Tito 2:12 - ŊMALƐ KRƆŊKRƆŊ LƐ

¹² Ni etsɔseɔ wɔ koni wɔkwa she ni asheee Nyɔŋmɔ gbeyei kɛ je nɛɛŋ akɔnɔi lɛ ni wɔkɛ hiɛshikãmɔ kɛ jalɛ nifeemɔ kɛ Nyɔŋmɔ gbeyeishemɔ ahi shi yɛ je nɛɛŋ,

Ṅmãle̱ Kroṅkroṅ Le̱

¹² ni etše̱seo̱we̱ koni wo̱kwa nōšafemo̱ ke̱ dše ne̱ṅ ako̱no̱i le̱, ni wo̱ke̱ *dſẽṅmo̱ kpakpa ke̱ dšale̱ ke̱ Nyoṅmo̱ gbeyeišemo̱ ahī ši ye̱ dše ne̱ṅ, *Ef. 1,4.

Tito 2:12 ပူးပေါင်းရင်းမြစ်များ

Lalai 105:45

bɔ ni afee ni amɛto ekpɔi lɛ ni amɛye nɔ. Nyɛjiea Yehowa yi!

Lalai 4:3

Nyɛnaa nyɛlea akɛ Yehowa eŋɔ jalɔ lɛ ehã ehe; hewɔ lɛ kɛ́ mitsɛ lɛ lɛ, eboɔ mi toi.

Ezekiel 36:27

Mikɛ miMumɔ lɛ baawo nyɛmli, ni mahã nyɛba nyɛjeŋ yɛ mikpɔi lɛ anaa, ni nyɛbaaye mimlai lɛ anɔ jogbaŋŋ.

Mateo 12:32

Ni mɔ fɛɛ mɔ ni aaawie wiemɔ ko ashi Gbɔmɔ Bi lɛ, akɛaafa lɛ, shi mɔ fɛɛ mɔ ni aaawie ashi Mumɔ Krɔŋkrɔŋ lɛ, akɛfaŋ lɛ yɛ je nɛɛŋ loo jeŋ ni baaba lɛ mli.”

Mateo 16:24

Kɛkɛ ni Yesu kɛɛ ekaselɔi lɛ akɛ, “Kɛji mɔ ko miisumɔ akɛ enyiɛ misɛɛ lɛ, ekwa ehe ni ewo esɛŋmɔtso lɛ ni enyiɛ misɛɛ.

Mateo 28:20

ni nyɛtsɔ̃ɔ amɛ ni amɛye nii fiaa ni mikɛɛ nyɛ lɛ nɔ. Ni naa, mi lɛ mikɛ nyɛ yɛ daa kɛyaashi jeŋ naagbee lɛ.”

Luka 1:6

Amɛyi enyɔ lɛ fɛɛ lɛ, jalɔi ji amɛ yɛ Nyɔŋmɔ hiɛ ni amɛyeɔ Nuŋtsɔ lɛ kitãi kɛ ekpɔi lɛ fɛɛ anɔ ni shwamɔ ko bɛ amɛhe.

Luka 1:75

yɛ hetsemɔ kɛ jalɛ mli yɛ ehiɛ wɔgbii abɔ fɛɛ.

Yohane 14:30

Mikɛ nyɛ ewieŋ nibii pii dɔŋŋ, ejaakɛ je lɛ mli lumɔ lɛ miiba, ni ebɛ hewalɛ ko yɛ minɔ;

Yohane 6:25

Ni be ni amɛbana lɛ yɛ ŋshɔ lɛ sɛɛ lɛ, amɛbi lɛ akɛ, “Rabi, te be ni oba biɛŋ?”

Bɔfoi 24:16

Enɛ hewɔ mikɛ mihe efɔ̃ɔɔ shi lɛ, bɔ ni afee ni mana henilee ni sɔ̃ ko wulaaa lɛ yɛ Nyɔŋmɔ kɛ gbɔmɛi ahiɛ yɛ nibii fɛɛ amli.

Bɔfoi 24:25

Shi be ni ewieɔ jalɛ kɛ henɔkwɛmɔ kɛ kojomɔ ni baaba lɛ he lɛ, Felike she gbeyei pam, ni ekɛɛ lɛ akɛ, “Agbɛnɛ yaa fɛɛ da; shi kɛ mina mihe dekã jiŋŋ, matsɛ bo ekoŋŋ.”

Romabii 12:2

Ni nyɛkabaa nyɛjeŋ tamɔ jeŋbii, shi moŋ nyɛkɛ nyɛjwɛŋmɔ ni etsɔ̃ ehee lɛ afea nyɛhe gbɔmɛi hei, koni nyɛyoo nii ni ji Nyɔŋmɔ suɔmɔnaanii kpakpai ni sa ehiɛ jogbaŋŋ ni hi kɛwula shi lɛ.

