Romabii 9:3 - ŊMALƐ KRƆŊKRƆŊ LƐ

³ Ejaakɛ mina ni kulɛ ajie mi yɛ Kristo he akɛ musumɔ yɛ minyɛmimɛi ni ji miwekumɛi yɛ heloo gbɛfaŋ lɛ ahewɔ.

Ṅmãle̱ Kroṅkroṅ Le̱

³ Edšake̱ *miná ní kũle̱ adšiemi ye̱ Kristo he ake̱ musumo ye̱ minyemimei ní dši miwekumei ye̱ helo gbe̱fãṅ le̱ anãdšiaṅ, *2 Mose 32,32.

Romabii 9:3 ပူးပေါင်းရင်းမြစ်များ

1 Mose 29:14

ni Laban kɛɛ lɛ akɛ, “Asonɔkwa, mi diɛŋtsɛ mila ji bo!” Yakob kɛ lɛ hi shi nyɔŋ kome.

2 Samuel 18:33

Amaniɛ lɛ hã Maŋtsɛ David jijaa. Kɛkɛ ni ekwɔ kɛtee pia ni yɔɔ maŋ agbo lɛ yiteŋ lɛ mli, ni eyafo. Be ni eyaa lɛ, efo ekɛɛ akɛ, “Ao! Mibi oo! Mibi Absalom! Mibi Absalom eei! Mina ni kulɛ, mibi, mi moŋ migbo yɛ onajiaŋ nɛɛ. Absalom mibi oo, mibi.”

Ester 8:6

Ejaakɛ aso manyɛ naa madamɔ kɛji sane fɔŋ nɛɛ banina mimaŋbii lɛ, ni akpãtã amɛhiɛ kɛbule amɛshishi?”

2 Mose 32:32

Ofainɛ, okɛ amɛhe esha lɛ afa amɛ; shi kɛji ehiii nakai feemɔ lɛ no lɛ gbee mi moŋ migbɛi yɛ wolo ni oŋma omɛi agbɛii yɛ mli lɛ mli.”

Bɔfoi 13:26

“Ataamɛi kɛ anyɛmimɛi, Abraham shwiei kɛ Nyɔŋmɔ gbeyeishelɔi ni yɔɔ nyɛteŋ, wɔ atsu akɛ nɛkɛ yiwalaheremɔ sane nɛɛ bahã.”

Bɔfoi 22:5

bɔ ni osɔfonukpa lɛ tete kɛ onukpai lɛ fɛɛ aaanyɛ aye mi odase. Amɛdɛŋ miŋɔ woji kɛjɛ ni kulɛ mikɛyaahã nyɛmimɛi ni yɔɔ Damasko lɛ, ni miyafimɔ mɛi ni yɔɔ jɛi lɛ hu kɛba Yerusalɛm koni agbala amɛ toi.

Bɔfoi 28:21

Shi amɛkɛɛ lɛ akɛ, “Wɔ lɛ wɔnako woji komɛi kɛjɛko Yudea yɛ ohe, ni asaŋ nyɛmimɛi lɛ ateŋ mɔ ko bako biɛ ebagbako ohe sane ko, ni mɔ ko ebawieko ohe wiemɔ fɔŋ ko.

Romabii 1:3

Sanekpakpa nɛɛ kɔɔ eBi lɛ, mɔ ni yɛ heloo gbɛfaŋ lɛ ajɛ David shwiei lɛ mli afɔ lɛ lɛ, he.

Romabii 11:1

Agbɛnɛ miibi akɛ, “Belɛ Nyɔŋmɔ eshɛ emaŋ lɛ efɔ̃?” Dabida! Ejaakɛ mi hu Israelnyo ji mi, ni mijɛ Abraham shwiei kɛ Benyamin akutso lɛ mli.

Romabii 11:14

akɛ aleenɔ mikɛaahã mijakubii lɛ aye awuŋã, ni mahere amɛteŋ mɛi komɛi ayiwala lo.

Romabii 16:11

Nyɛŋaa miwekunyo Herodion lɛ. Nyɛŋaa mɛi ni jɛ Narkiso shĩabii lɛ ateŋ ni amɛyɔɔ Nuŋtsɔ lɛ mli lɛ.

Romabii 16:21

Minaanyo nitsulɔ Timoteo kɛ miwekumɛi Lukio kɛ Yason kɛ Sosipatre miibi nyɛ.

Romabii 16:7

Nyɛŋaa Androniko kɛ Yunia, miwekumɛi ni awo mi kɛ amɛ tsuŋ ni amɛyɔɔ gbɛi yɛ bɔfoi lɛ ateŋ ni amɛtsɔ̃ mihiɛ yɛ Kristo mli lɛ.

