Romabii 8:34 - ŊMALƐ KRƆŊKRƆŊ LƐ

³⁴ Namɔ ji mɔ ni buɔ fɔ lɛ? Kristo, mɔ ni gbo, shi nɔ ni fe no lɛ, mɔ ni atee lɛ shi ni eyɔɔ Nyɔŋmɔ ninejurɔ nɔ, ni esaa edamɔɔ mli ehãa wɔ lɛ?

Ṅmãle̱ Kroṅkroṅ Le̱

³⁴ Namo dši *moni buo̱ fo̱ le̱? Kristo dši moni gbo, ši noni fè no le̱, moni atēle̱ ši hũ, ní eyo̱ Nyoṅmo̱ ninedšŭrõ no̱, ni esā †edamoo̱ mli ehãawo̱ le̱. *K. 1. †1 Ioh. 2,1.

Romabii 8:34 ပူးပေါင်းရင်းမြစ်များ

Hiob 33:24

ni ena gbɔmɔ mɔbɔ, ni ekɛɛ akɛ, ‘Jiemɔ lɛ kɛjɛ gbohiiajeyaa mli, mina eyinii ni akɛkpɔ̃ lɛ.’

Hiob 34:29

Kɛji Nyɔŋmɔ fee diŋŋ lɛ, namɔ baanyɛ lɛ ashwa? Kɛji ekɛ ehiɛ tee lɛ namɔ baanyɛ ehiɛ lɛ ena?

Lalai 109:31

ejaakɛ lɛ efãa ohiafo he, ni ehereɔ eyiwala kɛjɛɔ mɛi ni buɔ lɛ gbele fɔ lɛ adɛŋ.

Lalai 37:33

shi Yehowa eŋmɛŋ jalɔ lɛ he ewoŋ ehenyɛlɔ lɛ dɛŋ; ni abuŋ jalɔ lɛ fɔ hu yɛ kojomɔ mli.

Yesaia 50:8

Mɔ ni buɔ mi bem lɛ ebɛŋkɛ. Namɔ kɛ mi aaaye sane? Ha wɔ fɛɛ wɔdamɔ shi. Namɔ ji mɔ ni ekɛ mi ena? Ha ekɛ mi akpe!

Yesaia 53:12

No hewɔ lɛ, maha lɛ egbɛfaŋnɔ yɛ mɛi wuji ateŋ; ni ekɛ hewalɔi aaaja haanii, ejaakɛ eŋɔ ehe eha gbele, ni abu lɛ ashi mlanɔtɔlɔi anɔ, kɛ̃lɛ etere mɛi pii ahe eshai, ni edamɔ mli eha eshafeelɔi.”

Yeremia 50:20

Kɛji nakai be lɛ shɛ lɛ, aaatao nishaianii yɛ Israel, shi anaŋ eko, ni anaŋ esha ko yɛ Yuda hu, ejaakɛ mɛi fɛɛ ni mibahã ashwɛ lɛ, maŋɔ amɛhe mafa amɛ. Mi Yehowa, mikɛɛ.’ ”

4 Mose 7:15

tsina oblanyo kome kɛ ojwɛni kome kɛ too gwantɛŋ binuu kome ni eye afi ni akɛ amɛ baashã shãa afɔle,

Mateo 20:28

Tamɔ bɔ ni Gbɔmɔ Bi lɛ baaa ni asɔmɔ lɛ, shi eba sɔ̃ɔmɔ moŋ ni ekɛ esusuma lɛ ahã yɛ mɛi pii akpɔ̃mɔ hewɔ lɛ.”

Marko 16:19

Kɛkɛ ni be ni Nuŋtsɔ Yesu kɛ amɛ ewie sɛɛ lɛ, aŋɔ lɛ kɛtee ŋwɛi, ni eyata Nyɔŋmɔ ninejurɔ nɔ.

Yohane 14:19

Eshwɛ fioo kɛkɛ ni je lɛ enaŋ mi dɔŋŋ; shi nyɛ lɛ nyɛaana mi; ejaakɛ mihiɛ kã, ni nyɛ hu nyɛhiɛ aaakã.

Yohane 16:23

“Ni nakai gbi lɛ nɔ lɛ nyɛbiŋ mi nɔ ko nɔ ko. Anɔkwale mikɛɔ nyɛ akɛ, nɔ fɛɛ nɔ he fai ni nyɛaakpa Tsɛ lɛ yɛ migbɛi mli lɛ, eeehã nyɛ.

