Romabii 9:20 - ŊMALƐ KRƆŊKRƆŊ LƐ

²⁰ Shi, bo gbɔmɔ, namɔ ji bo, ni okɛ Nyɔŋmɔ kaneɔ? Ani nɔ ni ashɔ̃ lɛ aaabi mɔ ni shɔ̃ lɛ lɛ akɛ, “Mɛɛba oshɔ̃ mi nɛkɛ?”

Ṅmãle̱ Kroṅkroṅ Le̱

²⁰ Ši namo dšio, bo gbomo, ni oke̱ Nyoṅmo̱ kaneo̱? Ani šō̃nõ le̱ aakē̱ moni šõle̱ le̱ ake̱: Mẽba ošõmi ne̱ke̱? Ies. 45,9.

Romabii 9:20 ပူးပေါင်းရင်းမြစ်များ

Yesaia 29:16

Nyɛtsɔ̃ɔ nibii ahiɛ nyɛbuɔ shi. Ani abaaŋɔ gbɛshɔ̃lɔ akɛ nishɔ̃ɔ su? Ani nɔ ko ni mɔ ko fee aaanyɛ ekɛɛ yɛ mɔ ni fee nɔ lɛ he akɛ, “Jeee lɛ efee mi!” lo? Aloo nɔ ko ni ashɔ̃ aaakɛɛ yɛ mɔ ni shɔ̃ nɔ lɛ he akɛ, “Eleee nɔ ko?”

Yesaia 64:8

Kɛ̃lɛ bo, Yehowa, bo nɔŋŋ ji wɔtsɛ. Wɔ lɛ su ji wɔ, ni bo ji wɔshɔ̃lɔ, ni oninenaa nitsumɔ ji wɔ fɛɛ.

Hiob 33:13

Mɛni hewɔ oshwaa Nyɔŋmɔ ni okɛɔ akɛ, ‘Ehãaa miwiemɔi lɛ eko kwraa hetoo lɛ.’

Hiob 40:2

“Aso mɔ ni miitao mɔ he tɔ̃mɔ ekɛɛ lɛ, ebaanyɛ ekɛ Ofe lɛ ataa naa? Mɔ ni kɛ Nyɔŋmɔ miitaa naa lɛ, hã ehã hetoo.”

Mateo 20:15

Aloo mibɛ hegbɛ akɛ mikɛ mi diɛŋtsɛ minii feɔ nɔ ni misumɔɔ? Ani mimlihilɛ lɛ hewɔ ohiŋmɛi etsu nɛɛ?’

Hiob 16:3

Aso yaka wiemɔi nɛɛ agbeŋ naa? Ni mɛni ta omli hewɔ ni ohere wiemɔ lɛ nɔ nɛɛ?

1 Timoteo 6:5

yakayaka blɔmɔi — enɛɛmɛi fɛɛ lɛ mɛi ateŋ ni anaa yɛ ji gbɔmɛi ni amɛjwɛŋmɔ efite ni ashɔ̃ anɔkwale lɛ yɛ amɛdɛŋ ni amɛsusuɔ akɛ Nyɔŋmɔjamɔ ji ninamɔ lɛ.

1 Korintobii 1:20

Nɛgbɛ nilelɔ yɔɔ? Nɛgbɛ mlatsɔɔlɔ yɔɔ? Nɛgbɛ je nɛɛŋ naataalɔ yɔɔ? Ani Nyɔŋmɔ hãko je lɛ mli nilee lɛ atsɔ̃ kwashiai asane?

Hiob 40:8

Aso ooka ni otsɔ̃ɔ akɛ mitɔ̃? Oobu mi fɔ koni oye bem?

Hiob 36:23

Namɔ baanyɛ etsɔ̃ɔ Nyɔŋmɔ nɔ ni sa akɛ efee, aloo namɔ aaanyɛ akɛɛ Nyɔŋmɔ akɛ, ‘Ofee nɔ ko ni ejaaa’.

Yakobo 2:20

Ao, yaka gbɔmɔ, Ootao ole akɛ hemɔkɛyeli ni nitsumɔi bɛ he lɛ hemɔkɛyeli ni egbo ni lo?

Tito 2:9

Tsuji lɛ, amɛba amɛhe shi amɛhã amɛ diɛŋtsɛ amɛnuŋtsɔmɛi lɛ, amɛsa amɛhiɛ yɛ nibii fɛɛ mli. Amɛkajie sane naa,

Romabii 2:1

No hewɔ lɛ, bo, mɔ fɛɛ mɔ ni kojoɔ lɛ, obɛ naajiemɔ ko; ejaakɛ be mli ni okojoɔ mɔ kroko lɛ, oobu bo diɛŋtsɛ ohe fɔ; ejaakɛ bo ni okojoɔ lɛ otsuɔ nakai nii lɛ nɔŋŋ.

