Romabii 8:1 - ŊMALƐ KRƆŊKRƆŊ LƐ

¹ No hewɔ lɛ, agbɛnɛ fɔ ko fɔ ko bɛ ni abaabu mɛi ni yɔɔ Kristo Yesu mli lɛ.

Ṅmãle̱ Kroṅkroṅ Le̱

¹ Nohewo̱ le̱ *agbe̱ne̱ fo̱bū ko fo̱bū ko be̱ ni ake̱-babu mei ní yo̱ Kristo Iesu mli (mei ní †enyiee helo na, ši moṅ mumo̱ nā ame̱nyieo̱) le̱. *K. 31-39. †K. 4.

Romabii 8:1 ပူးပေါင်းရင်းမြစ်များ

Yesaia 54:17

Shi tawuunii ko kwraa bɛ ni asɔ̃ ni aaanyɛ bo awui aye. Ooona hetoo oha wiemɔ fɛɛ wiemɔ ni aaawie ashi bo. Enɛ ji nɔ ni asaa ato. Yehowa tsuji agboshinii kɛ amɛjalɛ ni jɛ midɛŋ lɛ.” Yehowa kɛɛ.

Ezekiel 18:9

Ebaa ejeŋ yɛ mikpɔi lɛ anaa, ni eyeɔ mimlai lɛ anɔ pɛpɛɛpɛ. Nɛkɛ gbɔmɔ lɛ jalɔ ji lɛ, eyi aaana wala kɛ̃, Nuŋtsɔ Yehowa kɛɛ.

Yohane 14:20

Nakai gbi lɛ nɔ lɛ nyɛ diɛŋtsɛ nyɛaale akɛ miyɛ miTsɛ mli, ni nyɛ hu nyɛyɛ mimli, ni mi hu miyɛ nyɛmli.

Yohane 15:4

Nyɛhia mimli, ni mi hu mahi nyɛmli. Tamɔ bɔ ni tso nine nyɛŋ awo yibii lɛ diɛŋtsɛ akɛ ja ema waintso lɛ he lɛ, nakai nyɛ hu nyɛnyɛŋ akɛ ja nyɛhi mimli.

Yohane 5:24

“Anɔkwale mikɛɔ nyɛ akɛ, mɔ ni nuɔ miwiemɔ ni eheɔ mɔ ni tsu mi lɛ eyeɔ lɛ, eyɛ naanɔ wala, ni ebaŋ kojomɔ mli, shi moŋ efo mli yɛ gbele mli kɛtee wala mli.

Romabii 16:3

Nyɛŋaa Priskila kɛ Akwila, ni ji minanemɛi nitsulɔi yɛ Kristo Yesu mli lɛ, nyɛhãa mi;

Romabii 16:7

Nyɛŋaa Androniko kɛ Yunia, miwekumɛi ni awo mi kɛ amɛ tsuŋ ni amɛyɔɔ gbɛi yɛ bɔfoi lɛ ateŋ ni amɛtsɔ̃ mihiɛ yɛ Kristo mli lɛ.

Romabii 5:1

Agbɛnɛ akɛni adamɔ hemɔkɛyeli nɔ abu wɔ bem hewɔ lɛ, wɔ kɛ Nyɔŋmɔ teŋ yɛ hejɔlɛ kɛtsɔ̃ wɔNuŋtsɔ Yesu Kristo nɔ.

Romabii 5:16

Ni srɔto yɛ Nyɔŋmɔ nɔkeenɔ lɛ kɛ esha ni tsɔ̃ mɔ kome nɔ kɛba lɛ mli; ejaakɛ mɔ kome he esha ni akojo lɛ, ehebuamɔ lɛ fee fɔbuu; shi dromɔ ni jɛ mɛi pii anɔtɔ̃mɔ mli lɛ tsɔ̃ bembuu.

Romabii 7:17

Belɛ agbɛnɛ jeee mi mitsuɔ no dɔŋŋ, shi moŋ esha ni hiɔ mimli lɛ tsuɔ.

Romabii 7:20

Shi kɛ nɔ ni misumɔ̃ɔɔ lɛ kɛ̃ mifeɔ lɛ, belɛ jeee mi mitsuɔ no dɔŋŋ, shi moŋ esha ni yɔɔ mimli lɛ tsuɔ.

Romabii 8:11

Shi kɛ mɔ ni tee Yesu shi kɛjɛ gbohii ateŋ lɛ mumɔ lɛ hiɔ nyɛmli lɛ, mɔ ni tee Kristo shi kɛjɛ gbohii ateŋ lɛ aaahã nyɛgbɔmɔtsei ni baagboi lɛ hu yi ana wala yɛ eMumɔ ni hiɔ nyɛmli lɛ hewɔ.

Romabii 8:14

Ejaakɛ mɛi abɔ ni Nyɔŋmɔ Mumɔ lɛ kpalaa amɛ lɛ, amɛ amɛ ji Nyɔŋmɔ bii.