Bɔfoi 2:24

Shi Nyɔŋmɔ tee lɛ shi ni efɛne lɛ kɛjɛ gbele piŋmɔi lɛ amli, akɛni gbele nyɛŋ enaa etsi lɛ.

Romabii 14:13

No hewɔ lɛ, nyɛkahãa wɔkojokojoa wɔhe dɔŋŋ; shi enɛ moŋ nyɛkojoa, akɛ mɔ ko kɛ tɛmɔnɔ ko akama enyɛmi gbɛ nɔ aloo eto lɛ pampi.

Romabii 14:9

Ejaakɛ enɛ hewɔ Kristo gbo ni ete shi ni ehiɛ kã bɔ ni afee ni etsɔ̃ gbohii kɛ hiɛkãalɔi fɛɛ aNuŋtsɔ.

Romabii 4:25

shi akɛ lɛ hã yɛ wɔtɔ̃mɔi lɛ ahewɔ, ni atee lɛ shi ekoŋŋ yɛ wɔbembuu hewɔ.

Romabii 8:1

No hewɔ lɛ, agbɛnɛ fɔ ko fɔ ko bɛ ni abaabu mɛi ni yɔɔ Kristo Yesu mli lɛ.

Romabii 8:27

Ni mɔ ni taoɔ tsuii amli lɛ le nɔ ni ji mumɔ lɛ jwɛŋmɔ lɛ, ejaakɛ edãmɔɔ mli ehãa mɛi krɔŋkrɔŋi lɛ yɛ Nyɔŋmɔ suɔmɔ naa.

Kolosebii 3:1

No hewɔ lɛ, kɛ atee nyɛ kɛ Kristo shi lɛ, nyɛtaoa nii ni yɔɔ ŋwɛi, he ni Kristo yɔɔ ni eta Nyɔŋmɔ ninejurɔ nɔ yɛ lɛ.

Hebribii 1:3

Lɛ ji enunyam lɛ kpɛmɔ kɛ esu lɛ mfoniri lɛ, ni ekɛ lɛ diɛŋtsɛ ehewalɛ wiemɔ lɛ hiɛɔ nibii fɛɛ. Be ni ekɛ lɛ diɛŋtsɛ ehe etsuu wɔhe kɛjɛ wɔhe eshai lɛ amli lɛ, etee eyata shi yɛ anunyam-Tsɛ agbo lɛ nine jurɔ nɔ yɛ ŋwɛi,

Hebribii 7:25

No hewɔ hu lɛ enyɛɔ mɛi ni tsɔ̃ɔ enɔ kɛbaa Nyɔŋmɔ ŋɔɔ lɛ ayiwala ehereɔ kwraa, akɛni eyɛ daa koni edamɔ mli ehã amɛ lɛ.

Hebribii 9:24

Ejaakɛ jeee He Krɔŋkrɔŋ ni akɛ niji fee ni ji nii lɛ diɛŋtsɛ lɛ afoniri kɛkɛ lɛ mli Kristo yabote lɛ; shi moŋ ŋwɛi diɛŋtsɛ eyabote, koni agbɛnɛ eyapue yɛ Nyɔŋmɔ hiɛ ehã wɔ.

1 Petro 3:18

Ejaakɛ Kristo hu na amanehulu yɛ eshai ahewɔ shi kome, lɛ jalɔ lɛ yɛ mɛi ni ejaaa lɛ anajiaŋ, koni ekɛ wɔ aya Nyɔŋmɔ ŋɔɔ. Ni agbe lɛ yɛ heloo gbɛfaŋ moŋ, shi ahã lɛ wala yɛ mumɔ gbɛfaŋ.

1 Petro 3:22

mɔ ni etee ŋwɛi ni eyata Nyɔŋmɔ ninejurɔ nɔ, ni akɛ ŋwɛi bɔfoi kɛ hegbɛi kɛ hewalɛi fɛɛ ewo eshishi lɛ.

Kpojiemɔ 1:18

kɛ hiɛkãalɔ lɛ. Migbo, ni naa, mihiɛ kã kɛmiiya naanɔi anaanɔ, ni mihiɛ gbele kɛ gbohiiaje naa samfei lɛ.