Tito 2:11 - ŊMALƐ KRƆŊKRƆŊ LƐ

¹¹ Ejaakɛ Nyɔŋmɔ dromɔ ni akɛhereɔ gbɔmɛi fɛɛ ayiwala lɛ epue.

Ṅmãle̱ Kroṅkroṅ Le̱

¹¹ Edšake̱ Nyoṅmo̱ dromo̱ ni ake̱hereo̱ gbomei fẽ yiwala le̱ epue,

Tito 2:11 ပူးပေါင်းရင်းမြစ်များ

Lalai 67:2

koni je lɛ fɛɛ ale osuɔmɔnaanii koni majimaji fɛɛ ale oyiwalaheremɔ hewalɛ lɛ!

Lalai 84:11

Ejaakɛ Yehowa, Nyɔŋmɔ lɛ, hulu kɛ tsɛŋ fɛɛ ji lɛ; eduroɔ mɔ, ni ewoɔ mɔ hiɛ nyam. Mɛi ni feɔ nɔ ni ja gbɛ lɛ Yehowa kãmãaa amɛ nɔ kpakpa ko nɔ kpakpa ko.

Lalai 96:10

Nyɛkɛa yɛ majimaji lɛ ateŋ akɛ, “Yehowa miiye maŋtsɛ! No hewɔ je lɛ ma shi shiŋŋ, ni anyɛŋ lɛ ahoso. Eeekojo gbɔmɛi yɛ jalɛ naa.”

Yesaia 45:22

“Jeŋ gbɔmɛi fɛɛ, nyɛkua nyɛsɛɛ kɛbaa miŋɔɔ, koni ahere nyɛyiwala. Ejaakɛ mi pɛ ji Nyɔŋmɔ, ni kɛjɛ misɛɛ lɛ mɔ ko bɛ dɔŋŋ.

Yesaia 49:6

Ekɛɛ, “Efaaa akɛ ooofee mitsulɔ ni otee Israel akutsei lɛ ashi, ni okɛ Israelbii ni abaa amɛyi lɛ aku sɛɛ kɛba amɛjaku shikpɔŋ nɔ kɛkɛ; shi moŋ miiŋɔ bo mafee jeŋ majimaji lɛ ala, koni midɛŋ yiwalaheremɔ lɛ ayashɛ je lɛ naagbeehe.”

Yesaia 52:10

Yehowa ejie ehewalɛ krɔŋkrɔŋ lɛ kpo etsɔ̃ɔ majimaji lɛ fɛɛ, ni jeŋ muu lɛ fɛɛ aaana wɔNyɔŋmɔ lɛ dɛŋ yiwalaheremɔ lɛ.

Zakaria 12:10

“Mafɔse mimɔbɔnalɛ kɛ sɔlemɔ mumɔ mashwie David shwiei lɛ kɛ Yerusalɛm maŋbii lɛ anɔ bɔ ni kɛ amɛna mɔ ko ni amɛye lɛ awui ko lɛ, amɛaaye mɔ lɛ ŋkɔmɔ tamɔ ayeɔ bi koome ni egbo he ŋkɔmɔ; ni amɛaafo lɛ kɛ mlishãlɛ tamɔ afoɔ kromɔbi ni egbo.

Zakaria 4:7

Shi bo gɔŋ kpeteŋkple, mɛni mli oyɔɔ? Obaatsɔ ŋa kplanaa yɛ Zerubabel hiɛ. Ebaakɔ oyiteŋ tɛ lɛ diɛŋtsɛ kɛba, ni aaabɔ oshe kɛaaba akɛ, “Dromɔ, dromɔ naa sɔŋŋ kɛkɛ.”

Mateo 28:19

No hewɔ lɛ, nyɛyaa ni nyɛyafea jeŋmaji fɛɛ mikaselɔi, nyɛbaptisia amɛ nyɛwoa Tsɛ lɛ kɛ Bi lɛ kɛ Mumɔ Krɔŋkrɔŋ lɛ gbɛi mli,

Marko 16:15

Ni ekɛɛ amɛ akɛ, “Nyɛyaa je lɛ mli fɛɛ kwa nyɛyashiɛa Sanekpakpa lɛ nyɛtsɔ̃a nɔ fɛɛ nɔ ni abɔ lɛ.

Luka 24:47

ni ashiɛ tsuitsakemɔ kɛ eshaifaa yɛ egbɛi lɛ mli atsɔ̃ɔ maji fɛɛ, ni abɔ̃i kɛjɛ Yerusalɛm.