Romabii 8:2

Ejaakɛ mumɔ mla ni hãa wala yɛ Kristo Yesu mli lɛ ekpɔ̃ mi yɛ esha kɛ gbele mla lɛ dɛŋ.

Romabii 8:34

Namɔ ji mɔ ni buɔ fɔ lɛ? Kristo, mɔ ni gbo, shi nɔ ni fe no lɛ, mɔ ni atee lɛ shi ni eyɔɔ Nyɔŋmɔ ninejurɔ nɔ, ni esaa edamɔɔ mli ehãa wɔ lɛ?

Romabii 8:39

ŋwɛi jio, shishi jio, aloo nibii ni abɔ lɛ amli nɔ kroko jio, amɛnyɛŋ amɛgbala wɔ kɛ Nyɔŋmɔ suɔmɔ ni yɔɔ Kristo Yesu, wɔNuŋtsɔ lɛ, mli lɛ mli.

Romabii 8:4

koni afee Mla lɛ taomɔnii ni ja lɛ yɛ wɔmli, wɔ mɛi ni wɔnyiɛɛɛ heloo naa, shi moŋ mumɔ naa wɔnyiɛɔ lɛ.

Romabii 8:9

Nyɛhiii shi yɛ heloo naa, shi moŋ mumɔ naa nyɛhiɔ shi yɛ, kɛji Nyɔŋmɔ Mumɔ lɛ hiɔ nyɛmli lɛ. Shi kɛ mɔ ko bɛ Kristo Mumɔ lɛ, belɛ jeee Kristo nɔ ji lɛ.

1 Korintobii 1:30

Shi lɛ ejɛ ni nyɛyɔɔ Kristo Yesu, mɔ ni tsɔ̃ nilee ni jɛ Nyɔŋmɔ ŋɔɔ kɛ jalɛ kɛ hetsuumɔ kɛ kpɔ̃mɔ ehã wɔ lɛ mli;

1 Korintobii 15:22

Ejaakɛ tamɔ bɔ ni Adam mli ni mɛi fɛɛ gboiɔ yɛ lɛ, nakai nɔŋŋ kɛ̃ Kristo mli lɛ aaahã mɛi fɛɛ yi ana wala yɛ.

2 Korintobii 12:2

Mile gbɔmɔ ko yɛ Kristo mli. Afii nyɔŋma kɛ ejwɛ nɛ lɛ, ashá nɛkɛ gbɔmɔ nɛɛ kɛtee ŋwɛi ni ji etɛ̃ lɛ; ashá lɛ ni eyɛ gbɔmɔtso mli jio, mileee; ebɛ gbɔmɔtso mli jio, mileee; Nyɔŋmɔ le.

2 Korintobii 5:17

Hewɔ lɛ, kɛ mɔ ko yɛ Kristo mli lɛ, bɔɔnɔ hee ji lɛ; blema nii lɛ eho; naa, nibii fɛɛ etsɔ̃mɔ ehee.

Galatabii 3:13

Kristo kpɔ̃ wɔ kɛjɛ Mla lɛ loomɔ lɛ mli, akɛni etsɔ̃ loomɔ ehã wɔ lɛ, ejaakɛ aŋma akɛ, “Alomɔ mɔ fɛɛ mɔ ni tsotsoro tso nɔ lɛ;”

Galatabii 3:26

Ejaakɛ nyɛ fɛɛ lɛ Nyɔŋmɔ bii ji nyɛ yɛ Kristo Yesu mli kɛtsɔ̃ hemɔkɛyeli lɛ nɔ;

Galatabii 3:28

Yudanyo bɛ lɛ, Helanyo hu bɛ dɔŋŋ; nyɔŋ bɛ lɛ, odehe hu bɛ dɔŋŋ; nuu bɛ lɛ, yoo hu bɛ dɔŋŋ: ejaakɛ nyɛ fɛɛ lɛ mɔ kome ji nyɛ yɛ Kristo Yesu mli.

Galatabii 5:16

Shi nɔ ni mikɛɔ ji, “Nyɛnyiɛa yɛ Mumɔ naa, ni nyɛfeŋ heloo akɔnɔi lɛ anaa nii.”

Galatabii 5:25

Kɛji wɔhiɛ kã yɛ Mumɔ lɛ naa lɛ, nyɛhãa wɔnyiɛa yɛ Mumɔ lɛ naa hu.

Efesobii 1:1

Paulo ni ji Yesu Kristo bɔfo yɛ Nyɔŋmɔ suɔmɔ naa lɛ ŋma yahã mɛi krɔŋkrɔŋi ni ji heyelɔi yɛ Kristo Yesu mli ni yɔɔ Efeso lɛ:

Filipibii 3:9

ni ana mi yɛ emli, akɛ mibɛ mi diɛŋtsɛ mijalɛ ni jɛ Mla mli, shi moŋ jalɛ ni tsɔ̃ Kristo nɔ hemɔkɛyeli nɔ ni jɛ Nyɔŋmɔ dɛŋ yɛ hemɔkɛyeli naa miyɔɔ,