Romabii 8:3 - ŊMALƐ KRƆŊKRƆŊ LƐ

³ Ejaakɛ nɔ ni Mla lɛ nyɛɛɛ afee yɛ gbedemɔ ni heloo lɛ ehã egbede hewɔ lɛ, no Nyɔŋmɔ fee: etsu lɛ diɛŋtsɛ eBi lɛ yɛ su ni tamɔ esha heloo su mli, yɛ esha hewɔ; ni ebu esha lɛ fɔ yɛ heloo lɛ mli,

Ṅmãle̱ Kroṅkroṅ Le̱

³ Edšake̱ noni *mla le̱ nyẽẽ afe ye̱ gbedemo̱ ni helo le̱ ehã egbedē hewo̱ le̱, Nyoṅmo̱ tšũ le̱dientše̱ ebi le̱ ye̱ †su ní tamo̱ eša helo su mli, ni ye̱ eša hewo̱ hũ, ni ebu eša le̱ fo̱ ye̱ helo le̱ mli, *Bo̱f. 12,38; 15,10. †Heb. 2,17.

Romabii 8:3 ပူးပေါင်းရင်းမြစ်များ

4 Mose 21:9

No hewɔ lɛ, Mose kɛ akɔɔble fee onufu, ni ekɛtsotsoro tso bloblo nɔ ni ekɛma shi. Mɔ fɛɛ mɔ ni onufui lɛ eko ekɔ̃ lɛ lɛ, ewoɔ ehiɛ nɔ ekwɛɔ akɔɔble onufu lɛ, ni eyi naa wala.

4 Mose 28:22

Akɛ too kpakpo kome hu ashã esha hefaikpamɔ afɔle koni akɛkpãtã ahã maŋ lɛ.

Marko 15:27

Ni amɛsɛŋ ojotswalɔi enyɔ amɛfata ehe, mɔ kome ye eninejurɔ, ni mɔ kome ye ebɛku. [

Yohane 1:14

Ni Wiemɔ lɛ tsɔ̃ gbɔmɔ adesa, ni ebahi shi yɛ wɔteŋ, ni wɔna enunyam lɛ akɛ Tsɛ lɛ Bi koome lɛ anunyam, ni dromɔ kɛ anɔkwale eyi lɛ obɔ̃.

Yohane 9:24

Kɛkɛ ni amɛtsɛ nuu ni sa ni eji shwilafo lɛ nɔ ni ji shii enyɔ, ni amɛkɛɛ lɛ akɛ, “Ŋɔɔ anunyam ohã Nyɔŋmɔ; shi wɔ lɛ wɔle akɛ gbɔmɔ nɛɛ eshafeelɔ ji lɛ.”

Bɔfoi 13:39

mɔ nɛ mli lɛ mɔ fɛɛ mɔ ni heɔ yeɔ lɛ, abuɔ lɛ bem.

Romabii 3:20

Ejaakɛ adamɔŋ Mla lɛ nitsumɔ nɔ abuŋ gbɔmɔ ko gbɔmɔ ko bem yɛ ehiɛ; ejaakɛ Mla nɔ atsɔ̃ɔ aleɔ nɔ ni ji esha.

Romabii 6:6

ejaakɛ wɔle enɛ akɛ asɛŋ wɔgbɔmɔ momo lɛ kɛ lɛ, koni esha gbɔmɔtso lɛ hiɛ akpãtã ni wɔkasɔ̃mɔ esha lɛ dɔŋŋ.

Romabii 7:18

Ejaakɛ mile akɛ mimli, no ji migbɔmɔ su lɛ mli lɛ, nɔ ko kpakpa ko bɛ jɛi; ejaakɛ suɔmɔ lɛ miyɛ eko moŋ, shi ekpakpafeemɔ ni ebɔ mi.

