Romabii 8:5 - ŊMALƐ KRƆŊKRƆŊ LƐ

⁵ Mɛi ni hiɔ shi yɛ heloo naa lɛ, heloonii ahe amɛjwɛŋɔ; shi mɛi ni hiɔ shi yɛ mumɔ naa lɛ, mumɔnii ahe amɛjwɛŋɔ.

Ṅmãle̱ Kroṅkroṅ Le̱

⁵ Edšake̱ mei ní hĩo̱ ši ye̱ helo nā le̱, helo nii ahe ame̱dſẽṅo̱; ši mei ní hĩo̱ ši ye̱ mumo̱ nā le̱ dſẽṅo̱ mumo̱ nii ahe.

Romabii 8:5 ပူးပေါင်းရင်းမြစ်များ

Marko 8:33

Shi etsɔ̃ ehe, ni be ni ekwɛ ekaselɔi lɛ, ekã Petro hiɛ ekɛɛ, “Jee mihiɛ, Satan, ejaakɛ osusuuu Nyɔŋmɔ nii ahe, shi gbɔmɛi anibii ahe moŋ ojwɛŋɔ!”

Yohane 3:6

Nɔ ni ajɛ heloo mli afɔ lɛ, heloo ni; ni nɔ ni ajɛ Mumɔ mli afɔ lɛ, mumɔ ni.

Romabii 8:9

Nyɛhiii shi yɛ heloo naa, shi moŋ mumɔ naa nyɛhiɔ shi yɛ, kɛji Nyɔŋmɔ Mumɔ lɛ hiɔ nyɛmli lɛ. Shi kɛ mɔ ko bɛ Kristo Mumɔ lɛ, belɛ jeee Kristo nɔ ji lɛ.

1 Korintobii 15:48

Bɔ ni mɔ ni jɛ su mli lɛ yɔɔ lɛ, nakai nɔŋŋ mɛi ni jɛ su mli lɛ yɔɔ; ni bɔ ni ŋwɛinyo lɛ yɔɔ lɛ, nakai ŋwɛibii lɛ hu yɔɔ.

1 Korintobii 2:14

Shi gbɔmɔ su ni akɛfɔ lɛ lɛ heee Nyɔŋmɔ Mumɔ lɛ nii lɛ; ejaakɛ ebuɔ lɛ kwashiai asane, ni enyɛɛɛ naa ena, ejaakɛ mumɔ akɛtaoɔ naa.

2 Korintobii 10:3

Eyɛ mli akɛ gbɔmɛi adesai ji wɔ moŋ, shi wɔwuuu ta yɛ heloo naa.

Galatabii 5:17

Ejaakɛ nii ni heloo lɛ taoɔ lɛ kɛ Mumɔ lɛ eyaaa, ni nii ni Mumɔ lɛ hu taoɔ lɛ kɛ heloo lɛ eyaaa; enɛɛmɛi kɛ amɛhe yeee, enɛ hewɔ lɛ nii ni nyɛsumɔɔ lɛ nyɛnyɛ̃ɛɛ nyɛfee.

Efesobii 5:9

Ejaakɛ la lɛ yibii jeɔ kpo yɛ ekpakpafeemɔ kɛ jalɛ kɛ anɔkwale fɛɛ mli.

2 Petro 2:10

shi titri lɛ mɛi ni nyiɛɔ heloo akɔnɔ ni yɔɔ muji sɛɛ, ni amɛbuuu nɔyeli hewalɛ lɛ, tsuisalɔi kɛ yibulɔi ni kɛji amɛmiiye gbɔmɛi agboi ahe osheku ni amɛhe kpokpooo;