Tito 2:13 - ŊMALƐ KRƆŊKRƆŊ LƐ

¹³ be mli ni wɔmiikwɛ jɔɔmɔ ni wɔhiɛ kã nɔ kɛ wɔNyɔŋmɔ kpeteŋkple kɛ wɔyiwalaherelɔ Yesu Krito anunyam lɛ puemɔ lɛ gbɛ lɛ.

Ṅmãle̱ Kroṅkroṅ Le̱

¹³ ni *we̱kwe̱ Nyoṅme̱ kpeteṅkple le̱ ke̱ wo̱yiwalaherelo̱ Iesu Kristo dšō̱mo̱-no̱hĩekāmo̱ le̱ ke̱ enumnyam le puemo̱ le̱ gbe̱; *1 Kor. 1,7. Fil. 3,20.

Tito 2:13 ပူးပေါင်းရင်းမြစ်များ

Yesaia 25:9

Nakai be lɛ aaakɛɛ akɛ, “Naa, wɔNyɔŋmɔ lɛ nɛ. Wɔkɛ wɔhiɛ efɔ̃ enɔ akɛ eeehere wɔ. Yehowa ni wɔhiɛ kã enɔ lɛ nɛ; nyɛhãa wɔmii ashɛa, ni wɔnyaa yɛ edɛŋ yiwalaheremɔ lɛ hewɔ.”

Mateo 16:27

Ejaakɛ Gbɔmɔ Bi lɛ baaba yɛ eTsɛ anunyam lɛ mli kɛ ebɔfoi lɛ; ni no mli lɛ eeewo mɔ fɛɛ mɔ nyɔmɔ yɛ enitsumɔ naa.

Mateo 25:31

“Shi be ni Gbɔmɔ Bi lɛ aaaba yɛ enunyam lɛ mli, ni bɔfoi lɛ fɛɛ aaafata ehe lɛ, no mli lɛ eeeta enunyam sɛ̃i lɛ nɔ;

Mateo 26:64

Yesu kɛɛ lɛ akɛ, “Okɛɛ. Shi miikɛɛ nyɛ akɛ, kɛjɛ be nɛ nɔ kɛyaa nɛɛ, nyɛaana Gbɔmɔ Bi lɛ akɛ eta Hewalɛ lɛ ninejurɔ nɔ, ni eeba yɛ ŋwɛi atatui lɛ amli.”

Marko 14:62

Ni Yesu kɛɛ, “Miŋ; ni nyɛaana Gbɔmɔ Bi lɛ akɛ eta Ofe lɛ ninejurɔ nɔ ni eeba yɛ ŋwɛi atatui lɛ amli.”

Marko 8:38

Ejaakɛ mɔ fɛɛ mɔ ni mi kɛ miwiemɔi lɛ ahe feɔ lɛ hiɛgbele yɛ yinɔbii gbãlãfitelɔi kɛ eshafeelɔi nɛɛ ateŋ lɛ, lɛ hu ehe aaafee Gbɔmɔ Bi lɛ hiɛgbele be ni eeeba yɛ eTsɛ anunyam lɛ mli kɛ bɔfoi krɔŋkrɔŋi lɛ.”

Bɔfoi 24:15

ni miyɛ Nyɔŋmɔ nɔ hiɛnɔkãmɔ ni mɛnɛɛmɛi hu kwɛɔ gbɛ akɛ gbohiiashitee baaba lɛ, ni jalɔi kɛ mɛi ni ejaaa fɛɛ baate shi.

Romabii 15:13

Shi Nyɔŋmɔ ni ji wɔhiɛnɔkãmɔ lɛ kɛ miishɛɛ kɛ hejɔlɛ fɛɛ awo nyɛ obɔ̃bɔ̃ɔbɔ̃ yɛ hemɔkɛyeli mli, koni nyɛna hiɛnɔkãmɔ ni ateke nɔ yɛ Mumɔ Krɔŋkrɔŋ hewalɛ mli.

Romabii 5:5

ni hiɛnɔkãmɔ lɛ efeee efolo; ejaakɛ atsɔ̃ Mumɔ Krɔŋkrɔŋ ni akɛhã wɔ lɛ nɔ afɔse Nyɔŋmɔ suɔmɔ awo wɔtsuii amli.

