Romabii 8:10 - ŊMALƐ KRƆŊKRƆŊ LƐ

¹⁰ Shi kɛ Kristo yɛ nyɛmli lɛ, no lɛ gbɔmɔtso lɛ egbo yɛ esha hewɔ nɛ, shi Mumɔ lɛ hiɛ kã, yɛ jalɔi ni abu nyɛ lɛ hewɔ.

Ṅmãle̱ Kroṅkroṅ Le̱

¹⁰ Ši ké̱ Kristo ye̱ nyemli le̱, no le̱ gbomotšo le̱ egbo ye̱ eša hewo̱; ši mumo̱ le̱, wala ni, ye̱ dšale̱ hewo̱.

Romabii 8:10 ပူးပေါင်းရင်းမြစ်များ

3 Mose 13:40

“Kɛji nuu ko yi kpa yɛ eyisɛɛ lɛ, yikpataatsɛ ji lɛ, shi ehe tse.

Yohane 14:23

Yesu here nɔ ni ekɛɛ lɛ akɛ, “Kɛji mɔ ko miisumɔ mi lɛ, eeeye miwiemɔ lɛ nɔ, ni miTsɛ aaasumɔ lɛ, ni wɔɔba eŋɔɔ, ni wɔkɛ lɛ aaahi shi.

Yohane 15:5

“Mi ji waintso lɛ, nyɛ ji niji lɛ. Mɔ ni hiɔ mimli ni mi hu mihiɔ emli lɛ, lɛ ewoɔ yibii pii; ejaakɛ kɛjeee miŋ lɛ nyɛnyɛŋ nɔ ko nyɛfee.

Yohane 17:23

Miyɛ amɛmli, ni bo hu oyɛ mimli, koni amɛfee ekome kɛwula shi, ni je lɛ ale akɛ bo otsu mi, ni osumɔɔ amɛ tamɔ osumɔɔ mi lɛ.

Yohane 4:14

shi mɔ ni nuɔ nu ni mi mahã lɛ lɛ, kumai yeŋ lɛ dɔŋŋ kɛaatee naanɔ; shi moŋ nu ni mahã lɛ lɛ aaatsɔ̃ nu hiŋmɛi ni baa kɛyaa naanɔ wala mli yɛ emli.”

Yohane 6:54

Mɔ ni yeɔ miheloo ni enuɔ mila lɛ, eyɛ naanɔ wala, ni mi lɛ matee lɛ shi yɛ naagbee gbi lɛ nɔ.

Yohane 6:56

Mɔ ni yeɔ miheloo ni enuɔ mila lɛ, ehiɔ mimli, ni mi hu mihiɔ emli.

Romabii 5:12

Agbɛnɛ, gbɔmɔ kome nɔ esha tsɔ̃ kɛba je lɛ mli, ni gbele tsɔ̃ esha nɔ kɛba. Bɔ ni fee nɛ ni gbele lɛ tsɛŋe gbɔmɛi fɛɛ, ejaakɛ amɛ fɛɛ amɛfee esha lɛ.

Romabii 5:21

koni bɔ nɔŋŋ ni esha lɛ ye maŋtsɛ yɛ gbele mli lɛ, nakai nɔŋŋ dromɔ lɛ atsɔ̃ jalɛ nɔ aye maŋtsɛ kɛya naanɔ wala mli yɛ Yesu Kristo, wɔNuŋtsɔ lɛ, hewɔ.

Romabii 8:11

Shi kɛ mɔ ni tee Yesu shi kɛjɛ gbohii ateŋ lɛ mumɔ lɛ hiɔ nyɛmli lɛ, mɔ ni tee Kristo shi kɛjɛ gbohii ateŋ lɛ aaahã nyɛgbɔmɔtsei ni baagboi lɛ hu yi ana wala yɛ eMumɔ ni hiɔ nyɛmli lɛ hewɔ.

1 Korintobii 15:45

Nakai aŋma hu akɛ, “Adam ni ji klɛŋklɛŋ gbɔmɔ lɛ tsɔ̃ susuma ni hiɛ kã;” naagbee Adam lɛ tsɔ̃ mumɔ ni hãa mɔ yi naa wala.

