Romabii 9:30 - ŊMALƐ KRƆŊKRƆŊ LƐ

³⁰ Belɛ te wɔɔkɛɛ tɛŋŋ? Akɛ jeŋmajiaŋbii ni ediii jalɛ sɛɛ lɛ ena jalɛ ni ji jalɛ ni jɛ hemɔkɛyeli mli lɛ;

Ṅmãle̱ Kroṅkroṅ Le̱

³⁰ Bĕle̱ té wo̱o̱kē̱ tẽṅ? Ake̱ *dšeṅmãdšiaṅbii ni edii dšale̱ se̱ le̱ ená dšale̱, ni dši dšale̱ ní dše̱ hemo̱-ke̱-yeli mli le̱; *10,20.

Romabii 9:30 ပူးပေါင်းရင်းမြစ်များ

Abe̱i 15:9

Mɔ fɔŋ jeŋba lɛ, Yehowa miihi; shi mɔ ni tiuɔ jalɛ sɛɛ lɛ, esumɔɔ lɛ.

Abe̱i 21:21

Mɔ ni nyiɛɔ jalɛ kɛ mɔbɔnalɛ sɛɛ lɛ, enaa wala kɛ hiɛnyam.

Yesaia 51:1

Yehowa kɛɛ, “Nyɛ mɛi ni nyɛtaoɔ ni akpɔ̃ nyɛ lɛ, nyɛboa mi toi! Nyɛ mɛi ni nyɛtaoɔ Nuŋtsɔ lɛ sɛɛgbɛ, nyɛjwɛŋa tɛsaa ni agba nyɛ kɛjɛ mli lɛ, kɛ tɛ bu ni atsa nyɛ kɛjɛ mli lɛ he.

Romabii 10:10

Ejaakɛ tsui akɛheɔ ayeɔ kɛshɛɔ jalɛ he, ni naabu akɛjajeɔ kɛshɛɔ yiwalaheremɔ he.

Romabii 10:20

Yesaia kɛ ekãa kɛɛ, “Mihã mɛi ni taooo mi lɛ na mi, Ni mijie mihe kpo mitsɔ̃ɔ mɛi ni biko mishi lɛ.”

Romabii 10:6

Shi bɔ ni jalɛ ni jɛ hemɔkɛyeli mli lɛ kɛɔ nɛ, “Kaakɛɛ yɛ otsui mli akɛ, ‘Namɔ aaakwɔ kɛaatee ŋwɛi?’ ” No ji, koni eyaŋɔ Kristo kɛkpeleke shi.

Romabii 3:5

Shi kɛji wɔja ni wɔjaaa lɛ hãa Nyɔŋmɔ jalɛ lɛ jeɔ kpo lɛ, te wɔɔkɛɛ tɛŋŋ? Aso Nyɔŋmɔ nɔ ejaaa kɛji emlifu ba wɔnɔ lɛ? (Miiwie akɛ gbɔmɔ).

Romabii 4:11

Ni enine shɛ ketiafoo okadi lɛ nɔ akɛ jalɛ naasɔomɔnɔ ni akɛsɔo ehemɔkɛyeli ni ena be mli ni eji foolɔ beebe lɛ naa, ni efee mɛi fɛɛ ni heɔ yeɔ be ni amɛ ji foolɔi lɛ atsɛ, ni abu hemɔkɛyeli ahã amɛ hu akɛ jalɛ;

Romabii 4:13

Ejaakɛ jeee Mla nɔ ni Abraham ye hewɔ ni Nyɔŋmɔ wo lɛ loo eshwiei ashi akɛ je lɛ aaatsɔ̃ enɔ lɛ, shi moŋ akɛni ehe eye ni Nyɔŋmɔ bu lɛ akɛ jalɔ lɛ hewɔŋ.

Romabii 4:22

No hewɔ hu ni abu no jalɛ ahã lɛ lɛ.

Romabii 4:9

Agbɛnɛ nɛkɛ jɔɔmɔ nɛɛ, mɛi ni afo amɛ ketia kɛkɛ anɔ ni, aloo foolɔi lɛ hu anɔ̃ŋ? Ejaakɛ wɔkɛɔ akɛ abu hemɔkɛyeli lɛ akɛ jalɛ ahã Abraham.

