Tito 3:2 - ŊMALƐ KRƆŊKRƆŊ LƐ

² Amɛkawie mɔ ko he efɔŋ, amɛkabe, shi moŋ amɛfee kpoo, ni amɛhã mɛi fɛɛ ana amɛ akɛ amɛhe jɔ kwraa.

Ṅmãle̱ Kroṅkroṅ Le̱

² ame̱kawie moko he efõṅ, ame̱kabé; ši moṅ ame̱fe kpō, ni ame̱ke̱ ame̱he atšõ mofẽmo ake̱ ame̱he dšo̱. Fil. 4,5.

Tito 3:2 ပူးပေါင်းရင်းမြစ်များ

2 Samuel 22:36

Yehowa, obaa miyi, ni ohere mi; oyelikɛbuamɔ ehã mitsɔ̃ mɔ wulu.

Lalai 140:11

Kaahã oshekuyelɔ ko he shi yɛ shikpɔŋ lɛ nɔ; hã efɔŋ akpãtã yiwalɔ lɛ hiɛ mra.

Abe̱i 19:19

Mɔ ni mlifu naa wa lɛ, enaa he nyɔmɔwoo; kɛji ojie lɛ kɛje haomɔ kome mli lɛ, ebaabote ekroko hu mli.

Abe̱i 25:24

Faŋ nɔ ni oyahi tsu yiteŋ kpokplobiiaŋ, fe nɔ ni okɛ yoo beilɔ aaahi shĩa kome mli.

Abe̱i 6:19

Mɔ ni yeɔ amale odase, ni efoɔ sane ni bɛ mli etãa; mɔ ni woɔ nanemɛi ateŋ bei.

Yesaia 40:11

Eeelɛ etooku lɛ tamɔ tookwɛlɔ; eeehiɛ etoobii lɛ yɛ ekpɔkɔiaŋ; Eeeloo amɛ eshãkã etsitsiŋ ni eeekpala toonyɛmɛi lɛ blɛoo.

Mateo 11:29

Nyɛwoa mipã lɛ nyɛfɔ̃a nyɛnɔ, ni nyɛkasea mi; shi mihe jɔ, ni mibaa mihe shi kɛjɛ mitsui mli; ni nyɛaana hejɔɔmɔ nyɛhã nyɛsusumai lɛ.

Bɔfoi 23:5

Ni Paulo kɛɛ, “Anyɛmimɛi, mileee akɛ osɔfonukpa ni ejaakɛ aŋma akɛ, ‘Kaawie omaŋ onukpa he efɔŋ.’ ”

1 Korintobii 6:10

loo julɔi loo hiɛjoolɔi loo dãatɔlɔi loo mɛi ajɛlɔi loo ojotswalɔi anine shɛŋ Nyɔŋmɔ maŋtsɛyeli lɛ nɔ.

1 Korintobii 9:19

Mihiɛ mihe ni mijeee mɔ ko mɔ ko nyɔŋ, kɛ̃lɛ mifee mihe mɛi fɛɛ anyɔŋ, bɔ ni afee ni minine ashɛ mɛi babaoo anɔ.

2 Korintobii 10:1

Shi mi Paulo diɛŋtsɛ miikpa nyɛ fai yɛ Kristo hejɔlɛ kɛ kpoofeemɔ lɛ hewɔ, mi ni akɛɛ kɛ miyɛ nyɛhiɛ lɛ mifeɔ mihe humi yɛ nyɛteŋ, shi kɛ mibɛ nyɛŋɔɔ lɛ, mijeɔ ekãa miwoɔ nyɛ lɛ.

2 Korintobii 12:20

Ejaakɛ miishe gbeyei akɛ ekolɛ kɛ miba lɛ, mibanaŋ nyɛ bɔ ni misumɔɔ, ni nyɛ hu nyɛnaŋ mi bɔ ni nyɛsumɔɔ; bei, awuŋayeli, mlilawoo, pɛsɛŋkuminya, oshekuyeli, mɔhewiemɔ, hefaa, sakasakafeemɔ;

Galatabii 5:22

Shi Mumɔ lɛ yibii ji suɔmɔ, miishɛɛ, hejɔlɛ, tsuishitoo, mlihilɛ, ejurɔfeemɔ, hemɔkɛyeli,

Galatabii 6:1

Anyɛmimɛi, kɛji mɔ ko miitɔ̃ ni amɔ lɛ lɛ, nyɛ mɛi ni nyɛ ji mumɔŋ gbɔmɛi lɛ nyɛsaa nakai mɔ lɛ ekoŋŋ kɛ mlijɔlɛ mumɔ; ni ole ohe nɔ kwɛmɔ koni bo hu akaka bo.

Galatabii 6:10

Belɛ be mli ni hegbɛ yɔɔ hã wɔ nɛɛ, nyɛhãa wɔfea mɛi fɛɛ ejurɔ, shi titri lɛ mɛi ni ji hemɔkɛyeli lɛ webii lɛ.