Mika 6:8

Dabida! Ao Adesa, Yehowa etsɔ̃ɔ bo nɔ ni hi. Nɔ ni ebiɔ yɛ odɛ̃ŋ nɛ, akɛ ofee nɔ ni ja gbɛ, osumɔ onyɛmimɛi, okɛ oNyɔŋmɔ lɛ anyiɛ yɛ heshibaa mli.

Hiob 40:5

Miwie shi kome, ni mitoŋ nɔ dɔŋŋ. Miwie shii enyɔ; ni miyaŋ nɔ dɔŋŋ.”

1 Korintobii 7:16

Shi, bo yoo, bo obaahere owu lɛ yiwala jio, ole? Aloo bo nuu, bo hu obaahere oŋa lɛ yiwala jio, ole?

2 Samuel 16:10

Shi David kɛɛ Abishai kɛ enyɛbi Yoab akɛ, “Nyɛhe sane ko mɛ? Kɛji eelomɔ mi, ejaakɛ Yehowa ni tsu lɛ koni ebafee nakai lɛ, namɔ yɔɔ hegbɛ ni ebiɔ he sane ko?”

Hiob 9:32

Ejaakɛ Nyɔŋmɔ jeee adesa tamɔ mi koni mahã lɛ hetoo; ni wɔya ni akojo wɔ yɛ kojomɔhe.

Yesaia 10:15

Shi Nuŋtsɔ Yehowa, Taiatsɛ lɛ, miikɛɛ akɛ, “Ani lema baanyɛ eshwã ewo mɔ ni hiɛ emli lɛ lo? Aloo ani saalai baanyɛ ete shi ewo mɔ ni hiɛ lɛ lɛ? Ani tso nyɛɔ mɔ ni hiɛ lɛ lɛ moŋ nɔ ewoɔ? Aloo kplamɔ tso moŋ nyɛɔ mɔ ni ejeee tso nɔ ewoɔ.”

Yeremia 18:6

“Ao! Israelbii, aso esaaa akɛ mifeɔ nyɛ tamɔ gbɛshɔ̃lɔ lɛ fee sũ lɛ lo? Israelbii, naa, nyɛtamɔ sũ ni gbɛshɔ̃lɔ lɛ hiɛ lɛ pɛpɛɛpɛ yɛ midɛŋ.

Daniel 4:35

Shikpɔŋ lɛ nɔ gbɔmɛi jeee fɛifɛi yɛ ehiɛ, ŋwɛi bɔfoi kɛ adesai fɛɛ yɛ eshishi. Mɔ ko nyɛŋ enine etswa efɔ̃, loo eeebi lɛ akɛ, ‘Mɛni ofeɔ nɛɛ?’

Luka 12:14

Shi ekɛɛ lɛ akɛ, “Naanyo, namɔ womi kojolɔ loo nijalɔ yɛ nyɛnɔ?”

Romabii 2:3

Bo gbɔmɔ ni okojoɔ mɛi ni tsuɔ nɛkɛ nii nɛɛ ni ofeɔ nakai nɔŋŋ lɛ, ani osusuɔ akɛ bo lɛ ohe aaaje Nyɔŋmɔ kojomɔ lɛ mli?

Romabii 9:21

Aloo gbɛshɔ̃lɔ bɛ hegbɛ yɛ su lɛ nɔ, akɛ ekɛ su ni akpɔtɔ kome lɛ nɔŋŋ eko aaashɔ̃ nɔ ko ni yɔɔ nyam ni ekɛ eko hu aaashɔ̃ nɔ ko ni bɛ nyam?

Romabii 9:22

Shi kɛ Nyɔŋmɔ miisumɔ akɛ ejie emlifu kpo etsɔ̃ɔ ni ehã ale ehe ni wa lɛ, ni kɛ̃lɛ eŋmɛɔ etsui shi babaoo ehiɛɔ mlifu nii ni sa fitemɔ lɛ,

Romabii 14:4

Namɔ ji bo ni okojoɔ mɔ kroko wenuu? Edamɔ shi jio, egbee shi jio, lɛ diɛŋtsɛ enuŋtsɔ sane ni; shi eeedamɔ shi, ejaakɛ Nyɔŋmɔ yɛ hewalɛ ni eeehã edamɔ shi.

2 Timoteo 2:20

Shi shĩa wulu mli lɛ, jeee shikanii kɛ jwiɛtɛinii kɛkɛ yɔɔ jɛi, shi moŋ tsonii kɛ sunii hu yɛ mli, ni ekomɛi lɛ abuɔ amɛ, shi ekomɛi hu abuuu.