Tito 3:3 - ŊMALƐ KRƆŊKRƆŊ LƐ

³ Ejaakɛ sa lɛ, wɔ hu wɔfee wɔhe kwashiai, toigbolɔi, gbɛdulɔi, mɛi ni sɔmɔɔ akɔnɔi kɛ miishɛɛ nibii srɔtoi pii. Ni wɔba wɔjeŋ yɛ nifɔɔjianifeemɔ kɛ hetsɛ̃ mli, wɔhe yɛ taŋ, ni wɔnyɛnyɛɔ wɔhe.

Ṅmãle̱ Kroṅkroṅ Le̱

³ Edšake̱ sá le̱ *wo̱ hū wo̱fe wo̱he kwašiai, toigbolo̱i, gbe̱dũlo̱i, mei ni súmoo̱ ako̱no̱i ke̱ fe̱mo̱-ke̱-ṅõmo̱ sro̱toi pī, ni wo̱baä wo̱dšeṅ ye̱ nifōdšianii ke̱ hetšẽmo̱ mli, wo̱he ye̱ tãṅ, ni wonye̱nye̱o̱ wo̱he, *1 Kor. 6,11. Ef. 2,2; 5,8.

Tito 3:3 ပူးပေါင်းရင်းမြစ်များ

1 Mose 38:9

Shi Onan le akɛ bii lɛ ebatsɔ̃ŋ enɔ. No hewɔ lɛ, kɛ etee enyɛmi lɛ ŋa lɛ ŋɔɔ ekɛ lɛ yawɔ lɛ, ejieɔ ehe nu lɛ eshwieɔ shikpɔŋ efiteɔ, koni ekahã enyɛmi lɛ miina shwiei.

1 Mose 39:16

Kɛkɛ ni ekɛ Yosef atade lɛ fɔ̃ emasɛi kɛyashi Yosef nuŋtsɔ lɛ ba shĩa.

Lalai 36:2

Ejaakɛ mɔ fɔŋ lakaa lɛ diɛŋtsɛ ehe akɛ anaŋ enifɔɔji anii lɛ ni anyaŋe.

Abe̱i 8:5

Oo, nyɛ mɛi ni nyɛnako jwɛŋmɔ, nyɛkasea hiɛtɛ̃ɛ. Oo, nyɛ hii kwashiai hu, nyɛboa toi jogbaŋŋ.

Abe̱i 9:6

Kaaŋɔ ohe obɔ kwashia he, koni oyi ana wala; ni dii sanesɛɛkɔmɔ sɛɛ.”

Yesaia 44:20

Mɔ ni yeɔ lamlu tete po, aaanu lɛ shishi. Esusumɔ kɔɔdɔŋ lɛ eha edu gbɛ, ni enyɛŋ eyiwala ehere, ni ekpɛlɛŋ nɔ, ni eeekɛɛ akɛ, “Kwɛ, nɔ ni yɔɔ mininejurɔ mli lɛ, jeee lakamɔnii ni lo?”

Obadia 1:3

Ohenɔwomɔ lɛ elaka bo. Omaŋtsɛmaŋ lɛ ma shi shiŋŋ yɛ tɛsaa nɔ, ni oshihilɛhe lɛ yɛ gɔŋ grɔŋŋ nɔ; ni no hewɔ ni okɛɔ ohe akɛ, ‘Namɔ aaanyɛ mi shi aba?’

Mateo 21:29

Ni ehere nɔ ekɛɛ, ‘Miyaaa.’ Shi fee sɛɛ lɛ eshwa ehe, ni etee.

Luka 21:8

Ni ekɛɛ, “Nyɛkwɛa jogbaŋŋ, koni akalaka nyɛ; ejaakɛ mɛi pii aaaba yɛ migbɛi mli ni amɛaakɛɛ, ‘Mi ni’, kɛ ‘Be lɛ eshɛ etã’. Shi nyɛkanyiɛa amɛsɛɛ.

Yohane 8:34

Yesu here amɛ nɔ akɛ, “Anɔkwale mikɛɔ nyɛ akɛ, mɔ fɛɛ mɔ ni feɔ esha lɛ, esha lɛ nyɔŋ ji lɛ.

Romabii 11:30

Ejaakɛ tamɔ bɔ ni sa lɛ nyɛ hu nyɛbooo Nyɔŋmɔ toi, shi agbɛnɛ ana nyɛ mɔbɔ yɛ amɛtoigbele lɛ hewɔ lɛ,

Romabii 6:12

No hewɔ lɛ, nyɛkahãa esha miiyea nyɛgbɔmɔtso ni baagbo lɛ nɔ maŋtsɛ, ni nyɛbo lɛ toi yɛ ekɔnɔi lɛ amli;

Romabii 6:17

Shi shidaa ahã Nyɔŋmɔ, akɛ kulɛ sa lɛ esha tsuji ji nyɛ, shi agbɛnɛ nyɛjɛ nyɛtsui fiaa mli nyɛbo nɛkɛ tsɔ̃ɔmɔ ni akɛ nyɛ ewo mli nɛɛ toi.