Romabii 6:12

No hewɔ lɛ, nyɛkahãa esha miiyea nyɛgbɔmɔtso ni baagbo lɛ nɔ maŋtsɛ, ni nyɛbo lɛ toi yɛ ekɔnɔi lɛ amli;

Romabii 6:19

Miiwie akɛ gbɔmɔ yɛ nyɛgbedemɔ ni jɛ gbɔmɔfɔmɔ su mli lɛ hewɔ. Tamɔ bɔ ni nyɛkɛ nyɛhenii lɛ fee tsuji nyɛhã nyaŋemɔ nii kɛ mlatɔ̃mɔ koni nyɛkɛtɔ̃ Mla lɛ, nakai nɔŋŋ kɛ̃ agbɛnɛ nyɛkɛ nyɛhenii lɛ afea jalɛ tsuji ahãa krɔŋkrɔŋfeemɔ.

Romabii 8:13

Ejaakɛ kɛ heloo naa nyɛhiɔ shi yɛ lɛ, nyɛbaagboi shi kɛ nyɛkɛ Mumɔ lɛ gbeɔ heloo lɛ nitsumɔi lɛ, nyɛhiɛ aaakãmɔ.

2 Korintobii 1:12

Shi wɔshwãa lɛ nɛ: wɔhenilee odase ni eyeɔ wɔ akɛ hetsemɔ kɛ tsui krɔŋŋ yɛ Nyɔŋmɔ hiɛ wɔkɛba wɔjeŋ yɛ je nɛɛ mli, titri lɛ yɛ wɔkɛ nyɛteŋ shihilɛ mli, ni jeee heloo gbɛfãŋ nilee naa, shi moŋ Nyɔŋmɔ dromɔ naa.

2 Korintobii 7:1

Agbɛnɛ, nyɛ mɛi ni asumɔɔ, akɛni wɔna nɛkɛ shiwoi nɛɛ hewɔ lɛ, nyɛhãa wɔtsua wɔhe kɛjɛa heloo kɛ mumɔ muji fɛɛ mli, ni wɔhã wɔhetsemɔ aye emuu yɛ Nyɔŋmɔ gbeyeishemɔ mli.

Galatabii 1:4

Yesu Kristo ni kɛ lɛ diɛŋtsɛ ehe hã yɛ wɔhe eshai lɛ ahewɔ, koni ejie wɔ kɛjɛ jeŋ fɔ̃ŋ ni yɔɔ ŋmɛnɛŋmɛnɛ nɛɛ mli, yɛ Nyɔŋmɔ ni ji wɔTsɛ lɛ suɔmɔ naa lɛ.

Galatabii 5:24

Shi mɛi ni ji Kristo nii lɛ, amɛsɛŋ heloo lɛ kɛ ehiɛdɔɔnii kɛ ekɔnɔi lɛ fɛɛ.

Efesobii 1:4

Nyɔŋmɔ nɛɛ, lɛ ehala wɔ yɛ lɛ nɔŋŋ emli dani ato jeŋ shishi, koni wɔfee krɔŋkrɔŋ ni wɔhe akahi kpa ko yɛ ehiɛ.

Efesobii 2:2

Ni nyɛnyiɛ yɛ mli sa yɛ no je nɛɛŋ su lɛ naa, yɛ lumɔ ni yɔɔ kɔɔyɔɔ mli hewalɛ lɛ ni ji mumɔ ni tsuɔ nii amrɔ nɛɛ yɛ toigbele bii amli lɛ naa.

Kolosebii 1:22

Agbɛnɛ ekɛ egbɔmɔtso lɛ etsɔ̃ gbele nɔ ekpãtã nyɛ ni ekɛ nyɛ edamɔ shi akɛ mɛi krɔŋkrɔŋi ni he bɛ kpa ko ni sane ko bɛ amɛhe yɛ ehiɛ.

1 Tesalonikabii 4:7

Ejaakɛ Nyɔŋmɔ tsɛɛɛ wɔ ehãaa nyaŋemɔ nitsumɔ, shi moŋ hã hetsemɔ.

1 Tesalonikabii 4:9

Shi nɔ ni kɔɔ nyɛmimɛi asuɔmɔ he lɛ, ehĩaaa akɛ aŋma nyɛ; ejaakɛ nyɛ diɛŋtsɛ lɛ, Nyɔŋmɔ etsɔ̃ɔ nyɛ akɛ nyɛsumɔsumɔɔ nyɛhe;

1 Timoteo 4:12

Kaahã mɔ ko miibu akɛ ojeee mɔ ko yɛ oblanyo ni oji lɛ hewɔ, shi moŋ okɛ ohe ato okadi ohã mɛi ni heɔ yeɔ lɛ, yɛ wiemɔ mli, yɛ hetsemɔ mli.

