Tito 2:14 - ŊMALƐ KRƆŊKRƆŊ LƐ

¹⁴ Lɛ ekɛ lɛ diɛŋtsɛ ehe hã yɛ wɔnajiaŋ, koni ekpɔ̃ wɔ kɛjɛ nɔtɔmɔ fɛɛ mli, ni etsuu wɔhe ehã ehe akɛ lɛ diɛŋtsɛ enɔ, maŋ ni hiɛ dɔɔ yɛ nitsumɔi kpakpai ahe lɛ.

Ṅmãle̱ Kroṅkroṅ Le̱

¹⁴ moni ṅō *le̱dientše̱ ehe ehã ye̱ wo̱nãdšiaṅ, koni ekpõwo̱ ke̱dše̱ no̱tōmo̱ fẽ mli, ni etšū wo̱he efe le̱dientše̱ emaṅ kro̱ṅṅ ni hīe do̱ö̱ ye †nitšumo̱i kpakpai ahe le̱. *Gal. 1,4. 1 Tim. 2,6. †Ef. 2,10.

Tito 2:14 ပူးပေါင်းရင်းမြစ်များ

1 Mose 48:16

bɔfo ni jie mi kɛjɛ efɔŋ fɛɛ mli lɛ, ajɔɔ gbekɛbii nɛɛ. Amɛhewɔ lɛ, migbɛi kɛ mitsɛmɛi Abraham kɛ Isak agbɛi gboŋ kɔkɔɔkɔ. Amɛyi afa babaoo yɛ shikpɔŋ lɛ nɔ.”

Lalai 130:8

Lɛ eeekpɔ̃ Israel kɛaajɛ enishaianii lɛ fɛɛ mli.

Lalai 135:4

Ejaakɛ Yehowa eŋɔ Yakob ehã lɛ diɛŋtsɛ ehe, eŋɔ Israel efee lɛ diɛŋtsɛ enɔ.

2 Mose 15:16

Gbeyei kɛ ŋmiŋmi eloo amɛ, onineshi tsiimɔ sɔŋŋ ehã amɛmu shi dɛoo kɛyaashi beyinɔ ni Yehowa, omaŋ lɛ aaaho, kɛyaashi mɛi ni okpɔ̃ lɛ aaaho.

Ezekiel 36:25

Mikɛ nu ni mli tse baashwã nyɛnɔ, ni nyɛhe baatse. Ni matsuu nyɛwɔji ahe muji ni yɔɔ nyɛhe lɛ hu.

Ezekiel 37:23

“Amɛkɛ amɛmãgãi kɛ amɛmusubɔɔnii lɛ kɛ eshai ni amɛfeɔ lɛ ekoeko buleŋ amɛhe dɔŋŋ; shi moŋ mahere amɛyiwala kɛaajɛ eshai ni amɛfee ni etse amɛ kɛje mihe lɛ amli, ni matsuu amɛhe; kɛkɛ lɛ amɛaatsɔ mimaŋ, ni matsɔ amɛNyɔŋmɔ.

3 Mose 25:41

Kɛji eshɛ nakai afi lɛ nɔ lɛ, lɛ kɛ ebii kɛ hɔi fɛɛ ashi oŋɔɔ, ni amɛku amɛsɛɛ kɛya amɛwekumɛi ateŋ kɛ eseshibii anɔ mli ekoŋŋ.

Maleaki 3:3

Ebaata shi tamɔ jwiɛtɛi hetsuulɔ ni hãa jwiɛtɛi he tseɔ keŋkeŋ lɛ. Nakai ebaatsuu osɔfoi ni ji Levi shwiei lɛ ahe keŋkeŋ tamɔ atsuɔ shika kɛ jwiɛtɛi he lɛ. Kɛkɛ lɛ amɛaanyɛ amɛkɛ afɔleshãa nikeenii ni kpa bɛ he aba abahã Yehowa.

4 Mose 25:13

ni mijɔɔ osɔfoyeli lɛ nɔ mihã lɛ kɛ eshwiei kɛmiiya naanɔ, ejaakɛ eye awuŋã yɛ mi, mihewɔ, ni ehã akɛ tɔ̃mɔ ni maŋ lɛ tɔ̃ lɛ efa amɛ.’ ”

4 Mose 7:15

tsina oblanyo kome kɛ ojwɛni kome kɛ too gwantɛŋ binuu kome ni eye afi ni akɛ amɛ baashã shãa afɔle,

Mateo 1:21

ebaafɔ binuu, ni ooowo lɛ gbɛi akɛ Yesu, ejaakɛ lɛ ebaahere emaŋ lɛ yiwala kɛjɛ amɛhe eshai lɛ amli.”

