔŋkrɔŋ eheefeemɔ lɛ nɔ ehere wɔyiwala.

Ṅmãle̱ Kroṅkroṅ Le̱

⁵ no le, *dšee dšale̱ nitšumo̱i ni wo̱dientše̱ wo̱tšu nā, ši moṅ le̱dientše̱ emo̱bo̱nale̱ nā, etšõ †ehēfo̱mo̱ hedšū ke̱ Mumo̱ kroṅkroṅ ehēfemo̱ le̱ no̱ ehere wo̱yiwala, *Ef. 2,8. 9. †Ioh. 3,5. Ef. 5,26.

Tito 3:5 ပူးပေါင်းရင်းမြစ်များ

Hiob 15:14

Namɔ ji adesa ni ehe aaatse, loo gbɔmɔ ni jɛ yoo musuŋ ni eeefee nɔ ni ja?

Hiob 25:4

Te aaafee tɛŋŋ hu ni adesa aaaja yɛ Nyɔŋmɔ hiɛ hu? Te aaafe tɛŋŋ ni gbɔmɔ ni jɛ yoo musuŋ lɛ he aaatse hu?

Hiob 9:20

Yɛ mli akɛ tɔ̃mɔ ko bɛ mihe, kɛ̃lɛ mi diɛŋtsɛ minaa wiemɔ baabu mi fɔ. Shwamɔ ko bɛ mihe moŋ nɛ, shi eeetsɔ̃ɔ akɛ mihiii.

Lalai 130:7

Oo Israel, ŋɔɔ ohiɛ ofɔ̃ Yehowa nɔ; ejaakɛ Yehowa dɛŋ suɔmɔ ni tsakeee yɔɔ, ni edɛŋ kpɔmɔ ni fa yɔɔ.

Lalai 143:2

Okɛ otsulɔ akakojo, ejaakɛ hiɛkãalɔ ko hiɛkãalɔ ko yeŋ bem yɛ ohiɛ.

Lalai 51:10

Oo Nyɔŋmɔ, bɔɔ tsui ni mli tse ohã mi; dromɔ mi mumɔ hee ni gbugbãaa.

Lalai 62:12

Oo Naa Nyɔŋmɔ, bo oyɔɔ suɔmɔ ni tsakeee, ejaakɛ owoɔ mɔ fɛɛ mɔ nyɔmɔ yɛ enitsumɔi anaa.

Lalai 86:15

Oo Nuŋtsɔ, shi bo lɛ Nyɔŋmɔ musuŋtsɔlɔ kɛ durolɔ ji bo! Omli fuuu mra, ni osuɔmɔ ni tsakeee lɛ kɛ onɔkwayeli lɛ fa babaoo.

Lalai 86:5

Oo Nuŋtsɔ, ejaakɛ ohi, ni oŋɔɔ tɔ̃mɔ ofaa; ni suɔmɔ ni osumɔɔ mɛi fɛɛ ni sɔleɔ tsɛɔ bo lɛ fa babaoo.

Yesaia 57:12

Mibajaje ojalɛ ni osusuɔ akɛ oja lɛ kɛ onifeemɔnii hu fɛɛ matsɔ̃ɔ, shi ooona akɛ onaŋ sɛɛ ko yɛ mli.

Ezekiel 36:25

Mikɛ nu ni mli tse baashwã nyɛnɔ, ni nyɛhe baatse. Ni matsuu nyɛwɔji ahe muji ni yɔɔ nyɛhe lɛ hu.

Mika 7:18

Nyɔŋmɔ ko bɛ ni kɛ esha faa tamɔ bo. Okuɔ ohiɛ ofɔ̃ɔ omaŋbii ni eshwɛ lɛ amlatɔ̃mɔ nɔ. Ohiɛɛɛ mlifu mli kɛyaaa naanɔ, ejaakɛ onaa mɔbɔnalɛ he tsui.

Mateo 3:11

Mi lɛ, nu mikɛbaptisiɔ nyɛ hã tsuitsakemɔ; shi mɔ ni baa yɛ misɛɛ lɛ, ehe wa fe mi; etokotai tete misaaa mɔ ni hiɛɔ. Lɛ eeebaptisi nyɛ kɛ Mumɔ Krɔŋkrɔŋ kɛ la.

Luka 1:50

Emɔbɔnalɛ yɛ mɛi ni sheɔ lɛ gbeyei lɛ anɔ kɛyashi yinɔi ayinɔi.

