Romabii 7:7 - ŊMALƐ KRƆŊKRƆŊ LƐ

⁷ Belɛ te wɔɔkɛɛ tɛŋŋ? Aso Mla lɛ esha ni? Dabida! Shi moŋ jeee Mla lɛ hewɔŋ kulɛ mileee esha; ejaakɛ kulɛ mileee nɔ ni ji hiɛkɔ̃ɔ, kɛjeee Mla lɛ kɛɛ akɛ, “Ohiɛ akakɔ̃ nii anɔ.”

Ṅmãle̱ Kroṅkroṅ Le̱

⁷ Bĕle̱ té wo̱o̱kē̱ tēṅ? Aso mla le̱ ešaṅ? Dabida! Ši moṅ, dšee mla le̱ he-wo̱ṅ kũle̱ milee eša; edšake̱ kũle̱ milee noni dši hĩekō̃, kē̱ dšee *mla le̱ kē̱ ake̱: “Ohĩe akakõ nii ano̱.” *2 Mose 20,17.

Romabii 7:7 ပူးပေါင်းရင်းမြစ်များ

1 Mose 3:6

No hewɔ lɛ be ni yoo lɛ na akɛ tso lɛ hi hã yeli ni efeɔ hiŋmɛi akɔnɔ ni tso lɛ baa mɔ tsine ni ehãa mɔ leɔ nii lɛ, etse enɔ yibii lɛ eko ni eye ni ehã ewu lɛ ni kɛ lɛ yɔɔ lɛ hu eko ni eye.

2 Samuel 11:2

Gbi ko gbɛkɛnaashi blɛoo mli lɛ, David ete shi kɛjɛ wɔ mli, ni eeshara shi yɛ maŋtsɛ we lɛ tsu lɛ yiteŋ, ni ejɛ jɛi ni ena yoo ko ni miiju ehe. Kɛji okwɛ yoo nɛɛ lɛ ehe yɛ fɛo jogbaŋŋ naakpa.

Lalai 119:96

Mina akɛ nɔ fɛɛ nɔ yɛ naagbee, shi okitã lɛ, ebɛ naagbee.

2 Mose 20:17

“Ohiɛ akakɔ̃ onaanyo nɔ ko nɔ, eshĩa jio, eŋa jio, ewenuu jio, eweyoo jio, etsina jio, eteji jio, enɔ kroko jio, ohiɛ akakɔ̃ nɔ.”

Mika 2:2

Amɛhiɛ kɔ̃ɔ ŋmɔji anɔ, ni amɛshɔ̃ɔ; amɛhiɛ kɔ̃ɔ shĩai anɔ, ni amɛŋɔɔ. Mɔ ko mɔ ko gboshinii kɛ ewe fɛɛ bɛ shweshweeshwe.

Mateo 5:28

Shi mi lɛ, miikɛɛ nyɛ akɛ, mɔ fɛɛ mɔ ni kwɛɔ yoo ni ehe feɔ lɛ akɔnɔ lɛ, ekɛ lɛ efite gbãlã momo yɛ etsui mli.

Luka 12:15

Ni ekɛɛ amɛ akɛ, “Nyɛkwɛa jogbaŋŋ ni nyɛhiɛ ahia nyɛhe nɔ yɛ hiɛjoomɔi srɔtoi fɛɛ ahe; ejaakɛ jeee gbɔmɔ nii ni ena ni eteke nɔ lɛ mli ewala yɔɔ.”

Luka 20:16

Eeeba ebakpãtã nɛkɛ okwaafoi nɛɛ ahiɛ, ni ekɛ waintrom lɛ aaahã mɛi krokomɛi.” Shi be ni amɛnu lɛ, amɛkɛɛ, “Enɛ akagbale wɔ fɔ̃ŋfɔ!”

Bɔfoi 20:33

Mihiɛ ekɔ̃ɔɔ nyɛteŋ mɔ ko jwiɛtɛi loo shika loo atade nɔ.

Romabii 13:9

Ejaakɛ kɛji akɛɛ akɛ, “Kaafite gbãlã! Kaaju! Ohiɛ akakɔ̃ nɔ ko nɔ!” Ni kɛ kitã kroko hu yɛ lɛ, fɛɛ hɔ nɛkɛ wiemɔ nɛɛ ni ji “Suɔmɔ onaanyo tamɔ bɔ ni osumɔɔ bo diɛŋtsɛ ohe” lɛ mli.

Romabii 3:20

Ejaakɛ adamɔŋ Mla lɛ nitsumɔ nɔ abuŋ gbɔmɔ ko gbɔmɔ ko bem yɛ ehiɛ; ejaakɛ Mla nɔ atsɔ̃ɔ aleɔ nɔ ni ji esha.

