Romabii 8:2 - ŊMALƐ KRƆŊKRƆŊ LƐ

² Ejaakɛ mumɔ mla ni hãa wala yɛ Kristo Yesu mli lɛ ekpɔ̃ mi yɛ esha kɛ gbele mla lɛ dɛŋ.

Ṅmãle̱ Kroṅkroṅ Le̱

² Edšake̱ *mla ní dši wala ke̱ mumo̱ mla le̱ ní yo̱ Kristo Iesu mli le̱ ekpõmi ye̱ †eša ke̱ gbĕle mla le̱ deṅ. *3,27. †7,23. 24.

Romabii 8:2 ပူးပေါင်းရင်းမြစ်များ

Lalai 51:12

Hã manu miishɛɛ ni yɔɔ oyiwalaheremɔ mli lɛ he ekoŋŋ; baamɔ mimli toiboo mumɔ lɛ yi,

Ezekiel 1:21

Kɛji nibii ni tamɔ gbɔmɔ su nɛɛ miinyiɛ lɛ, kokolontoi lɛ hu fɛɛ nyiɛɔ; ni kɛji amɛwa lɛ, kokolontoi lɛ hu waa. Shi kɛji amɛhole amɛhe nɔ kɛje shikpɔŋ lɛ nɔ lɛ, koklolontoi lɛ hu holeɔ amɛhe nɔ kɛjeɔ shikpɔŋ lɛ nɔ, ejaakɛ, nibii ni tamɔ gbɔmɔ su lɛ mumɔ lɛ yɛ koklolontoi lɛ hu amli.

Yohane 4:10

Yesu here nɔ ni ekɛɛ lɛ akɛ, “Eji ole Nyɔŋmɔ nɔkeenɔ lɛ kɛ mɔ ni kɛɔ bo akɛ, ‘Hã mi eko manu lɛ’ kulɛ, bo moŋ oooba lɛ ni eeehã bo wala nu.”

Yohane 4:14

shi mɔ ni nuɔ nu ni mi mahã lɛ lɛ, kumai yeŋ lɛ dɔŋŋ kɛaatee naanɔ; shi moŋ nu ni mahã lɛ lɛ aaatsɔ̃ nu hiŋmɛi ni baa kɛyaa naanɔ wala mli yɛ emli.”

Yohane 6:63

Mumɔ lɛ ji mɔ ni hãa wala lɛ; heloo lɛ ehe bɛ sɛɛnamɔ ko. Wiemɔi ni mikɛ nyɛ wie lɛ, mumɔ ni, ni wala ni.

Yohane 8:32

ni nyɛaale anɔkwale lɛ, ni anɔkwale lɛ aaahã nyɛye nyɛhe.”

Yohane 8:36

No hewɔ lɛ, kɛji Bi lɛ hã nyɛye nyɛhe lɛ, no nyɛaaye nyɛhe lɛɛlɛŋ.

Romabii 16:3

Nyɛŋaa Priskila kɛ Akwila, ni ji minanemɛi nitsulɔi yɛ Kristo Yesu mli lɛ, nyɛhãa mi;

Romabii 3:27

Agbɛnɛ mɛni nɔ wɔshwãa wɔfɔ̃ɔ? Nɔ ko bɛ. Mɛɛ Mla nɔ atsɔ̃? Nitsumɔi anɔ lɛ nɔ lo? Dabi, shi hemɔkɛyeli mla lɛ nɔ moŋ atsɔ̃.

Romabii 5:21

koni bɔ nɔŋŋ ni esha lɛ ye maŋtsɛ yɛ gbele mli lɛ, nakai nɔŋŋ dromɔ lɛ atsɔ̃ jalɛ nɔ aye maŋtsɛ kɛya naanɔ wala mli yɛ Yesu Kristo, wɔNuŋtsɔ lɛ, hewɔ.

Romabii 6:14

Ejaakɛ esha naŋ nyɛnɔ hewalɛ, ejaakɛ jeee Mla shishi nyɛyɔɔ, shi moŋ dromɔ shishi nyɛyɔɔ.

Romabii 6:18

Ni akɛni akpɔ̃ nyɛ yɛ esha dɛŋ lɛ, nyɛtsɔ̃mɔ jalɛ tsuji.

