Romabii 8:11 - ŊMALƐ KRƆŊKRƆŊ LƐ

¹¹ Shi kɛ mɔ ni tee Yesu shi kɛjɛ gbohii ateŋ lɛ mumɔ lɛ hiɔ nyɛmli lɛ, mɔ ni tee Kristo shi kɛjɛ gbohii ateŋ lɛ aaahã nyɛgbɔmɔtsei ni baagboi lɛ hu yi ana wala yɛ eMumɔ ni hiɔ nyɛmli lɛ hewɔ.

Ṅmãle̱ Kroṅkroṅ Le̱

¹¹ Ši ke̱dši moni tē Iesu ši ke̱-dše̱ gbohĩĩ ateṅ le̱ Mumo̱ le̱ hĩo̱ nyemli le̱, moni tē Kristo ši ke̱-dše̱ gbohĩĩ ateṅ le̱ aahã nyegbomotšei ni bagboi le̱ hũ yi aná wala ye̱ Emumo̱ ní hĩo̱ nyemli le̱ hewo̱.

Romabii 8:11 ပူးပေါင်းရင်းမြစ်များ

Yesaia 26:19

Omɛi ni egboi lɛ ahiɛ aaatsɛ̃, ni amɛgbɔmɔtsei lɛ aaate shi. Ao nyɛ su mli bii, nyɛhiɛ atsɛ̃a, ni nyɛlaa kɛ miishɛɛ! Ejaakɛ obɔ ni nyɔɔ lɛ, bɔ ni kpɛlɛɔ ni, ni ooohã gbohii lɛ ate shi.

Ezekiel 37:14

Mikɛ miMumɔ lɛ baawo nyɛmli, ni wala baaba nyɛmli, ni maŋɔ nyɛ kɛya nyɛ diɛŋtsɛ nyɛshikpɔŋ lɛ nɔ. Kɛkɛ lɛ nyɛbaale akɛ mi, Yehowa, mi, mikɛɛ, ni mifee hu.” Yehowa kɛɛ.

Yohane 14:17

Hefatalɔ ni ji anɔkwale Mumɔ lɛ ni je lɛ nyɛɛɛ lɛ aŋɔ, ejaakɛ enaaa lɛ ni asaŋ eleee lɛ lɛ; shi nyɛ lɛ nyɛle lɛ, ejaakɛ ekɛ nyɛ yɔɔ, ni eyɛ nyɛmli.

Yohane 5:21

Ejaakɛ bɔ ni Tsɛ lɛ teɔ gbohii ashi ni ehãa amɛ wala lɛ, nakai nɔŋŋ Bi lɛ hu hãa mɛi ni esumɔɔ lɛ wala.

Bɔfoi 2:24

Shi Nyɔŋmɔ tee lɛ shi ni efɛne lɛ kɛjɛ gbele piŋmɔi lɛ amli, akɛni gbele nyɛŋ enaa etsi lɛ.

Romabii 16:10

Nyɛŋaa Apele mɔ ni he emɔ shi yɛ Kristo mli lɛ. Nyɛŋaa mɛi ni jɛ Aristobulo shĩabii lɛ ateŋ lɛ.

Romabii 16:3

Nyɛŋaa Priskila kɛ Akwila, ni ji minanemɛi nitsulɔi yɛ Kristo Yesu mli lɛ, nyɛhãa mi;

Romabii 16:7

Nyɛŋaa Androniko kɛ Yunia, miwekumɛi ni awo mi kɛ amɛ tsuŋ ni amɛyɔɔ gbɛi yɛ bɔfoi lɛ ateŋ ni amɛtsɔ̃ mihiɛ yɛ Kristo mli lɛ.

Romabii 16:9

Nyɛŋaa Urbano ni ji wɔnaanyo nitsulɔ yɛ Kristo mli lɛ, kɛ misuɔlɔ Staki.

Romabii 6:12

No hewɔ lɛ, nyɛkahãa esha miiyea nyɛgbɔmɔtso ni baagbo lɛ nɔ maŋtsɛ, ni nyɛbo lɛ toi yɛ ekɔnɔi lɛ amli;

Romabii 8:1

No hewɔ lɛ, agbɛnɛ fɔ ko fɔ ko bɛ ni abaabu mɛi ni yɔɔ Kristo Yesu mli lɛ.

Romabii 8:12

No hewɔ lɛ, agbɛnɛ, anyɛmimɛi, nyɔjiatsɛmɛi ji wɔ, shi jeee heloo lɛ nyɔmɔ wɔhiɛ ni wɔɔhi shi yɛ heloo naa.

Romabii 8:2

Ejaakɛ mumɔ mla ni hãa wala yɛ Kristo Yesu mli lɛ ekpɔ̃ mi yɛ esha kɛ gbele mla lɛ dɛŋ.