Mateo 20:28

Tamɔ bɔ ni Gbɔmɔ Bi lɛ baaa ni asɔmɔ lɛ, shi eba sɔ̃ɔmɔ moŋ ni ekɛ esusuma lɛ ahã yɛ mɛi pii akpɔ̃mɔ hewɔ lɛ.”

Mateo 3:12

Ehiɛ eshaatsene yɛ edɛŋ, ni ebaabɛɛ eshikpɔŋ lɛ fitsofitso, ni ebaabua eŋmaa lɛ naa eto eboŋo mli; shi tutuu lɛ, ekɛ la ni gbooo baashã.”

Yohane 10:15

tamɔ bɔ ni Tsɛ lɛ le mi, ni mi hu mile Tsɛ lɛ. Ni mikɛ miwala ŋmɛɔ shi yɛ toi lɛ anajiaŋ.

Yohane 6:51

Mi ji aboloo ni hiɛ kã ni jɛ ŋwɛi ba lɛ; kɛji mɔ ko ye aboloo nɛɛ eko lɛ, ehiɛ aaakã kɛaatee naanɔ. Shi aboloo ni mikɛbaahã lɛ ji miheloo ni mikɛbaahã yɛ je lɛ wala hewɔ lɛ.”

Bɔfoi 15:14

Simeon egba bɔ ni Nyɔŋmɔ basara jeŋmaji lɛ tsutsu ko ni ehala maŋ kɛjɛ amɛteŋ ehã egbɛi lɛ.

Bɔfoi 15:9

ni ejieee niiaŋ yɛ wɔ kɛ amɛ teŋ, ejaakɛ ekɛ hemɔkɛyeli tsuɔ amɛtsuii ahe.

Bɔfoi 20:28

No hewɔ lɛ, nyɛlea nyɛhenɔkwɛmɔ kɛ toiku lɛ fɛɛ ni Mumɔ Krɔŋkrɔŋ lɛ ewo nyɛ amɛnɔkwɛlɔi lɛ, koni nyɛlɛ Nyɔŋmɔ asafo lɛ ni ekɛ lɛ diɛŋtsɛ elá he lɛ.

Bɔfoi 9:36

Shi yoo kaselɔ ko yɛ Yopa ni atsɛɔ lɛ Tabita, eshishi ji Dorka. Nitsumɔi kpakpai kɛ ejurɔfeemɔ eyi yoo nɛɛ obɔ̃.

Galatabii 1:4

Yesu Kristo ni kɛ lɛ diɛŋtsɛ ehe hã yɛ wɔhe eshai lɛ ahewɔ, koni ejie wɔ kɛjɛ jeŋ fɔ̃ŋ ni yɔɔ ŋmɛnɛŋmɛnɛ nɛɛ mli, yɛ Nyɔŋmɔ ni ji wɔTsɛ lɛ suɔmɔ naa lɛ.

Galatabii 2:20

Asɛŋ mi kɛ Kristo; hewɔ lɛ jeee mi mihiɛ kã dɔŋŋ, shi Kristo ni hiɛ kã yɛ mimli; shi mihiɛ ni kã yɛ heloo mli agbɛnɛ nɛɛ, Nyɔŋmɔ Bi lɛ ni sumɔ mi ni ekɛ ehe hã yɛ mihewɔ lɛ nɔ hemɔkɛyeli mli mihiɛ kã yɛ.

Galatabii 3:13

Kristo kpɔ̃ wɔ kɛjɛ Mla lɛ loomɔ lɛ mli, akɛni etsɔ̃ loomɔ ehã wɔ lɛ, ejaakɛ aŋma akɛ, “Alomɔ mɔ fɛɛ mɔ ni tsotsoro tso nɔ lɛ;”

Efesobii 1:11

Lɛ emli wɔna gboshinii lɛ hu yɛ, wɔ mɛi ni ajie wɔ ato yɛ mɔ ni tsuɔ nibii fiaa lɛ gbɛjianɔtoo naa, yɛ eyiŋ ni eto bɔ ni lɛ diɛŋtsɛ esumɔɔ lɛ naa,

Efesobii 2:10

Ejaakɛ enine naa nitsumɔnii ji wɔ, abɔ wɔ yɛ Kristo Yesu mli ahã nitsumɔi kpakpai ni Nyɔŋmɔ esaa eto koni wɔnyiɛ yɛ mli lɛ.

Efesobii 5:2

Ni nyɛnyiɛa yɛ suɔmɔ mli, tamɔ bɔ ni Kristo hu sumɔ wɔ ni ekɛ lɛ diɛŋtsɛ ehe hã yɛ wɔhewɔ akɛ nikeenii kɛ afɔle ni akɛhã Nyɔŋmɔ ni jeɔ ŋma krɔŋŋ lɛ.