Luka 1:54

Eye ebua ewenuu Israel, koni ekai emɔbɔnalɛ lɛ,

Luka 1:72

Ni ena wɔtsɛmɛi lɛ amɔbɔ ni ekai ekpãŋmɔ krɔŋkrɔŋ lɛ.

Luka 1:78

ni jɛ wɔNyɔŋmɔ lɛ mɔbɔnalɛ ni hãa emusuŋ tsɔ̃ɔ lɛ lɛ mli. No hewɔ ni jetsɛremɔ ni jɛ ŋwɛi lɛ ebasara wɔ lɛ.

Romabii 11:14

akɛ aleenɔ mikɛaahã mijakubii lɛ aye awuŋã, ni mahere amɛteŋ mɛi komɛi ayiwala lo.

Romabii 11:6

Shi kɛji dromɔ lɛ naa ni lɛ, belɛ jeee nitsumɔi anaa ni dɔŋŋ; ejaakɛ no lɛ dromɔ lɛ jeee dromɔ dɔŋŋ.

Romabii 12:2

Ni nyɛkabaa nyɛjeŋ tamɔ jeŋbii, shi moŋ nyɛkɛ nyɛjwɛŋmɔ ni etsɔ̃ ehee lɛ afea nyɛhe gbɔmɛi hei, koni nyɛyoo nii ni ji Nyɔŋmɔ suɔmɔnaanii kpakpai ni sa ehiɛ jogbaŋŋ ni hi kɛwula shi lɛ.

Romabii 3:20

Ejaakɛ adamɔŋ Mla lɛ nitsumɔ nɔ abuŋ gbɔmɔ ko gbɔmɔ ko bem yɛ ehiɛ; ejaakɛ Mla nɔ atsɔ̃ɔ aleɔ nɔ ni ji esha.

Romabii 3:28

No hewɔ lɛ, wɔbuɔ akɛ hemɔkɛyeli nɔ atsɔ̃ɔ abuɔ gbɔmɔ bem, shi jeee Mla nitsumɔi anɔ.

Romabii 4:5

Shi mɔ ni jeee nii etsuɔ, shi eheɔ mɔ ni buɔ eshafeelɔ bem lɛ nɔ eyeɔ lɛ, Nyɔŋmɔ buɔ ehemɔkɛyeli lɛ akɛ jalɛ ehãa lɛ.

Romabii 9:11

shi be ni anako afɔ bii lɛ, ni amɛsaa amɛfeko nɔ kpakpa ko loo nɔ fɔŋ ko lɛ, bɔ ni afee ni Nyɔŋmɔ yiŋtoo ni akɛhalaa mɔ lɛ amã shi, ni ekajɛ nitsumɔi amli, shi moŋ ejɛ mɔ ni tsɛɔ mɔ lɛ,

Romabii 9:16

No hewɔ lɛ, agbɛnɛ jeee mɔ ko suɔmɔ loo emɔdɛŋbɔɔ naa ni, shi moŋ Nyɔŋmɔ mɔbɔnalɛ naa ni.

Romabii 9:30

Belɛ te wɔɔkɛɛ tɛŋŋ? Akɛ jeŋmajiaŋbii ni ediii jalɛ sɛɛ lɛ ena jalɛ ni ji jalɛ ni jɛ hemɔkɛyeli mli lɛ;

1 Korintobii 6:11

Ni nɛkɛ nyɛteŋ mɛi komɛi yɔɔ sa; shi agbɛnɛ aju nyɛhe, ni asaŋ atsuu nyɛhe, ni abu nyɛ bem hu yɛ Nuŋtsɔ Yesu Kristo gbɛi kɛ wɔNyɔŋmɔ lɛ Mumɔ lɛ mli.

Galatabii 2:16

shi akɛni wɔle akɛ abuuu gbɔmɔ bem kɛjɛɛɛ Mla nitsumɔi amli, akɛ ja atsɔ̃ Yesu Kristo nɔ hemɔkɛyeli lɛ nɔ kɛkɛ lɛ, wɔ hu wɔhe Kristo Yesu nɔ wɔye, koni abu wɔ bem yɛ Kristo nɔ hemɔkɛyeli mli, ni jeee Mla nitsumɔi amli, ejaakɛ abuŋ gbɔmɔ ko gbɔmɔ ko bem kɛjɛŋ Mla nitsumɔi amli.