Romabii 8:32

Lɛ mɔ ni kãmãaa wɔ lɛ diɛŋtsɛ eBi lɛ, shi moŋ ekɛ lɛ hã yɛ wɔ fɛɛ wɔnajiaŋ lɛ, ani eŋɔŋ nibii fiaa efataŋ ehe ekeŋ wɔ?

Romabii 9:3

Ejaakɛ mina ni kulɛ ajie mi yɛ Kristo he akɛ musumɔ yɛ minyɛmimɛi ni ji miwekumɛi yɛ heloo gbɛfaŋ lɛ ahewɔ.

2 Korintobii 5:21

Ejaakɛ mɔ ni leee esha lɛ, wɔhewɔ lɛ ehã etsɔ̃ esha, koni wɔ lɛ wɔtsɔ̃mɔ Nyɔŋmɔ jalɛ yɛ emli.

Galatabii 3:13

Kristo kpɔ̃ wɔ kɛjɛ Mla lɛ loomɔ lɛ mli, akɛni etsɔ̃ loomɔ ehã wɔ lɛ, ejaakɛ aŋma akɛ, “Alomɔ mɔ fɛɛ mɔ ni tsotsoro tso nɔ lɛ;”

Galatabii 3:21

Agbɛnɛ Mla lɛ shiɔ Nyɔŋmɔ shiwoi lɛ lo? Dabida! Ejaakɛ eji awo mla ko ni aaanyɛ wala ahã kulɛ, anɔkwale mli lɛ wɔbembuu baajɛ mla nɔyeli mli.

Filipibii 2:7

Moŋ ejie efɔ̃ shi. Eŋɔ tsulɔ su efɔ̃ enɔ, Etsɔ̃ gbɔmɔ, ni enifeemɔ gbɛfaŋ hu ana lɛ akɛ gbɔmɔ.

Hebribii 10:12

Shi Kristo lɛ, lɛ lɛ, be ni eshã eshai ahe afɔle shi kome nyɔŋlo lɛ, eyata Nyɔŋmɔ ninejurɔ nɔ.

Hebribii 10:14

Ejaakɛ afɔle kome ni eshã lɛ, ekɛhã mɛi ni atsuu amɛhe lɛ ehi kɛwula shi nyɔŋlo.

Hebribii 2:14

No hewɔ lɛ, akɛni bii lɛ hiɛ heloo kɛ lá kome hewɔ lɛ, lɛ hu eŋɔ no nɔŋŋ eko tamɔ amɛ, koni etsɔ̃ gbele nɔ ekpãtã mɔ ni yɔɔ gbele nɔ hewalɛ ni ji abonsam lɛ hiɛ,

Hebribii 2:17

No hewɔ lɛ, nibii fɛɛ gbɛfaŋ lɛ esa akɛ etamɔ enyɛmimɛi lɛ, koni etsɔ̃ mɔbɔnalɔ kɛ anɔkwa osɔfonukpa yɛ Nyɔŋmɔ hiɛ, koni ekpãtã ehã maŋ lɛ yɛ amɛhe eshai lɛ ahewɔ.

Hebribii 4:15

Ejaakɛ wɔsɔfonukpa ni wɔyɔɔ lɛ ejeee mɔ ni nyɛ̃ɛɛ anu wɔgbedemɔi lɛ ahe ahã wɔ, shi eji mɔ ko ni aka lɛ yɛ nibii fɛɛ agbɛfaŋ tamɔ wɔ, ni kɛ̃lɛ esha ko esha ko bɛ ehe.

1 Petro 2:24

Kristo diɛŋtsɛ etere wɔhe eshai lɛ yɛ egbɔmɔtso lɛ mli kɛtee sɛŋmɔtso lɛ nɔ, koni wɔfee tamɔ mɛi ni egboi yɛ esha gbɛfaŋ ni wɔhiɛ akamɔ yɛ jalɛ gbɛfaŋ lɛ; lɛ ehe faji akɛtsa nyɛ lɛ.