5 Mose 14:2

Ejaakɛ Yehowa je gbɛ eŋɔ nyɛ yɛ shikpɔŋ lɛ nɔ maji fɛɛ ateŋ ehã ehe akɛ lɛ diɛŋtsɛ emaŋ.

5 Mose 26:18

Yehowa hu egba mli kpoo ekɛɛ bo, ŋmɛnɛ gbi nɛɛ, akɛ lɛ diɛŋtsɛ emaŋ ji bo tamɔ bɔ ni ewo bo shi lɛ, ni eebi bo koni oye ekitãi lɛ fɛɛ nɔ,

5 Mose 4:20

Shi nyɛ lɛ, Yehowa yakpɔ̃ nyɛ yɛ Ijipt, kɛje dade flɔnɔɔ lɛ mli, koni nyɛbatsɔ̃ lɛ diɛŋtsɛ ewebii tamɔ bɔ ni nyɛyɔɔ ŋmɛnɛ gbi nɛɛ lɛ.

5 Mose 7:6

“Nyɛfea nakai ejaakɛ Yehowa, nyɛNyɔŋmɔ lɛ, eŋɔ nyɛ ehã ehe akɛ emɛi krɔŋkrɔŋ. Eje gbɛ ni eŋɔ nyɛ yɛ majimaji lɛ fɛɛ ateŋ yɛ shikpɔŋ lɛ nɔ koni nyɛtsɔ̃ lɛ diɛŋtsɛ ewebii krɛdɛɛ.

1 Timoteo 1:15

Eji anɔkwa wiemɔ ni sa akɛ amɔ mli kwraa, akɛ Kristo Yesu ba je nɛɛŋ eba eshafeelɔi ayiwalaheremɔ, mɛi ateŋ ni mi mi ji oti lɛ;

1 Timoteo 2:10

shi moŋ kɛ nitsumɔi kpakpai ni sa yei ni tsɛɔ amɛhe akɛ Nyɔŋmɔ jalɔi lɛ.

1 Timoteo 2:6

mɔ ni ŋɔ ehe ehã akɛ kpɔmɔ nɔ ehã mɛi fɛɛ. Enɛ ji odase ni aye yɛ be ni sa mli lɛ;

1 Timoteo 6:18

Ni amɛfee ejurɔ ni amɛtsɔ̃mɔ niiatsɛmɛi yɛ nitsumɔi kpakpai amli, amɛsumɔ nihãmɔ, amɛdɛŋ akpɔ.

Tito 2:7

Ni nɔ fɛɛ nɔ mli lɛ, ŋɔɔ bo diɛŋtsɛ ohe ofee nɔkwɛmɔnɔ ohã amɛ yɛ nitsumɔi kpakpai agbɛfaŋ. Nitsɔɔmɔ mli lɛ hã ana bo akɛ mɔ ni miifee kɛ tsui krɔŋŋ kɛ hiɛdɔɔ.

Tito 3:8

Anɔkwa wiemɔ nɛ. Ni nɛkɛ nii nɛɛ anɔ mi mitaoɔ akɛ oma, koni mɛi ni ehe Nyɔŋmɔ nɔ amɛye lɛ akwɛ ni amɛbɔ nitsumɔi kpakpai ahe mɔdɛŋ. Enɛɛmɛi ji nii ni yɔɔ fɛo ni he yɔɔ sɛɛnamɔ hã gbɔmɛi.

Hebribii 1:3

Lɛ ji enunyam lɛ kpɛmɔ kɛ esu lɛ mfoniri lɛ, ni ekɛ lɛ diɛŋtsɛ ehewalɛ wiemɔ lɛ hiɛɔ nibii fɛɛ. Be ni ekɛ lɛ diɛŋtsɛ ehe etsuu wɔhe kɛjɛ wɔhe eshai lɛ amli lɛ, etee eyata shi yɛ anunyam-Tsɛ agbo lɛ nine jurɔ nɔ yɛ ŋwɛi,

Hebribii 10:24

Ni nyɛhãa wɔyɔseyɔsea wɔhe, koni wɔhiɛ adɔ suɔmɔ kɛ nitsumɔi kpakpai ahe.

Hebribii 9:14

enyiɛ nɔŋŋ ni Kristo ni tsɔ̃ naanɔ Mumɔ lɛ nɔ eŋɔ ehe ni kpa ko bɛ he lɛ ehã Nyɔŋmɔ akɛ afɔle lɛ lá lɛ tsumɔŋ wɔhenilee lɛ he kɛjɛŋ nitsumɔi gbohii amli, koni wɔsɔ̃mɔ Nyɔŋmɔ hiɛkãalɔ lɛ?