Efesobii 2:4

Shi Nyɔŋmɔ ni emɔbɔnalɛ fa babaoo lɛ, etsɔ̃ lɛ diɛŋtsɛ esuɔmɔ babaoo ni ekɛsumɔ wɔ lɛ nɔ,

Efesobii 4:23

Ni nyɛtsɔ̃mɔ mɛi hei yɛ mumɔ ni nyɛkɛjwɛŋɔ lɛ gbɛfaŋ,

Efesobii 5:26

koni ekɛ hejuu yɛ nu mli kɛ wiemɔ atsuu ehe ni ehã efee krɔŋkrɔŋ,

5 Mose 9:5

Jeee nyɛjalɛ loo nyɛtsuiŋ ni yɔɔ krɔŋkrɔŋ hewɔ ni nyɛyaa nyɛyaŋɔ gbɔmɛi nɛɛ ashikpɔŋ lɛ; shi moŋ Yehowa, nyɛNyɔŋmɔ lɛ, miishwie amɛ kɛje nyɛhiɛ yɛ amɛnifɔɔjianii ni amɛfeɔ lɛ hewɔ, bɔ ni afee ni, shi ni lɛ Yehowa ewo nyɛtsɛmɛi Abraham kɛ Isak kɛ Yakob lɛ ema nɔ mi.

Kolosebii 3:10

ni nyɛwo gbɔmɔ hee ni aafee lɛ ehee yɛ ebɔlɔ lɛ subaŋ nɔ, koni ele lɛ anɔkwale mli lɛ.

2 Timoteo 1:9

Lɛ ehere wɔyiwala ni ekɛ tsɛmɔ krɔŋkrɔŋ tsɛ wɔ, jeee wɔnitsumɔi anaa, shi moŋ yɛ lɛ diɛŋtsɛ eyiŋtoo kɛ edromɔ naa, nɔ ni ekɛ hã wɔ yɛ Kristo Yesu mli dani aje be shishi,

Tito 3:4

Shi be ni Nyɔŋmɔ ni ji wɔyiwalaherelɔ lɛ mlihilɛ kɛ egbɔmɛiahedɔɔ lɛ pue lɛ,

Hebribii 10:22

nyɛhãa wɔkɛ anɔkwa tsui ababɛŋkɛa yɛ hemɔkɛyeli ni wɔyɔɔ hewalɛ yɛ nɔ lɛ mli, kɛ tsui hu ni atsuu he ni ebɛ henilee fɔŋ ko dɔŋŋ, kɛ gbɔmɔtso ni akɛ nu ni mli tse eju he.

Hebribii 4:16

Hewɔ lɛ nyɛhãa wɔkɛ ekãa atsia abɛŋkɛa dromɔ sɛi lɛ, koni wɔnine ashɛ mɔbɔnalɛ nɔ ni wɔna dromɔ ni aaaye abua wɔ yɛ be ni sa mli.

Hebribii 6:6

ni no sɛɛ ni amɛgbee shi lɛ, anyɛŋ amɛ atsake afee ehee ekoŋŋ ahã tsuitsakemɔ, akɛni amɛmiisɛŋ Nyɔŋmɔ Bi lɛ ekoŋŋ amɛmiihã amɛhe, ni amɛmiibɔ lɛ ahora amɛmiitsɔ̃ɔ lɛ.

1 Petro 1:3

Ajɔɔ Nyɔŋmɔ ni ji wɔNuŋtsɔ Yesu Kristo Tsɛ lɛ. Efɔ wɔ ehee yɛ lɛ diɛŋtsɛ emɔbɔnalɛ babaoo lɛ naa, ni ehã wɔ hiɛnɔkãmɔ ni gbooo kɛtsɔ̃ Yesu Kristo shi ni ete kɛjɛ gbohii ateŋ lɛ nɔ.

1 Petro 2:10

nyɛ ni sa lɛ nyɛjeee maŋ, shi agbɛnɛ lɛ Nyɔŋmɔ maŋ ji nyɛ, nyɛ ni anaaa nyɛ mɔbɔ, shi agbɛnɛ ana nyɛ mɔbɔ lɛ.

1 Petro 3:21

Ni agbɛnɛ baptisimɔ ni nakai nu lɛ ji ehe okadi lɛ hereɔ nyɛ hu nyɛyiwala. Ejeee hewolo nɔ mujijiemɔ, shi moŋ eji kpãŋmɔ ni ajɛɔ henilee kpakpa mli akɛ Nyɔŋmɔ kpãŋɔ, kɛtsɔ̃ Yesu Kristo shitee lɛ nɔ,