Romabii 9:11 - ŊMALƐ KRƆŊKRƆŊ LƐ

¹¹ shi be ni anako afɔ bii lɛ, ni amɛsaa amɛfeko nɔ kpakpa ko loo nɔ fɔŋ ko lɛ, bɔ ni afee ni Nyɔŋmɔ yiŋtoo ni akɛhalaa mɔ lɛ amã shi, ni ekajɛ nitsumɔi amli, shi moŋ ejɛ mɔ ni tsɛɔ mɔ lɛ,

Ṅmãle̱ Kroṅkroṅ Le̱

¹¹ ši beni anáko afo̱ bii le̱ ni ame̱sā ame̱tšuko nōkpakpa ko alo nõfõṅ ko le̱, beni afe ni Nyoṅmo̱ yiṅ ní eto ye̱ halamo̱ nā le̱ amā ši,

Romabii 9:11 ပူးပေါင်းရင်းမြစ်များ

Lalai 51:5

Naa, afɔ mi yɛ esha mli, ni esha mli minyɛ ŋɔ mi hɔ yɛ.

Yesaia 14:24

Yehowa, Taiatsɛ lɛ, ekã kitã akɛ, “Lɛɛlɛŋ bɔ ni misusu lɛ, nakai ebaaba mli; ni bɔ ni mito miyiŋ lɛ, ja ena eba mli nakai.

Yesaia 23:9

Yehowa, Taiatsɛ lɛ, ni to nɛkɛ yiŋ. Eto yiŋ nɛɛ koni ekɛba amɛhe ni amɛwoɔ, yɛ hiɛnyam ni amɛna hewɔ lɛ shi, bɔ ni afee ni shikpɔŋ lɛ nɔ anunyam gbɔmɛi fɛɛ ahiɛ agboi.

Yeremia 51:29

Shikpɔŋ lɛ ejijaa, ni eekpokpo, ejaakɛ Yehowa miitsu eyiŋ ni eto akɛ ebaahã Babilon atsɔ̃ amaŋfɔ̃ ni mɔ ko mɔ ko ehiŋ jɛi lɛ he nii.

Romabii 4:17

tamɔ bɔ ni aŋma lɛ akɛ, “Mikɛ bo efee jeŋmaji pii atsɛ” yɛ Nyɔŋmɔ mɔ ni ehe eye lɛ hiɛ, mɔ hu ni tsiɛ̃ɔ gbohii ahiɛ, ni etsɛɔ nibii ni bɛ lɛ kɛbaa tamɔ nɔ ni amɛyɛ momo lɛ.

Efesobii 2:3

Amɛteŋ wɔ fɛɛ hu wɔhi wɔba wɔjeŋ yɛ sa yɛ wɔheloo akɔnɔi lɛ amli, ni wɔtsu nii ni heloo kɛ jwɛŋmɔ sumɔɔ lɛ, ni wɔji bii ni Nyɔŋmɔ mlifu yɔɔ wɔnɔ yɛ wɔfɔmɔsu lɛ naa, tamɔ mɛi ni eshwɛ lɛ nɔŋŋ.

Efesobii 2:9

jeee nitsumɔi amli ejɛ koni mɔ ko akashwã.

Efesobii 3:11

Nyɔŋmɔ fee nii nɛɛ yɛ enaanɔ yiŋ ni eto yɛ Kristo Yesu, wɔNuŋtsɔ lɛ, mli lɛ naa.

1 Tesalonikabii 1:4

Ejaakɛ, anyɛmimɛi ni Nyɔŋmɔ sumɔɔ, wɔle halamɔ ni ahala nyɛ lɛ,

1 Tesalonikabii 2:12

Ni wɔwieɔ wɔtsɔ̃ɔ nyɛ, ni wɔshɛjeɔ nyɛmii hu, ni wɔkpaa nyɛ fai akɛ nyɛnyiɛ bɔ ni sa Nyɔŋmɔ ni tsɛɔ nyɛ kɛbaa lɛ diɛŋtsɛ emaŋtsɛyeli kɛ enunyam lɛ mli lɛ.

2 Timoteo 1:9

Lɛ ehere wɔyiwala ni ekɛ tsɛmɔ krɔŋkrɔŋ tsɛ wɔ, jeee wɔnitsumɔi anaa, shi moŋ yɛ lɛ diɛŋtsɛ eyiŋtoo kɛ edromɔ naa, nɔ ni ekɛ hã wɔ yɛ Kristo Yesu mli dani aje be shishi,

Tito 3:5

jeee jalɛ nitsumɔi ni wɔ diɛŋtsɛ wɔtsu naa, shi moŋ lɛ diɛŋtsɛ emɔbɔnalɛ naa etsɔ̃ eheefɔmɔ hejuu kɛ Mumɔ Krɔŋkrɔŋ eheefeemɔ lɛ nɔ ehere wɔyiwala.

1 Petro 5:10

Shi dromɔ fɛɛ Nyɔŋmɔ ni tsɛ nyɛ kɛba enaanɔ anunyam lɛ mli yɛ Kristo Yesu mli lɛ, kɛ nyɛna amanehulu fioo nɛɛ etã lɛ, lɛ diɛŋtsɛ eeesaa nyɛ pɛ, ni eeewaje nyɛ, ni eeewo nyɛ hewalɛ ni eeehã nyɛfi shi shiŋŋ.

2 Petro 1:10

Belɛ no hewɔ lɛ, anyɛmimɛi, nyɛbɔa mɔdɛŋ ni nyɛtsɛmɔ kɛ nyɛhalamɔ lɛ ama shi shiŋŋ; ejaakɛ, kɛ nyɛfee enɛ lɛ, nyɛtɛrɛŋ gbi ko gbi ko.

Kpojiemɔ 17:14

Amɛkɛ Toobi lɛ baawu, shi Toobi lɛ baaye amɛnɔ kunim, ejaakɛ lɛ ji Nuŋtsɔmɛi aNuŋtsɔ kɛ maŋtsɛmɛi aMaŋtsɛ lɛ, ni mɛi ni kɛ lɛ yɔɔ lɛ ji mɛi ni atsɛ kɛ mɛi ni ahala kɛ mɛi ni heɔ yeɔ lɛ.”