Romabii 8:18

Ejaakɛ misusuɔ akɛ ŋmɛnɛŋmɛnɛ amanehului lɛ kɛ anunyam ni wɔsɛɛ abaajie kpo atsɔ̃ɔ wɔ lɛ yeee egbɔ.

1 Korintobii 1:7

ni dromɔ nikeenii ko eshwɛɛɛ nyɛ mɛi ni nyɛkwɛɔ wɔNuŋtsɔ Yesu Kristo kpojiemɔ lɛ gbɛ lɛ.

2 Korintobii 4:4

amɛ ji mɛi amli ni je nɛɛ mli nyɔŋmɔ lɛ eshwila mɛi ni heee yeee lɛ ajwɛŋmɔi lɛ yɛ, koni Kristo ni ji Nyɔŋmɔ subaŋ lɛ anunyam Sanekpakpa la lɛ akakpɛ miihã amɛ.

2 Korintobii 4:6

ejaakɛ Nyɔŋmɔ ni kɛɛ akɛ la ajɛ duŋ mli akpɛ lɛ, lɛ nɔŋŋ ekpɛ yɛ wɔtsuii amli hu, koni Nyɔŋmɔ anunyam he nilee la lɛ akpɛ yɛ Yesu Kristo hiɛ.

Kolosebii 1:23

Shi esa ni nyɛhiɛ hemɔkɛyeli lɛ mli ni nyɛdamɔ shi shiŋŋ yɛ shishitoo lɛ nɔ, ni nyɛkatsi nyɛhe kɛjɛ Sanekpakpa lɛ hiɛnɔkãmɔ lɛ he, Sanekpakpa lɛ ni nyɛnu ni ashiɛɔ atsɔ̃ɔ bɔɔnii fɛɛ ni yɔɔ ŋwɛi shishi, ni mi Paulo misɔ̃mɔɔ yɛ he lɛ.

Kolosebii 1:27

Ni Nyɔŋmɔ sumɔ akɛ ahã amɛle nɔ ni ji nɛkɛ teemɔ sane nɛɛ anunyam falɛ lɛ yɛ jeŋmaji lɛ ateŋ. Teemɔ sane nɛɛ ji akɛ Kristo yɛ nyɛmli koni nyɛna anunyam lɛ hiɛnɔkãmɔ lɛ.

Kolosebii 1:5

yɛ hiɛnɔkãmɔ ni akɛto ahã nyɛ yɛ ŋwɛi lɛ hewɔ lɛ. Nyɛnu enɛ momo yɛ Sanekpakpa lɛ anɔkwale wiemɔ lɛ mli.

Kolosebii 3:4

Be ni Kristo, mɔ ni ji wɔwala lɛ, aaapue lɛ, no lɛ nyɛ hu nyɛkɛ lɛ aaapue yɛ anunyam mli.

2 Tesalonikabii 2:16

Shi lɛ wɔNuŋtsɔ Yesu Kristo lɛ diɛŋtsɛ kɛ wɔTsɛ Nyɔŋmɔ ni sumɔ wɔ ni ekɛ naanɔ miishɛjemɔ kɛ hiɛnɔkãmɔ kpakpa hã wɔ yɛ dromɔ naa lɛ,

2 Tesalonikabii 2:8

Ni no dani aaajie mlakwalɔ lɛ kpo; Nuŋtsɔ Yesu kɛ edaaŋ mumɔ lɛ aaagbe lɛ ni ekɛ ebaa lɛ puemɔ lɛ aaakpãtã ehiɛ.

1 Timoteo 1:1

Paulo ni ji Yesu Kristo bɔfo yɛ Nyɔŋmɔ, wɔyiwalaherelɔ lɛ, kɛ Nuŋtsɔ Yesu Kristo, wɔhiɛnɔkãmɔ lɛ, famɔ naa lɛ,

2 Timoteo 1:2

ŋma yahã esuɔmɔ bi Timoteo. Dromɔ, mɔbɔnalɛ, hejɔlɛ ni jɛ Tsɛ Nyɔŋmɔ lɛ kɛ wɔNuŋtsɔ Kristo Yesu lɛ dɛŋ ahã bo!