Luka 3:6

Ni heloo fɛɛ aaana Nyɔŋmɔ yiwalaheremɔ lɛ.’ ”

Yohane 1:14

Ni Wiemɔ lɛ tsɔ̃ gbɔmɔ adesa, ni ebahi shi yɛ wɔteŋ, ni wɔna enunyam lɛ akɛ Tsɛ lɛ Bi koome lɛ anunyam, ni dromɔ kɛ anɔkwale eyi lɛ obɔ̃.

Yohane 1:9

Anɔkwa la lɛ ni tsoɔ hãa mɔ fɛɛ mɔ lɛ baa je lɛ mli nɛɛ.

Bɔfoi 11:23

Ni be ni ebashɛ jɛi ni ebana Nyɔŋmɔ dromɔ lɛ, emii shɛ ehe, ni ewo amɛ fɛɛ ekãa akɛ amɛkɛ tsui ni fiɔ shi akpɛtɛ Nuŋtsɔ lɛ he.

Bɔfoi 13:43

Ni be ni mɛi ni yɔɔ kpeehe lɛ ekpa lɛ, Yudafoi kɛ mɛi ni sheɔ Nyɔŋmɔ gbeyei ni emɔ Yudafoi lɛ ajamɔ lɛ mli lɛ ateŋ mɛi pii nyiɛ amɛsɛɛ, ni Paulo kɛ Barnaba wie tsɔ̃ɔ amɛ, ni amɛwo amɛ ŋaa akɛ amɛhi Nyɔŋmɔ dromɔ lɛ mli.

Bɔfoi 13:47

Ejaakɛ nakai Nuŋtsɔ lɛ wo wɔ kitã akɛ, ‘Miŋɔ bo midamɔ shi akɛ jeŋmaji lɛ ala, koni otsɔ̃ yiwalaheremɔ kɛyashi shikpɔŋ lɛ naagbee hei lɛ.’ ”

Bɔfoi 17:30

No hewɔ lɛ, bei ni aleee lɛ Nyɔŋmɔ eku ehiɛ efɔ̃ nɔ, shi agbɛnɛ lɛ eewo gbɔmɛi fɛɛ ni yɔɔ he fɛɛ he kitã akɛ amɛtsake amɛtsui,

Bɔfoi 20:24

Shi kɛ̃lɛ mibuuu miwala akɛ ejara wa hã mi, bɔ ni afee ni mikɛ miishɛɛ agbe migbɛnyiɛmɔ lɛ kɛ sɔ̃ɔmɔ ni mina yɛ Nuŋtsɔ Yesu dɛŋ akɛ miye Nyɔŋmɔ dromɔ lɛ he Sanekpakpa lɛ he odase faŋŋ lɛ naa.

Romabii 10:18

Shi miibi akɛ, “Aso nu amɛnuuu?” Anɔkwale mli lɛ amɛnu, tamɔ bɔ ni ŋmalɛ lɛ kɛɔ akɛ, “Amɛgbee ejije kɛtee shikpɔŋ muu lɛ fɛɛ nɔ. Ni amɛwiemɔi lɛ eshɛ jeŋ naagbeehei lɛ.”

Romabii 5:15

Shi Nyɔŋmɔ dromɔ nɔkeenɔ lɛ tamɔɔɔ shigbeemɔnɔ lɛ. Ejaakɛ, kɛ mɔ kome lɛ shigbeemɔ lɛ hewɔ ni mɛi pii lɛ gboi lɛ, Nyɔŋmɔ dromɔ lɛ kɛ nɔkeenɔ ni tsɔ̃ gbɔmɔ kome ni ji Yesu Kristo lɛ dromɔ nɔ ba lɛ fa kɛteke nɔ hã mɛi pii lɛ aahu.

Romabii 5:2

Lɛ enɔ wɔtsɔ̃ ni wɔkɛ hemɔkɛyeli lɛ ena gbɛ hu kɛba dromɔ ni wɔyɔɔ mli nɛɛ mli, ni wɔnyaa yɛ Nyɔŋmɔ anunyam lɛ ni wɔhiɛ kã nɔ lɛ hewɔ.

2 Korintobii 6:1

Shi akɛni Nyɔŋmɔ hefatalɔi ji wɔ yɛ enitsumɔ lɛ mli lɛ, wɔmiikpa nyɛ fai ni nyɛkahã Nyɔŋmɔ dromɔ ni nyɛnine eshɛ nɔ lɛ fee yaka.

