Rut Wolo Lɛ 2:2 - ŊMALƐ KRƆŊKRƆŊ LƐ

² Be ko lɛ Rut kɛɛ Naomi akɛ, “Hã maya ŋmɔji lɛ amli mayanyiɛ mɔ ni aaana mi mɔbɔ nikpalɔi lɛ asɛɛ koni maye akoko kpɛkpɛo.” Naomi kɛɛ lɛ akɛ, “Yaa ni oba oŋ, mibi.”

Ṅmãle̱ Kroṅkroṅ Le̱

² Ni Rut, Moabyō le̱, kē̱ Naomi ake̱: Hã maya ṅmõdši le̱ amli, ni mayanyie moni mihĩe aaba nyam ye̱ ehĩe le̱ se̱ maye akoko kpe̱kpe̱o! Ni ekē̱le̱ ake̱: Ya, mibi!

Rut Wolo Lɛ 2:2 ပူးပေါင်းရင်းမြစ်များ

1 Mose 32:6

Mɛi ni atsu lɛ ku amɛsɛɛ amɛba Yakob ŋɔɔ, ni amɛbakɛɛ lɛ akɛ, “Wɔtee onyɛmi Esau ŋɔɔ, ni lɛ hu ekɛ hii ohai ejwɛ miiba abakpee bo.”

3 Mose 19:10

Ni nyɛkakpaa wain tsei lɛ ayibii hu fɛɛ kɛmɔɔ shi; ni wain yibii ni aaashwie shi lɛ hu nyɛkakɔlɔa. Nyɛshĩa nyɛhãa ohiafoi kɛ gbɔi lɛ koni amɛbaye lɛ kpɛkpɛo. Mi ji Yehowa, nyɛNyɔŋmɔ lɛ.

3 Mose 19:16

Kaanyiɛ kɛmiiya kɛmiiba ni ooye osheku yɛ omaŋ lɛ mli; ni kaate shi oshi onaanyo gbɔmɔ ni okɛ gbɔmɔgbee sane fɔ̃ enɔ; mi ji Yehowa.

3 Mose 19:9

“Kɛji nyɛmiikpa nyɛŋmɔshinii lɛ, nyɛkakpaa nii ni yɔɔ nyɛŋmɔji lɛ anaanaa lɛ kɛmɔ shi kwraa.

3 Mose 23:22

“Ni kɛji nyɛmiikpa nyɛŋmɔshi nii lɛ, nyɛkakpaa ŋmɔ lɛ naanaanii lɛ kɛmɔ shi kwraa; nakai nɔŋŋ hu onikpamɔnii lɛ amli kpɛkpɛbii lɛ hu kaakpɛte; shi moŋ ashi ahã ohiafo kɛ gbɔ koni amɛkɛbaye kpɛkpɛo. Mi ji Yehowa, nyɛNyɔŋmɔ lɛ.”

Rut Wolo Lɛ 2:3

Rut tee ni eyaye kpɛkpɛo yɛ mɛi ni foɔ akoko lɛ asɛɛ yɛ ŋmɔji lɛ amli. Ni eba mli akɛ eyaje Boaz, Elimelek wekunyo lɛ, ŋmɔshi.

Rut Wolo Lɛ 2:7

Ebakɛɛ mi akɛ, ‘Ofainɛ, hã manyiɛ akoko kei lɛ ateŋ yɛ nikpalɔi lɛ asɛɛ maye kpɛkpɛo koni mabua naa.’ Ni kɛjɛ leebi tɔ̃ɔ ni eba lɛ, ejɔko ehe kwraa kɛbashi amrɔ nɛɛ.”

1 Samuel 1:18

Hana kɛɛ Eli akɛ, “Ofainɛ, ohã misane nɛɛ akã otsui nɔ.” Kɛkɛ ni Hana yiŋ etee, ni agbɛnɛ eyatao nɔ ko eye, ni ehiɛ efeee tɔtɔɔtɔ dɔŋŋ.