2 Timoteo 4:1

Miifã bo yɛ Nyɔŋmɔ kɛ Yesu Kristo ni baaba ebakojo hiɛkãalɔi kɛ gbohii lɛ ahiɛ, ni mikɛ epuemɔ kɛ emaŋtsɛyeli lɛ miifã bo akɛ,

2 Timoteo 4:8

Nɔ ni eshwɛ ni kã shi hã mi ji jalɛ akekre lɛ, ni Nuŋtsɔ ni ji jalɛ kojolɔ lɛ baahã mi yɛ nakai Gbi lɛ nɔ lɛ, ni jeee mikome ebaahã, shi moŋ mɛi bluublu hu ni sumɔɔ epuemɔ lɛ.

Tito 1:2

ni amɛna naanɔ wala lɛ hiɛnɔkãmɔ. Naanɔ wala nɛɛ Nyɔŋmɔ wo he shi dani abɔ je lɛ.

Tito 1:4

Miŋma wolo nɛɛ miyahã Tito ni ji mibi krɔŋŋ yɛ hemɔkɛyeli koome ni wɔyɔɔ lɛ naa. Dromɔ kɛ mɔbɔnalɛ kɛ hejɔlɛ ni jɛ Tsɛ Nyɔŋmɔ lɛ kɛ Nuŋtsɔ Yesu Kristo, wɔyiwalaherelɔ lɛ, dɛŋ ahã bo.

Tito 3:4

Shi be ni Nyɔŋmɔ ni ji wɔyiwalaherelɔ lɛ mlihilɛ kɛ egbɔmɛiahedɔɔ lɛ pue lɛ,

Hebribii 9:28

nakai nɔŋŋ Kristo hu, akɛni aŋɔ lɛ ahã shi kome koni etere mɛi pii ahe eshai kɛya lɛ, nɔ ni ji shii enyɔ lɛ eeeshi esha ebapue ehã mɛi ni kwɛɔ lɛ gbɛ lɛ ni ehere amɛyiwala.

1 Petro 1:3

Ajɔɔ Nyɔŋmɔ ni ji wɔNuŋtsɔ Yesu Kristo Tsɛ lɛ. Efɔ wɔ ehee yɛ lɛ diɛŋtsɛ emɔbɔnalɛ babaoo lɛ naa, ni ehã wɔ hiɛnɔkãmɔ ni gbooo kɛtsɔ̃ Yesu Kristo shi ni ete kɛjɛ gbohii ateŋ lɛ nɔ.

1 Petro 1:7

No aaahã ana nyɛ hemɔkɛyeli salɛ lɛ akɛ ejara wa aahu fe shika ni fiteɔ ni aka yɛ la mli tete, kɛhã yijiemɔ kɛ woo kɛ anunyam yɛ Yesu Kristo kpojiemɔ lɛ mli.

2 Petro 1:1

Simon Petro ni ji Yesu Kristo tsulɔ kɛ bɔfo lɛ ŋma yahã mɛi ni nine eshɛ hemɔkɛyeli ni jara wa tamɔ wɔnɔ lɛ nɔŋŋ nɔ kɛtsɔ̃ wɔNyɔŋmɔ kɛ wɔyiwalaherelɔ Yesu Kristo jalɛ lɛ nɔ lɛ.

2 Petro 3:18

Shi nyɛshwerea yɛ wɔNuŋtsɔ kɛ yiwalaherelɔ Yesu Kristo dromɔ kɛ nilee lɛ mli. Lɛ nɔŋŋ aŋɔ anunyam ahã agbɛnɛ kɛ daa. Amen!

1 Yohane 4:14

Ni wɔ lɛ wɔna ni wɔmiiye odase akɛ Tsɛ lɛ etsu eBi lɛ akɛ je lɛ yiwalaherelɔ.

Yuda 1:21

ni nyɛkwɛa nyɛhe nɔ jogbaŋŋ yɛ Nyɔŋmɔ suɔmɔ lɛ mli, ni nyɛkwɛa wɔNuŋtsɔ Yesu Kristo mɔbɔnalɛ lɛ gbɛ koni nyɛna naanɔ wala.

Kpojiemɔ 1:7

Naa, eeba kɛ atatui lɛ, ni hiŋmɛi fɛɛ hiŋmɛi aaana lɛ kɛ mɛi ni tsulɔ lɛ nii lɛ hu. Ni shikpɔŋ lɛ nɔ akutsei lɛ fɛɛ aaawo yara yɛ ehewɔ. Aba mli nakai. Amen!