Romabii 8:9

Nyɛhiii shi yɛ heloo naa, shi moŋ mumɔ naa nyɛhiɔ shi yɛ, kɛji Nyɔŋmɔ Mumɔ lɛ hiɔ nyɛmli lɛ. Shi kɛ mɔ ko bɛ Kristo Mumɔ lɛ, belɛ jeee Kristo nɔ ji lɛ.

1 Korintobii 15:16

Ejaakɛ kɛ ateee gbohii ashi lɛ, belɛ Kristo hu ateee lɛ shi.

1 Korintobii 6:14

Nyɔŋmɔ tee Nuŋtsɔ lɛ shi kɛjɛ gbohii ateŋ; ni ebaatee wɔ hu shi yɛ ehewalɛ naa.

2 Korintobii 4:11

Ejaakɛ wɔ ni wɔhiɛ kãmɔ nɛɛ, daa nɛɛ atu wɔ awo gbele dɛŋ yɛ Yesu hewɔ, koni Yesu wala lɛ hu aje kpo yɛ wɔgbɔmɔtsei ni baagboi lɛ amli.

2 Korintobii 4:14

ejaakɛ wɔle akɛ mɔ ni tee Nuŋtsɔ Yesu shi lɛ, eeetee wɔ kɛ Yesu shi, ni ekɛ wɔ kɛ nyɛ fɛɛ aaadamɔ lɛ Nyɔŋmɔ lɛ ehiɛ.

2 Korintobii 5:4

Ejaakɛ wɔ ni wɔyɔɔ buu lɛ mli lɛ hu, akɛni wɔhe jaraa wɔ hewɔ lɛ, wɔdɔ̃mɔɔŋtsɔi, ejaakɛ wɔsumɔɔɔ akɛ ajie wɔhenii, shi moŋ wɔsumɔɔ akɛ awo wɔ nii ashwie nɔ, koni wala lɛ ami nɔ ni gboɔ lɛ.

Galatabii 6:8

Ejaakɛ mɔ ni duɔ nii yɛ lɛ diɛŋtsɛ eheloo mli lɛ, eheloo lɛ mli nɔŋŋ ebaakpa fitemɔ kɛjɛ; shi mɔ ni duɔ nii yɛ Mumɔ mli lɛ, Mumɔ lɛ mli nɔŋŋ ebaakpa naanɔ wala kɛjɛ.

Efesobii 2:5

ni wɔ ni kulɛ gbohii ji wɔ yɛ nɔtɔmɔi amli lɛ, etsiɛ wɔ kɛ Kristo fɛɛ hiɛ, dromɔ akɛhere nyɛyiwala!

Filipibii 3:21

Lɛ ebaatsake wɔgbɔmɔtso ni hiɛ bɛ nyam lɛ koni etamɔ enunyam gbɔmɔtso lɛ su, yɛ ehewalɛ nitsumɔ ni ekɛnyɛɔ eŋɔɔ nibii fɛɛ ewoɔ eshishi hu lɛ naa lɛ.

Hebribii 13:20

Shi hejɔlɛ Nyɔŋmɔ lɛ, mɔ ni jie toi lɛ akwɛlɔ kpeteŋkple ni ji wɔNuŋtsɔ Yesu kɛjɛ gbohii ateŋ yɛ naanɔ kpãŋmɔ lɛ lá lɛ mli lɛ,

1 Petro 1:21

Nyɛtsɔ̃ enɔ nyɛheɔ Nyɔŋmɔ, mɔ ni tee lɛ shi kɛjɛ gbohii ateŋ ni ewo ehiɛ nyam lɛ nɔ nyɛyeɔ lɛ, no hewɔ lɛ, nyɛhemɔkɛyeli kɛ nyɛhiɛnɔkãmɔ yɛ Nyɔŋmɔ mli.

1 Petro 3:18

Ejaakɛ Kristo hu na amanehulu yɛ eshai ahewɔ shi kome, lɛ jalɔ lɛ yɛ mɛi ni ejaaa lɛ anajiaŋ, koni ekɛ wɔ aya Nyɔŋmɔ ŋɔɔ. Ni agbe lɛ yɛ heloo gbɛfaŋ moŋ, shi ahã lɛ wala yɛ mumɔ gbɛfaŋ.

Kpojiemɔ 1:18

kɛ hiɛkãalɔ lɛ. Migbo, ni naa, mihiɛ kã kɛmiiya naanɔi anaanɔ, ni mihiɛ gbele kɛ gbohiiaje naa samfei lɛ.

Kpojiemɔ 11:11

Ni gbii etɛ̃ kɛ fã lɛ sɛɛ lɛ wala mumɔ jɛ Nyɔŋmɔ ŋɔɔ ba amɛmli, ni amɛte shi amɛdamɔ amɛnaji anɔ, ni gbeyei kpeteŋkple mɔmɔ mɛi ni na amɛ lɛ.