Efesobii 4:2

Nyɛnyiɛa kɛ heshibaa fɛɛ kɛ kpoofeemɔ fɛɛ kɛ tsuishitoo fɛɛ ni nyɛnanaa nyɛhã nyɛhe kɛ suɔmɔ.

Efesobii 4:31

Nyɛhãa mlijoomɔ kɛ mlila kɛ mlifu kɛ blɔmɔ kɛ oshekuyeli kɛ efɔŋ fɛɛ sɛɛ afoa yɛ nyɛteŋ.

Filipibii 4:5

Nyɛmlijɔlɛ lɛ nyɛhãa gbɔmɛi fɛɛ alea! Nuŋtsɔ lɛ ebɛŋkɛ.

1 Tesalonikabii 2:7

Tsɛ wɔyɛ hegbɛ akɛ wɔfeɔ wɔhe agboi yɛ nyɛnɔ, akɛni Kristo bɔfoi ji wɔ lɛ; shi moŋ wɔhe jɔ yɛ nyɛteŋ, tamɔ bɔ ni bii anyɛ hiɛɔ lɛ diɛŋtsɛ ebii dɔdɔɔdɔ lɛ.

1 Timoteo 3:11

Yei lɛ hu nakai nɔŋŋ; amɛfee mɛi ni hiɛ tsii, jeee oshekuyelɔi shi mɛi ni hiɛ kã shi, ni amɛyeɔ anɔkwa yɛ nii fɛɛ mli.

1 Timoteo 3:3

jeee dãanulɔ, jeee ninekpokpookpotsɛ, shi moŋ mɔ ni he jɔ, mɔ ni beee, mɔ ni hiɛ ekɔ̃ɔɔ shika nɔ,

Yakobo 3:17

Shi nilee ni jɛ ŋwɛi lɛ, klɛŋklɛŋ lɛ ehe tse, no sɛɛ lɛ ehe jɔ, ehiɛ kã shi, eboɔ toi, eyi obɔ̃ kɛ mɔbɔnalɛ kɛ yibii kpakpai, ejieee niiaŋ, efeee osato.

Yakobo 4:11

Nyɛkawiewiea nyɛhe, anyɛmimɛi. Mɔ ni wieɔ enyɛmi he aloo ekojoɔ enyɛmi lɛ, Mla lɛ ewieɔ eshiɔ ni Mla lɛ ekojoɔ lɛ. Shi kɛ ookojo Mla lɛ, jeee Mla lɛ nɔyelɔ ji bo, shi Mla lɛ kojolɔ moŋ ji bo.

1 Petro 2:1

No hewɔ lɛ, nyɛshɛrɛa efɔŋ fɛɛ kɛ kutumpɔo fɛɛ kɛ shishiumɔ kɛ osato kɛ hetsɛ̃ kɛ mɔhewiemɔ fɛɛ nyɛshwiea.

1 Petro 3:10

Shi, “Mɔ ni taoɔ wala asumɔ ni ena gbii kpakpai lɛ, emɔ elilɛi mli kɛje efɔŋ he, kɛ enaabu hu koni ekawie shishiumɔ wiemɔ.

1 Petro 3:8

Shi naagbee lɛ, nyɛ fɛɛ nyɛhiɛa jwɛŋmɔ kome, nyɛnanaa nyɛhãa nyɛhe, nyɛsumɔsumɔa nyɛhe akɛ nyɛmimɛi, nyɛmli ashãa nyɛ ahãa nyɛhe, nyɛjwɛŋa heshibaa jwɛŋmɔ.

1 Petro 4:4

Ni agbɛnɛ ni nyɛhe etswaaa shi nyɛkɛ amɛ eyaaa nɛkɛ shihilɛ gbonyo nɛɛ nɔŋŋ mli hewɔ lɛ, efeɔ amɛ naakpɛɛ ni amɛwieɔ nyɛhe musubɔɔ wiemɔi.

2 Petro 2:10

shi titri lɛ mɛi ni nyiɛɔ heloo akɔnɔ ni yɔɔ muji sɛɛ, ni amɛbuuu nɔyeli hewalɛ lɛ, tsuisalɔi kɛ yibulɔi ni kɛji amɛmiiye gbɔmɛi agboi ahe osheku ni amɛhe kpokpooo;

Yuda 1:10

Shi mɛnɛɛmɛi lɛ, amɛ lɛ nii fɛɛ ni amɛleee lɛ amɛyeɔ he osheku, shi nii ni amɛle yɛ amɛfɔmɔ su lɛ naa tamɔ kooloi ni bɛ jwɛŋmɔ lɛ, nomɛi nɔŋŋ amɛkɛfiteɔ amɛhe.

Yuda 1:8

Nakai nɔŋŋ mɛi ni ju shi bote mli lɛ hu buleɔ heloo lɛ yɛ amɛlamɔi amli, ni amɛbuuu nɔyeli, ni amɛwieɔ anunyamtsɛmɛi ahe wiemɔi fɔ̃ji.