Romabii 6:22

Shi agbɛnɛ lɛ, ni akpɔ̃ nyɛ yɛ esha dɛŋ ni nyɛtsɔ̃mɔ Nyɔŋmɔ tsuji nɛɛ, nɔ ni nyɛnaa kɛjɛɔ mli ji krɔŋkrɔŋfeemɔ, ni enaagbee ji naanɔ wala.

Romabii 7:21

Belɛ minaa mla ko akɛ mi ni misumɔɔ akɛ mafee nɔ ni hi lɛ, efɔŋ moŋ kpɛtɛ mihe.

Romabii 7:23

shi minaa mla kroko yɛ mihe nii lɛ amli ni kɛ mla ni kɛ mijwɛŋmɔ yaa lɛ wuɔ ta, ni eŋɔɔ mi nom ehãa esha mla lɛ ni yɔɔ mihenii lɛ amli lɛ.

Romabii 7:4

Minyɛmimɛi, nakai nɔŋŋ nyɛ hu atsɔ̃ Kristo gbɔmɔtso lɛ nɔ ahã nyɛgboi yɛ Mla lɛ gbɛfaŋ, ni nyɛtsɔ̃mɔ mɔ kroko ni ji mɔ ni atee lɛ shi kɛjɛ gbohii ateŋ lɛ nii, koni wɔwo yibii wɔhã Nyɔŋmɔ.

Romabii 8:1

No hewɔ lɛ, agbɛnɛ fɔ ko fɔ ko bɛ ni abaabu mɛi ni yɔɔ Kristo Yesu mli lɛ.

1 Korintobii 15:45

Nakai aŋma hu akɛ, “Adam ni ji klɛŋklɛŋ gbɔmɔ lɛ tsɔ̃ susuma ni hiɛ kã;” naagbee Adam lɛ tsɔ̃ mumɔ ni hãa mɔ yi naa wala.

2 Korintobii 3:17

Shi Nuŋtsɔ lɛ ji Mumɔ lɛ, ni he ni Nuŋtsɔ lɛ Mumɔ lɛ yɔɔ lɛ, jɛi heyeli yɔɔ.

2 Korintobii 3:6

lɛ ehã wɔtsɔ̃mɔ mɛi ni sa akɛ akɛfee kpãŋmɔ hee lɛ sɔ̃ɔlɔi, jeee nɔ ni aŋma shi moŋ Mumɔ nɔ; ejaakɛ nɔ ni aŋma lɛ gbeɔ mɔ; shi Mumɔ lɛ hãa mɔ yi naa wala.

Galatabii 2:19

Ejaakɛ mi lɛ mitsɔ̃ Mla lɛ nɔ migbo yɛ Mla lɛ gbɛfaŋ, koni mihiɛ akã ahã Nyɔŋmɔ.

Galatabii 5:1

Kristo ehã wɔye wɔhe, no hewɔ lɛ, nyɛdamɔa shi shiŋŋ, ni nyɛkahãa abɔa nyɛ nyɔŋyeli apã lɛ dɔŋŋ.

Galatabii 6:2

Nyɛjatsui lɛ nyɛkpeekpea nyɛhe kɛterea, ni nɛkɛ gbɛ nɔ nyɛaatsɔ nyɛye Kristo mla lɛ nɔ.

Yakobo 1:25

Shi mɔ ni kwɛɔ heyeli mla ni hi kɛwula shi lɛ fitsofitso ni ekãa he efeɔ ni ejeee mɔ ni nuɔ ni ehiɛ kpaa nɔ, shi moŋ etsuɔ he nii lɛ, nakai mɔ lɛ aaajɔɔ lɛ yɛ efeemɔ lɛ mli.

Kpojiemɔ 11:11

Ni gbii etɛ̃ kɛ fã lɛ sɛɛ lɛ wala mumɔ jɛ Nyɔŋmɔ ŋɔɔ ba amɛmli, ni amɛte shi amɛdamɔ amɛnaji anɔ, ni gbeyei kpeteŋkple mɔmɔ mɛi ni na amɛ lɛ.

Kpojiemɔ 22:1

Ni etsɔ̃ɔ mi walanu faa ni hiɛ kpɛlɛɔ tamɔ kristalo ni jɛ Nyɔŋmɔ kɛ Toobi lɛ maŋtsɛ sɛ̃i lɛ mli.