Romabii 5:1

Agbɛnɛ akɛni adamɔ hemɔkɛyeli nɔ abu wɔ bem hewɔ lɛ, wɔ kɛ Nyɔŋmɔ teŋ yɛ hejɔlɛ kɛtsɔ̃ wɔNuŋtsɔ Yesu Kristo nɔ.

Romabii 9:14

Belɛ te wɔɔkɛɛ tɛŋŋ? Ani Nyɔŋmɔ yeɔ sane ko ni ejaaa? Dabida!

Romabii 9:31

shi Israel moŋ ni diɔ jalɛ ni jɛ Mla mli lɛ sɛɛ lɛ, enine shɛɛɛ nɔ.

Galatabii 2:16

shi akɛni wɔle akɛ abuuu gbɔmɔ bem kɛjɛɛɛ Mla nitsumɔi amli, akɛ ja atsɔ̃ Yesu Kristo nɔ hemɔkɛyeli lɛ nɔ kɛkɛ lɛ, wɔ hu wɔhe Kristo Yesu nɔ wɔye, koni abu wɔ bem yɛ Kristo nɔ hemɔkɛyeli mli, ni jeee Mla nitsumɔi amli, ejaakɛ abuŋ gbɔmɔ ko gbɔmɔ ko bem kɛjɛŋ Mla nitsumɔi amli.

Galatabii 3:24

No hewɔ lɛ, Mla lɛ etsɔ̃ wɔtsɔselɔ kɛmiiya Kristo ŋɔɔ koni atsɔ̃ hemɔkɛyeli nɔ abu wɔ bem.

Galatabii 3:8

Shi akɛni ŋmalɛ lɛ ena momo akɛ hemɔkɛyeli mli Nyɔŋmɔ aaabu jeŋmaji lɛ abem yɛ hewɔ lɛ, ejaje Sanekpakpa lɛ etsɔ̃ɔ Abraham eto akɛ, “Omli aaajɔɔ jeŋmaji lɛ fɛɛ yɛ.”

Galatabii 5:5

Ejaakɛ wɔ lɛ, Mumɔ lɛ nɔ wɔtsɔ̃ɔ wɔkɛ hemɔkɛyeli mɛɔ jalɛ ni wɔhiɛ kã nɔ lɛ.

Efesobii 2:12

nyɛbɛ Kristo nakai be lɛ mli. Ni mɛi kpɔ̃ji ji nyɛ yɛ Israel maŋ biyeli gbɛfaŋ kɛ gbɔi yɛ kpãŋmɔi ni damɔ Nyɔŋmɔ shiwoo nɔ lɛ agbɛfaŋ hu, nyɛbɛ hiɛnɔkãmɔ ko, ni nyɛbɛ Nyɔŋmɔ tete yɛ je nɛɛŋ.

Filipibii 3:9

ni ana mi yɛ emli, akɛ mibɛ mi diɛŋtsɛ mijalɛ ni jɛ Mla mli, shi moŋ jalɛ ni tsɔ̃ Kristo nɔ hemɔkɛyeli nɔ ni jɛ Nyɔŋmɔ dɛŋ yɛ hemɔkɛyeli naa miyɔɔ,

1 Timoteo 6:11

Shi bo lɛ, Ao Nyɔŋmɔ gbɔmɔ, joo nibii nɛɛ anaa foi, ni onyiɛ jalɛ, Nyɔŋmɔjamɔ, hemɔkɛyeli, suɔmɔ, hiɛmiamɔ, kɛ kpoofeemɔ sɛɛ.

Hebribii 11:7

Hemɔkɛyeli Noa hu kɛbo Nyɔŋmɔ toi be ni ehã ele nii ni anako lɛ he nɔ ko lɛ, ni ekɛkpɛ adeka ehã ewe lɛ yiwalaheremɔ lɛ; no nɔ hu etsɔ̃ ebu je lɛ fɔ, ni enine shɛ jalɛ ni jɛ hemɔkɛyeli mli lɛ nɔ.

1 Petro 4:3

Ejaakɛ be ni eho momo lɛ mli lɛ, nyɛna be bɔ ni sa nyɛkɛtsu jeŋmajiaŋbii atsui naanii lɛ, ni nyɛba nyɛjeŋ yɛ nyɛnyɛŋtswibɔɔ, akɔnɔi, dãanumɔ mli basabasafeemɔ, ninumɔ kɛ wɔŋjamɔ ni ahiɔ lɛ amli.