Romabii 9:22 - ŊMALƐ KRƆŊKRƆŊ LƐ

²² Shi kɛ Nyɔŋmɔ miisumɔ akɛ ejie emlifu kpo etsɔ̃ɔ ni ehã ale ehe ni wa lɛ, ni kɛ̃lɛ eŋmɛɔ etsui shi babaoo ehiɛɔ mlifu nii ni sa fitemɔ lɛ,

Ṅmãle̱ Kroṅkroṅ Le̱

²² Ši ké̱ Nyoṅmo̱ mīsumo̱ ake̱ edšie emlifũ kpo etšõ ni ehã ale ehe ní wa le̱, ni kẽle̱ *eṅmẽo̱ eyi ši babaō ehĩeo̱ mlifũ nii ní sa fitemo̱ le̱; 2,4.

Romabii 9:22 ပူးပေါင်းရင်းမြစ်များ

1 Mose 15:16

Shi yinɔ ni ji ejwɛ sɛɛ lɛ oshwiei lɛ aaaku amɛsɛɛ kɛaaba biɛ ekoŋŋ; ejaakɛ eshai ni Amorbii feɔ lɛ shɛko he ni kɛ eshɛ ni abaagbala amɛtoi.”

Lalai 90:11

Namɔ le omlifu lɛ mli walɛ? Namɔ le gbeyei ni esa akɛ asheɔ bo yɛ omlila lɛ hewɔ?

2 Mose 9:16

Shi enɛ hewɔ mihã oyɔɔ wala mli lolo koni majie mihewalɛ kpo matsɔ̃ɔ bo koni akɛtsi mitã yɛ jeŋ fɛɛ.

Abe̱i 16:4

Nɔ fɛɛ nɔ ni Yehowa fee lɛ, eyɛ nɔ hewɔ ni efee; gbi fɔŋ tete lɛ, ekã shi ehã mɔ fɔŋ.

Yāfó 3:22

Yehowa suɔmɔ ni tsakeee lɛ sɛɛ efooo kɔkɔɔkɔ, ni emɔbɔnalɛ bɛ naagbee.

4 Mose 14:11

Yehowa kɛɛ Mose akɛ, “Mɛɛ beyinɔ nɔŋŋ maŋ nɛɛ aaakwa mi kɛyashi? Mɛni shwɛɔ dɔŋŋ dani amɛaahe minɔ amɛye yɛ nibii fɛɛ ni mifee mikɛto amɛ okadii lɛ asɛɛ?

4 Mose 14:18

‘Mi, Yehowa, mimli fuuu mra, ni mimɔbɔnalɛ hu fa; ni mikɛ tɔ̃mɔ kɛ efɔŋfeemɔ faa; shi kɛ̃lɛ mihãaa tɔ̃lɔ aŋɔ ehe aye, ni miwoɔ bii anyɔmɔ yɛ tsɛmɛi atɔ̃mɔi ahewɔ kɛyashiɔ yinɔ ni ji etɛ̃ kɛ yinɔ ni ji ejwɛ tete nɔ.’

Romabii 1:18

Ejaakɛ ajieɔ Nyɔŋmɔ mlifu kpo kɛjɛɔ ŋwɛi kɛbaa gbɔmɛi ni kɛ nishaianii tsĩɔ anɔkwale lɛ gbɛ lɛ amusubɔɔ kɛ nishaianii lɛ fɛɛ nɔ,

Romabii 9:17

Ejaakɛ ŋmalɛ lɛ kɛɛ Farao akɛ, “Enɛ nɔŋŋ hewɔ mitee bo shi, koni majie mihewalɛ kpo kɛtsɔ̃ onɔ, koni atsi migbɛi tã yɛ shikpɔŋ lɛ fɛɛ nɔ.”

Romabii 9:20

Shi, bo gbɔmɔ, namɔ ji bo, ni okɛ Nyɔŋmɔ kaneɔ? Ani nɔ ni ashɔ̃ lɛ aaabi mɔ ni shɔ̃ lɛ lɛ akɛ, “Mɛɛba oshɔ̃ mi nɛkɛ?”