1 Timoteo 6:17

Niiatsɛmɛi ni yɔɔ je nɛɛŋ lɛ, wo amɛ kitã ni amɛkabu amɛhe tsɔ̃, ni amɛkɛ amɛhiɛ akafɔ̃ ninamɔ ni anyɛ̃ɛɛ akɛ he afɔ̃ nɔ lɛ nɔ, shi moŋ amɛkɛfɔ̃ Nyɔŋmɔ, mɔ hu ni kɛ nibii fɛɛ hãa wɔ babaoo, akɛ wɔye mliŋɔɔmɔ lɛ nɔ.

1 Timoteo 6:9

Shi mɛi ni taoɔ afee niiatsɛmɛi lɛ gbeɔ kaa kɛ tsɔne kɛ kwashiai akɔnɔi pii ni fiteɔ mɔ, ni tsiɔ mɛi ewoɔ hiɛkpãtãmɔ kɛ laajemɔ mli lɛ amli.

2 Timoteo 3:12

Shi mɛi fɛɛ hu ni taoɔ akɛ amɛaahi shi yɛ Nyɔŋmɔ gbeyeishemɔ naa yɛ Kristo Yesu mli lɛ, aaawa amɛyi.

2 Timoteo 4:10

Ejaakɛ ní Dema esumɔ amrɔmrɔ je nɛɛŋ hewɔ lɛ, eshi mi etee Tesalonika. Kreske etee Galatia, Tito etee Dalmatia.

Tito 3:3

Ejaakɛ sa lɛ, wɔ hu wɔfee wɔhe kwashiai, toigbolɔi, gbɛdulɔi, mɛi ni sɔmɔɔ akɔnɔi kɛ miishɛɛ nibii srɔtoi pii. Ni wɔba wɔjeŋ yɛ nifɔɔjianifeemɔ kɛ hetsɛ̃ mli, wɔhe yɛ taŋ, ni wɔnyɛnyɛɔ wɔhe.

Hebribii 8:11

Ni amɛteŋ mɔ ko etsɔ̃ŋ emaŋnyo loo enyɛmi dɔŋŋ akɛ, ‘Le Nuŋtsɔ lɛ.’ Ejaakɛ amɛ fɛɛ amɛaale mi, kɛaajɛ amɛteŋ mɔ bibioo nɔ kɛyashi mɔ wulu nɔ.

Yakobo 1:27

Nyɔŋmɔjamɔ ni he tse ni ehe bɛ muji ko yɛ Nyɔŋmɔ, Tsɛ lɛ, hiɛ ji enɛ, akɛ mɔ asra awusai kɛ okulafoi yɛ amɛmanehulu lɛ mli, ni ekwɛ ehe nɔ jogbaŋŋ yɛ je nɛɛ mli koni ekawo ehe muji.

2 Petro 2:9

belɛ Nuŋtsɔ lɛ le bɔ ni efeɔ ejieɔ Nyɔŋmɔ gbeyeishelɔi yɛ kaa mli, kɛ bɔ ni efeɔ etoɔ mɛi fɔ̃ji yɛ piŋmɔ mli kɛyashi kojomɔ gbi lɛ nɔ;

2 Petro 3:11

Agbɛnɛ, akɛni nɛkɛ nibii nɛɛ fɛɛ baafite hewɔ lɛ, mɛɛ gbɔmɛi sa akɛ nyɛtsɔ̃mɔ yɛ jeŋba krɔŋkrɔŋ kɛ Nyɔŋmɔ gbeyeishemɔ mli?

1 Yohane 2:27

Ni nyɛ lɛ, mufɔɔ ni nyɛna kɛjɛ eŋɔɔ lɛ yɛ nyɛmli, ni ehe ehĩaaa nyɛ akɛ mɔ ko atsɔ̃ɔ nyɛ nii, shi moŋ bɔ ni emufɔɔ lɛ tsɔ̃ɔ nyɛ nii fɛɛ, ni eji anɔkwale ni jeee amale ni lɛ, bɔ ni etsɔ̃ɔ nyɛ lɛ nyɛhia emli.

1 Yohane 2:6

Mɔ ni kɛɔ akɛ eyɛ emli lɛ, sa akɛ enyiɛ tamɔ bɔ ni lɛ hu enyiɛɔ lɛ nɔŋŋ.

1 Yohane 5:19

Wɔle akɛ wɔjɛ Nyɔŋmɔ mli, ni jeŋ muu lɛ fɛɛ yɛ efɔŋ nɔyeli shishi.

Yuda 1:18

Amɛkɛɛ nyɛ akɛ, “Naagbee be lɛ mli lɛ, hefɛoyelɔi ni nyiɛɔ yɛ amɛ diɛŋtsɛ amɛkɔnɔi fɔ̃ji lɛ anaa lɛ aaaba.”

Kpojiemɔ 14:12

Biɛ krɔŋkrɔŋbii lɛ ni hiɛ Nyɔŋmɔ kitãi lɛ kɛ Yesu nɔ hemɔkɛyeli lɛ mli lɛ ahiɛmiamɔ lɛ he ehia yɛ.