2 Korintobii 13:5

Nyɛkaa nyɛ diɛŋtsɛ nyɛhe nyɛkwɛa akɛ nyɛyɛ hemɔkɛyeli lɛ mli lo? Nyɛtaoa nyɛ diɛŋtsɛ nyɛmli nyɛkwɛa. Aloo nyɛleee yɛ nyɛ diɛŋtsɛ nyɛhe akɛ Yesu Kristo yɛ nyɛmli? Kɛ nyɛleee nakai lɛ, mɛi ni esaaa kwraa ji nyɛ.

2 Korintobii 4:11

Ejaakɛ wɔ ni wɔhiɛ kãmɔ nɛɛ, daa nɛɛ atu wɔ awo gbele dɛŋ yɛ Yesu hewɔ, koni Yesu wala lɛ hu aje kpo yɛ wɔgbɔmɔtsei ni baagboi lɛ amli.

2 Korintobii 5:21

Ejaakɛ mɔ ni leee esha lɛ, wɔhewɔ lɛ ehã etsɔ̃ esha, koni wɔ lɛ wɔtsɔ̃mɔ Nyɔŋmɔ jalɛ yɛ emli.

Galatabii 2:20

Asɛŋ mi kɛ Kristo; hewɔ lɛ jeee mi mihiɛ kã dɔŋŋ, shi Kristo ni hiɛ kã yɛ mimli; shi mihiɛ ni kã yɛ heloo mli agbɛnɛ nɛɛ, Nyɔŋmɔ Bi lɛ ni sumɔ mi ni ekɛ ehe hã yɛ mihewɔ lɛ nɔ hemɔkɛyeli mli mihiɛ kã yɛ.

Efesobii 3:17

ni atsɔ̃ hemɔkɛyeli nɔ ni Kristo ahi shi yɛ nyɛtsuii amli, ni nyɛshishifã amɔ shi ni nyɛma shi shiŋŋ yɛ suɔmɔ mli.

Filipibii 1:23

shi miihao yɛ nibii enyɔ nɛɛ ateŋ; miishwe ni maje mli ni mikɛ Kristo ayahi shi, ejaakɛ no hi aahu;

Filipibii 3:9

ni ana mi yɛ emli, akɛ mibɛ mi diɛŋtsɛ mijalɛ ni jɛ Mla mli, shi moŋ jalɛ ni tsɔ̃ Kristo nɔ hemɔkɛyeli nɔ ni jɛ Nyɔŋmɔ dɛŋ yɛ hemɔkɛyeli naa miyɔɔ,

Kolosebii 1:27

Ni Nyɔŋmɔ sumɔ akɛ ahã amɛle nɔ ni ji nɛkɛ teemɔ sane nɛɛ anunyam falɛ lɛ yɛ jeŋmaji lɛ ateŋ. Teemɔ sane nɛɛ ji akɛ Kristo yɛ nyɛmli koni nyɛna anunyam lɛ hiɛnɔkãmɔ lɛ.

1 Tesalonikabii 4:16

Ejaakɛ lɛ Nuŋtsɔ lɛ diɛŋtsɛ baakpleke shi kɛjɛ ŋwɛi yɛ oshebɔɔ mli ni ŋwɛi bɔfonukpa gbee kɛ Nyɔŋmɔ tɛtɛrɛmantɛrɛ baagbɛɛ, ni gbohii ni yɔɔ Kristo mli lɛ tsutsu baate shi,

Hebribii 12:23

kɛ kromɔbii ni aŋma amɛgbɛii yɛ ŋwɛi lɛ asafo lɛ he nyɛba. Kɛ Nyɔŋmɔ ni ji mɛi fɛɛ akojolɔ lɛ, kɛ jalɔi ni ehi kɛwula shi lɛ amumɔi lɛ,

Hebribii 9:27

Gbii abɔ ni ekã shi ehã gbɔmɛi akɛ shi kome amɛgboiɔ, shi no sɛɛ lɛ abaakojo amɛ lɛ,

Kpojiemɔ 14:13

Ni minu gbee jɛ ŋwɛi miikɛɛ mi akɛ, “Ŋmaa: Ajɔɔ gbohii lɛ ni gboiɔ yɛ Nuŋtsɔ lɛ mli lɛ kɛjɛ ŋmɛnɛ nɔ kɛyaa nɛɛ. Hɛɛ, Mumɔ lɛ kɛɛ, koni amɛjɔɔ amɛhe kɛjɛ amɛdeŋmegbomɔi lɛ amli ejaakɛ amɛnitsumɔi lɛ nyiɛɔ amɛsɛɛ.”