Romabii 6:22

Shi agbɛnɛ lɛ, ni akpɔ̃ nyɛ yɛ esha dɛŋ ni nyɛtsɔ̃mɔ Nyɔŋmɔ tsuji nɛɛ, nɔ ni nyɛnaa kɛjɛɔ mli ji krɔŋkrɔŋfeemɔ, ni enaagbee ji naanɔ wala.

Romabii 6:6

ejaakɛ wɔle enɛ akɛ asɛŋ wɔgbɔmɔ momo lɛ kɛ lɛ, koni esha gbɔmɔtso lɛ hiɛ akpãtã ni wɔkasɔ̃mɔ esha lɛ dɔŋŋ.

2 Korintobii 12:20

Ejaakɛ miishe gbeyei akɛ ekolɛ kɛ miba lɛ, mibanaŋ nyɛ bɔ ni misumɔɔ, ni nyɛ hu nyɛnaŋ mi bɔ ni nyɛsumɔɔ; bei, awuŋayeli, mlilawoo, pɛsɛŋkuminya, oshekuyeli, mɔhewiemɔ, hefaa, sakasakafeemɔ;

Galatabii 6:3

Ejaakɛ kɛji efeɔ mɔ ko akɛ mɔ ko ji lɛ be mli ni ejeee mɔ ko lɛ eeshishiu ehe.

Kolosebii 1:21

Nyɛ ni sa ni yɛ nyɛjwɛŋmɔ kɛ nyɛnitsumɔi fɔ̃ji ahewɔ lɛ mɛi kpɔ̃ji kɛ henyɛlɔi ji nyɛ.

Kolosebii 3:7

Enɛɛmɛi amli nyɛ hu nyɛnyiɛ sa, be ni nyɛhi shi yɛ mli lɛ.

2 Timoteo 3:13

Shi gbɔmɛi fɔ̃ji kɛ shishiulɔi aaawo wu yɛ efɔŋ mli; amɛlakaa mɛi ni amɛ hu alakaa amɛ.

2 Timoteo 3:6

Ejaakɛ mɛnɛɛmɛi ateŋ mɛi komɛi ji mɛi ni juɔ shi boteɔ shĩai ni amɛnine shɛɔ yei ni bɛ yitseiaŋ ni esha edɔdɔɔ amɛ ni akɔnɔi srɔtoi kpalaa amɛ lɛ anɔ.

Tito 1:16

Amɛjajeɔ akɛ amɛle Nyɔŋmɔ, shi amɛkɛ amɛnitsumɔi kwaa lɛ, ni amɛ ji gbɔmɛi ni ahiɔ, kɛ toigbolɔi, mɛi ni ehiii hãaa nitsumɔ kpakpa ko kwraa.

Tito 2:12

Ni etsɔseɔ wɔ koni wɔkwa she ni asheee Nyɔŋmɔ gbeyei kɛ je nɛɛŋ akɔnɔi lɛ ni wɔkɛ hiɛshikãmɔ kɛ jalɛ nifeemɔ kɛ Nyɔŋmɔ gbeyeishemɔ ahi shi yɛ je nɛɛŋ,

Yakobo 1:26

Shi kɛ efeɔ mɔ ko akɛ Nyɔŋmɔ jalɔ ji lɛ, ni ewooo elilɛi manyoflɛ, shi moŋ eshishiuɔ ehe lɛ, nɛkɛ gbɔmɔ nɛɛ jamɔ lɛ, yaka ni.

1 Petro 1:14

Nyɛfea nyɛhe bii toibolɔi ni nyɛkabaa nyɛjeŋ yɛ sa be ni nyɛleee nɔ ko lɛ mli akɔnɔi lɛ anaa dɔŋŋ.

Kpojiemɔ 12:9

Ni ashɛ drako kpeteŋkple lɛ ni ji blema onufu lɛ ni atsɛɔ lɛ Abonsam loo Satan lɛ ni shishiuɔ jeŋ muu lɛ fɛɛ lɛ afɔ̃ shikpɔŋ lɛ nɔ, ni ashɛrɛ ebɔfoi lɛ hu ashwie afata ehe.

Kpojiemɔ 13:14

Ni ekɛ okadii ni ahã lɛ hegbɛ akɛ efee yɛ kooloo lɛ hiɛ lɛ shishiuɔ mɛi ni yɔɔ shikpɔŋ lɛ nɔ lɛ, ni ekɛɔ mɛi ni yɔɔ shikpɔŋ lɛ nɔ lɛ akɛ amɛfee amãgã amɛhã kooloo lɛ ni klante naa pilamɔ yɔɔ ehe ni ehiɛ kã lɛ.

Kpojiemɔ 18:2

ni ekɛ̃ ehe shi ebo ekɛɛ, “Egbee shi, Babilon kpeteŋkple lɛ egbee shi, ni etsɔ̃ mumɔi fɔ̃ji ashihilɛhe, kɛ mumɔi ni he tseee fɛɛ atsu kɛ loofɔlɔ fɛɛ loofɔlɔ ni he tseee ni anyaŋeɔ hu tsu.