Romabii 3:5

Shi kɛji wɔja ni wɔjaaa lɛ hãa Nyɔŋmɔ jalɛ lɛ jeɔ kpo lɛ, te wɔɔkɛɛ tɛŋŋ? Aso Nyɔŋmɔ nɔ ejaaa kɛji emlifu ba wɔnɔ lɛ? (Miiwie akɛ gbɔmɔ).

Romabii 4:1

Belɛ mɛni wɔɔkɛɛ akɛ Abraham ni ji wɔtsɛ yɛ heloo gbɛfaŋ lɛ na mɔ?

Romabii 4:15

Mla lɛ kɛ Nyɔŋmɔ mlifu baa, shi he ni mla bɛ lɛ, mlatɔ̃mɔ hu bɛ.

Romabii 5:20

Shi Mla lɛ babote mli koni nɔtɔmɔ lɛ afa kɛteke nɔ. Shi he ni esha fa yɛ lɛ, dromɔ lɛ fa kɛteke nɔ yɛ jɛi,

Romabii 6:15

Belɛ mɛni? Aso wɔfee esha akɛni wɔbɛ mla shishi shi dromɔ moŋ shishi wɔyɔɔ lɛ? Dabida!

Romabii 7:11

Ejaakɛ esha lɛ na hegbɛ kɛtsɔ̃ Mla lɛ nɔ eshishiu mi, ni ekɛ no nɔŋŋ gbe mi.

Romabii 7:13

Aso belɛ nɔ kpakpa lɛ etsɔ̃ gbele ehã mi lo? Dabida! Shi moŋ, bɔ ni afee ni esha lɛ aje shi akɛ esha; ni ekɛ nɔ kpakpa lɛ nɔŋŋ tsɛ gbele ehã mi, koni esha lɛ atsɔ̃ kitã lɛ nɔ atsɔ̃ esha kɛteke nɔ.

Romabii 7:5

Ejaakɛ be ni wɔhi shi yɛ wɔgbɔmɔfɔmɔ su lɛ naa lɛ, eshai ahe akɔnɔi lɛ tsɔ̃ɔ Mla lɛ nɔ tsuɔ nii yɛ wɔhenii lɛ amli ni wɔkɛwo yibii wɔhã gbele.

Romabii 7:8

Shi esha lɛ tsɔ̃ kitã lɛ nɔ ena hegbɛ ni eteɔ akɔnɔi fɛɛ ashi yɛ mimli; ejaakɛ kɛ Mla bɛ lɛ esha hu egbo.

1 Korintobii 15:56

Shi gbele gãi lɛ ji esha; ni esha hewalɛ ji Mla lɛ.

Efesobii 5:3

Shi ajwamãŋbɔɔ kɛ nyaŋemɔ nitsumɔ fɛɛ loo hiɛjoomɔ lɛ akatsĩ tã tete yɛ nyɛteŋ, tamɔ bɔ ni sa mɛi krɔŋkrɔŋi.

5 Mose 5:21

“‘Ohiɛ akakɔ̃ onaanyo nɔ ko nɔ ko nɔ; eŋa jio, eshĩa jio, eshikpɔŋ jio, ewenuu jio, eweyoo jio, etsina jio, eteji jio, nɔ fɛɛ nɔ ni ji onaanyo nɔ nɔ.’

Kolosebii 3:5

No hewɔ lɛ, nyɛgbea nyɛhenii ni yɔɔ shikpɔŋ lɛ nɔ lɛ: ajwamãŋbɔɔ, nyaŋemɔ nitsumɔ, mlila, akɔnɔ fɔŋ, kɛ hiɛjoomɔ ni ji wɔŋjamɔ lɛ.

1 Tesalonikabii 4:5

jeee yɛ akɔnɔ hiɛdɔɔ mli, tamɔ bɔ ni jeŋmajiaŋbii ni leee Nyɔŋmɔ lɛ feɔ lɛ.

Hebribii 7:19

ejaakɛ Mla lɛ hãaa nɔ ko nɔ ko aye emuu, shi agbɛnɛ ahã hiɛnɔkãmɔ ni hi fe no eba, nɔ nɔ ni wɔtsɔ̃ɔ wɔbɛŋkɛɔ Nyɔŋmɔ.

Yoshua 7:21

Mina Babilon mama fɛɛfɛo ko kɛ jwiɛtɛi ni tsiimɔ ji shekeli ohai enyɔ kɛ agbɛnɛ shika ŋmiiŋmi antɛle kome ni tsiimɔ ji shekeli nyɔŋmai enumɔ yɛ ofɔ̃yeli nibii lɛ ateŋ; mihiɛ kɔ̃ nibii nɛɛ anɔ, ni mikɔlɔ. Mikɛ jwiɛtɛi lɛ hɔ nibii nɛɛ ashishi, ni mifu fɛɛ yɛ mibuu lɛ teŋ tuuŋtu.”