Romabii 9:2

akɛ miiye ŋkɔmɔ babaoo, ni mitsui yeɔ daa.

1 Korintobii 12:3

No hewɔ lɛ, miihã nyɛle akɛ mɔ ko ewieee yɛ Nyɔŋmɔ Mumɔ naa ni ekɛɛ akɛ, “Yesu ji musumɔ”; ni mɔ ko nyɛŋ ekɛɛ akɛ, “Yesu ji Nuŋtsɔ” hu, akɛ ja yɛ Mumɔ Krɔŋkrɔŋ naa.

1 Korintobii 16:22

Kɛ mɔ ko sumɔɔɔ Nuŋtsɔ Yesu Kristo sane lɛ, mɔ lɛ atsɔ̃ musumɔ! Maran-ata: Nuŋtsɔ, ba.

2 Korintobii 12:15

Shi masumɔ babaoo akɛ mafite nii ni miyɔɔ lɛ yɛ nyɛhe, ni asaŋ mikɛ mihe ashã afɔle yɛ nyɛsusumai ahewɔ. Ani esa akɛ bɔ ni suɔmɔ ni miyɔɔ kɛhã nyɛ lɛ faa lɛ, nyɛsuɔmɔ lɛ nɔ agbɔ lo?

Galatabii 1:8

Shi kɛji wɔ po aloo bɔfo ni jɛ ŋwɛi tete bajaje Sanekpakpa kroko etsɔ̃ɔ nyɛ, yɛ nɔ ni wɔjaje wɔtsɔ̃ɔ nyɛ nɛɛ sɛɛ lɛ, ebɔ musu!

Galatabii 1:9

Tamɔ bɔ ni wɔkɛɛ momo lɛ, nakai nɔŋŋ mikɛɔ ekoŋŋ akɛ, “Kɛ mɔ ko bajaje Sanekpakpa kroko etsɔ̃ɔ nyɛ yɛ nɔ ni nyɛmɔ mli nɛɛ sɛɛ lɛ, ebɔ musu!”

Galatabii 3:10

Ejaakɛ mɛi abɔ ni kɛ amɛhe fɔ̃ɔ Mla nitsumɔi anɔ lɛ, loomɔ kã amɛnɔ; ejaakɛ aŋma akɛ, “Alomɔ mɔ fɛɛ mɔ ni eyaaa nɔ efeee nii fɛɛ ni aŋma yɛ Mla Wolo lɛ mli lɛ.”

Galatabii 3:13

Kristo kpɔ̃ wɔ kɛjɛ Mla lɛ loomɔ lɛ mli, akɛni etsɔ̃ loomɔ ehã wɔ lɛ, ejaakɛ aŋma akɛ, “Alomɔ mɔ fɛɛ mɔ ni tsotsoro tso nɔ lɛ;”

Efesobii 6:5

Nyɛ tsuji lɛ, nyɛboa nyɛheloo gbɛfaŋ nuŋtsɔmɛi lɛ atoi kɛ gbeyeishemɔ kɛ hekpokpomɔ kɛ tsui krɔŋŋ, tamɔ akɛ nyɛmiifee nyɛhã Kristo;

5 Mose 21:23

akahã egbonyo lɛ miihi tso lɛ nɔ ni je tsɛre nɔ. Afu mɔ lɛ gbi nɔ ni asɛŋ lɛ lɛ nɔŋŋ, ejaakɛ nɛkɛ gbɔmɔ lɛ Nyɔŋmɔ loomɔ kã enɔ koni nyɛkabule shikpɔŋ ni Yehowa, nyɛNyɔŋmɔ lɛ, kɛhã nyɛ lɛ.”

1 Samuel 14:24

Israelbii tabilɔi lɛ na nɔ kɛ hɔmɔ nakai gbi lɛ, ejaakɛ Saul kã maŋ lɛ kitã akɛ, “Mɔ fɛɛ mɔ ni aaasa enaa nɔ ko dani je aaana ni matɔ mihe owele yɛ mihenyɛlɔi lɛ anɔ magbe naa lɛ, loomɔ aaalomɔ mɔ lɛ.” No hewɔ lɛ, gbi muu lɛ maŋbii lɛ ateŋ mɔ ko kwraa esaaa enaa nɔ ko.

1 Samuel 14:44

Saul to he ekɛɛ, “Kɛji mihãaa ogbo fii, Yonatan, no lɛ Nyɔŋmɔ agbe mi, ni egbe mi ekoŋŋ.”