Galatabii 2:21

Mikwaaa Nyɔŋmɔ dromɔ lɛ; ejaakɛ kɛ Mla nɔ jalɛ tsɔ̃ kɛba lɛ, belɛ Kristo lɛ yakatswaa egbo lɛ.

Efesobii 2:5

ni wɔ ni kulɛ gbohii ji wɔ yɛ nɔtɔmɔi amli lɛ, etsiɛ wɔ kɛ Kristo fɛɛ hiɛ, dromɔ akɛhere nyɛyiwala!

Efesobii 2:8

Ejaakɛ dromɔ akɛhere nyɛyiwala kɛtsɔ hemɔkɛyeli nɔ, ni enɛ lɛ, jeee nyɛmli ejɛ, Nyɔŋmɔ nɔkeenɔ ni,

Kolosebii 1:23

Shi esa ni nyɛhiɛ hemɔkɛyeli lɛ mli ni nyɛdamɔ shi shiŋŋ yɛ shishitoo lɛ nɔ, ni nyɛkatsi nyɛhe kɛjɛ Sanekpakpa lɛ hiɛnɔkãmɔ lɛ he, Sanekpakpa lɛ ni nyɛnu ni ashiɛɔ atsɔ̃ɔ bɔɔnii fɛɛ ni yɔɔ ŋwɛi shishi, ni mi Paulo misɔ̃mɔɔ yɛ he lɛ.

Kolosebii 1:6

Sanekpakpa lɛ eshɛ nyɛŋɔɔ tamɔ bɔ nɔŋŋ ni eyɔɔ yɛ jeŋ muu lɛ fɛɛ mli, ni eewo yibii ni eeshwere, tamɔ bɔ ni efeɔ yɛ nyɛ hu nyɛteŋ kɛjɛ gbi nɔ ni nyɛnu ni nyɛna nyɛle Nyɔŋmɔ dromɔ lɛ yɛ anɔkwale mli lɛ.

2 Tesalonikabii 2:16

Shi lɛ wɔNuŋtsɔ Yesu Kristo lɛ diɛŋtsɛ kɛ wɔTsɛ Nyɔŋmɔ ni sumɔ wɔ ni ekɛ naanɔ miishɛjemɔ kɛ hiɛnɔkãmɔ kpakpa hã wɔ yɛ dromɔ naa lɛ,

1 Timoteo 1:14

Shi wɔNuŋtsɔ lɛ dromɔ lɛ fa hã mi aahu kɛteke nɔ, ni nɔ ni fata he kɛba ji hemɔkɛyeli kɛ suɔmɔ ni yɔɔ Kristo Yesu mli lɛ.

1 Timoteo 2:4

Esumɔɔ akɛ ehere gbɔmɛi fɛɛ ayiwala, koni amɛshɛ anɔkwale lɛ lee mli.

2 Timoteo 1:10

ni agbɛnɛ atsɔ̃ wɔyiwalaherelɔ, Yesu Kristo, puemɔ lɛ nɔ ajie lɛ shi faŋŋ lɛ. Lɛ efo gbele sɛɛ, ni ejie wala kɛ naanɔ shihilɛ kpo etsɔ̃ɔ yɛ Sanekpakpa lɛ mli.

2 Timoteo 4:17

Shi Nuŋtsɔ lɛ fi misɛɛ ni ewo mi hewalɛ, koni atsɔ̃ minɔ ashiɛ shiɛmɔ muu lɛ fɛɛ, ni jeŋmaji lɛ fɛɛ anu; ni ajie mi yɛ jata lɛ daaŋ.

Hebribii 12:15

Ni nyɛkwɛa ni ahia, koni mɔ ko akaŋmɛɛ Nyɔŋmɔ dromɔ lɛ he; koni shishifã kɛ joomɔ ko akakwɛ̃ ni ehao nyɛ ni akɛbule mɛi pii.

Hebribii 2:9

Shi mɔ ni be kuku ko mli lɛ ahã shwɛ fioo ni ekɛ ŋwɛi bɔfoi aye egbɔ lɛ, wɔna akɛ Yesu ni, mɔ ni gbele mli nɔnaa hewɔ ni akɛ anunyam kɛ woo fi lɛ akekre lɛ, bɔ ni afee ni Nyɔŋmɔ dromɔ naa lɛ esa enaa gbele ehã mɔ fɛɛ mɔ.