Tito 3:14 - ŊMALƐ KRƆŊKRƆŊ LƐ

¹⁴ Shi hã ni wɔ diɛŋtsɛ wɔmɛi lɛ hu akase nitsumɔi kpakpai ahe mɔdɛŋbɔɔ yɛ fimɔ kɛ hiamɔ hewɔ, koni amɛkafee mɛi ni wooo yibii.

Ṅmãle̱ Kroṅkroṅ Le̱

¹⁴ Ši hã ni wo̱dientše̱ wo̱mei le̱ bũ akase *nitšumo̱i kpakpai ahe mo̱deṅbō̱, ke̱dši efĩ lo ehīa moko le̱, †koni ame̱-kafe mei ni woo yibii. *2,14. Ef. 4,28. †Mat. 7,19.

Tito 3:14 ပူးပေါင်းရင်းမြစ်များ

Yesaia 61:3

Etsu mi koni mɛi ni yeɔ ŋkɔmɔ yɛ Zion lɛ mibaha amɛ ayilɔ yɛ lamlu najiaŋ, ni yɛ awerɛho najiaŋ lɛ, mibaha amɛmii ashɛ. Amɛaafee tamɔ tsei ni Yehowa diɛŋtsɛ tɛo. Amɛ fɛɛ amɛaafee nii ni ja, ni aaajie Nyɔŋmɔ yi yɛ nii ni efee lɛ hewɔ.

Mateo 21:19

Ni ena agbãmitso ko yɛ gbɛ lɛ he, ni etsi eshɛ he, shi enaaa nɔ ko yɛ nɔ akɛ ja bai kɛkɛ; ni ekɛɛ tso lɛ akɛ, “Owoŋ yibii ko dɔŋŋ gbi ko gbi ko!” Ni agbãmitso lɛ ŋlã amrɔ lɛ nɔŋŋ.

Mateo 7:19

Tso fɛɛ tso ni wooo yibii kpakpai lɛ, atoɔ lɛ ni ashɛɔ lɛ afɔ̃ɔ la mli.

Yohane 15:16

Jeee nyɛ nyɛhala mi, shi mi moŋ mihala nyɛ, ni mito nyɛ koni nyɛ hu nyɛya ni nyɛyawo yibii, ni nyɛyibii lɛ ahi shi, koni nɔ fɛɛ nɔ he fai ni nyɛaakpa Tsɛ lɛ yɛ migbɛi mli lɛ, ehã nyɛ.

Yohane 15:8

Nɔ ni akɛwoɔ miTsɛ hiɛ nyam ji akɛ nyɛwo yibii pii, ni nyɛfee mikaselɔi.

Bɔfoi 18:3

ni akɛni ekɛ lɛ fɛɛ tsuɔ nitsumɔ kome hewɔ lɛ, ekɛ amɛ hi shi, ni etsuɔ nii; amɛnitsumɔ nɛɛ ji buufeemɔ.

Bɔfoi 20:35

Mikɛ fɛɛ tsɔ̃ɔ nyɛ akɛ nakai sa akɛ atsu nii ni akɛye abua mɛi ni bɛ hewalɛ, ni akai Nuŋtsɔ Yesu wiemɔi ni lɛ diɛŋtsɛ ewie lɛ akɛ, ‘Nɔhãmɔ mli yɛ jɔɔmɔ fe hemɔ.’ ”

Romabii 12:13

Nyɛhãa mɛi krɔŋkrɔŋi lɛ ahiamɔ lɛ afea nyɛ hu nyɛhiamɔ; nyɛbɔa gbɔfeemɔ he mɔdɛŋ.

Romabii 15:28

No hewɔ lɛ, kɛ mina migbe enɛ naa ni misɔo nɛkɛ yibii nɛɛ anaa mihã amɛ lɛ, mabatsɔ̃ nyɛŋɔɔ kɛya Tarshish.

Efesobii 4:28

Mɔ ni juɔ lɛ ekaju dɔŋŋ, shi ebɔ mɔdɛŋ ni ekɛ lɛ diɛŋtsɛ eniji atsu nitsumɔ kpakpa, koni ena nɔ ko ni ekɛhã mɔ ni ehia lɛ lɛ.

Filipibii 1:11

ni nyɛyimɔ obɔ̃bɔ̃ kɛ jalɛ yibii ni awoɔ kɛtsɔ̃ɔ Yesu Kristo nɔ lɛ, hã Nyɔŋmɔ anunyam kɛ yijiemɔ.

Filipibii 4:16

ejaakɛ be ni miyɔɔ Tesalonika lɛ hu nyɛtsu shi kome kɛ shii enyɔ fɛɛ abahã mi nii ni hiaa mi lɛ.

Filipibii 4:17

Jeee akɛ nikeenii mitaoɔ; shi moŋ miitao yibii ni baahã nyɛkɔntaa lɛ afa.

Kolosebii 1:10

Koni nyɛnyiɛ bɔ ni sa Nuŋtsɔ lɛ ni asa ehiɛ kwraa ni nyɛwo yibii yɛ nitsumɔ kpakpa fɛɛ nitsumɔ kpakpa mli. Enɛ ahã nyɛshwere yɛ Nyɔŋmɔ he nilee mli

1 Tesalonikabii 2:9

Ejaakɛ, anyɛmimɛi, nyɛkaiɔ wɔtɔlɛ kɛ wɔdeŋmegbomɔ lɛ, akɛ bɔ ni afee ni wɔkatsɔ̃ jatsu wɔmiihã nyɛteŋ mɔ ko hewɔ lɛ nyɔɔŋ kɛ shwane fɛɛ wɔmiitsu nii, ni wɔsaa wɔmiijaje Nyɔŋmɔ Sanekpakpa lɛ wɔmiitsɔ̃ɔ nyɛ.

2 Tesalonikabii 3:8

Ni asaŋ wɔyeee mɔ ko ŋmaa yaka, shi moŋ wɔkɛ mɔdɛŋbɔɔ kɛ tɔlɛ tsuɔ nii nyɔɔŋ kɛ shwane bɔ ni afee ni wɔkafee jatsu wɔmiihã nyɛteŋ mɔ ko.

Tito 2:8

Owiemɔ ahi bɔ ni anaŋ he sane ko atã, bɔ ni afee ni mɔ ni kɛ wɔ yeee lɛ hiɛ agbo, yɛ na ni enaaa nɔsha ko ekɛɛ yɛ wɔhe lɛ hewɔ.

Tito 3:8

Anɔkwa wiemɔ nɛ. Ni nɛkɛ nii nɛɛ anɔ mi mitaoɔ akɛ oma, koni mɛi ni ehe Nyɔŋmɔ nɔ amɛye lɛ akwɛ ni amɛbɔ nitsumɔi kpakpai ahe mɔdɛŋ. Enɛɛmɛi ji nii ni yɔɔ fɛo ni he yɔɔ sɛɛnamɔ hã gbɔmɛi.

2 Petro 1:8

Ejaakɛ kɛji nɛkɛ nii nɛɛ yɛ nyɛmli ni efa lɛ, ehãŋ nyɛfee mɛi ni ebɔɔɔ mɔdɛŋ aloo mɛi ni wooo yibii yɛ wɔNuŋtsɔ Yesu Kristo he nilee lɛ gbɛfaŋ.