Romabii 9:21

Aloo gbɛshɔ̃lɔ bɛ hegbɛ yɛ su lɛ nɔ, akɛ ekɛ su ni akpɔtɔ kome lɛ nɔŋŋ eko aaashɔ̃ nɔ ko ni yɔɔ nyam ni ekɛ eko hu aaashɔ̃ nɔ ko ni bɛ nyam?

1 Tesalonikabii 2:16

Amɛtsĩɔ wɔ gbɛ hu akɛ wɔkawie wɔtsɔ̃ɔ jeŋmaji lɛ ni ahere amɛyiwala. Ni amɛkɛwoɔ amɛhe eshai lɛ obɔ̃ daa, shi mlifu lɛ enina amɛ kɛmɔ shi.

1 Tesalonikabii 5:9

Ejaakɛ Nyɔŋmɔ etooo wɔ ehãaa mlifu, shi moŋ hã yiwalaheremɔnamɔ kɛtsɔ̃ wɔNuŋtsɔ Yesu Kristo nɔ,

2 Timoteo 2:20

Shi shĩa wulu mli lɛ, jeee shikanii kɛ jwiɛtɛinii kɛkɛ yɔɔ jɛi, shi moŋ tsonii kɛ sunii hu yɛ mli, ni ekomɛi lɛ abuɔ amɛ, shi ekomɛi hu abuuu.

1 Petro 2:8

kɛ “Tɛmɔtɛ kɛ nanetɔ̃tɔ̃mɔ tɛsaa ehã amɛ.” Ejaakɛ akɛni amɛbooo wiemɔ lɛ toi hewɔ lɛ amɛtɛrɛ, ni no nɔŋŋ ato amɛ ahã;

1 Petro 3:20

Amɛ mɛi ni blema lɛ amɛbooo toi, be ni Nyɔŋmɔ ŋmɛ etsui shi ni emɛ amɛ aahu yɛ Noa bei lɛ amli, be ni afeɔ adeka kpeteŋkple lɛ, nɔ mli ni ahere mɛi fioo ni ji mɛi kpaanyɔ lɛ asusumai ayiwala yɛ kɛtsɔ̃ nu mli lɛ,

2 Petro 2:3

Ni amɛkɛ hiɛjoomɔ kɛ shishiumɔ wiemɔi aaatao ni amɛna nyɛhe sɛɛ. Shi kojomɔ ni kã shi hã amɛ kɛjɛ blema beebe lɛ aaaba amɛnɔ, ni amɛhiɛkpãtãmɔ lɛ wɔɔɔ!

2 Petro 2:9

belɛ Nuŋtsɔ lɛ le bɔ ni efeɔ ejieɔ Nyɔŋmɔ gbeyeishelɔi yɛ kaa mli, kɛ bɔ ni efeɔ etoɔ mɛi fɔ̃ji yɛ piŋmɔ mli kɛyashi kojomɔ gbi lɛ nɔ;

2 Petro 3:15

ni nyɛbua wɔNuŋtsɔ lɛ tsuishitoo lɛ akɛ yiwalaheremɔ, tamɔ bɔ nɔŋŋ ni wɔsuɔmɔ nyɛmi Paulo lɛ hu ŋma nyɛ, yɛ nilee ni akɛhã lɛ lɛ naa lɛ,

Yuda 1:4

Ejaakɛ gbɔmɛi komɛi eju shi ebabote wɔteŋ, mɛi ni blema beebe ajɛ aŋma amɛhe sane afɔ̃ shi ahã nɛkɛ kojomɔ nɛɛ, mɛi ni sheee Nyɔŋmɔ gbeyei ni ŋɔɔ wɔNyɔŋmɔ dromɔ lɛ amɛbɔɔ nyɛnyɛŋtswi, ni amɛkwaa Nyɔŋmɔ ni ji nɔyelɔ koome lɛ kɛ wɔNuŋtsɔ Yesu Kristo lɛ.