Yakobo 4:8

Nyɛtsia nyɛbɛŋkɛa Nyɔŋmɔ, ni eeetsi ebɛŋkɛ nyɛ. Nyɛtsuua nyɛniji ahe, nyɛ eshafeelɔi, ni nyɛhãa nyɛtsuii ahe atsea, nyɛ jwɛŋmɔi enyɔnyɔɔnyɔtsɛmɛi.

1 Petro 1:18

Ejaakɛ nyɛle akɛ jeee nibii ni fiteɔ, tamɔ jwiɛtɛi loo shika, akɛkpɔ̃ nyɛ kɛjɛ nyɛyaka jeŋba ni nyɛna kɛjɛ nyɛtsɛmɛi lɛ aŋɔɔ lɛ mli;

1 Petro 1:22

Ni akɛni nyɛtsuu nyɛsusumai ahe yɛ anɔkwale lɛ toiboo mli nyɛhã nyɛmimɛi asuɔmɔ ni osato bɛ mli lɛ hewɔ lɛ, nyɛkɛ tsui krɔŋŋ asumɔsumɔa nyɛhe jogbaŋŋ.

1 Petro 2:12

ni nyɛba nyɛjeŋ jogbaŋŋ yɛ jeŋmajiaŋbii lɛ ateŋ, koni be mli ni amɛwieɔ nyɛhe akɛ efɔŋfeelɔi lɛ, amɛkɛ nyɛnitsumɔi kpakpai lɛ ni amɛbaana lɛ awo Nyɔŋmɔ hiɛ nyam yɛ saramɔ Gbi lɛ nɔ.

1 Petro 2:9

shi nyɛ lɛ, weku ni ahala ji nyɛ, osɔfoi, maŋtsɛmɛi, jeŋmaŋ krɔŋkrɔŋ, maŋ ni ekɛfee enɔ, koni nyɛjaje mɔ ni tsɛ nyɛ kɛjɛ duŋ lɛ mli kɛba lɛ diɛŋtsɛ enaakpɛɛ la lɛ he lɛ agbojee lɛ;

1 Petro 3:18

Ejaakɛ Kristo hu na amanehulu yɛ eshai ahewɔ shi kome, lɛ jalɔ lɛ yɛ mɛi ni ejaaa lɛ anajiaŋ, koni ekɛ wɔ aya Nyɔŋmɔ ŋɔɔ. Ni agbe lɛ yɛ heloo gbɛfaŋ moŋ, shi ahã lɛ wala yɛ mumɔ gbɛfaŋ.

1 Yohane 1:7

Shi kɛji wɔnyiɛɔ là lɛ mli, tamɔ bɔ ni lɛ diɛŋtsɛ eyɔɔ là lɛ mli lɛ, no lɛ wɔkɛ wɔhe miibɔ naanyo, ni eBi Yesu Kristo la lɛ tsumɔɔ wɔhe kɛjeɔ esha fɛɛ mli.

1 Yohane 1:9

Kɛji wɔjaje wɔhe eshai lɛ wɔtsɔ̃ɔ Nyɔŋmɔ lɛ, anɔkwafo kɛ jalɔ ji lɛ, ni ekɛ wɔhe eshai lɛ aaafa wɔ ni eeetsumɔ wɔhe kɛjɛ nii ni ejaaa gbɛ fɛɛ mli.

1 Yohane 3:2

Suɔmɔmɛi, agbɛnɛ lɛ Nyɔŋmɔ bii ji wɔ, ni anako ajie nɔ ni wɔbaatsɔ̃mɔ lɛ shi; shi wɔle akɛ, be ni aaajie no shi lɛ, wɔɔtamɔ Kristo, ejaakɛ wɔɔna lɛ bɔ ni eyɔɔ.

Kpojiemɔ 1:5

kɛ Yesu Kristo ni ji odasefonyo anɔkwafo lɛ, gbohii ateŋ kromɔbi kɛ shikpɔŋ lɛ nɔ maŋtsɛmɛi lɛ anɔyelɔ lɛ dɛŋ. Esumɔɔ wɔ, ni ekɛ lɛ diɛŋtsɛ elá etsuu wɔhe kɛjɛ wɔhe eshai lɛ amli,

Kpojiemɔ 5:9

Ni amɛla lala hee ko amɛkɛɛ, “Osa akɛ oheɔ wolo lɛ ni otserɛɔ enaasɔomɔi lɛ, ejaakɛ agbe bo, ni okɛ olá lɛ ekpɔ̃ mɛi ehã Nyɔŋmɔ kɛjɛ akutso fɛɛ akutso kɛ wiemɔ fɛɛ wiemɔ kɛ jeŋmaŋ fɛɛ jeŋmaŋ mli.